Inspired by Television ?
National Geographic ? channel ka en a America rama electric hrui chhia an zawm lai a rawn tilang a, ka rilru ah chuan khang electric hrui chhe zawmtu te kha PA ka tita riau mai a a chhan chu engdang vang nilovin in tamtak, kawtthler leh Factory lian pui pui ten hna an thawh theih nana a pawimawhber kawlphetha a awm theih nana an NUN THAP a a chhelai siamthatu an nih vang a nita ber awm e. Tihsual palh vaih chuan awh khaih! tih ruala a chatthla ta tihna tur hmunah ei an zawng a ni.
Ka ngaihtuahzui ta zel a
Reader Digest te, Lengzema chanchinbu a mizotawnga lehlin thawnthu (tak tak) te kan han chhiar a a ziaktu tamtakte hi ram changkang lo a mite chuan ziakve tlaklo a kan ngaihte an ni a. Mahse ram kan sawinin theih loh sapram a mite chuan kan (ram changkanglo) ngaihdan ang hian an ngaive lemlo a ni ang hmun sangtak an tan an dah sak a ni. Truck Driver mai mai (mai mai =changkang heklo) thuziak pawh Best selling Magazine-ah an chhuah sak duh a helamah saptawng atanga lehlin a nih a vangin an chhungkua chanchin an rawn thaikawite chu bianga mittui far chungin kan lo chhiar ta a ni.
Inthlahchhawnna thil a ni em ?
‘Babu’ kan ti a kan ngaisang em em a a chhan ni awmbera lang chu office nuam takah chair virtheia thu chungin pen hmanga ei an zawn vang a ni maithei. He ngaihtuahna hi kan pi leh pute hun lai atanga lo awm tawh a ni awm e. Lehkha i zirloh chuan hna i thawk ang tiin an fate min zirtir a, hnathawh (Kuthnathawh) chu inhremna ang hialin tun thlengin kan lo ngaita a, hei hian a hrin diklo tak chu kan rilruah sawrkar hna thawh chauh hi hnathawk emaw kan ti a hnadang reng reng kan hmuhsit phah a ni. He ngaihdan thalo tak hi kan bulvela chengve Vai kan tihho zia atanga kan lak a ni maithei, anni chuan hnam inthliarna an kal pui a chu chu hnam hnuaihnung (Kut hnathawktu te) hmuhsitna inthliarna a ni.
Sapram leh kan ram
Sap ho hi kan han ngaisang khawp a tawp deuh pir per pawh nise thlang sappui kan ti a kan en chung lah mai a, an rama kal chu sawiloh anni ho nena thla kan lak ho ringawt pawh kan album phek hmasa berah kan paste a ( zepthu chenglo kei pawhin ka ngaihsan piah lamah London velah han kal ila Fly Emirates stadium a Arsenal-in Manchester United 3-0 vela an sawp lai en phei chu ka chak leh zual). Achhan ni bera ka rin chu an changkan bik vang a ni awm e.
An changkan na chhan chu mitinin an theih tawk theuh zak miahlo in an thawk a, an thawh phu theuh hlawh an hmuh vang a ni. Mahse kan ramah chuan chung hnahnuaihnung nia kan hriatte chu thawh enah kan en lova, a thing kan ti a kan nulaten chutiang hna thawk chu pasalah an duh lova, chu chuan kuthnathawh hmanga eizawn chu changkanlohna niah min ngaihtir tlat a ni. Heihi a pawi hle kan ngaihsan sapramah chuan a nive si lo.
Anni chuan hna zawng zawng hi in ang vekin an ngai a niang eng hna mah an thawk hreh lo. Hna hniam leh hnasang awm lovin eng hna pawh hi an dah pawimawh vek a thawh hreh an nei lo. Chu chuan inpumkhatna leh mi zawng zawng hlutna a siam a, sawrkar ngaihah chuan an rama cheng zawng zawng (citizenship) ho chu an pawimawh vek a ni. Mahse kan ramah chuan mipui tamtak chuan election dawn chauhin pawimawhna kan nei a ni (politician thenkhat ngaihah chuan).
