Chawlh Ni túk a ni a. Mipui hma-ah eng eng emaw Thufahrah té té sawiin loding ve fò tawh mah ila, a tul changin Tawngtainate lo chham kúr-ngùai ve fó tawh mah ila, hemi tùkah erawh a dan a dang tlat. Mipui tam tak leh mi chihrang hrang hma-a Tawngtai tur pawh nihlei lo, ka nupui fanau/ ka chawm ka hràite hmaa thu sawia tawngtaitur nisi kha– ka thawh hlim atang réngin keimahah, ka chhúngah thawktu danglam tak leh engemaw ti riaua mi vit ngáwng ngàwngtu a awm tlat nia!
Ti chuan, dan pangaiin– Zing Dar 8 : 00 velah chuan Chhúng Inkhawm chu kan nei leh ta ngei a. Kei, a hminga chhungkaw ‘PA’ loni ve ta chu ka ding chhuak leh ta! Bible chang thenkhat leh a behbawn ‘Thu’— zilhna/ fuihna thu eng eng emaw ka sawi zawh chuan…
I tawngtai ang u.
LALPA, Kei Misual vawiin thlenga min la zuah duh hi mak ka va ti tehlul em! Tukinah hian ka sual zawng zawngte hi a ruh langa sawi vek tulin ka hre lo. A chhan chu : Nang, “A ruh lang” mai nilo, ka samzai neih zawng zawng leh ka thluaka thisen zam tè ber nen lama min hretu i ni si. ..(Vawi lehkhatah ka mittui a rawn chhúk zàwi a!)
LALPA, Ka sualna zat zét hian ka taksa-ah chhut-han/khuavang min pe ni ta la, kei hi– Midúm ka ni chhiava ang! Dum lo lai rêng ka awm lo ang a, Khawvela midùm ber pawh ka ni hial ta ve ang! Chutian’ng zelin, nang theihnghilh che a, i duh loh zawnga hun ka hman apiang hian ‘X’ chhinchhiahna min pe ni ta la, ka Beng ráwng chhung leh ka Hnàr kaw chhúng-ah nenlam ‘X’ hawrawp a khat tlat tawh ngei ang!
KA PA, Mihring hi a lo va sual em! A lo va tenawm thei ngai em! I mi hmangaih chhanglét hian kan va chawimawi si lo che em! Nitin Sum zawngin kan tul a, Kar tluanin mahni tanghma hai réng réngin kan tuan a, kartawpah hahdamna leh nawmna ùmin, “Ka chàu” tih thumal/ chhuanlam che tê siamin nawmna kan zawng a. Chu tah, kan la inthiam zui ngei a! I biak bùk lam rèng kan àwn ta lo. Inkhawm taima… ti-a kan intehna ber Sandes Skul hminglam erawh hmingthat/ lansarh kan duh luatah kan kái hram hram a, tlangrel kan hlau luatah kan inlan ve táwk a.
LALPA, Thil dik lo ka lo tih thin zozaite kha– min ngaidam thei tih ka hriat lùatah lúngmuangin ka lo kal rei ta! Thlamuangin ka lo téi rei ta! Kha’ng zawng zawngte atang khan– kei hi harh tura i mi ruat lo-nilo ta ila, vawiin Ni chhúak leh borual thiang hi min tém tir ka ring lo!
Similar Posts:
- Ava na em -Mki
- Nang i ngawih tlat si chuan…!!
- Misual tawngtaina!
- AMEN Vrs UM
- A HMEL MAWI MIN HMUH TIRTU
August 15th, 2010 at 6:22 am
……AMEN
August 15th, 2010 at 6:26 am
Amen
August 15th, 2010 at 6:30 am
Lapa Isua Krista hmingin……..amen
August 15th, 2010 at 6:31 am
Lalpa Isua Krista hmingin…………..amen
August 15th, 2010 at 6:48 am
AMEN
August 15th, 2010 at 7:02 am
Amen… Kawlhawk post reng reng a HIT thei riau! Pu HITa
August 15th, 2010 at 7:12 am
AMEN = Hmmmm
August 15th, 2010 at 7:20 am
AMEN
August 15th, 2010 at 7:24 am
Chawlh Ni tih khi Chawlhni tih zawk tur ni lawm ni ? (Mizo tawng ve reng a ni em?)
August 15th, 2010 at 7:39 am
Tawngtai khat khawp mai a, vawiin atan ka ring e. AMEN!!!
August 15th, 2010 at 7:44 am
Amen, praise the Lord!
August 15th, 2010 at 7:45 am
“Aw Lalpa, nang engkima engkim, engkim chunga roreltu, tuipui zau leh thuk tak lungpui kehkak kara kaikuang bawp tliak pawh hmu vek tu, kawlhawk post hi malsawm ang che”.
August 15th, 2010 at 7:47 am
Aw Lalpa, I malsawmna hlu, kan engkim chungah a lang,
I thu lo chuan kan nunna hlu, kan neihzawng nen a ral ang…
August 15th, 2010 at 7:51 am
AMEN. a van ropui dup2 ve.
August 15th, 2010 at 7:53 am
AMEN…
August 15th, 2010 at 8:00 am
Lalpa, i khawngaihna leh zahngaihna nasa zozai avang hian Pathian thikthu chhia i nihna hi ka lo theihnghilh leh thin a, min ngaidam ang che … Amen
August 15th, 2010 at 8:02 am
Amen! Hei hi keipawh ka tawngtaina hla ka thinlung atanga lo chhuak a ni e.
