Ka thianpa chuan University pakhat ah research a ti a, a supervisor pawh Mizo tho a ni. Research tih hahthlak leh hautak zia kan hrethiam hlawmin ka ring a. Theihtawp piah lamah tlem thawh belh a ngai thin an ti. Ani pawh hian theihtawp chu a chhuah ve a, hna pawh a thawk zo tawh thawkhat in, pre-submission pek deuh chiah a nghak tawh a ni. Amaherawhchu, a pu hian thil dang a tuipui tlat mai a, chu a thil tuipui chu ama hna tak ai mahin a ngaipawimawh zawk lehnghal a. Chuvang chuan a zirlai thesis ziah pawh a check sak hman lo va, tunah hian extension tih ngai hial in, tih tur mumal nei lo vin a awm phah ta a ni.
Mi tam tak chuan hna tha tak thawh kan chak a, kan thawk ta ngei reng bawk a. Mahse, kan ti tha leh peih si lo. Mi tam tak kan chungah an innghat a ni tih hi kan chhut phak lo emaw ni chu aw ka ti thin. Kan hnathawh a san poh leh kan mawhphurhna a sang a, ti mai mai thei emaw, awm mai mai thei emaw kan ni lo tih hi kan hriat a tha hle in ka hria. Hna sang tak thawk, ti tha peih si lote avanga mipui tam takin kan tuar nasat thei zia hi chhut tham niin a lang.
Mizo te zingah hna sang leh zahawm thawk te hian sincere takin an hna an thawk thin em le? Mizorama Sorkar officer lian te, University a teaching leh non-teaching post chelh te, College lecturer te leh hna sang dang dang thawk te hian anmahni hna tak aia tuipui zawk an neih hian a buaithlak thin a. Midang tam tak tana harsatna thlentu an ni thei thin tih in hria sela, an thawk tha peih lo anih chuan bang mai rawh se!
Han sawi ta zel ila; Mizo te hian kan hnathawh ngaih pawimawh nachang kan la hre mang lo va. Hei hi a pawi tak zet a ni. Kan hna thawh chu eng hna pawh ni se, rinawm tak leh taima taka kan thawh hi kan tih tur a ni a. Chu kan duty chu hnehsawh taka kan tih hi Pathian duhdan a niin ka hre bawk.
Ka thianpa in a thil min hrilh, ka ngaihtuahna kal thui tir deuh tu chu, “Mizoram ah chuan Biak Ina lam lam ho hi hnathawhna a kal tlai hrat tak an ni duh khawp mai,” tih hi a ni. Ka ngaihtuah a, a ni duh hmel hle in ka hria. Kohhran a Pathian rawngbawl hi kan tih tur a ni tak meuh mai, amaherawhchu, kan hna taima taka thawh hi Pathian rawngbawlna dik tak a ni ve tho a ni tih hria erawh kan tam lo thung a ni mai thei e. Biak In leh Kohhran a rawngbawl hi thil tha tak anih rualin, kan hna thawh lai min ti bahlahtu atan kan hmang a nih chuan thil tha ah chhiar theih a ni dawn em ni?
Taima taka hna thawh hi tawngtaina chikhat a ni tih hi hria ila. Chu chu kan ram leh hnam dam na tur niin ka ngai bawk.
Similar Posts:
- PATHIANIN MANGAN LAIIN HNA A THAWK THIN
- Ni 100 inhlawhna in thatchhiatna a hring
- US Citizenship
- Thimin min hualvel laiin Pathianin hna a thawk thin (Sunday Pual)
- Eizawnna
August 12th, 2010 at 3:29 pm
dik chiah
Report this comment
August 12th, 2010 at 3:31 pm
I va ziak tha ve. Ka in manchhuak tep.
Report this comment
August 12th, 2010 at 3:33 pm
Han sual ve leh zauh teh ang. Post thra tak a ni lam tuala chhiar chhuah atan ka it.
Report this comment
August 12th, 2010 at 3:33 pm
dik ltk!!
Report this comment
August 12th, 2010 at 3:43 pm
a tha hle mei.
Report this comment
August 12th, 2010 at 3:44 pm
Amen.
Report this comment
August 12th, 2010 at 3:57 pm
“Mizoram ah chuan Biak Ina lam lam ho hi hnathawhna a kal tlai hrat tak an ni duh khawp mai,”
Hei hi chu a dik zan lo deuh chuan ka hria. Mahse, Biak In a lam thei reng mai Office kal tlai chu an awm miahlo chu ka ti lo a, an awm tho tih ka hria, tin, Biak In kawng zawh ngailo leh Biak In a lawi ngailo Office kal tlai thin hi ka hre hnem fe zawk.
Tin, He post ina ken ber erawh hi chu ka Amen thlap e.