He thu ka ziah chhan
Truck driver thuziah Reader Digest-in an chhuah duhna chhan chu a hnathawh kha enhniamna an neilo tihna a ni maithei a ni. India ramah (Mizoram ah pawh) chuan a tlangpuiin hmingtawpa degree nei tlar tuar ho thuziak hi kan chhiar nasa bik a hna hnuaihnung (nia kan ngaih) thawkte hian hmun an chang meuhlo. Hei hian a entir chu kuthnathawktute pawimawhna kanla hrelo tihna a ni.
Zan khat pawh current tel lova awm theilote hian chunga thawkte chu kan ngaisang duh tlat lova, mechanic hote hi awm ta lo se kan motor neihve te hi a tlanthei awm silo va. Puanthui thiam te hi awmlo se eng thawmhnaw tak ha ang i maw. Lo neia eizawngte hi an va pawimawh em! an tello chuan enge kan ei ang ? Thuilo te pawh ke a i kal peihloh chuan driver hna hi hmuhsit ngawt chi a nilo maithei. Kea i kal peih loh na leh i kal thlen theih lohna zawng zawng a hruaitu che a nih kha.
Khawvelah hian eikhawp hmu tur te, Pathianin mihringte changkan theihna adah hmuchhuaktur chuan enghna pawh hi a pawimawh vek a, office-a computer hmaa thuthinte an pawimawh tlukin hnadang thawktute pawh an pawimawh tho a ni. An pawimawhna leh an hnathawh a dang e tih chauh a ni.
Chumi hunah chuan
Hengte hi kan practice hunah chuan kan ram chuan changkanna lam a hawive tawh ngei ang le kan ngaihsan thlang sappui ho iang in. Kan thalaiten hnathawh hreh an nei tawh lovang a kan nula te pawn kan tlangvalte hnathawh chu tawiawmin vawkvulha eizawng chu pasala neih an hreh tawh lovang. BSc. (agri) te pawhin dawhkan atangin hna an thawk ringawt tawh lovanga a hmun ngeia kalin loneitute an pui tawh ang. Chumi hunah chuan kiltin (every field) atangin kan thawhchhuah te chu kan seng tawh ang a chung infinkhawm chuan changkanna min thlen dawn a ni.
Kan hnathawh theuhte kan in hlutsak hunah chuan enghna pawh thawh hreh kan nei tawh lovang a, All Mizoram Graduate Unemployed Association pawh ‘Hnathawh Hreh neilo Pawl’ in kan thlak tawh ngei ang le. He thu hi suangtuahna a tak thlengtheilo tur Never never Land a nilova kan banphak mai a awm a ni i duh leh duh lovah a innghat e.
Similar Posts:
- Hnaa rinawm!
- Sum atchilhin rilru a khawihbuai dan
- Eizawnna
- MGNREGS (Engvangin nge kan hotu te hian…..)
- Nulate u, in khawvel a ni e!
September 2nd, 2010 at 12:06 am
A ngaihnawm khawp mai. A tha hle bawk.
Report this comment
September 2nd, 2010 at 12:07 am
Ti zawng hian mawle..
Report this comment
September 2nd, 2010 at 12:08 am
Mr.TSA minute 3 chhungin i chhiar zo hman amaw? ka awih miah lo
Report this comment
September 2nd, 2010 at 12:08 am
Ku Ts i lo 1st leh tawh ni maw. .
Report this comment
September 2nd, 2010 at 12:12 am
@Goldmember: 1st theihna tur ting chuan ka chhiar thuak! I lo delete ang e. A kimchangin tunah ka chhiar chhuak ta e.
Kei, mi rethei leh hna hnuaihnung ber thawk hian Mizo site changkang leh lian, Mi{sual}.com-ah hmun ka chang ve phak hi, Reader Digest min ngaih bik lohtirtu a ni.
Report this comment
September 2nd, 2010 at 12:13 am
che rang hlawm ve
Report this comment
September 2nd, 2010 at 12:21 am
Post tha tak a ni e. Ka thlawp che.
Report this comment
September 2nd, 2010 at 12:24 am
Mizo thalaite rilru hi a piangsual tan tawh ang hiala sawi awm fo thin hi pawm harsa ka la ti. Kut hnathawh hi eizawnna atan ala hlawk lo ve bawk a ni. A hlawkna hmunah chuan thalaite an bur suau tho a nia.(entirnan: Hnahlanah- Grape huan siamin) Mizo thalaite kan thatchhia ka ti ngamlo, thawh tur min pe tur kan mamawh ani he ramah hian.
