He post hi ka rawn tarlang daih tawh in ka hria a; ka computer a chhiat avangin ka en leh lawk hman silova; tunah ka han tarlang nawn leh a ni e. In mi hriatthiamna ka ngen e. Ka lawm e.
1st. Saturday: Aizawl hmun hrang hranga khawlaia motor hun man leh mipa lu meh mante chu tihsan anni.
2nd. Sunday: Kolasib damdawi inah nausen mak danglam tak a pianga; a pian hlim hian tawng thei nghalin, “Tun atanga hun reiloteah hian naupang kum thum chin hnuai lam teah natna hrik a leng dawna; hemi laka inven lawk nan mahni in kawngkapui ding lam banpui bulah lei laiin, chutah chuan meihawl ang deuh thil dum hnip deuh a lo awm anga; chu chu ei sela a tha,” a ti niawmin an sawi. Naupang nei tamtakin an laia; mak tak maiin a tam zawkin an lai chhuak zel a ni. He naupang hi he thu a sawi zawh hian a thi lehnghal niin an sawi.
3rd. Monday: National Student’s Union of India (NSUI) Mizoram State chuan Chief Minister Bangla-ah Higher Secondary School Leaving Certificate (HSSLC)-a subject tina top ten-a tlingte lawmpuina an hlan. He hunah hian Chief Minister Pu Lal Thanhawla chu khuallian a nia; Education Minister Pu Lalsawta chu khual zahawm a ni.
4th. Tuesday: YMA Central Executive Committee (CEC) Central YMA Hall-a thukhawm chuan tunlaia drug hluar thar leh mek tihrem a nih theih nan an kumpuan ‘Khawtlang nun siamthat’ tih nena inhmeh tak turin sorkar puih an rel.
5th. Wednesday: Mizoram Government Contract Employees chuan Parliamentary Secretary Pu Lal Thanzara an hmua; mass regularisation chungchang an thlen.
6th. Thursday: Kawnpui Police-te chuan Parvon spas mum 2,168 leh a neitua puh, Lalhmingsanga (20) s/o Vanlalsiama, Dinthar Veng Aizawl chu an mana; thubuai siamsak nghal a ni.
7th. Friday: Mizo hmeichhe zaithiam lar, a zaithiam em avanga ‘Zoawi Lelte’ tih hial, Vanlalruati (56) chu zanin dar 7:15 khan New Life Hospital, Aizawlah cancer natna avangin a boral.
8th. Saturday: Lai Women Association General Conference rorel bawhzuiin LWA General Headquarter, Lawngtlai hruaitute chuan Central YLA mual sir laiah thing tiak an phun. He hun hi LADC-a Art&Culture Officer H.Lalruatkima’n a ho a ni.
9th. Sunday: Kum 33 lai inhmu tawhlo leh thi tawh nia ngaih Khawtinkhuma Chinzah (56), tuna Jimmy Christ King lo ni tate chungkua chu a u C.Thankunga, Jt. Secrectary to Governor leh a nau Dokulha, Sub-Divisional Industries Officer-te chuan a awmna Silliguri atangin Gauhati Mizoram House an thlenpui.
10th. Monday: Aizawl khawlaia motor hun man tun thla ni khat atanga hman chu ‘uchuak lutuk’ tia au an tam avangin Mizoram sorkar chuan tisang tho siin a aia hniam deuh zawkin an siam tha. A rate thar hi naktuk atanga hman tan turin ruahmanna an siam nghal a ni.
11th. Tuesday: Education Minister Pu Lalsawta chuan kumin Higher & Technical Education Department-in Technical Entrance Exam a buatsaiha result niamnai lo lutuk chungchangah mawhphurtu nia inngaiin Chief Minister Pu Lal Thanhawla hnenah banna a thehlut.
12th. Wednesday: JL Higher Secondary School, NSS Unit chuan Aizawl Civil Hospital-ah thisen unit 91 an pea; thisen petute hi mipa 73 leh hmeichhia 18 anni.
13th. Thursday: Truck handyman Emanuel-a (22) Kolasib Tuitha Veng chu Hunthar Venga leitla hniamah a thawhna motor (truck) MZ 01F 4367-in a chil hlum.
14th. Friday: Rescue for Christ Ministry (R4CM) office leh Beiseina Gospel Channel chu Sports Minister Pu Zodintluanga’n a hawng. Beiseina Gospel Channel hi englai pawha (24 hrs.) tihchhuah tur niin ZONET TV Channel pakhat a ni ang.
15th. Saturday: India chhiarpui 2011 chu State thenkhatah an tan mawp mawp tawh laiin Mizoramah bikah chuan CM Bangla-ah Chief Minister Pu Lal Thanhawlate nupa hming lehkhabua ziakluta tan a ni.