Report this comment
August 12th, 2010 at 3:58 pm
“Mizoram ah chuan Biak Ina lam lam ho hi hnathawhna a kal tlai hrat tak an ni duh khawp mai,”….inkhawm tlai hlau in an haw hma leh bawk si…..
Report this comment
August 12th, 2010 at 3:59 pm
A thupui atangin kan maih teh ang. Mizoram a sawrkar hna thawk anga awm, hlawh la duh, thawk tha peih silo te hi ban (fire) hmak2 dan hi siam se ka ti ngawt mai. An hnathawh zat a darkar bi ten han pe te te se, chuta an thawh that dan a zirin warning/fire ni thin se. An thawh ang thawk duh mi taima an tamin ka ring a ni.
Report this comment
August 12th, 2010 at 4:09 pm
A dik, mahni hna tha leh taima taka thawh hi Pathian duh zawng a nia.
Report this comment
August 12th, 2010 at 4:36 pm
extension lak techu mi tihloh dan ani hleinem, a tam zawkin an la ang
ka thianpa pawh a boss in thla 3 ngawt scholarship a sign sak duh tawhlo. “hna I thawk muang” atia. lolzz
mahse a hlawmin a la keuh dawn
Report this comment
August 12th, 2010 at 4:56 pm
MZU a research tih a Fellowshp tha tak hmuh tho chuan extend ngei2 tur hna hmuh nghal dawn loh chuan, ka thianpa in a ti.
I post tha ltk e.
Report this comment
August 12th, 2010 at 4:59 pm
an hotupa chu a va nep ve, mahni hna aia social work leh YMA, KTP, TKP, etc ngai pawimawh zawk, office hour laia inneih leh mithi in a kal ta daih hi an tam thin asin. hengho hian sawrkar hna kal tluang lai an ti khaihlak, office hna a tih muan phah fo a ni. zirna in lamah phei chuan a chi loh top midang career tihchhiat vek theihna a ni.
Report this comment
August 12th, 2010 at 4:59 pm
University a Mizo Proffesor, Associate & Asst. Professor kan neih thenkhat te hi chu an hna aia Kohhran leh khawtlanga rawngbawlna ngai pawimawh zawk an niin ka hria. He hi kei a pawi ka ti khawp mai a. Class pawh la mumal ngai lo te an awm. Mahse an vai chuan an ni vek chuang lo a, sincere tak tak te pawh an awm ve tho a ni. Zirna an ti chhia.
Pu HV, i thil sawi hi ka pawm khawp mai. Sorkar Office hrang hrang leh zirna in a hna thawk tha peih lo ho hi taima taka thawk thei tur te hian thlak vek ta selang chuan Mizoram pawh hian hma a sawn nasa in ka ring.
Thatchhe deuh ho hi a vin vin hi an lo ni duh phian bawk.
Report this comment
August 12th, 2010 at 5:01 pm
#14, Mahni hnaa tuilo, hlawh chauh duh a zaidam theih dawn em ni?
Report this comment
August 12th, 2010 at 5:01 pm
@patriot lam tual ni lovin pulpit atanga chhiar a itawm zawk lo maw
Report this comment
August 12th, 2010 at 5:07 pm
mizoram univeristy hian a hran hlawka khel hrep tham chanchin a nei..a upa telh2 a a noi telh2…department tam tak 1st semester leh 3rd semester exam result chu 2nd semester leh 4th semester exam an neih zawh hnu thlakhat ah(kar hmasa) khan a chhuak chauh a nih chu..hei hi thawk tha peih lo te vang a ni thei ang em?????? thok ve lo mai selah…
Report this comment
August 12th, 2010 at 5:12 pm
Kan MZU ve khi kan lo hmangaih ve lak lawh tawh sia buaithlak nh hi.
Tunah phei khi chuan dept leh school hrang2 khi an in hlat tawh sia a thawk ho tan zel thel leh zual a awl khawp ang.
Report this comment
August 12th, 2010 at 5:18 pm
Sorkar hna hi chu a hna sang sangin an hlawh hnem a, an hahdam thung a, a hna hniam hniamin an hlawh tlem a, an thawk nasa thung…..kan ramah chuan.
Report this comment
August 12th, 2010 at 5:25 pm
Hnathawk ve lem si a nep khawp mai hlawh tam a duh ve tho awm sia.He tiang a mahni hna an thawh that peihloh vang hian lawm kan ram economy pawn a tuar ni.Asia ah india officer te chu that chhe ber ah an thlang tawh leh nghal.A tuina hna ah chuan thawk se a hna a tang ban nghal se ni mai
Report this comment
August 12th, 2010 at 5:26 pm
Report this comment
August 12th, 2010 at 5:30 pm
#19 Private a thawk ho phei hi chuan an lo thawk rim lehzual khawp mai. A thawk nasa in hlawh an la tlem a, a thawk tlem tlem in hlawh an la tam thung. Chuvang chuan hausak i duh chuan thawk tlem rawh..