Report this comment
September 2nd, 2010 at 12:35 am
An changkan na chhan chu mitinin an theih tawk theuh zak miahlo in an thawk a, an thawh phu theuh hlawh an hmuh vang a ni.Anni chuan hna zawng zawng hi in ang vekin an ngai a niang eng hna mah an thawk hreh lo. Hna hniam leh hnasang awm lovin eng hna pawh hi an dah pawimawh vek a thawh hreh an nei lo a dik ka ti lutuk.
Report this comment
September 2nd, 2010 at 12:36 am
min lo khalh leh vek tawh ani maw…..lolzz
Report this comment
September 2nd, 2010 at 12:39 am
:smile: a mi le
Report this comment
September 2nd, 2010 at 12:39 am
ka comment a bo …..tunge lo delete,…ka chhiarchhungin a lo bo daih…..FIR ka thehlut dawn nia……lolzzz.
Report this comment
September 2nd, 2010 at 12:40 am
SeynMizo, ka hmuh thin dan (tunah chuan a ni tawhn kherlo maithei) chuan Mizo te hi hlawk nghal hluai thil lo chu kan peih rei ngailo tlangpui. Tlangval chhngte chawm hlawm hian a ma pocket money tur pawh lei laiin a hlawhchhuak peihlo, nula hriatah/hmuhah phei chuan a zak vel, a hmusit vel khanglang, khatiang kha eiru te nen ram thanmawh bawk an ni vek.
Report this comment
September 2nd, 2010 at 12:40 am
einch ka thiam dawn ta e. :mad: :!: :?: :sad:
Report this comment
September 2nd, 2010 at 12:42 am
Thalaite hian thawh hreh kan nei hlei nem, thalaite hian chankan chu kan tum a lom.
Report this comment
September 2nd, 2010 at 12:43 am
Thu post thra tak ani,…. Kan zah chuih chuih chhung hi chuan kan changkang hauhin ka ring lo. Ramchang chin tawhah hi chuan DAN a lal em a, mirethei thusawi leh mihausa pa kamchhuak kha a inang reng tlat atin ani,….Mizoramah chuan …….saw,…ah, saw…..ah… ala ni rih e,…!!!!
Report this comment
September 2nd, 2010 at 12:44 am
Ku khumchik i mu daih tawh amaw tia, ilo la zir ru reng ani maw,…..engtin nge itih bika….:
Report this comment
September 2nd, 2010 at 12:50 am
:sad:
Report this comment
September 2nd, 2010 at 12:53 am
@18___ iva sual reuh e aw….hahhahaa, ka thiam ve hunah lei ka la chhuahkhum dawn che nia.
Report this comment
September 2nd, 2010 at 12:59 am
€H.Vangchhia: I sawi hi ka pawm tho, mahse maw..m “Mizote hi” kan tiha kan focus lian ber chu Aizawl a ni fo a. Dikna chen a awm, kan Mizo darthlalang chu Aizawl hi a ni. Mahse Mizote nun zawng2 tehfung dik atan chuan a dik ka tilo. Thatchhia anga kan insawi hian ka pawm mai theilo ani.
Report this comment
September 2nd, 2010 at 1:01 am
A tha thin e.. ka vei thin mahse ka phuah chhuah thiam si loh in han post thin hi chu a lawmawm thin ngawt mai, hetiang lam hi han post chur chur teh u, ka lo dahtha zel a nia.
Daktor chaw mutna damdai dar 9 vela ei chunga la meng kur chu in ni ve em lovang chu maw? Mutthilh theihloh hi zawng a hahthkah hranpa ve reng reng a nih hi.
Report this comment
September 2nd, 2010 at 1:02 am
#13 clap clap clap
Report this comment
September 2nd, 2010 at 1:13 am
@SeynMizo: Ka thlawp che. Hmán atanga tun thleng hian thingtlang tlangval chuan lo neiin ei an la zawng nia!