16th. Sunday: National Taekwondo Poomsae Championship, Surat, Gujarat-a vawiina neih zawh takah Mizoram Junior Team-te chuan Gold-2, Silver-2 leh Bronze-1 lain a tumthumna atan an champion. He Championship-ah hian India ram State hrang hrang atangin infiam mi 322 zet an fuankhawm a ni.
17th. Monday: Education Minister Pu Lalsawta’n kar hmasa Thawhlehni a(11th. May) Chief Minister hnena banna a thehluh chu CM-in a ‘Kan hotupa Pu Lalsawta’n ama tih ni miah lova mawhphurhna a la ngam hian thil dik a tan ngam zia a tilanga; chuvangin ka tihtur zawng zawng ka tia; ka ngaihtuaha; a banna hi ka pawmlo a ni’ tia Inrinni kal taa a sawi avangin a hna a zawm leh.
18th. Tuesday: Mizo Student Union bultumin zirlai hote’n Mizoram University (MZU) Vice Chancellor AN Rai chu a pisa kai tur a kawtah an lo danga; hei vang hian zirlai engemaw zat chu police-te’n manin pawl anga thiamloh chan hleihtheih lohna Mizoram sorkar chuan a chhuah lehnghal.
19th. Wednesday: Chief Minister Pu Lal Thanhawla birthday vawi 72-na a nia; Prime Minister Manmohan Singh-in lawmpuina leh duhsakna a rawn hlan.
20th. Thursday: Aizawl khawpuia taxi intlanchhawk chungchanga Gauhati High Court, Mizoram Bench-a thubuai thehluh chu ngaihtuah a nia; Mizoram sorkar-in thiam a chang.
21st. Friday: New Market-a Police Beat Duty-te chuan helai vela ruihhlo ti thin mipa 20 leh hmeichhia 7 an man. Heng an mi mante hi heng lai vela rui chunga an au bengchhen thin vang a ni. Lock up-ah dah nghal anni.
22nd. Saturday: Mizo zinga mit doctor hmasa ber Dr. Lalsangluaia Sailo chu cancer natna avangin a boral.
23rd. Sunday: India ram hmun dangte rualin UPSC Civil Services premilinary exam chu Mizo HSS-ah neih a nia; mi 167-in exam hi an hmachhawn a ni.
24th. Monday: Mizorama HIV/AIDS vanga boral tawhte hriatrengna leh HIV laka invenna lama inzirtirna atan Vanapa Hall-ah ‘Mizoram Candle Lighting Campaign of Positive Activism’ vawi ngana hman a nia; Parliamentary Secretary Pu Lal Thanzara leh MSACS Project Director Dr.Eric Zomawiate’n an hmanpui.
25th. Tuesday: Union Home Minister P.Chidambaram chuan lehlangin Mizoram a rawn tlawh. Minister hian mi pawimawh hrang hrangte a kawm hnuin lokal leh ngei a tum thu sawiin Thuampui Helipad atangin New Delhi panin a thlawk liam nghal a ni.
26th. Wednesday: Governor MM Lakhera chuan Raj Bhavan-ah Mizoram Kohhran Hruaitute Committee (MKHC) leh tlawmngai pawl hrang hrang hruaitute kawmin tunlai Mizoram boruak a thlirpui.
27th. Thursday: Association for Volluntary Blood Donation (AVBD) Mizoram leh Mizoram State AIDS Control Society (MSACS) tangkawp chuan I&PR Auditorium-ah ni hnih awh tur ‘State Level Workshop on Blood Donor Recruitment and Traning of Motivators’ an buatsaiha; an pawl patron Pu Lalrinliana Sailo, Health Minister-in a hmanpui.
28th. Friday: Art&Culture Minister Pu Pc Zoramsangliana chuan a office-ah P.Rohmingthanga IAS (Retd.) lehkhabu ziah, Compendium of Standing Orders of the Superitendents of Lushai Hills 1904-1921′ tih chu a tlangzarh.
29th. Saturday:Federation of Motor Sports Clubs of India hriatpuinaa neih tur Sidvin FMSCI Indian National Motorcycle Racing Championship, June ni 4-6 2010 chhunga Chennai-a neih tura tel turin Bethlehem Vengthlang tlangval Lalawma chuan Mizoram a chhuahsan.
30th. Sunday: Presbyterian Kohhrana Pavalaite chuan nizan atanga Chanmari Kohhran Biak Ina Revival Meet an hman chu a tiak ta. He meet hmang hian Zoram hmun hrang hrang atangin pavalai thahnem tak an tel a ni.
31st. Monday: World No Tobacco Day a nia; Aizawlah chuan Chanmari YMA Hall-ah Mizoram State Tobacco Control Society bultumin hman a nia; Chief Secretary Pu Vanhela Pachuauin a hmanpui.
