Kan ramah hian Pathian thuhriltu kan tam khawp mai a. Pathian thu kan dawn dan lah hi a inanglo hlawm hle a ni. Chuvang chuan Pathian thu kan tih lai tak hi sawiho a chakawm khawpin ka hria.
A hmasaber ah chuan Bible a thu inziak hi Pathian thu chu a ni mai awm e. Amaherawhchu Bible a inziak theuh theuh hi kan dawn dan a inanglo hlawm em em mai bawk si a. Bible chang pakhat lek atang pawh hian (a dawngtu a zirin) Pathian thu, kawh lam inanglo tak tak chi hrang hrang kan ngaithla hnem tawh khawp mai. Tu sawi emaw ber kha a dik lo han ti dawn ila Pathian atanga an dawn niin an sawi vek bawk si a. Hriatthiam a har khawp mai.
Mizote hi Bible ngaina leh bih hnem pawl tak kan ni mai awm mange aw…ka ti thin. Thuhril chungchangah pawh hian a thilphal ber kan ni mai awm mang e. Kohhran member senior deuh chu an thiamna lam en chuang lovin thuhriltu ah kan hmang mai thin a. Chumai bakah Kohhran mipuite min chawm bertu pakhat chu kan Revival team te an ni. Heng zing a a tam zawk hi chuan Bible in min hrilh a tum lam aiin kan rilru a awm nemnghettu atan Bible kan hmang zawk em ni aw…a tih theih in ka hria. Chuvang chuan fimkhur a ngai hle mai.
Entirna pakhat han pe ila. Mathaia 21:18-22 ah chuan Isuan a zirtirte RINNA chungchang a zirtirna kan hmu a. Amaherawhchu RINNA chungchang sermon-ah erawh chuan kan hman ka hre khat khawp mai. Ka ngaihthlak ve tawh chinah chuan RAH CHHUAH LEH CHHUAH LOH chungchang sawi nan kan hmang tlangpui a ni. Chuti ni ta se Bible a mi kan sawi na a Pathian thu a ni em? Bible sawi tum chu a ni miah lova, mahse a thu a tha a Pathian thu ah kan pawm mai zawk dawn em ni? Anih leh enge Pathian thu chu ni ta ang?
Kan rilrua thu awm apiang hi Pathian thuah kan ngai mai dawn em ni? Buh chi tehkhin thuah chuan a thehtu kan ngaipawimawh leh viau a, mahse Isuan sawi a tum chu buh chi thehna hmun lam a ni leh daih bawk si. Enge Pathian thu chu ni ta le? Uluk taka Bible zir chungin, Biblein sawi a tum leh min zirtir a tum chauh hi sawichhuak mai thin ila zirtirna diklo pawh hi a tlem deuh ang em? Hei zawk hi Pathian thu chu a ni lo maw? Enge I ngaihdan le?
Similar Posts:
- Tawng chungchang
- Pathian hian mi zawng zawng nun dan tur hi a hre lawk vek ang em?
- Ropuite Vs Ropuina-te
- Fiamthu
- Corruption kan tih teh fo hi.
August 15th, 2010 at 12:30 am
Mangtha vek u, naktuk zingah ka chhiar mai a nge
Report this comment
August 15th, 2010 at 12:31 am
Han sawi chur2 teh u le..
Report this comment
August 15th, 2010 at 12:33 am
A thupui khi,”Engnge Pathian thu?” tih zawk tur ka ti ve tlat kei mi(sual) hian.
Report this comment
August 15th, 2010 at 12:46 am
“…Bible in min hrilh a tum lam aiin kan rilru a awm nemghettu atan Bible kan hmang zawk em ni aw…a tih theih in ka hria.” Nih duh hmel fu mai.
Report this comment
August 15th, 2010 at 1:07 am
Dawn dan a inan lohna chhan chu a thu kan interpret dan a inan loh vang mai mai alawm
A inziak sa hi entirna nen a awm sa vek a, “Chumi tihna,” tia theologian hrang2 in an sawifiah vel hi ka pawm lemlo. Theologian kha a kohran zawm a zirin , “Chumi tihna,” a tih a dang zel ang.
Report this comment
August 15th, 2010 at 1:27 am
Enge (Engnge tih zawk tur ni awm tak?) Pathian thu tih chhan tum hian inhnialna atthlak kan cho chhuak mai ang a!?
Report this comment
August 15th, 2010 at 1:50 am
Lal Isua min tlanna hi pawm a,a duhdana nun a,a hnungzui mai tur. Lo sawibelh ve vak ngai ka ti lo. Kan minister te pawhin thu an sawi a,a PA ten a thusawi kha an hrilhfiah vak ngai lo. An ngaithla tawp mai zawk a ni
Report this comment
August 15th, 2010 at 3:46 am
Lal Isua hi kawng leh thu tak leh nunna a ni a. Isua rin hi a Pathian thu ka ti.