Report this comment
September 2nd, 2010 at 1:15 am
an ngaisang lo hranlo,poimoh poh an ti vek ngei ang amaherawhchu lakluh a tlem avangin an la bawh lo mai zawk in ka hria,thoh hah bok,lakluh tlem bok tutan mai poh a awhawm lutuk hran don mi o….lakluh tam duhah chuan kan officer lian te hlei2 hi nih hi buai hmel,kan pay atlem bik chumi pay chu hmang vat2 ang an ti kumtin deuh tho nih hi m’le,mipui tibuai thei khopin norh hial poh an hreh lem hlei loa
Report this comment
September 2nd, 2010 at 1:16 am
Khumchikthei, i mu tawh em? I chik nasa leh tawh viau lo maw? @12 khi ka lainat e,,,Mahse,
Report this comment
September 2nd, 2010 at 1:26 am
@mc_ralte, i problem chu ka hriatthiam pui ltk che. Solve dan pawh ka hre tawh, damdawi ei a ngailo, mut tum miahlo la meng char char mai rawh, a chhuah hunah i mu chauh dawn nia. a chhuah tak loh leh mut a ngai kherlo a ni mai.
Report this comment
September 2nd, 2010 at 1:28 am
Reader’s (‘Reader’ ni lovin) Digest ang magazine hian thuziak hi chhuah tlak a nih leh nih loh chu kawng hrang hrangin an teh ka ring (a ziaktu chu truck driver a ni emaw ni lo emaw)- entirnan thuziah dan dik (thumal ziah zawm leh zawm loh tur) leh a thufun a that leh that loh tiamin
Report this comment
September 2nd, 2010 at 1:34 am
#13 i sawi tamtak kha chu a dik thin a lawm, mahse mi zawng zangah chuan a dik vek tawh hauh lo maithei. Entirnan Tlangval ka hriatchian ve em em pakaht chuan PUC a a kal lai zawngin bawng hnute sawr chi a chhungte nen an vulh a, mahni zirman intuaknan bawngchaw sah, bawng enkawl leh hnute sawr, bawnghnute sem te thlengin a ti thin ve tho a sin, hlawk thur thur lo mahse. PUC ground a thenkhat in bike leh motor an dah khap khap laiin ani chuan TATA 407 tawng lam tawh takin bawnghnute bur ruak leh wheatvai bag nen, class ban huna bawngchaw sah na hun a awm tak hlauh a chemkawi leh hnathawh thawmhnaw a dah tel nen BSc class kai turin a in khalhlut thin. A ni chuan lehkhathiam hna hmu lo pawl reng a ngai lo. Chu vangin Mizote hi ‘Kan thatchhia’ han tih tawp ui chung chung hian ‘Kan thalai te hi chuan hna an thlan dawn erawh chuan an duhtui deuh mah mah’ ka lo ti ve thin.
Report this comment
September 2nd, 2010 at 1:34 am
SeynMizo & mc_ralte #20 & #28 thil reng reng sawi nan hian a tlangpui hman a ni thin. 100% (precisely)in mipui emaw, kan sawi tura kha sawi chhan kher ani ngai lo alawm. “Mizote hi,” kan tih chuan, “A tlangpuia Mizo te,” tihna a ni ngai e.
NOI
A tam zawk kan ni miau, ka hmuh danin.
#9 khi a dik ber mai, chhuanlam fahrah te te siam lo hian i entawn teh ang u.
Report this comment
September 2nd, 2010 at 1:40 am
@ruata, a chhuah loh tak tak hia chuan ni 5 leh zan 6 te hi a ni hawlh mai zel a. Ka record phei chu Ni 13 leh zan 14 mole. Harh leh chiah chuan damdawiinah ni 3 lai lo let bam tawh! lol …. tihchi loh lutuk
Report this comment
September 2nd, 2010 at 1:40 am
#29… ka thlop e
Report this comment
September 2nd, 2010 at 1:42 am
In tih tihin ti teh u!
Report this comment
September 2nd, 2010 at 1:47 am
ni e ni e, NOI here too
Report this comment
September 2nd, 2010 at 1:52 am
Thawh phu theuh a hlawh hmuh tur ni ta se, thalaite hi kan phu ve suau suau mai lo maw?? Lei laia nilenga inhlawhin sa kg1 man pawh a hlawh chhuah theih si loh chuan….
Report this comment
September 2nd, 2010 at 1:53 am
Kan thianpa pawh thla hmasa lawk khan electric hrui chat a zawmna lamah electric-in a man avangin a thi.
