Media chu enge?
Mihringin hriatna kan inhlanchhâwnna hmanruate hi Media kan tih chu a ni ber a. Media chuan khawl hmanga inbiakpawhna hmanrua chi hrang hrang leh thuziak hmanga hriatna kan inhlanchhâwnnate pawh hi a huam vek a. Media hi mihring nuna bet tlat, mihring nun khawih a nih avang hian a pawimawh hle a ni.
Media hi Print Media leh Electronic Media-in an then a. Print Media kan tih chu thuziak chhiar chiho zawng hi a ni mai a. Chanchinbu chi hrang hrang leh lehkhabute hi print media zinga langsar zual an ni. Electronic Media kan tih chu khawl hmanga hriatzauna emaw inbiakpawhna hmanrua ho hi a ni. Television, mobile phone, computer, internet-te hi Electronic Media langsar zualte an ni.
Mahni chauh pawhin min awmtlei:
Tunlai chhanah chuan internet leh mobile phone hmang tein nula leh tlangval kan inrim tawh a. Nileng zankhua pawhin mahni In chhuahsan miah loin kan tlei tawk tawh! Mobile Phone hmangin Pune, Delhi, Bangalore-a mi pawh kan kawm thei a, internet-ah lah khawih sen loh a awm a, TV lamah lah Reality Show hmuhnawm zet a awm deuh reng bawk a, chu chuan mahni chauh pawhin min awmtlei a. Chung zawng zawng ai chuan KTP Activity hi a ‘boring’ zawk vek leh nghal! Rawngbawlnaa kan chian loh chuan media hian kan rawngbawlna a eichhe telh telh ang!
Media-in rawngbawlna a tha zawnga a nghawng dân :
Cable TV-ah Pathian thu channel-te a awm a, heng hian nasa takin rawngbâwlnaah min pui thei a. Tin, Seminar, Sermon, Bible study etc. kan neih dâwn pawhin internet atang awlsam takin kan zawng zung zung thei a, chuchuan rawngbâwlnaah min pui a ni.
Tin, mobile phone pawh hi rawngbawlna atan a tangkai hle. Sub Committee, Branch, Group etc. Committee koh nan tea kan hman tak zel avangin a tangkai hle a. Hlazir naah zir hman si lo, thiam loh hlau bawk si tena an tih thin dân chu an phone-a ‘voice recorder’-ah an hlazir an record a, office-ah te, inah te an ngaithla leha a tha phian mai!
Media-in rawngbawlna a chhe zawnga a nghawng dân :
Thil tha a awm chuan thil chhia a awm thin. Chelsea, Manchester, Arsenal-te inkhel a chhuah dawn chuan inkhawm loh mai hi mipa lam chuan an hreh hauh lo ang. Vai, Korean Serial dar 8 vela a chhuah dâwna inkhâwm bân tlai vanga tûm haw hi engzat tak ni maw? Computer Games kan khelh châk vang leh Internet khawih duh vanga K.T.P hlazir thulh ta hi engzat fakau nge ni tawh ang? Kan hmuh, kan hriat, kan tawh hi a tam ber chu media a nih avangin rawngbâwlnaah pawh thui tak a nghawng lo thei lo a ni.
Engtin nge kan lo dawnsawn ang?:
Khawvel changkanna hi lo do emaw khap ngawt chi a ni lo. Kan duh emaw duh lo emaw min nghawng dawn tho tho! K.T.P, Group, Branch rawng kan bâwl chuan chu miah chuan kan tawp ang a, heng media mai mai pawh hian kan rawngbâwlna a tibuai ang! Pathian rawng bâwl kan ni tih kan hriat thung chuan khawvel thil, changkanna leh kan chhehvel hian KTP-te rawngbawlna hi a tibuai ngai lo ang.
Similar Posts:
- Free Online Business Directory for Mizoram by Click Media
- Hmeichhe tan bik
- Film lehlin/ Media – Tawng uluk a ngai.
- TUNLAI TECHNOLOGY LEH THALAITE
- TUNLAI TECHNOLOGY LEH ṬHALAITE
July 11th, 2010 at 2:14 am
Hetiang thu thehdarh tu te avang hian a lawm rilru chhe lutuk British ho pawh huat aiin kan la ngaihsan zawk em em fo ni :evil:
Mizoram hi inkhawm leh Kohran thil neuh2 hi a tam lutuk avang hian mimal intih hlimna te chhungkua a awm ho hun te thlengin min neih tlem tir lutuk. Mahni in aiin inpawn lam thil tih ah kan thalai te min tui tir a, pawn lamah tangkai viau in lamah mahni khum pawh khuh tha peihlo/hmanlo emaw anni leh fo lawi si.
Pawn lamah thalai ten chaw an ei lova, mahni inah an ei tho, inchhung thil sekrek tih erawh nu leh pa te pui hman reng an awm meuh lo. I sawi ang khian inkhel en pawh kohran chuan a sawisel hial maithei a ni. Kohran program tam lutuk hi kei ka helh teh mai ania.
Report this comment
July 11th, 2010 at 2:17 am
Hei tunah pawh a nghawng that em vangin computer kan chhu zut zut a nih hi.
Report this comment
July 11th, 2010 at 2:29 am
A chhe zawng a tam ang bawka a that zawkna a tam ve tho avangin kan hnawl ngawt thei lovang. Media hi a tha. A hmangtu kan pawimawh thung a ni. Hei hi ka ngaihdan a ni. Dendrite tak ngial pawh chhiatpui duh an awm a, Media chu chhiatpui tawk chu an awm ngei ang. Chuvangin a chhiatna lam hi dahthain a thatna lam hi chawi nung zel ang u. Internet, TV, Mobile Phone, News Paper tel lo chuan nun hi a kim mawlh tawh lo chu a nih hi!!
