Steven tia a hming kan phuah, kan duat ve ngawih ngawih in min boral san na chuan kum hnih a lo tling ve dawn ta der mai. A hun lai hi ka thlir kir lo thei thin lo. Kan fapa khatih laia kum 2 leh a chanve mi hian a ngaina leh zual a. Thian kawm tur dang nei ta lo chu an inkawm chawt reng hi a ni mai a. An in ngaina dun em em mai a.
Khawiilo vah chhuah changte hian hlim tak maia ka hma a an kal vel thin te ka ngaihtuah hian kei tak pawh hian ka ngaina ve hle mai a. Kan chhungkua a kan pawmna pawh kum khat a tling mang lo tih chuan engnatna ber nge pawh kan hriat loh chuan tlak buak in Doctor thiam te rawn in damdawi chi hrang hrang nen a kan enkawl pawhin a nunna chu chhan theih a lo ni ta lo. Keini chhungkaw tan chuan vanpui a chim hi a ni ngawt mai a.
A thihdawn ni khan kei chuan Doctor thiam koh mai a ngai a ni tiin kan ina lo kal hram tur a ngen tumin ka thawk chhuak a. Ka zuk thlen chuan kan natna tawh dan leh kan mangan thu te, damdawi chi hrang hrang kan pek pawn engmah a an theih loh dan te, tunah tak phei chuan a chau hle a ni tih te leh ka rawn kal dawn khan chuan bawnghnute tlem chu a in ve peih a ni tih te chu ka thiam anga kimchang chuan ka zuk sawi ve a. An chhungkua hi an lo fel phian mai a. Min lo ngaihtuah em em mai a.
Ka natna sawi ang chi chu a lo hre fu mai a, enkawl ran chuan a dam leh mai thin a, amaherawhchu enkawl vat loh chuan a lo hlauhawm viau mai hi a lo ni a. Pakhat chu a tihdam tawh thu pawh min lo hrilh nghe nghe a. Mahse, kan natdan kan sawi chuan a duhai chuan kan lo tlai tawh a lo ni a. Chutia kan inbiak lai mek chuan ka mobile chu a lo ri a, ka’n en chuan kan nu a lo ni a.
Nguai raih hian ‘ Lo haw leh mai rawh, tunah khan a chatthla chiah ’ a rawn ti ta mai a. Ka bing deuh mup in ka hria. Doctor hnenah pawh chuan chu chanchin chu zuai raih hian ka hrilh ta a. Ani pawh chuan pawi min tihpui ve hle mai a, ‘Engatinge a tirah keimah min rawn loh le aw’ a ti ta vawng vawng mai a. A rilru tak takin pawi min tihpui ni nghe nghe in ka hria.
Tichuan phur lo tak leh hmanhmawh takin kan in lam pan chuan ka haw ta nghal a. Ka han thlen chuan ka chhungte chuan a ruang chu an lo kil bial taih mai a. An mit kan en chuan mittui a lo tling piau mai a. Kan fapa phei chuan a tuar thiam lo lehzual a. A mittui chu dan rual loh hian a lo sur zung zung mai a. Ka lainat letling zawk khawp mai a. Chumi ni zan pawh chuan kan fapa zanlai lo harh chuan a ngaihthu rawn sawiin ‘Pa keini pawh hi kan thi ve thei em?’ tiin zawhna chhan hrehawm tak mai chu min rawn zawt hlawl mai a.
A tuk zingah pawh chuan a ruang kan zalhna hmuna kal a, lak chhuah leh chu a ngen ta tlat mai. A hmuh leh duhthu an sawi te chuan rilru a ti hrehawm lehzual a. Pa ber pawh ka lung hi a chhe ru ve em em mai a. Ka tih theih nise, khatihlai khan han tihdam leh hi he khawvela ka thil chak ber a ni hial ang. Ka fapa te tan khan Pa nih tling zo lo riau a inhriatna te ka neih phah rum rum mai a. Chutihlai chuan a u te ho pawh chuan a thlana phun tur thing phek hi an lo kilh khawm ve mek bawk a. Rawng hian nalh vak lo hian ti hian an lo ziak a.
