Phuarin ka awm si!

July 1st, 2010 10:22 am by kawlhawk

Ka Pa,
I fa dik tak ka ni. Nangmah avangin he khawvel èng ka lo hmu a, nangma hming min pèk ngei pû-in ka lo sei lian a, thing delh loh lung delh loh chu– kum 2010 hial ka lo chuangkai ve ta! Tunah zet chuan Zofate zinga hming lar ber leh hriat hlawh ber satliah mai nilo, sawi hlawh ber ka lo ni ta! Mi te beisei ber leh ér-tute enthlak ber tih theih hial khawpa lar ka lo ni ta! I fapa hi Zoram khawvela lar ber, lar namemlo-a lar ka lo ni ta! Mahse, phuarin ka awm si!

Ka Pa,
Kei, I fapa hi, a chhuan pawh min chhuang na-rawh! Englai pawhin, i kalna apiangah ka hming i lam a, i chan a chhe dawn nia i hriat apiangin ka hming i sawi a, i tan a phét dawn ni-a i hriat apiangin tanfungah min hmang a, i lungngaih apiangin inhnem nan min hmang bawk a. Lungngaihna a ta hlimna, beidawnna a ta beiseina neitu, I Pathian nung engkim tithei-a meuh pawh theihnghilh thakin, ka hming chu engkima engkim, lalna leh thuneihna channa hmanraw tha ber niin i hria a, ka lo va ropui tehlul em! Mahse, phuarin ka awm si!

Ka Pa,
I fapa hi mi’n en teh, lal i nih tirh a ta vawiin thleng hian che thei loin min siam a, chutih laiin Zoram mipui zawng zawng hian ngaiin min au a sin. Min ngai ngawi ngawih a, ka hming an lam chamchi ta reng mai. An runsang kai a, an zinga chèng ve a tan min beisei takzet tawh a, nghakhlel takin min thlir reng tawh a sin. Chu hun ngei chu Zoram ringtute hian an lal, Lal Isua meuh lo kal lehna aimah pawhin an nghakhlel takzet tawh a sin! An thlir nitin hial a sin! Mahse, phuarin ka la awm si!

Ka Pa,
Ka hming avangin hming thatna tamtak i khum a, fakna tamtak i dawng a, hamthatna tamtak i dawng tawh thin a. Ka hming avangin ngainat i lo hlawh fo tawh a, ka hming avangin i hming chu fak-in a lo awm fo tawh a, ka hming avangin dinhmun sáng taka dingin LAL THUTPHAH-ah hial i thut tak hi! Mahse, phuarin ka awm si!

Ka Pa,
Keimah vangin Zoram mirethei te’n suangtuahna thar an nei a, beiseina thar nen hma lam thlirin, duhthu an sam mek a, kuthnathawktu te’n hlawhtlinna kawl éng lo thleng tur chu thlirin an sêp rawtui mek bawk a, an hnen ka thlen hlan nghakhlel takin min thlir nitin a sin. Mahse, phuarin ka awm si!

Ka Pa,
Vawiin thleng hian ka phuar i phelh ta si lo a, he’ng mipui, min nghakhlel ngawih ngawihtute hi engtin nge kan chhan zel dawn le? I intiam tawh ngei si a, an phun lungawi mai mai chuan ka ring lo. Kan pha rei thei ngut ang maw? Ka hming hi sawichhiat leh deusawha a awm ai chuan NLUP ti-a ka hming i lo sak hi thai bo la, hming thar min pe mai ta che. Ka thlunna hi phelh mawlh teh, min ngaisangtu te an va lawm dawn em! Keima lam chu ka inpeih ta, I inpeih ve tawh mai lo’m ni? Hetianga min phuar tlat chuan ka hming NLUP avanga LAL THUTPHAH luahtu kha, ka hming avang vékin HNUH THLAK in la i awm ngei ang tih ka hlau hlel lo e. Ka thu nise, nang ngaichang rèng réng a ni leh thla hman liam ai chuan heng, min thlahlel ngawih ngawihtu, Zoram mirethei tè tè te hnen thleng thuai turin a límin ka lìm tawh ngei ang. Mahse, phuarin ka awm si!