Heng zawng zawng tello hian hman deuh kha chuan nuam ti takin kan lo nung ve tho. Mahse, tunah hi chuan a theih ta lo a ni.
Report this comment
July 11th, 2010 at 2:34 am
OT pawimawh, apology.
Aizawl veng pakhat leh Sairang ho in hmachhawn kha enge ni ta zel le aw, in tual vuak an tum a nih awm kha mawle. Azl veng zawk te chuan mipa zawng2 kal vek tur tiin an tlangau a, nu ho chiah inah an awm a ni awm e. Chanchin hria in awm em? darkar 7 liamta khan Sairang lam an pan thla…
Report this comment
July 11th, 2010 at 2:44 am
Mickey chu post tha khawp mai. Pawn chhuah tam nge, inchhunga awm tam tha zawk… Pu H.V-a opposition leader-ah hmang ta ila. Point kan hmusang viau mai thei.
Report this comment
July 11th, 2010 at 2:53 am
Mapui, pawn chhuah hun a awm, inchhung awm hun a awm. Mizoram kohran inenkawl dan khi chu zantin thalai te pawn chhuah tir a ni deuh ber awm e. Chhungkua a zanriah eikham ti ti ho hman pawh an awm lo, kei ka duh baulo. Debate ngaiah pawh ka hrelo
Azl pa ho leh Sairang pa ho hi an hliam phung tawh maithei ania aw. 
#4 khi min hrilh thei in awm nange
Report this comment
July 11th, 2010 at 2:54 am
Nie tiraw hetilam hawi hi sawi ni thin mahse tuman thu leh hla tak ah hian kan khuk pui teh chiam lo zawng anih hi, thil hi chu athat na leh that loh na in zat duh khwp a, atha lam hawi zawng a kan lam tham hi apawi mawh reng ani.
Report this comment
July 11th, 2010 at 3:00 am
Kan ram zoram hi hanen chuan kan changkan na hi kan lahmang thiam lo tih a lang chiang thei hle ani, chu vangin a tha zawng a kan hman theih na tur in misual.com member te itang tlang ang u…!!
Report this comment
July 11th, 2010 at 3:33 am
Media lam hian Mizoram eiruk na kal thuk tawh zia te hi puang chhuak dum dum ngam se ka van ti tak em. Khawtlang ah an la inthlahrung miah lo zui lehnghal.
Report this comment
July 11th, 2010 at 6:22 am
A pawimawh zia ngaihtuah hian kan hmang tangkai thiam thin lova pawi tak ani.
Nizan ‘Chaltlang leh Sairang chanchin kal zel kha enge?’ hriat a chakawm hle mai.
Report this comment
July 11th, 2010 at 6:30 am
‘Chaltlang leh Sairang ho chu police lam nen inbia in nizan dar 9 vel khan Chaltlang ho an haw ‘tiin chanchin ka mi zawh chuan a sawi
Report this comment
July 11th, 2010 at 7:31 am
@hanc an buaina to bul a chepakaia chhui in min han hrilhfiah la mawle.
Report this comment
July 11th, 2010 at 7:52 am
@Lersia Ni e a chakawm khawp mai,ka hna atng hian ka bang anga kan chhui tak tak dwn em ni aw…….nang ka my dear Watson lo ni la….
Report this comment
July 11th, 2010 at 9:43 am
Hetiana duhthlan tur a awm hian rawngbawlna kan ngaipawimawh tak tak nge tih a chiang mai. Pathian rawng nge kan bawl a, mipui/kohhran rawng ?
Report this comment
July 11th, 2010 at 10:10 am
mi(sual) media hian ka hun a pawt… :lol:
Report this comment
July 11th, 2010 at 10:18 am
ka’n tuihnih ve lawk…. media thatna te (rawngbawltu tan):
1. Hmun hlatak ami damlo mangang em em, etc. phone hmangin ral khat atangin a tawngtai sak theih.
2. In counselling nan hmanrua pawimawh tak a ni bawk.
etc, etc, etc…
Media thatloh na te:
1. Nun sual zirtirna hmuh tur leh chhiar tur a tam.
2. Inthlahdahna leh thatchhiatna min thlen thei
etc, etc, etc…. a tam em mai…
Tin, Fashion hian nasa takin naupang, tleirawl, thalai, nu leh pa, pi leh pu thlengin kan thlarau nun a kuai her mek bawk. eg. T-Shirt-a milem/thuziak kan hak duh zawng te, bengbeh, thi, ngun, kawnghren leh zungbun-a thil lem awm kan duhzawng te. Tattoo kan han chhu ta mai te…. sawi tur a tam lutuk.
Tha a awm chuan chhia a awm bawk thin. A tha lam chauh inzirtir/ihrilh lovin, a chhe lam pawh a chhiat na chhan/ a thatlohna chhan kan inzirtir tel a tul bawk awm e.
Report this comment
July 11th, 2010 at 2:40 pm
Media hi awm lo se lang chuan, nun a hahthlak ngawt ang, kan mit(taksa lam) hmuh phak hi atawi si a, thlarau mit tan a hmun tam zawk min hawn sak tu an nia , athra khawp in ka hria. Tisa mit leh thlarau mit ahan men dun ngat hi chuan khawhar lo takin , mahni chauh pawhin ni hi a rei thei tak tak lo nia. kan thru nui vun vun reng mai zawng anih hi,,…hahahahhaa
Report this comment