Van dum pawl ruih kar a chhawrhthla engno em em hnuaiah chuan, ka hring nun khawngaihthlak tak a, vanneihna leh vanduaina chhumpui in pangawzial mup mup chu ka thlir a, aw.. hring nun hi a va hreh awm tak em, engtin nge maw ka tih tak ang le, tunge min tanpui thei awm ang? Talchhuah tumin vawi tam tak ka bei thin, mahse, kawng a ping tlat tawh si!
Ni e he ka hringnun vanneihna leh vanduaina chhumpui hi tunah hian puang chhuak lo mah ila, engtik niah emaw chuan puan chhuah a tul ngei dawn a ka hriat a vangin. Tun hun ngei hi khawvel mi zawng zawng tan a hun tha a nih ang in, ka tan pawh hun tha a nih beiseiin, ka puang chhuak dawn ta niin a lang.
Chhiartu duh tak, min nuih zat anih pawhin ka dem hauh lo che, ka rin dan mai mai chuan nuihzat thlakin, hmuhsit awm viau dawn mahse i thei lovang, i lainatna leh khawngaihna mittui chu ka lamah i sur tir zawk ngeiin ka ring. Hringnun mawi ber chu lainatna leh hmangaihna, dawhtheihna neitute hi an ni, chung zingah chuan i tel tih in hre kher lo pawh a ni thei, i ni lo a nih pawhin, nih tum ang che.Khawvel a mi hlauhawm ber chu, hmangaihna neilote, rinawmna nei lo leh mahni inhmangaihtute hi an ni tih hi hre tlat la, chutiang lak a tang chuan i hring nun hi tlan chhuah tir vat ang che.
Vawi tam tak, he ka nun hi puan chhuah tumin ka bei thin, mahse zahna thlarau chuan, mi nuihzat turte, mi hmuhsit a ka awm turte min hriattir a min tlan chhiattir fo thin, dawihzep tak a ka tlan chhiat a piangin, ka nun hian hrehawm tam tak a tawrh phah thin bawk.Zakzumna leh dawihzepna in ka nun a malsawmna tam tak lo lut tur a dan chah nasat zia erawh chu tun hnuah chauh ka chhut thiam a ni, chu chu a tlai zo tawh si, siamthat a theih mawlh tawh si lo.
Tunah ngei pawh he ka nuna vanduaina leh malsawmna hi sawi ka ngam mawlh lo, mahse a ngai tlat si, tunah chuan he ka nun kawng daltu leh min puan chhuah ngam loh tirtu leh ka nuna malsawmna tam tak luhna daltu dawihzepna leh zahzumna thlarau sual hi in dal tir hman ni theiin ka in hre tawh mawlh lo.
He ka nun puang chhuak tur hian zing leh zan engzat nge ka rilru leh ngaihtuahna ka lo senral tawh pawh ka hre tawh lo. Ka puan chhuah ngam lohna chu ka taksa in a tuar a, chhungkua leh thiante zingah pawh hlim lai ni reng ka nei thei lo.
Ka thenrualte chu hlim takin, an duh leh Bike, an duh hun hunah ngaihzawng an thlak thei, sum hmantur, an mahni in an neih loh pawhin an chhungte thawh chhuahsa tal rin tur an nei, kohhranah an in hmanga, Kohhran behchhanin, sual lam leh a tha lam ah pawh duh lam lam an hawi thei vek bawk, an nun an va ti zalen thiam em!
Khawvelah hian eng hi nge maw kan beisei a, eng hi nge kan dam chhan? Mizawng zawng hian khawvel hi kan chen kum hlunna tur emaw kan ti a, kan eisen loh kan dah khawl thur thur a, a rethei ten dahkhawl chu sawi loh, nitin eitur pawh thlantui far a kan thawh chhuah a ngai si.
Chutiang hring nun khawvelah chuan he ka hring nun buaina hlir a khat hi, puang chhuak ta ni ila, min tanpui thei ang em? Midangte tanpuitu hian mite hriat phak loh nun hlimna chhiarsen loh an nei thin tih hi i hre lo a nih chuan, sum in emaw i tha in emaw, i thiltih in emaw midangte tanpui ve phawt la, chu chuan, midangte tanpui a vanga hringnun hlimawm chu a tak ngeiin i chang dawn a ni.
