Tukin zing chu chanchinbu ka bih chiang lo deuh aniang tunah lawk khan vawiin hi Mother Teresa kum 100 pian champha a lo ni reng tih internet ah ka hmu hlawl a hetiang deuh chiah hian 1997 a boral khan kar khat hnu ah ka hre ve chauh.
Calcutta a kan awm lai khan Mother Teresa-i te inpui ber (ama pawl din Missionaries of Charity headquarter ni tel bawk) piah lawkah hian in kan luah a nitin deuh thaw hian he in hi ka kal pel thina mahse a chhung tak hi chu ka lut khat khawp mai.
Heng tlaiberh note hi ka office thlanga awm a ni a. Tuk khat chu thli in an awmna thinglung a lo ti tlu a, pahnih an lo thi hman a, pakhat khi ka thianpa nen kan enkawl ta a…tunah chuan a thlawk chhuak tawh a ni awm e.
July thla tawp kha a ni a, sava no neih hunah chuan a tlai ber pawl a ni awm e. Eng vang nge ni ang? Kan environment dang chho hian effect a nei thei em?
Khawvel mihring lo pung tam ta lutuk chuan UN lamah pawh ngaihtuahna thar a siam tir ta. UN chuan khawvel a rannung chi hrang hrang, Khau ang chi te chu chaw atan a that zia chu a puang darh dawn tan ta a nih chu. Khau chi hrang hrang, keini Asian ten kan lo ei fo tawh thin ang, Khaukhuap ang te leh Tuihrik/Mawng uih ang chi te chuan chakna tha an lo pai hnem zia lah an hai bik lo hle mai.
Hman kum khan US magazine lar pakhat ‘Outside’ chuan Khuaino pakhat hian mihring nikhat chakna mamawh zat a pai tih an lo chhuah tawh reng a, keipawn misual.com ah hian kalo thai lan ve nghe nghe tawh kha. Khaukhuap sa tlemte hian Bawngsa hersawm ang zat deuh thaw chakna (protein) a lo pai reng bawk a. Tunah hian khawvel hmun hrang hrangah hian Khau lam chi hi chi sang khat vel chu chaw/chawhmeh angin mihring ten kan ring tawh reng a lo ni, an tih chu.
Bethlehem par (Bethlehem Lilly, Bahma Kamal, Nishagandhi) hi a par la hmu lo pawhin a hming hi chu kan hre theuh tawh ang. Zan khat chiah a par a, thimhlimah a kuhmum a inhawng tan a, dar 8 velah chuan mawi tawh tak a ni. A rim a tui em em bawk. Zingah chuan a lo chuai leh der tawh thin.
Hei hi kan rawn post leh lawk. Thenkhat tan chuan thil pawimawh a nilo maitheia, mahse internet hi tun lai kan medium ber a ni tawh a, internet hmang tawh ho hi chu social networking site ah an awm tlangpui bawk. Internet tel lo hian heng te hi a tih theih dawn lova, misual.com te pawh hi internet tel lo chuan tlawh tu kan tlem viau ang 
India ramah pawh internet penetration a sang chho zel a, chuan Orkut hi India ramah no.1 social networking site a ni reng thin, mahse nimin khan Facebook chuan a rawn khum ta chiah tih comScore in an puang e. Top 5 social networking site zingah chuan Twitter hi a pung chak ber bawk. Hei an research data chu:
Read complete article at comScore
|
Top Social Networking Sites in India | July 2010 vs. July 2009
Total India – Age 15+, Home & Work Locations* |
|||
| India | Total Unique Visitors (000) | ||
| Jul-2009 | Jul-2010 | % Change | |
| Total Internet : Total Audience | 35,028 | 39,562 | 13 |
| Social Networking | 23,255 | 33,158 | 43 |
| Facebook.com | 7,472 | 20,873 | 179 |
| Orkut | 17,069 | 19,871 | 16 |
| Bharatstudent.com | 4,292 | 4,432 | 3 |
| Yahoo! Pulse | N/A | 3,507 | N/A |
| Twitter.com | 984 | 3,341 | 239 |
| LinkedIn.com | N/A | 3,267 | N/A |
| Zedge.net | 1,767 | 3,206 | 81 |
| Ibibo.com | 1,562 | 2,960 | 89 |
| Yahoo! Buzz | 542 | 1,807 | 233 |
| Shtyle.fm | 407 | 1,550 | 281 |
*Excludes visitation from public computers such as Internet cafes or access from mobile phones or PDAs.
Read complete article at comScore
mi(sual) tlangval/pa ho hnen atangin an nupui te an duat dan tur zia te kan chhiar tawh a, an bialnu te tan thusawm pek te an siam thul, Mizo hmeichhia te hnam hmangaih turin min ko thul. Tun tum chu Mizo hmeichhia te aiawhin thusawm pek chu ni chiahlo mahse kan mipa te hriat atan engemaw han sawi ve teh ang:
1. Keimah lo chu bialnu/nupui dang nei suh: Hei hi chu han sawifiah vak pawh a ngaiin ka hre lo.
2. I ex te hming a naranin sawi suh: Kan ngaithla peihlo. Khawkhat tlangval luck, bialnu te pawh football team tamtak daih lo nei tawh pawh i ni maithei, mahse kan hre peihlo! Hmeichhia leh hmeichhia hi chu inel ran mai kan ni a, chuvang chuan hmanlai thil pawh ni se tul fe ah lo chuan sawi chhuak suh.