88 Responses to “Phuarin ka awm si!”

Showing 38 of 88 comments — the earlier comment pages were not captured when this site was archived.

51
kawlhawk Says:
July 1st, 2010 at 2:00 pm
Mr.duhlo, Min ti zak tawh teh suh :lol:

D_au, Ka lawm a, ka nuih a za bawk :lol:

RaLtE, Hringmi ka ni :lol:

badboy leh jewel kha hau s’u, phuar an ni ve lo a nih kha :lol:
52
mzvision Says:
July 1st, 2010 at 2:02 pm
Phuar phelhna hmanrua tura ka rinte
1) Mipui te duhthlan tir hian a in kawlkalh nasa lutuk her rem a ngai
2)Sum duh ang tawk a la awm lo ani thei
3)Road map mumal leh land Use Plan duan zawh a la ni lo
4)Rules leh act tranchhan turte pawh tihfel tur a la awm trul
5)Market survey poh hi a lo har ani duhthu a la sam lo ani ange
6)Dept enkawltu tur hrang hrang te conflict of interest a la awm hi siam rem a la trul thei
7)hmanhmawh ai chuan Plan mumal fel nise titute an thu rin. Risk laka sem mai mai hlawhchham tir duhte nawrna a la tlang loh vang

Ka lawme
53
Lersia Says:
July 1st, 2010 at 2:02 pm
@Hanc #23 Dam tawk tawk e. sory for late reply. kan buai deuh a lawm mawle.
54
Jewel Says:
July 1st, 2010 at 2:11 pm
@atom c keipo ka nei ve ngai lovang alom phur deu va ka check thut :lol:
55
Lersia Says:
July 1st, 2010 at 2:34 pm
@^-||RaLtE||-^ #43 @ Kawlhawk a hi mi ah mi namai a ni nem le, in ngaitlawm thu hnuai rawlh leh nunnem mi, in hnialna atthlak tak tak a phul ve bulh ngailo, a tum thelh lo a sawi chat chat mi, ni in ka hria e… ka sawi kim hauh lovang tih chu ka ring hei hi ka hmuh theih a langsar zual te chauh a ni e.

Tin, a hmel chhiat ang hu in nupui a nei hmeltha anti :!: :!: :lol:
56
kawlhawk Says:
July 1st, 2010 at 2:39 pm
#56 lersia le(h)! Hahaha…
57
dr_feelgood Says:
July 1st, 2010 at 2:53 pm
Phelh te u, Phelh mawlh te u.
@emroj.. I confi hle mai hi ka lawmpui a che, tuna cheng vaibelchhia zo zai pawh hian hlawh tlin pui ka huphurh khawp mai, kei misual hian.
58
^-||RaLtE||-^ Says:
July 1st, 2010 at 3:18 pm
#56 Lersia: kawlhawk chu hmeltha lutuk. Pa lutuk mawle, Jewel hian hmu se chuan badboy, badboy a ti a ti peih toh miah lovang.
59
kawlhawk Says:
July 1st, 2010 at 3:36 pm
Thianpa RaLtE hian fanu a nei duhawm raps an ti :lol:
60
Devil18 Says:
July 1st, 2010 at 3:41 pm
Ka hul… NLUP tha mi
61
century child Says:
July 1st, 2010 at 4:03 pm
He sava hi chu a hramthiam tak zet a ni.
62
chawnghilh Says:
July 1st, 2010 at 4:18 pm
Hetiang sensitive subject-a rawn inrawlh duh lo hote hi an Congress nghet rih fu an ti!
63
Fonz Says:
July 1st, 2010 at 4:35 pm
a tha hle mai, kan k kawla ziah chu a
64
keimah Says:
July 1st, 2010 at 4:50 pm
E thianpa kawlhawk, phuara awm thu lam ni mahse a thlun phelh ang pur purin thu chu i phuah khawm thiam bawk si! I dek nalh thin e!

