India rama football inelna sang ber Santosh Trophy-ah Mizoram chuan chenna ngailoh ram fangin a thiam pariat zingah kan lang phak ve ta. A lawmawm a, player te leh hruaitute thawhrimna zarah Mizoram chuan hmingthat kan tawk leh ta. Player te au phur a,’Mizoram’tia au rual fans ho pawh theihnghilh chi an ni lo. An fakawm thlawt e. Mizo nih a va nuam leh ta em! (hnambo nia in ngai leh hnamdang ngaisang ho pawh mizo vek anni tho ) Quarter-finalah Mizoram chuan Tamil Nadu an tum dawn a (he thu i chhiar hi chuan an tum tawh maithei).
A hmun chu khawvela stadium lian ber dawttu Salt lake stadium a ni a,a hun chu tlailam dar 6:30 ah a ni. Kan sawi nawn leh teh ang..tlailam dar 6:30 ah a ni. Rualawhna turin a hun an ruat a maw ka ti hial! Ni e,unau hmel hai hun lai velin an khel dawn a ni. Chu an khelhna hmun tur chu sipai ta a ni ve tlat lo. Stadium..football khelhna tura a bik taka siam a ni. Chutiang hmun chu Mizoramin kan la nei ve lova,a hmuh pawh la hmulo tam tak kan awm ngei ang.
Pute u,India ram football inelna sang berah a thiam pariat zingah kan ram kan lang ve..ngaituah teh u,stadium pawh nei lo,kan khelmual neih that ber pawh sipai ta a nia,chuti chung chuan a thiam pariat zingah kan lang ve a nia..kan ropui ngawt inti lo maw?
Pute u,pawisa a awm lo inti a ni maithei hetiang stadium sa tur hian mahse state dang pawn an nei thei tho si a,khawi atanga pawisa lo kal bik nge ni ang? Ui mawng atanga an chum chhuah a mi? Zahmawh an sawi ngai love..central atanga an dil chhuah atangin an sa mai a ni. A dil dan an thiam bik nge ni ang sak an tum hrim hrima an sa thei ta mai zawk..(mualpuiah lung chu an phum ve tawh tho a..a hlawhtling angem tih ka ngaituah mai mai) .
Mi ramah chuan stadiumah nuam takin an inkhela,keini ramah chuan sipai thuhnuaiah kan khel bik a..mi ramah chuan player te an tlu pawp pawp ngam a,kan rama tlu ve pawp pawp tur chuan inngaihtuah fe hnuah ‘thisen hlu,thisen hlu’ ti chunga tluk a ngai si. Lengdang mi chuan raltiang min kai san deuh a ni.
Tin,thil pakhat ka sawi leh duh chu mizoram leh tamil nadu inkheltur hi..an inkhelh hunah chuan chunglam light off a ni tawh dawn a..mihring light on a ngai thung dawn. Rualawhna hlir!electric eng hnuaiah an khel dawn a nih chu! Mizoram chuan kan la hlat deuh .. Pute u,a chunga ka rawn sawi hoah khian engmah ka dil lo che u..RUALAWH A NA E ka ti mai chauh a ni e.
Similar Posts:
- Mizote leh Football
- Mizoram-ah football a parvul mek e
- Santosh Trophy 2009 Ah Mizoram Vannei Mai Thei
- LAMMUAL vrs MUALPUI
- Goan Ist Div Club Coach Tur Didina Titi
August 1st, 2010 at 7:29 pm
Rual hi kan awt deuh reng dawn a nih hi maw
Ngaihtuah chian leh chhutchian hi chuan a beidawnthlak thin khawp mai. Lehlamah hei leh chen State kan ni ve tawh a, Mizotena kan tuina games pakhatah pawh Stadium puitling kan la nei lo hi chu Kan Politician te hian min ‘bawl’ emaw tih mai tur a ni. Keini (mipui) lah hi ‘bawl’ nuam tawk vel lek kan lo ni reng a niang… Thil tak2, ram leh hnam tana tangkai hi sorkar hian a tihlawhthling duhlo/thei lo em mai..
Kan phutawk ram hruaitu kan nei-ah i ngai hrih phawt teh ang.