Khawvel a ni, mahni hlawkna leh hmingthatna turah lo chuan midangte tan a thil tih hi mi tam takin harsa kan ti thin a, a nih loh pawhin midangte tan a thil kan tihsak hian rilru a phut nei ran in tih kan ching thin bawk. He hring nun ah hian ka tello pawh ti la i tel tho tho.
Chuvangin he nun tha lo tak a tang hian tlan chhuak turin, thu ka pe a che, mi zawng zawng tibuaitu hi a pumpelh hmasa ber ni turin tlan chhuak la kir leh tawh suh. He nun a tanga i tlan chhuak lo anih chuan, Chatuan kawngkhar thleng khian, i tan khar pin a ni ang.
Mihring tan Vawikhat thih ruat a nih angin, vawikhat thil tihsual tawh chu, tihsual hma nunah tha takah khan a kir leh theih tawh loh, chu vangin, he hring nunah hian TUN HUN hi hmang tha la, chu chuan i dam chhung nun hlimna tawp thei lo chu a pe ang che. Khawvel a mi van nei ber te pawh hian an tun hun an hman that vang chauh hi a lo ni.
Similar Posts:
- Ram hruaitu atan thalai te hi kan tling tawk em?
- Pawl leh Thuneihna
- Green or Blue Result
- Love can turn the world…….
- Zùn ngai lungmawla
(Y)
September 4th, 2010 at 7:01 am
A va that hmel ve…chhiar phawt teh ang
Report this comment
September 4th, 2010 at 7:07 am
Ziak tha ve tho mai.
Report this comment
September 4th, 2010 at 7:11 am
Kan hun hman lai hi a pawimawh ber, tha taka hman tur ani.
Report this comment
September 4th, 2010 at 7:25 am
Tunlai khawvelah sual hi sual ang a rawn in lar lovin a thlem tur a te mize mil zel a rawn inlarin mi a rawn bum hmiah hmiah thin fimkhur a ngai khawp mai
Report this comment
September 4th, 2010 at 7:36 am
Nia dawihzep na leh zahzum na hi kan kal kawng a dal tu ah a trang fo thrin, huaisenna nena kan hneh zel a ngai reng a ni….
Report this comment
September 4th, 2010 at 7:58 am
Pi Valbawihi chu ziak ril raih mai le. An schedule atang tawh khan ka lo chhiar chak tawh reng a ni. A tha takzet e.
Ka lawm em em e.
Report this comment
September 4th, 2010 at 8:14 am
Pi valbawih – I thu ziah khi ka chhiar chhuak dap…I phakar ka tiin I dawihzep tak zet anih khi..Inpuan tur neih chu Puang tha mai mai la. Nge Kan tun hun hmang tha tura i fuihna hi ami i lo sawi chhuah ngam loh chu? Anih chuan a va han ho leh ang reng si ve!
Nge Part-II ala awm dawn zawk?
Report this comment
September 4th, 2010 at 8:15 am
Ka hun kal tawh chu kohkir theih si loh nakin hun tan erawh inpuahchah tur. Tun hun hi kan lo hmang ho palh anih pohin iniam that tum hi a poimoh khoops.
Mite tanpui hi phak ang tawk zela tih hi a tul, ti zel ang u kan tihdan leh duhdan erawh a hrang thei. Mi tamtak hi chuan midang an puih turte hi hriat an duh lo chuvang chuan NGO/NPO kaltlangin pawisa an thawh tawp.
Hman kum khan nuho in Bihfai bag mirethei zual YMA ten an thlan veng hrang2-ah an pekual. Mahse YMA veng hrang hrang rethei thlan dan kha a lo inang lo hle tih an hmuchhuak.
Tanupina dawn duh huam huam hi an tam em em a state ang pawh hian kutdawh kan ni ber mai. Tanpuina addict hi a awm theih chhungkaw piangsual an tam mai.
Kan harsatna te hi Pastor leh Upa hnena thlen ngam hi kan tlem awm mange ka ti thin. Mahse Pathian kan direct theih vangte pawh ani ngei anga.
Tanpui ngaite puitu, lungngia te hnemtu hi chu khawi kip hmuah pawh hian an lo awm zel. Mite puitu hnemtu nih theih hi a va hlu em.