3. Milem be suh: Keimah aiin i phone, i computer, i games khelh lai ngaipawimawh suh. Nangmah aia ngaihpawhmawh tur kan zawng ve mai ang.
4. Tlaw suh: Hei chu zawm a har deuh maithei. Tlaw leh zei te hi chu pianpui hi a ni ve a, mahse tlaw deuh pawh ni la i theihtawp kha han chhuah ve hrim hrim phawt teh.
(more…)
Kei pui hi rapthlak vak pawhin ka in hre lo nain thil rapthlak leh danger zet zet hi ka tawng thei riau a,sawi duh ila sawi tur ka nei nual mai.. In rap ve leh rap ve loh chu ka hre lo nain thil pakhat, thil thleng khat, sapin ‘ once in a lifetime’ an tih pawh a thleng meuh lo hi ka tawng pek a, in lo chhiar peih takin ka misual thiante ka han share leh zawk teh ang che u.
Hmanni lawk khan Kawnpui leh a chhehvel chanchin in rawn post kha ka lo chhiar ve a, ka buailai a nia, ka comment hman lova pawi ka ti hle a, tlai khaw hnuah ka Kawnpui dai experience ka theihnghilh ngai loh hi sawi lovin ka awm thei si lo a nih hi.
Ni 6 Aug 1981 khan kan tawnawmte truck Silchar kal tur, haw leh mai tum chu kan thiandunin kan zui ve mai mai a, kan la naupangin ngaihtuah pawh a la tawi hle. Zan kan riak a, a tuk ni 7 chuan Aizawl lam kan pan chho a, kalkawngah hian MST bus ZRX-82 nen hian kan in lehpel chho zak zak a, Baghaah kan ding hova, kan thenawm (awm leh)nula pawh a lo chuang ve a, kan inbe luam hman. Kan tlan chhuak hmasa a, Vairengteah min tlan pel a, Kolasibah (Chaw an ei a ni mai thei) kan tlan pel leh a, Kawnpuiah kan din lain min tlan pel leh a, minute 15 vel hnuah kan zui ve ta a ni.
Health department pawisa nuai 130 la chhuak a, Chhiah puama dah chungchanga thubuai siamsak tawh, Directorate-a UDC-cum-Cashier, Chawngrinsangi leh Vanlalsawmi te chu Judicial Magistrate, Michael Lalrinsanga Sailo chuan an thubuai a tihtawpsak.Health department sum Chhiahpuama dah chungchangah hian Health Director, Dr. N Pallai chuan November 12, 2008 khan Aizawl Police Station-ah FIR a thehlut a, police-in an chhuizui a ni. Police-in an chhui zawh hnuah Court chuan tun hnai khan thutlukna a siam a; Chawngrinsangi leh Vanlalsawmi te hi thiam a chantir a, an charge na zawng zawng chu a sûtsak a ni.
Thuhretu hrang hrangte a koh hnuah Court chuan, Chawngrinsangi leh Vanlalsawmi chu police lamin criminal case awrhtir tha ti mah se, criminal case awrh tur khawpa an dik lohna a hmuh loh avangin thiam a chantir a ni. Chhiahpuam pawisa táng zinga tel, Health department pawisa nuai 130 chu a neitu dik tak pek lêt leh a that thu Court thutluknaah tarlan tel a ni.
Engtin nge hetianga sorkar sum diklo taka pei pun tumna leh a hlawkna mahni(mimal) a tel tum a, thil ti te hi sorkar hian thiam a chan tir theih le? Mak ka ti ngawih ngawih mai a!! An hausa emaw sorkar fawng vuantu chhungte an nei tha a ni tal ang!! mi5ual ten engtin nge kan ngaih le?
Damdawi tangkai zia chu kan hre theuh ang a. Damdawi ngeihzawng tak mai han ei fuh hi chu a lawmawm duh ngawt mai nia. Mahse damdawi te hi a nihna ang thlapa hman loh emaw, damdawi dang nena mahni duhthua lo pawngpaw ei ve ngawt hi a hlauhawm a, vanduai chuan zeng, thluak buai, piansualna leh thihna hial a thlen thei a ni. Aw le, kan lo fimkhur zawk theih nan tlem a zawng ka rawn tarlang phawt a, kan hlut dan a zirin part- II pawh ka la rawn post ang.
1) AMOXYCILLIN + CLAVULANIC ACID : Clavulanic acid hian amoxycillin te hi beta lactamase producing bacteria ten an tihchhiat tur lakah a veng ve tlat mai a. Amoxycillin hnathawh a tihchak phah thin a ni. Eikawp a pawi lo mai ni lovin,a tha zawk.
Duhthlanna leh rinna chungchanga TMEF Zirtirna: A chinchhuaka chhuina leh thudik zawk kawhhmuhna.
Click here