Ka Pa hnena Lehkhathawn
Ka pa,
A hmasain nangmah avanga he khawvel êng hi rawn chhim thei ka nih avangin lawmthu ka hrilh a che. Nangmah avangin rualawhna châng ka hria a, nangmah avâng liau liauvin tumruhna tha zâwk ka neih theih phah asin. Mahse maw Pa.. Tûna ka dinhmun hi han en teh. Chhuan tur a awm mawlh lo. A awm lo mai ni lovin mite hmuhsit rawn leh endawng ka nih tâk hi.
Pa, hemi avâng hian ka thiam lo thîn che asin. Tûnah hian ngawlvei mai ka ni. Ka pa, ka naupan lai khân ka duh leh awh apiang min tihhlawhtlin sak lovin, kan duh zawng zawng hi kan mamawh a ni lova, naupang thil ngen mai mai a ni tih hrethiam chungin min lo enkawl zâwk la, zahna kâwn hi ka pumpelh tur.
Ka entawn turin ka mithmuhah ruihtheihthil hnathawh rawn târ lang fo lo la, thawhrim hlutzia mi hmuhtir rual khân thlantui nena thawhchhuah sa pawimawhzia min hriattir tel la chuan, beidawnna khur hi ka lut hauh lo vang. Ka pa, nungchang mawi leh awmdan mawi hi inchhungkhura inzirtir turah ka lo ngai a, nang erawh chuan khawlaiah min chhuahsanin, i nupui fanaute aiin i khawvel thiante i thlang zawk a.
Faten kan that tak takna tur chuan nu enkawlna mai chu a tâwk zo lo asin. Ni e, ka naupan lai khan i chetzia kha ka lo thlir reng a, zawm tur leh hmuh tur dang, entawn tur dang min kawhhmuh loh avangin hetiang ka lo ni ta a ni. Min dem suh ang che. Khatih lai khan ka then leh rualte chuan an pate ângchhûng nuam an bêl a, thawnthu hlimawm tak takte hmangin an tuihâlna chu an inphuhrûk sak thin. Kha’ngte kha ka awt ngawih ngawih a, chu chuan rualawhna tha lo tak a rawn hring chhuak ta. I lak atangin chu’ng thil chu ka beisei fo thin a, ka beiseina erawh a thlâwn mai a nih thin kha.
Ih maw ka pa.. Ka thiante chu an chhungkuain Pathian fak leh chawimawi turin an inthurual a, biak-inah thlarau lam chawtha an chhimho thin asin. Khatih lai khan nang tel lovin mahni tlat tlata tlâin biak-inah thu ve thin mah ila, chu’ng ka thiante ka awhna chauh lo chu ka rilruah a piang thei mawlh si lo. Nang nen ni ila, ka duhthusam chu kan puitlin theih lohna tur reng ka hre lo.
Ka pa, khawlaia i awmdan ka hriatte hian ka rilru a va tina thin em!
Kan lo thanglian chho ve zel a, puitlin lam kan pan chho ve a, zahna châng pawh kan hre ve tawh a. Nangmah avangin kohhran leh khawtlangah pawh i fate hi kan inkiltawih phah fo thin tih hi i ngaihtuah ngai em le? Khawlai atangin zirtirna ka dawng a, khawlaiah ka hmang a, khawlaiah ka tuar ta. Hmasâwnna rahbi pan turin ka pheichheh a rem thei mawlh lo. Kawng dik min kawhhmuh turin i tlânchhe si. Ka dai sualnaa min tuama min hlâwmtu tur, min fuiha min pui tur, ka mamawh lai ber chein ka pa, khawnge i awm?
(Kan chhungkaw chungchang sawina a ni lo.)
A lawmawm thin e…
August 18th, 2010 at 3:55 am
Lehkhathawn hi chu chhiar phawt zel hi a fuh!
Report this comment
August 18th, 2010 at 3:56 am
ka tlai leh ta…. hahahhahaa. chhiar hmaa comment tawh chi ani….lol
Report this comment
August 18th, 2010 at 3:59 am
“In chhungkaw chungchang sawina ani maw”…… kan ti dawn miah lo, lo inveng lawk kher suh,…..hahhahahahhaa
Report this comment
August 18th, 2010 at 4:44 am
Mizo tawng ziak dan ka la rawn post ang e.
Report this comment
August 18th, 2010 at 4:46 am
@Rickyskew: Ka nghakhlel khawp mai.