Misual Charity pawh hei BEr thla kan thleng Admin ho hian min han huaihawt sak sela :ngenna:
Report this comment
September 4th, 2010 at 8:19 am
Kei pawh Ben(#7) hi ka thlawp….ka sawi tum a ni. I sawi tum ber sawi lo in heti zat hi i ziak thei a, i fakawm phian.. Tun hun hmang tha tura infuih te chu sentence 1 ah pawh a theih lom ni…hahaha…
Tin, hrehawm, nuihzathlak leh hmuhsitawm tih te khi ziah zawm tur a ni.
Report this comment
September 4th, 2010 at 8:27 am
Kan chhiar ve phawt…
Report this comment
September 4th, 2010 at 8:49 am
Chhiar ila ka kawmen ang.
In zavaiin good-day u le.
Ka lawm e.
…khrum
Report this comment
September 4th, 2010 at 8:51 am
Mak ngei mia a, Post tupa, thu thiam tak i ni phawt mai….
Topic dang pawh han ziak zel teh, chhiar a nuam ve hrim2…
…….bauh
Report this comment
September 4th, 2010 at 8:51 am
#Ben 7 khi ka ngaihdan ani..i hrehawmna leh i vanduaina engamah hriattur a awm si lo.
Sual inpuanna te hi anazawng in mihring hmuhtheih ah a tul kher in ka hrelo..”rilru a retheite chu an eng athawl e” tih ani si a.
Report this comment
September 4th, 2010 at 8:52 am
uluktak in chhiar dap phawt ang.
Report this comment
September 4th, 2010 at 9:00 am
Khi post-ah khian Hlauhthawnna, Awhna leh Fuihna ka hmu.
Ka lawm em em e.
Report this comment
September 4th, 2010 at 9:03 am
#7 Vetehmial saym ..”rilru a retheite chu an eng athawl e” tih ani si a.
Rilu a rethei tih lai tak hi tunhma paw’n ka ngaihtuah thrin a, a awmzia zu hre thei mang miah lo i a!!!!!!!!!!!!!!
Sum leh pai ngah tak hausa pui pui ho hi an sum neih khawl sa hman ui reng reng in an khawsa a, heng hi emni rilru a rethei tih hi, mi5ual ho hian min han hrilhfiah teh u>…….. Pls in….
……….Bauh…..
Report this comment
September 4th, 2010 at 9:26 am
@16..thlirna tlang azir in sawidan leh rindan a in anglo nuaih thei maithei..Pu keimah te sawifiah thiam chi ani ..”thinlung lungchhia leh inchhir ngawih ngawih te” kannih si loh chuan Sual puan satliah hian Lalpa ngeng a chhun chiah angem.Evan tamtakin campers te sualpuanna an tih luihtir lek lek thin hian Chunglam tan awmzia anei chiah angem.. OT em em em?
Report this comment
September 4th, 2010 at 9:40 am
#7 keipawh ka chhiar hmasak ber chuan i ngaihdan ka tawmpui lek2, mahse a phenah a lo awm nual mai…
Ziak tha khawp mai, a ril hle bawk.
Report this comment
September 4th, 2010 at 10:34 am
Hmana “tun hun” nakin hun tur thlir rana hmang thin ten;vawiin ah hian a rah duhawm an seng mek a.Hmana lo dai pial hret ten vawiina “tun hun” an hman thatin,tunah leh nakinah a hling leh a par an tlan ang
Report this comment
September 4th, 2010 at 11:16 am
phek lehlamah laluta helamah valbawihi i nei kop ami
Report this comment
September 4th, 2010 at 11:35 am
I buaina ber laimu chu a engber chu nge ni ta a???
Report this comment
September 5th, 2010 at 12:57 am
Kan chhiar zar2 a…tha khop mai.Thu i thiam ka tia..M&B vel ziak ah i itom khop mai.Pehhel kual thiam in a tir tranga top thleng in i soi tum tak hre chak in kan chhiar chhuak zak mai a lom.I tun hun i hmang thiam th a…i doihzepna leh i zahzum na chu kong khatin he thupui hmang hian i ron hneh ta chiah in ka hria.Heng te in a rahbeh reng loh nan che hian thu tha deuh2 ron ziak zel roh…Mizo hmeisia ah hian nang ang hi kan tam lo a nia….in chhuang hle roh….
Report this comment