Report this comment
August 1st, 2010 at 7:32 pm
Rualawh hi na deuh reng asin!
Report this comment
August 1st, 2010 at 7:33 pm
Keimah Thingtlangpa, Chempui thar a awh awm zawk lo maw.
Report this comment
August 1st, 2010 at 7:47 pm
thenzawl ho chuan inkhelhna in neih thrat em saw :mrgreen:
Report this comment
August 1st, 2010 at 7:47 pm
a va dik tak em..
Report this comment
August 1st, 2010 at 7:51 pm
Rual awt reng reng hian kan awm dawn chu a ni sia leh
Report this comment
August 1st, 2010 at 7:53 pm
naktukah W.Bengal kan hneh nga chaun an stadium kan hawn sak daih dawn nia..rual awt deuh in kum eng zat nge kan la awm dawn le. .stadium tha ve deuh chu a awh awm khawp mai.
Report this comment
August 1st, 2010 at 7:54 pm
Ni khawp mai..chempui thar nen hruaitu thar nen hmalak a ngai a ni
Report this comment
August 1st, 2010 at 8:01 pm
Ka rawn lut zuai..OT loh nan, thingtlangpa i dam em?
Report this comment
August 1st, 2010 at 8:03 pm
Sipai hian kan hnamah hian ‘ser’ a va han nei rei tak em… Kum engemawti zat State dinhmuna kan din hnuah Sipai ‘ser’ chuan min la bual a. Sipai ‘ser’ a reh hnuah, tun hnai zawk a ‘ser’ min bual tu hian engtia rei tak min bual leh ang maw…
Report this comment
August 1st, 2010 at 8:09 pm
@Makpa: I nick chu a va sexy ve! (kei chu ka nu leh pa ten zahmawh sawi an phal lo a)
Report this comment
August 1st, 2010 at 8:28 pm
Kei chu e, Bairabi luidung te ka han hmuh mai mai te hian lung a van tileng tak emm ka ti vawng vawng a,Chhimtuipui leh khawthlang tuipui ka han suangtuah ringawt pawh hian ka hnuk a ulh tlat mai a a.. a lang theilo romei chhum in a bawmm
Report this comment
August 1st, 2010 at 8:36 pm
Khaih khaih khaih,mi(sual) ho khan lo ngaithla theuh rawh u, thian thar in nei e…mi lo vel em lov ang chu maw….siktui luan kir hma loh chuan rinawmin awm reng nang nge.:inthlahrung.
Report this comment
August 1st, 2010 at 8:38 pm
@shailendra Hmanlai atanga kan sipai ngaihsanna kha kan chhunzawm a ni ta ve ang.
Report this comment
August 1st, 2010 at 8:38 pm
welcome makpa zangkang:)
Report this comment
August 1st, 2010 at 8:42 pm
OT: nick ka siam leh chuan ‘Sialinu***’ ka ti ang :lol: (Mizo tawng ve reng reng a nia aw… )
Report this comment
August 1st, 2010 at 8:58 pm
Zeph, * in a la daih lo… :lol:
Report this comment
August 1st, 2010 at 9:02 pm
@shailendra: a nih khi… a spelling pawh ka lo hrechianglo nih hi..ka siamtha tawh lo mai ang.
:lol:
Report this comment
August 1st, 2010 at 9:07 pm
monday a W Bengal nen an inkhelh tur hi a hun hre chiang in awm em, minlo hrilh ve teh u plizzzzzzz
Report this comment
August 1st, 2010 at 9:12 pm
hahaha…
Report this comment
August 1st, 2010 at 9:14 pm
Aizawl mual tha ber Sipai thuhnuaia a la awm nachhan chu Aizawl ho nep vang alawm :sad: (ka ti lutuk em aw :lol: ) Lunglei mual tha ber pawh hi hman lai chuan sipai ho ta tho a ni. C.Thuamluaia ho khan fing takin Sipai kut atangin an chhuhsaka, Thuamluaia Mual kan ti ta hial reng asin. Kan pate ho kha kan fak teh ania. Hmanah khan Lammual pawh hi lo chhuh ve ni ta se thangtharte kan buai hauh lo tur a nia le!