Report this comment
August 18th, 2010 at 4:48 am
@Mr. TSA, i la mu nange? kan inang khawp mai, mi(5ual) hi chuan min timuhil thei lo a nih ber hi!
Report this comment
August 18th, 2010 at 5:02 am
@Rickyskew, mut tum hi hlawhchhamna titamtu mai mai!
Mak thei khawp mai. Tui taka mu thei tur chuan riahbo a ngai 
Report this comment
August 18th, 2010 at 5:03 am
A hreber ka ni lova, mahse Mr.TSA, Mizo tawng ziak dan chu i thiam lutuk, he i ziakah hi chuan sawisel tur ka hre lo.
===
:lol: Govt Aizawl College zirlai i ni chiang mai! :lol:
Report this comment
August 18th, 2010 at 5:08 am
@Rickyskew, a nih leh nih loh chu thuhran, ka lawm lutuk.
Chuan, GAC chu ka thuziakah a lang elaw :?:
Report this comment
August 18th, 2010 at 6:38 am
Pa laktlak loh tak i nei anih chu! Mahse, pa laktlak nei tam tak aiin thu ziak i thiam tho mai. Khawlai atranga i zirchhuah vek a ni awm sia. I patea fel deuh hnenah lehkha hi thon ve thung teh, a ngaihthlak a phurawm khop ang. Phurna hian khawvel a ti nuam thrin tlat.
Report this comment
August 18th, 2010 at 8:06 am
Maw pa…. A tuemaw Rap hla hle mai. :lol: NOI
Tunlai chu lehkhathawn ngaihnawm deuh deuh kan chhiar fo mai. College kala hmun danga han awm bo hian Nu leh Pate hlutna, min hmangaihna hriatchian a awl khawp mai. Nu leh Pate demna rilru kan la put duh hi chuan kan la upa vak lo tihna a ni duh viau bawk.
Report this comment
August 18th, 2010 at 8:08 am
Lalpa kan Pathian hnenah kan thil duh leh taksa chak zawng kan thlen thin, mahse Ani chuan kan mamawh min pe thin.
Report this comment
August 18th, 2010 at 8:11 am
AAAAAAAA..Lehkhathawn hi chu ka chhiar lohna a rei tawh a, chhiar lehlo phawt mai ang. A tha mai ang chu.
Report this comment
August 18th, 2010 at 8:41 am
Ih maw.. K’u Kawng, i tidik ka ti lutuk a..! Ka pa hi ka dem phal tak tak reng reng hleinem..!!
‘Ih maw…Pa’ tih hi a ril em asin!
Report this comment
August 18th, 2010 at 10:30 am
LALPA chuan, ka hmangaih che u a ni, a ti a. Nangni erawh chuan, engah khan nge min hmangaih ni? in ti a. (malakia 1:2)
Ka pan “tlangval lai a fanau enkawl dan sawi hi alo tha ber e, pa nih hnu chuan a har e mai” a ti.
Report this comment
August 18th, 2010 at 11:25 am
Tunlai hian nu leh pa te koh nan,”Ka nu/Ka pa” ti lova,”A Nu/A Pa or Nu/Pa” ti ngawt thin nula/tlangval zingah an pung hluai mai.Hei hi a diklohna hran em em a awmloh rualin,kei chuan ka hmang ve ngailo,a mawi ka ti diai duai lo.
Report this comment
August 18th, 2010 at 12:58 pm
Thansanga chu va thlawh sentimental leh pap2 ve. I Bialnu hnena lehkhathawn ziak leh tawh mai teh
Pa te hi an pawimawh. Nu te tluk zetin an pawimawh ani. Ti hian ti teh ang. Nu te hi ‘growth’ atan an pawimawh a, pa te hi ‘development’ atan. A dik kher chuanglova mahse nu leh pa pawimawhzia ka rawn hailan tumna mai ni teh se.
Report this comment
August 18th, 2010 at 1:05 pm
@lalmizualpa tan liau liau ka’n ziak mah anga aw.. ‘Chutah meuh chuan thinghnah nemte paw’n ti ti ik ik an ti tawh ang,’ ka pa fain a ti.
Report this comment
August 18th, 2010 at 1:41 pm
Pa te hi chuan fa te thatna tur hlir ani kan ngaihtuah, mahse kan tha fel famkim bik si lova, entawn tlak loh pawh kan tam ang. MAHSE mahni sual a Pa te dem hlauh erawh hi chu mahni mawh phurhna lak duh loh vang a ka ngai tlat mai.
Report this comment