“ Kan Ui Ngaih em em Stevena thlan”
Similar Posts:
- The Watson Babies!
- Chota Review: The Water Diviner (2014)
- First Mizo Swine Flu Fatality
- Hmangaihnain a hnawl sipai huaisen
- Inlarna nge atna?
August 6th, 2010 at 7:25 pm
1st lo mai ang…post serious tlat
Report this comment
August 6th, 2010 at 7:48 pm
Pu HV-a’n ho a ti awm
Report this comment
August 6th, 2010 at 8:04 pm
OT, Dear Admin, NLUP hlawhtlin ring/ring lo te vote na tur poll han buatsaih teh u a. It’s a request.
Report this comment
August 6th, 2010 at 8:05 pm
Hei chu ka hriatthiampui chi. Ui hmangaih tak hloh hi chu a nat zia ka hrechiang chuvang chuan hei pawh hian ka rilru a khawih. A thlalak te han ti tel la..
Chuan in doctor biak chu Aizawl ami anih chuan a number chu ka van duh ve ve…
Report this comment
August 6th, 2010 at 8:06 pm
kei pawn ho ka ti, a sawi tum a bul tangin ka man nghal…hihi.
Report this comment
August 6th, 2010 at 8:30 pm
Ni e.Maimawm, mahse, khatih lai khan thlalakna tha ka la neih loh vang in thla hi ka la ta lo a ni. German shepherd thlah a nia, cross breed a ni.
Kan fapa te ber nen phei hian chuan an inbihruksiak thin a, an hlim dun thei khawp mai. Tum khat a tlu phei chu a tap bai bai mai a, a ni ui khan kaihthawh tum ni awm tak hian a hmuiin a nawr a, a hmaiah te a liak thul, mihring ang in ban nei ta sela chuan a kai tho duh ve awm mange kan ti hial. A fin reuh phian auang hian kei ni pawn kan ngainat phah. Thenkhat tan chuan a ho mai thei, mahse, ka rawn share ve hrim hrim che u a ni e
Ran ngaina chi hi kan ni ve hrim hrim a. Vulh tawh lo ang kan ti a nia, mahse, Kumin kum tir lam khan a dang kan lei leh tawh chu a nih hi. Rinai chuan an han thih meuh chuan hrehawm duh khawp mai.. :))
A contact number ka hre tlat lo. Aizawl-ah an awm lova. Kolasib-ah an la awm mai thei.
Report this comment
August 6th, 2010 at 8:48 pm
A va pawi ve, vet thra tak hmuh hi a har lutuk a. Keipawh ui chu an thih hian ka tuarna lutuk a ka nei tawh ngai lo ka ti ve ziah a, mahse duh miau chuan rem leh rem lo karah pawh ka nei leh nge nge thin. An hlu ee, mihring tam tak ai hian kan hreawmna (example naute trap te chu) mi an tuarpui zawk in ka hria.
Min a ho an tih hi chu, a ho lutuk
Helai a post sawm a pakua hi chu ho ka ti hehe Mahse min ngai uluk tak a an rawn post anih vang in a ho ka va tihsak kher ngai lo. A sual thlak ka ti 
Report this comment
August 6th, 2010 at 9:01 pm
Noddy, I tawrhna/ Inchhungkaw tawrh hi ka hriatthiampui mai che ni loin, hmana kan lo tawn tawh kha thinlaiah i rawn tithar riau mai. Ka Ui mai nilo, Kan chhungkaw Ui, kan hmangaih leh duat rawn, kan ngainat em em– “Kaisar” khawnge i awm tàk? :cry:
Report this comment
August 6th, 2010 at 9:13 pm
ka naupan laiin sipai ui fing zet mai hi ka pa in min lei sak a, kan in kawm ngeih em2 a, eichawp dawr pakhat mamawh kan lei thin na dawrah te hian kan tir thin a. Kan lei duh kha lehkhaah kan ziaka, poisa ka lehkha in kan fun a, a seh bet a, a va lei ve mai thin a. Sipai ho khawi fin sa tih takah thil dang2 pawh thiam teuh mai hi ani a. Tumkhat chu a damlo ve ta a, a thihpui ta hial mai chu…tuarna tak hi ka ni ringawt. Ka vulh leh duh ta lo reng reng…
Report this comment
August 6th, 2010 at 9:19 pm
Ui hi chu han talh hmak hmak mai ila,phuihnam nen han chhum tluk tluk mai ila a manhla ber
Report this comment
August 6th, 2010 at 9:19 pm
hmm… Ui chanchin lek!