Report this comment
August 1st, 2010 at 9:21 pm
Muante, chutia a chhuha chhuh tawp theih alo ni maw…. Aizawl pa ho chu fuihpawrh tur an nih chu. An nep vang ai mahin a nachang an hriatloh vang ani ngei ang
Report this comment
August 1st, 2010 at 9:26 pm
21
muantea #
Lammual pawh fingtakin Pu Laldenga’n Sipai ho sawn chhuah a tum a…..a thei ta lo a ni…..Laldenga mual kan ti ve teuh a nia aw…..C.Thuamluaia a tluk ta lo a ni….he..he..he
Tichuan, Lammual hrul a mipui veivak reng reng in, “Sipai hi chu han sawn chhuak mai se chu aw…….” an ti vawng vawng thin.
Report this comment
August 1st, 2010 at 9:28 pm
muantea, pu C Pahlira (famed CP road) hun lai khan a theih ngei ang ti raw…
Report this comment
August 1st, 2010 at 9:32 pm
Kan ram sorkar apiangin mual an sawi a, an sa leh chuang ngai lo. Mualah ka beidawng. Ka beisei peih vel toh lo. An sa ta nh leh thil lawmawm 1 a ni ve mai.
Report this comment
August 1st, 2010 at 9:39 pm
ground siam ringawtte chu a gallery tha pui2 kan siam theilo nih pawn a harsalo asin le,tum leh duh tak2 a awmlo ani zawk
Report this comment
August 1st, 2010 at 9:45 pm
Ni e, Lammual pawh hi engtin emaw civil mi kuta a awm theih nan fing thiam takin hma a la lak theih khawp ang. Tih tak taka beih erawh a ngai ang a, pumpui hmachhuan chung chuan a tih chi hauh lovang. Hetiang hi ni thei tase kei chuan Lammuala stadium sak hi ka la duh fan nia. Traffic buai phah tura tun dinhmun atanga ngaihtuah ringawt hi niin ka hre lo, kawng a awm ngeiin ka hre tlat. Heart of the city a nihna hi a chhawr tangkai theih dawn zawkin ka hria. Helam chu ka sawi thui lo mai ang e MNF emaw ka nih min ti palh ang :lol:
Report this comment
August 1st, 2010 at 10:06 pm
Mizoramah hi chuan kan pi leh pu atangin ruakawtin kan tan a kan tu te thleng in khawvel a awm chhung hi chuan rualawtin kan awm dawn zawng anih hi i sawitam lo mai teh zawk ang u.
Report this comment
August 1st, 2010 at 10:12 pm
Mi thil hi kan awt tar thak thak mai dawn a ang a nih hi. :!:
Report this comment
August 1st, 2010 at 10:15 pm
Tun atanga chhuan 7 naah chuan stadium ban 1 chu an phut ve tawh em ang chu maw!…Fam rolung mual kan chantawk a lo ni tawhawm bawk si a aw!! Hui ha!
Report this comment
August 1st, 2010 at 10:26 pm
rualawt reng reng hian fam kan chang mai dawn anih hi!!!
Tu’n min sel lo se….eirukna a zung chawpa phawi an tum laia a chet pawh a chet eihloh chhung chuan khelmual tha neih chu keia private jet neih tum ai paw’n a la hla zawk ang!!!
Report this comment
August 1st, 2010 at 10:41 pm
Tha ve pangai deuh 1 na na na hi chu rethei viau mahila kan mamawh a nih hi maw le. Kan sorkar hian tun term chhung ngeia an ti puitling lo a nih chuan, politics hmanrua mai maia hmangah ka ngai hmiah ang.
Report this comment
August 1st, 2010 at 10:52 pm
Rual hi i awt lo mai teh ang u!! mu diai2 teh ang u khai!
Khelmual tha ai chuan kawngpui tha te hi ka awt zawk daih,ve tlat mai a!Khelmual chang kan nei chhia a nilo engkim hi a chhia!khelmual tha hi ka duh lo tih na ni lo in,a ai a pawimawh hi a tam ka va ti tak em!!power lam te hi a va ngaih pawimawhawm em ve aw ka ti thin!!Lammual ah sawn power tha kan duh tiin kan au rual tawh em?!!Khelmual tha hi nei ngawt ila,kan state economy in hma a sawn phah viau ang em?Khelmual tha neih ka oppose phei chu a ni lo tih han sawi nawn leh ta tho ila!!