Ka duh danin I rawng ka bawl thin a,
Tha ka tih danin ka pen fo thin.
Ka ka in ka chawimawi che a,
Ka thinlung erawh chuan a hlat si thin che!
I ropuizia min hmuhtir thin a,
I rinawmzia min hriattir fo thin.
Mahse, harsatna leh manganna ten min rawn chima,
Nang ka ring ngam leh thin lo che.
I rawng chauh bawl turin ka inhlan a,
Ka theih tawkin ka pen ve thin.
Mahse Nangmahah nun nghet
Ka neih loh avangin,
Rah chhuak nun ka nei thin lo.
Tisa dan in ka awm a,
Tisa ah pawh ka awm fo thin.
I rawng ka bawl lai pawhin,
Chapona rilru ka nei fo thin.
Mahni kros pu zo si lo hian,
Midang kros erawh ka pu kang fo thin.
Aw Lalpa, min ngaidam mawlh ang che.
Aw Lalpa min ngaidam la,
Nun nghet, nun tak, nun Krista
Nei turin simin I hnen ka rawn pan e;
Chatuan nun kawngah chuan min hruai la,
I ropui nan chauh ka nung zel tawh ang.
Amen.
August 15th, 2010 at 8:54 am
Nizan ka mit thip lutuk leh chhun lamah ka lo tal chau deuh bawk nen, ti khian laklawh takin ka tawp ta mai. Han tih deuh duah ka tum a, ka tlin lo a ni e.
August 15th, 2010 at 12:34 pm
kawlhawk chu “Amen” mumal hman lo in nizan chu a mu ni ngei tur a ni… :lol: mahse tawngtaina tha tak chu a ni tho tho e… Tawngtai han hul tlat mai chang hi chuan a hrehawm duh thin ka ti…
August 15th, 2010 at 12:38 pm
Ralte, i nick hi ziah a har ka ti khawp mai,i tawngtaina hla khi a tha kan ti nawn leh teh ang!, kawlhawk pawh hi i ril telh telh mai!
August 15th, 2010 at 12:42 pm
@Maisek, ^-||RaLtE||-^ a har vak em ni… :lol:
August 15th, 2010 at 12:48 pm
@Maisek, ana chang hre tan chuan a harlo em tak anih khi mawle.
August 15th, 2010 at 12:58 pm
@Maisek, copy & paste
August 15th, 2010 at 2:46 pm
||RaLtE||, I nick bawk an lo chài leh ta!
Sisente #23, Phone atang chuan copy/past a theih loh, Phone atang hlir ka misual bawk siaaaa…
August 15th, 2010 at 2:49 pm
Ralte nick hi chu copy/paste a fuh ber. A par nasa chhei chhuai em mai
August 15th, 2010 at 2:55 pm
@Ralte: I prayer hi duh lutuk.
>”Ka ka in ka chawimawi che a,
Ka thinlung erawh chuan a hlat si thin che!”
Heihi thil pawi tak a ni. Christian tam tak awmdan a ni si.
August 15th, 2010 at 3:18 pm
kawlhawk@24: phone atang pawhin a copy and paste theih tho a lawm. OperaMini i hman chuan a copy duhna lai ah khan select kha press and hold la, chuan a tih tur chu a lo hrilh mai ang che. Tin, link pawh new tab a hawn duh chuan hmet char char la, option a lo awm mai ang. Tichuan back a ngai fo lo ang. Airtel gprs ka hmang a, tab 5 vel chu a zo ve lutuk.
August 15th, 2010 at 3:38 pm
Ka nick in lo chai vang ani maw ka hahchhiau thrawt2 mai. saala…
@Maisek & @ bmw, thanks…
August 15th, 2010 at 3:55 pm
Amen.. tawngtai hleih theih loh hul em em chang, nun khawhar ngawih ngawih chang hi a va han hreawm thrin em. Thinlung zawng zawnga tawngtai hi chuan ka zang hawk thrin.
Pu Mzvision-a nu damdawi inah a awm, a thei chuan tawngtai pui ang u.
August 15th, 2010 at 4:11 pm
Vaiva, Ka va lawm ve! Midangte hriat ve atan ka duh mange, Ka’n try nghal ang e. :lawmemem:
August 15th, 2010 at 4:36 pm
@ku kawlhawk, phone atang thovin mi i paws thin? type rei a ngai awm mang e
August 15th, 2010 at 4:55 pm
Sisente, Nia, rei duh khawp mai. Thu/Pic/Vid etc… Ka Paws reng2 Phone atang vek. Mahse, nuam ka ti zawk laklawh tlat…
Pu As_K, Va zialo ve! Pu mz-a Nu chu lo dam thuai2 rawh se!
August 15th, 2010 at 5:31 pm
in sawilang ta sa sa, mi te thrat zia leh trongtrai pui mai piah lama hun senga kantu kanu chala dawma trongtri saktu te kan dawng nasa. Trongtraina hian min thlamuan khoops.
keimah mimal privat hi chu engkima trongtrai mai zel hi ka nia chhanna hi ka hmu deuh zel bawka, trongtraina hi ka Pathian biak ve na pui ber ani. ka lawme
August 15th, 2010 at 6:17 pm
#30
kawlhawk, opera mini 5.2 hmang ve rawh, copy/paste a tih theih