Ram changkang ka awh vena ber chu a thawk nasa apiang in hlawh an hmu tha deuh zawk thin hi a ni.
Report this comment
August 12th, 2010 at 5:42 pm
Tha hle mai..
Report this comment
August 12th, 2010 at 5:55 pm
A dik fu laiin a dik hlel deuh, kohhran a inhmang sorkar hnathawk ka hriat ve te chu an kal hma a, an bang tlai tlangpui. Mi pahnih khat vang hian mitam tak ten an tuar phah thei khawp a nih hi.
Report this comment
August 12th, 2010 at 5:59 pm
Biakin-a lam lam lo pawh Inkhawm, hnathawhna etc-a tlai hrat hi an awm ve hrim hrim… Hnathawhna a tlai pawisa lo chuan inkhawmna a tlai pawh an pawisa ngai chuang lo.
Mahni hna-a tui lo chu an khawngaihthlak, nitin hrem an tuar reng a ni ringawt a nih chu…
Report this comment
August 12th, 2010 at 6:02 pm
kan MZU a mizo faculty tehi an sawi neuh neuh chu ka hre ta nual mai
in en let ve deuh an mahmawh aniang thenkhat hi chuan
Report this comment
August 12th, 2010 at 6:16 pm
#16&21… Lamtualah pawh a chhiar chhuah theih tho!!
Report this comment
August 12th, 2010 at 6:23 pm
Kan sawiho thrin hi a sawt thrin em le..
Report this comment
August 12th, 2010 at 6:43 pm
Sawi tha dum dum khawp mai. Full support e!!
Report this comment
August 12th, 2010 at 6:53 pm
tha kawp mai…Biak ina lam lam thin hi an tlai ber kher lo tih pawh hriat a tha ve tho ve. Hna kan thawh emaw thil tih tur kan kova a tlak toh chuan a hlen chhuah chu mi pui tling hna a ni e ka ti deuh…..
Report this comment
August 12th, 2010 at 7:38 pm
Kohhran leh khawtlanga inhmang deuh deuhte hi hnathawk tha peih lo fe fe an tam khawp mai. Mizorama zirna sang tak pakhata thawka, a mi chhawr tuma interview tu-per pakhat chuan, “Kohhran-a inhmang leh khawtlanga inhmang deuh an office hna kalsanin kohhran leh khawtlang rawngbawl turin min chhuahsan ngun em mai,” a ti nia!
Mizo Profesawr zinga pakhat chuan, “Kohhranah ka inhmang duh lem lo. Mahni hna kalsan zin a ngai awm em mai,” tih thu a sawi ka hre tawh bawk.
Kohhran leh khawtlanga inhman hi ka sawisel tum vang leh duh vang ngawr ngawra rawn sawi chhuak ka ni lem lo. In hriatthiam ka ring tho e.
Report this comment
August 12th, 2010 at 7:47 pm
Hawh u, misual ho hian kan biak in a lam tual te hi kan hnathawhna hmunah i sawn vek ang u. Tichuan kan zia deuh mahna le.
Report this comment
August 12th, 2010 at 9:14 pm
Thatchhia hi chutiangin kan awm hran lo, mahni tuina zawngah chuan kan mawng a zang vek. Tui loh zawng hna thawh chu a taimak vak theih loh. Chantawka lungawi theih chuan kawng a awm, a inthawh tui chawp ve theih a. Tui bawk si loha chantawka lungawi bawk si loh chuan pawnpui tela mahni tuina kawng zawh tura risk lak hmiah mai tur.
Report this comment
August 12th, 2010 at 11:09 pm
Khawi University ah pawh a nia lom….tiang ang delay te hi chu researcher tam zawkin an tawng ang chu…Student hmanhmawh em emna ang kha Boss te hi chuan an nei lem lo….bakah Student senior tawh chu thil engkim an lo hre ve tawh a..Boss te kut ke ber an lo ni thrin bawk nen..in chhuah mai hi an harsat tralh zel…
Report this comment
August 13th, 2010 at 5:22 am
Dik ltk thawk tha peih lo chu ban vek se ka ti……kan tlai hma in tran la ang u.
Report this comment
August 13th, 2010 at 6:15 am
Hna hi chu tute mai pawh hian i thawk vek teh ang u. Fapa thatchhe zawrkawi hnathawk peih lo ka nei a. A ei peih ngawr ngawr chu ka lawmpui hle. Thatchhia pawh hian hna thawh tur dap ve tal se ka ti!
Report this comment
August 13th, 2010 at 6:34 am
Mi thatchhe deuh nia an sawi pakhat chuan, “Ka la thatchhe peih mah hi lawm rawh u,” a ti! :lol:
Report this comment
November 6th, 2011 at 9:53 am
A va dlk em.
tren tren.
Report this comment