Report this comment
August 1st, 2010 at 11:10 pm
ma-a, i sawi dik lutuk tlats. Inthlan dawn hian kan politician te hian eng engemaw mipui beng verh tak inzawrhnan an sawi thin a, chung tal chu tipuitling turin ka phut tlat a ni.
Report this comment
August 2nd, 2010 at 12:09 am
Ka ti mai mai thin..ne,wonderboy khan a sawi kha..thenzawlah field tha tak a awm a..stadium te sa sela,kawng a tha tawh a..khawi atang pawn a hnai tawg si a..aizawl khera stadium sak tum hi a tha kher em? Enge in ngaihdan..
Report this comment
August 2nd, 2010 at 12:19 am
stadium te chu mualpui lamah an sa tluk tluk a ni lawm ni? Pi Sonia-i pawn a rawn tlawh kha. He misualdot com ah ngei pawh hian thlalak nen meuh post a awm tawh in ka hre tlat. Tinge in beidawn viau le???
Report this comment
August 2nd, 2010 at 12:19 am
@35 thingtlangpa ka thlawp che..Ni e,thil tha zawng zawng hi aizawl chauha dah tur a ni lo…decentralisation hi kan mamawh tawh.
Report this comment
August 2nd, 2010 at 1:00 am
Thingtlangpa chu ziak tha thei dup dup hle mai.
Kawmen ve ka duh si a, kei pawn “Hmanah ka awt tawh” kan ti ve ngawt teh ang.
Keini thi beh lo thute chu ni se hmanah kan siam daih tawh tur hi a nia le.
Report this comment
August 2nd, 2010 at 3:21 am
Khelmual tha hi kan mamawh hmasak pawl tak ani. Thalai awm mai mai, zirna ngaisanglo ve tak2 kan tam tan ta. Zai lamah tamtak an lut chho a, mahse zai ringawt hi hla pawn a daih seng lo. Sports lamah hian kan thalai awm awl tam tak hi nawr luh tur an awm ang. Awm awl = setana hmanrua. Khelmual tha neih hian thalaite ah phurna nasa tak a pe ngei2 ang. Ram hmangaihna tak2 neitu hruaitu chuan a mipui te mamawh dik tak hi ti puitlin rawh se. Mai mai.
Report this comment
August 2nd, 2010 at 3:53 am
Tu party pawh ‘stadium kan sa ang’ tia vote zawn nan hmang ho hi chu..’sa rawh u,ka vote chuang lovang che u’tih chi a ni ka ti tawh..hehe
Report this comment
August 2nd, 2010 at 5:13 am
Politician ho thusawi awih tlak a awm lo an tih thrin kha maw le….. kan fin ve hun ah kan la sa dawn nia,….. chunglama roreltu khian rem a la ti lo ania nge…. ” in thil tih ang zel lawm man pek in ni ang”__ min tih tak kha le…. Lungngai lo phawt ang u…
Report this comment
August 2nd, 2010 at 12:11 pm
Hydel project leh Stadium hi chu politician ho mipui bumna hmanraw tha tak ani!
Report this comment
August 2nd, 2010 at 1:46 pm
Shai, sipai ‘ser’ chu a thlum nge a thur???
Report this comment
August 2nd, 2010 at 2:05 pm
lalpeace, a al-thur-kha-da-deuh pet…
Report this comment
August 3rd, 2010 at 7:48 am
Mualpui lama STADIUM pawh hi hmalak zuina thar, leivung tharlam a vang ta riau! 10 Assam Rifles pawh hi Lammual kan phah that dawn an ti elo maw chu! Khawnge artificial grass pawh chu le? Kan CATCH THEM YOUNG lutuk em ni, thil reng reng hi?
Report this comment
August 3rd, 2010 at 8:49 am
45
Pu chawnghilh #Pi Soniai’n a rawn tlawh tawh a, an duh tawk rih a niang.
Report this comment