Report this comment
September 2nd, 2010 at 2:00 am
silverback, kan hnathawh tur hmuh theih chhun a nih chuan lawm taka thawh zel mai hi a hlimawm ber. Phun phun a thawh tur hmuh chhun thawk peih lo hi chu ei pawh hi eilo sela tha ka ti.
#34 i sawi ang hna ang te khi ania ka thawh thin (tunah ka changkang ta em em ka tihna erawh a nilo). Hmasawn zel tuma nen thahnem ngai taka kan thawh theih ang ang thawh hi hmalam pana kan kalna tur inzirna zel a lo ni tih hi ka chiang khawp mai. Hna hniam leh hna sang kan thliar zet zet chhung leh, tlangval laia nula hriat/hmuha leilaia inhlawh kan zahna te, chhungte chawm hlawm nih kan zah leh miah siloh na te, mahni khum emaw, inchhung chet, mahni tihve theih pawh kan tih that peih lohna te hi ram changkangah chuan an ti ve ngai lova, an changkang reng a ni.
Report this comment
September 2nd, 2010 at 2:02 am
Hna hniam leh hna sang kan thliarhran chhung chuan mi rethei leh hausa inkarah a zau ang. Kha kha ni ‘mai.
Report this comment
September 2nd, 2010 at 2:08 am
Para 2 chiah ka chhiar. Ka chhiar zawm peih rihlo… ka mut a chhuak. Mahse article tha tak a niin ka hre der tawh. Naktuk lamah kalo chhunzawm a nge.
Thank you Laldoma!
Report this comment
September 2nd, 2010 at 2:53 am
#36 I tidik khawp mai. Thalai chhungte thawhchhuah sa ringa awm mai mai, hna thawk tha peihlo ho hi ka thlawp tihna ni lovin, sum thawhchhuah harsat zia leh thil man to tawh zia ka rawn highlight na mai ani e.
Ka lawm e.
Report this comment
September 2nd, 2010 at 5:56 am
Post tha tak a ni.
Eng hna pawh thawh hreh lo hi an tam ve tawh, mahse tlem tak an la ni. Ram hmasawnna khawpa engpawh thawh hreh lo kan la nei lo.
Report this comment
September 2nd, 2010 at 9:55 am
“..kan nula te pawn kan tlangvalte hnathawh chu tawiawmin vawkvulha eizawng chu pasala neih an hreh tawh lovang…”
Zawlnei Isaia inlarna ami ni awm tak ani.
Report this comment
September 2nd, 2010 at 10:02 am
Post tha tak a nih hi. Chubakah comment tam zawk hi a ngaihnawm a, atha fu hlawm mai. A post tupa #laldoma# hi ka rilru ang pumi a nih hi a.
Readers Digest a sawilan takah chuan karhmasa khan Delhi Airport-ah Readers Digest India kum 55 na a an special Issue Digest a an article chhuah tawh chi hrang hrang an dahna ka lei a. Ka chhiar hnu deuh vek an ni nangin ngaihnawm ka ti hlawm khawp mai. Readers Digest bultantu DeWitt Wallace ate nupa in an din dan vel phei chu ngaihnawm tak a ni. Chhiar ve teh u’n. Wally ahi college dropout ve mai a nia, mahse heti khawp hian a hlawhtling thei tlat. RD hi tunah hian ram 50 ah tawng 21lai a tih chhuah a ni tawh nghe nghe!!
Report this comment
September 2nd, 2010 at 10:50 am
ziak tha hle mai….
mizo thalai te hian tunah hrih chuan hna thawh hreh nei ang in kan lang a ni mai thei…..sawrkar inrelbawl dan leh kalphung hi fel se…sawrkar hna thawk leh thawk lo te ang khat in awm tlang thei ila chuan hma kan sawn ngeiin ka ring…
tunah hrih chuan kut hnathawkte hian sawrkar hna thawkte hi kawng engkimah health insuarance thleng hian kan la pha lo em a….kuthnathawh han buaipui vak chu kan la harsat rih deuh niin ka hria…
Report this comment
September 2nd, 2010 at 12:19 pm
A sei deuh hlek a, post ho mai mai emaw ka ti deuh bawk a, ka lo chhiar kan daih a, mahse post tha tak a lo ni reng mai.
Report this comment