Report this comment
August 15th, 2010 at 5:04 am
Kan rin em em a vanga, dik a ni chuang lo. Thu dik chu Thu dik awmsa.
chhandamna hmanrua leh commandment Tih ngei ngei tura thu pek ( covenant)
chu pakhat a ni.
kei ni hian pathian hranpa kan nei lova, Juda te pathian kan trawmpui. Isua hriat zau hi a pawi mawh.
Thupek zawng zawngah ROPUI ber chu Pathian pakhat a ni. Pharisaite te khan hre lo tura an ngai a, an zawh khan, Isua lehkhabu pawh keu ngai lo khan, an sawi tak tak chu, an ngawi hmak mai.
2petera 3;18 Kan LALPA leh Chhandamtu Isua krista khawngiahna leh HRIATNAAH chuan lo THANG LIAN rawh u. John 8:19-24 mifingten I pa khawiah nge? Isuan’ kei mi hriatloh a vangin, ka pa pawh in hre lo. :24 A NI (pa) chu ka ni tih in awih loh chuan, Insual nei rengin in THI ang.
Sam74:20 Thuhlung kha rawn pawisa ang che.
*Eden huana Thuhlung ( thupek) a chhia leh a tha hriatna thei, Ei suh. ei loh chhandamna.
*Nova hnenah THUPEK LAWNG tuk. lawngtuk kha chhandamna.
*Abrahama hnenah THUPEK Serhtan.
*Mosia hnenah THUPEK DAN 10 zawm.
* Isua hunlai ah THUPEK a mah rin kha. Van ram pawnghun. mathaia 11:12 Baptistu johana awm achin tun thlengin ( Isua hunchhung tihna) Van ram chuan bei vakna a tawk thin a, a bei vakte chuan an PAWNG lak thin. Isua hunlai kha chuan Baptisma chang pawh. chang lo pawh, Samari mi pawh jenttail pawh a bei ngawr ngawrte chuan, chhandamna an chang thin.
* Tun hun Thlarau hun ah chuan, khawvel zawng zawng kala chan chin tha ( a thi a phum in a awma a tho leh) hrilh, A ringa Baptisma chang Chhandam in a awm zel ang a ti. THUPEK hnuhung ber. a lo kal leh thlenga daih tur.
A bak chu kohhran chawm nan, pathian Thu tha leh sermon a tam lutuk chhandamna a ni lo, insiam thatna tur a ni. nitin repent na tur, krista hnungzui na kawnga thanlen na tur ani.
Chhandamna, hun bi leh hmanrua; an in ang lo tih hriat a pawi mawh.
Report this comment
August 15th, 2010 at 5:40 am
Mihring ten nun dan kawng dik kan zawh theih na tur a Mosia hnena Dan leh Dun a lo pek kha P-thian thu chu a ni mai lawm ni. Engkim a engkim hi P-thian thu chu a ni mai,….zau hah hah tak ani,….dah mai ana…Mihring thluak bur khat choh hi chuan a hre vek seng lo ani e…..!!!!!! Hlimtlang phawt mai teh ang U.
Report this comment
August 15th, 2010 at 7:27 am
A thupui hi Eng nge tih tur a ni. Zawhna a nih chuan a hrana ziah tur a ni. (High School-a Mizo tawng ziahdan kan zir atanga ka hriatchhuah!)
Report this comment
August 15th, 2010 at 9:07 am
Nizan/Tukin zing dar 2 thleng misual luh tumin ka bei a, mahse ka hlawhchham thak. Engvang tak nimaw??? Chuvangin zingah ka rawn comment thei ve chauh a ni e.
Kan Bible a thu ion ziak te hi Pathian thu kan neih te an ni mai lawmni? Pathian tghu dang vak a awm thei dawn em ni???? Miin a hrilhfiah(interprete) dan chu a rinna mil zawng tak pawh nise, a thu hrim2 kha chu Pathian thu tho a ni mawi lawm ni.
Report this comment
August 15th, 2010 at 4:50 pm
Bible hi chu a lo ropui ani. A thu chang khat lek te hian patling thankin pui tawhte, misual tawrawtte mittui hial tih tlak sakin a vel thei a, an thinlung thiah sawm sak thei ani a.
Damlo(piangtharlo) te tan khawvel damdawi engmahin a pek theihloh thlarau damna a pe thei a. Damna kim ava ni tehlul em!!
Baibul thu hi chhiar la, a hun laia i hriatthiamloh pawhin nakinah i nunah tangkaina a rawn thlen ngei2 ang. Chu chu Bible makna/ropuina tak pawh ani. Kan chhiar liam puat a, a hnu ah kan mamawh lutuk laia kan chhiar leh hian a awmzia hi alo chiang leh kuar2 mai thin.
Report this comment
August 15th, 2010 at 7:22 pm
A ber ah chuan kan reasoning hi kan hmanglo lutuk in a hriat a. Chuvang chu a niang zirtirn mol te te buaipui kan ching em mai..
Report this comment