NLUP chungchangah hi chuan mihlim da lam ang mai ka ni..ka hul!
65
XaiA Says:
July 1st, 2010 at 5:02 pm
A ngaihnawm hle mai,kawlhawk hi a ril zek a nia aw.
66
kawlhawk Says:
July 1st, 2010 at 5:06 pm
Pu keimah, Nang meuhin min han fak(der?) chu ka lawm e. Thuthiam/Mithiam/Miril ho in bengchheng tha duh si lo a, ka’n ti ve nawk2 ani e. Hman zan chu i blog-ah kan nu ka zin pui, Misual Charity te kha kan chhiar dun, a lunglenthlak takzet.
67
emaroj™ Says:
July 1st, 2010 at 5:10 pm
@dr_feelgood
min lawmpuia, keipoh ka lawm e.

NLUP Budget 2000 crores atang hian 10% (Rs.200 Crores) hian ka hlawhtlin ka rin theihna chhan te chu:
1. Sum hi ka sem ngawt lovang.
2. Thlai triak leh a chi sem nan chiah ka hmang ang. (Agri deptt. hian kumkhat ah thlaichi triak semna atan Rs.1 crores poh an seng tlinglo)
3. Marketing chiang tur chiah ka chin tir ang (i.e Rubber, Turmeric etc).
4. A marketing a that dawn chuan NLUP ngai re re lovin sawhthing pawh kan ching huks mai a lawm.
5. A rate hi helai(Mizoram leh cachar vai ho) siam ring lo hian Mainland India ami rate hlirin ka lei theih dawn avangin a tha thawkhat hle ang. Rail a ron thlen phei chuan a aia rate tha lehzual pawn ka leisak thei ang (transportation cost avangin).
6. Ranvulh hi 2% vel bak thlan tir lovang.

Ka confi nachhan pawh Commodity Market ah ka trade theih dawn avang a ni. A rate a that chuan NLUP sum ring lo hian dinchhuahna a awm khawp. (Ka rindan ve tho a nih hi, ka hlawhtling ngei ngei dawn tihna a ni bik lo )
68
Zephenath Says:
July 1st, 2010 at 5:36 pm
@Badboy&Jewel: Phuara ka awmloh nan Bail phalna ka la tawh tih kha hre reng ula
69
badboy Says:
July 1st, 2010 at 5:41 pm
#59@^-||RaLtE||-^: hahai :lol: :lol:
70
Jewel Says:
July 1st, 2010 at 5:41 pm
@Zephenath nangni ang milian chin te chu in tang mualpho ve hman ngai tak2 reng hleinem :lol:
71
badboy Says:
July 1st, 2010 at 5:42 pm
@Zephenath:Bawhchhiatna zeptute chu an hmuingil lovang a, zep lova inpuang a hawisantute chuan zahngaihna an hmu ang. (Thuf. 27:13)
72
Zephenath Says:
July 1st, 2010 at 5:43 pm
@jewel: Milian leh lianloh lam a ni lo! Dil rawh u, pekin in awm ang tih a nih kha… duh chuan dil ve mai tur! ahhhaaha :roll:
73
Jewel Says:
July 1st, 2010 at 5:50 pm
@Zephenath Anticipatory bail chu a free a lak top theih em ni? Nge a man pek angai?? engtiang chiah a lak chi nge??
74
Zephenath Says:
July 1st, 2010 at 5:55 pm
@jewel: a free leh free loh lam ni lovin.. a dil chuan an hmu zel a ni lawm ni :lol:
75
Jewel Says:
July 1st, 2010 at 5:59 pm
@Zephenath va dil top ila, “engvangin nge i lak du a?” mnlo ti se engtin ne ka ti ang a? Delhi ka zin a ngai a ka ti mei don mi?
76
Zephenath Says:
July 1st, 2010 at 6:01 pm
@jewel: awwwwwwwwww i lakduh chhan te chu i sawi ve bawk ang chu… chhan nei lovin engmah a tihtheih loh hi.. a free tih lemah Condom leh Hriau thianghlim an sem ang em em hi chu ni bik lo ve ahhahhhaa
77
Fetta Says:
July 1st, 2010 at 6:03 pm
Aw hawwwww… an in ngaizawnglai ka phawk e… ehhh
78
Jewel Says:
July 1st, 2010 at 6:22 pm
@Fetta khamrang i silh ange o..a chempui tat hriam in alo kal ange :lol: Zephenath hi first chauh a thiam amo ni ka tia, thil dang2 po alo thiam a, mamo ve thut takin ka tia, thil ka lo jot chiang vel mei2 lom
79
Fetta Says:
July 1st, 2010 at 6:25 pm
EHHHH
80
Fonz Says:
July 1st, 2010 at 6:27 pm
kawlhawka tah hla ti chi ani misual.comtically in … Jeremiah tah hla tih kan hriat chhuah chu a
81
As_Khiangte Says:
July 1st, 2010 at 7:16 pm
kawlhawk tak hi chu awww, i va han thiam thrin tak em, tlangval rual ila ngaihzawng thuhmun nei ila chan a chhe duh reuh ngawt ang