Similar Posts:
- June 2008 Mizoram Diary
- September 2008 Mizoram Diary
- August 2008 Mizoram Diary
- October 2008 Mizoram Diary
- June 2009, Mizoram Diary
July 5th, 2010 at 1:02 pm
Iti thra e..
Report this comment
July 5th, 2010 at 1:03 pm
2nd. Sunday thlil thleng chu dangdai ve hle mai.
Report this comment
July 5th, 2010 at 1:06 pm
2nd Sunday chu ava mak ve a tak2 ni maw
Report this comment
July 5th, 2010 at 1:09 pm
Kei Kolasib a awm hian ka hre hauh lo nia…
Report this comment
July 5th, 2010 at 1:11 pm
2nd sunday hi ka voi 1 hriatna. An earthline(meihawl leh chi) te an lo ei vel mai2 ani zawk lo maw? Kolasib hospital a ka nurse thiante hian an zep nge ni anga an sawi lo ve hrim2 zawk le….. Ka’n zawt nghal teh ang.
7th. Pi Vanlalruati(Zoawi lelte) ka ui hlemai.. Tunah pawh a hla ka ngaithla mek.
Report this comment
July 5th, 2010 at 1:11 pm
Ka awih zawng zu ni ve leh tlat pek lova.. :!:
Report this comment
July 5th, 2010 at 1:11 pm
nia mak khawp mai, tu fahrin nge niang le?
Report this comment
July 5th, 2010 at 1:15 pm
@The Real; Tak2 a nih leh nih loh lo zawt chhuak la. chanchin kimchang rawn post teh a.. Nang a hmunthu ah.
Report this comment
July 5th, 2010 at 1:17 pm
@Mortique , a ho ka ti ru riau a. Nia ka lo zawt kual a nge. Nurse hmelhriat te pawh ka neih ve kha maw??
Report this comment
July 5th, 2010 at 1:19 pm
Ni e The Real hriatchian han tum teh. tiang hi chu ka hmuh ve kher loh hi chuan ka awih lo ve tawp mai zel.
Thu mak pui2 vawrh darh ching hi an awm ve ania
Report this comment
July 5th, 2010 at 1:30 pm
Piang dik zan lo chu a awm a. Mahse hetiang lam chu an awm ka hre lo a ti… Belhchiang a dawl lo ang.
Report this comment
July 5th, 2010 at 1:32 pm
@ The Real, a ni vel ang, ti tha khups mai. A awihawm lo tlats.
Chhana khian khawia tanga a hriat nge aww??
Report this comment
July 5th, 2010 at 1:35 pm
a awihawm lemloh khawp mai 2nd sunday khi chu pian hlim a tawng theih nghal thu a awmlo hrim2 a
a tawngtheih thlak e mai 
Report this comment
July 5th, 2010 at 1:36 pm
A lawmawm ltk e… Tih dik a va that mai hmel ve.
Report this comment
July 5th, 2010 at 1:39 pm
@Mortique, tih dik pawh angaih vak loh khi, tikhian lo awm ve rawh se
‘niin an sawi’ tih mai mai anih khi 
Report this comment
July 5th, 2010 at 1:40 pm
Tuman an hre lo nia…ka thian te ho pawn.
Report this comment
July 5th, 2010 at 1:40 pm
chhana hian enge sawi tur a neih o.. Thu belhchian dawl lo nge niang, amah chhana hian a hre chiang viau le o?
Report this comment
July 5th, 2010 at 1:40 pm
Chhana i ti tha e!
Report this comment
July 5th, 2010 at 1:48 pm
chhana hian a post a kal deuh nan a ti a ni mai angem..?? akekekekek…
Report this comment
July 5th, 2010 at 1:50 pm
2nd sunday chuh..haha,’ka nu khawimaw kuhva chu’ a ti tel hial lo maw,kur3
Report this comment
July 5th, 2010 at 2:11 pm
Ka nurse thiante 3 ka zawt kual ve a, min lo nuih top…. “Piang diklo a awm a, a tawng techu sawiloh, a tah pawh a tap theilo” anti…
Report this comment
July 5th, 2010 at 2:26 pm
Ha ha ha ha……..
Report this comment
July 5th, 2010 at 8:35 pm
#Namenloa i hre dik ang,…. Hetiang thil mak deuh roh, “an ti” tih vel hi chu ka awih zawng hi ani thlawt lo,…..dah mai a.
Report this comment
July 11th, 2010 at 2:07 am
Bilkhawthlir a ka zin laia an sawi a nia; Bilkhawthlirah phei chuan an awih lutuk. Ka phuahchawp a ni lova; mi sawi ka hriat a ni e. A lai ve tu Kualmawi nu ho pawh ka hre teuh mai. Ka awih vak lo naa; an sawi miau sia.
Report this comment