Report this comment
August 6th, 2010 at 9:22 pm
Ui a ni..mai mai a,ui te pawh hi vulh khap loh pawh in an til lak tir zel tawh se..kan Hmeichhia/tleirawl te’n thiltha lo lo entawn an ching sia…
Ui hi ni e,mi hian anlo ngaina thei khawp mai..min bauh khum vaih chuan vawm thuai ani mai..
Report this comment
August 6th, 2010 at 9:22 pm
Hmana kan ui neih ve kha.. ka nite ui note ka man ve kha chu, a damlova ruahsur chung chungin kan vety doctor te quarter ah ka han kalpui ve a.. ani chuan ui damdawi an neihloh thu minlo hrilhin ka ui pawh chu en pawh a en ta chuanglova.. thinrim thlak ve khawpmai.. a zanah a thi ta nghe nghe.
Report this comment
August 6th, 2010 at 9:30 pm
Van ziakthiam ve w. Uicho chanchin mai mai
Report this comment
August 6th, 2010 at 9:30 pm
Uicho mai mai akekeke
Report this comment
August 6th, 2010 at 9:31 pm
Funny ka nau…dam tha mo..post chu nalh khop mai
Report this comment
August 6th, 2010 at 9:37 pm
Kan thiante ui motor in a su hlum, a sa ei hop tawkin kan kal. Teuh lo mai, nu ber hovin an lo men pur. Ui sa ei chu kaha, a thlan tur kan lai tring tring mai mawle
Report this comment
August 6th, 2010 at 9:46 pm
Vawiinah kan kawm thlangah Ui nu pakhat hi, Ui pa pahnih hian anlo zui a, Ui pa dang pahnih anlo kal a; an uinu zui chu anva hnimve de de a; alo zui hmasa tute chuan an han bauh rawn tak tak anih kha. Ui hi kei chu ka ngaina lo.
Report this comment
August 6th, 2010 at 9:50 pm
Ui hi an thih chiah atangvel hian ka ka ngaina ve tan choh zel,.
Report this comment
August 6th, 2010 at 9:56 pm
Ka ui, thla hnih vel duat taka ka lo enkawl tawh hnu, hun-awl tha ka neih tak loh avanga midang ka pek ni khan hreawm ka va han ti tak, lungngaih hmel tawka min lo thlir let vawng vawng te kha tuar har tak a ni, ka thinlung hi a keh vek hian ka hria, ui neih ka sim phah.
Report this comment
August 6th, 2010 at 10:10 pm
Heti em em hi chuan ka tuar ngailo..mahse ui chu ka ngaina khawp mai..a tha e.
Report this comment
August 6th, 2010 at 10:39 pm
Keipawh ran ngaina tak ka ni ve a…kan ui motor-in a chilhlum kha chu ka tuarna khawp mai…chuta tang chuan ka vulh hrehphah ta khawp mai..
Report this comment
August 6th, 2010 at 10:45 pm
Ui vulh hi ka duh tawhlo. A chhan chu mihring ang thawthangin kan ngaina a; an thihin an uihawm ve duh emai.
Report this comment
August 6th, 2010 at 10:54 pm
U i… Hetiang thungaihnawm chhiar tur hi kan neih lohna ava rei tawh ve.
Report this comment
August 7th, 2010 at 4:16 am
An damloh hian a hrehawm lehzual. Hmana kan ui pawh a damlo thi lek lek a, mi hian vaw hlum mai rawh u hi an ti thin a, mahse a neitu tan chuan a thi dawn tih hre reng mahila kan vawhlum phal teuhlo.
Report this comment