NLUP hi chu uluk a ngaih em avang hian dawh thei takin i nghak hram2 teh ang u, 50% tal pawhin hlawhtling se kan ram hian a thratpui dawn si a.
82
H.Vangchhia Says:
July 1st, 2010 at 7:19 pm
chhuah nalh thei viau zel a ni
83
kawlhawk Says:
July 1st, 2010 at 7:20 pm
Mipui lam nghahhlelh vang ngawta NLUP hi an sem vut2 anih chuan a hlawhtling chuanglo ang. Marawh chu, an mahni(Sorkar) lam inpeihloh vang leh engemaw mai2 avanga “a dawn thleng…chu ti kha ti…” ti a, an pawt khawtlai mai2 anih chuan, ‘Phuar phelh duh mipuite’ an inhawrkhawm ang a, engemaw boruak chu an hmachawn ngei angai ang. NLUP avang Vote tute anni si a.
84
Atom c Says:
July 1st, 2010 at 7:23 pm
NLUP hi ( ka ngaihdan mai mai) a hlawhtlin teh lua ka ring leh tlat lo mai, 20% a hlawhtlin chuan a lawmawm ngawt ang ka ti zawk asin…hei aia policy tha hi chu a awm ang mawle… :roll:
85
bucko Says:
July 1st, 2010 at 11:25 pm
thu thiam hlemai…NLUP ka ngaihdan: sorkar hian NLUP hi a sem lawk in ka ring lo,tunah hian lalthuhphah luahna tur hmanruia ah an hmang tawh a, mipui lam in peih mahse tuna an sem chuan Vote thlak hun ala hla deuh hlek a, chuavngin inbuatsaih ala ngai a ni. 2012 velah chuan an sem tan hman anga, 2013 ah Vote thlak a lo hun tan chiah bawk anga… LAL lehna hmanrua atan a nin chaw be viau lovang maw…. te ti ila….he..he..he:-)
86
Saitawk Says:
July 2nd, 2010 at 12:39 am
@kawlhawk : Ngaihdan tamtak ka neih phah a, tawite a sawi ka thiam silo. I post ka chhiar zawh a ka rilru a lang chu Chiah puam kha a ni. Chiah puam leh NLUP kha inzawmzat in a lar a nia.
Chiah puam khan tah leh ha thialna bak a thlen ta lo a nih hi.
87
Diktea_Pa Says:
July 2nd, 2010 at 12:50 am
@kawlhawk “Ka Pa” tia au hian a ziaktu rilru hi hria se zawng “Kheng bet rawh” a ti zawk mai a ngem aw?
88
Ku Muanga Says:
July 2nd, 2010 at 3:20 am
@Diktea_Pa,