Tunhnaia chanchinthar zinga lar tak, Grape Wine chungchanga MKHC te hmalakna leh Seventh Day Adventist Church te hmalakna ka thlir hian Mizoram Kohhran Hruaitu Committee (MKHC) te leh Seventh Day Adventist Church (SDA) te hian an tihlohtur an ti ah ka ngai nghet hmiah a. An inrawlh lohna turah an inrawlhah ka pawm hmiah bawk. A chhan chu hei hi a ni:
Hnahlan leh a chhehvelah Grape hi an chin tanna a rei tawh hle. MLTP Acts hman a nih hma khan lo ching tawh an awm nghe nghe a. Chumi te phei chuan Concrete Building an sa tawh nghe nghe. Hemi hnu hian midang an intihhmuh chho zel a, tunah phei chuan Hnahlan khua- a chhungkaw 95% chuan Grape chin hi eizawnna puitlingah an lo hmang ta hial mai!
Hemi hnu hian MLTP Acts avangin Hnahlan leh a chhehvela Grape chingtute chuan harsatna an tawkchho tan ta a. Nasa takin kei ngei pawhin ziakin tan ka la a. Midangin hotute an lo dawr bawk a. Kum khat deuhthaw kan beih hnuah Sawrkar chuan MLTP Acts chu siamthain Grape chingtute tan malsawmna kawng an hawng ta a. Tichuan, Hnahlan leh a chhehvela Grape chingtute tan pawh anmahni tharchhuah midangin anlo mansak chungchanga an thawpikna te chuan kian zai a lo reltan ta a ni.
MLTP Acts in Grape Wine a huam laia Grape chingtute harsatna tawh thinte khan tunah chuan mumang ram a lo chang ta a. Veng thenkhatin an lo khap ve khanglan te pawh a lo tawp tan ta. Hetih rual hian Mizoram Sawrkar siam Dan zawmlova mahni venga Grape Wine zawrh leh kawl khap pawl tunhma ata Aizawlah leh Mizoram khaw hrang hrangah an la awm teuh. Chung zingah chuan Ngopa khi kan telh lo thei lovang.
Tunhnaia MLTP Acts chungchang ennawn leh thlithlai tura Mizoram Sawrkarin hma a han lak tan takah chuan MKHC te chuan thawm rawn nei ve in, Seventh Day Adventist te pawhin thawm chhete an rawn nei ve a. Hei hi keichuan nuihzatthlak ka tiin, tul lo tawpah ka ngai a ni.
MKHC hian Sawrkar hmalakna- ah hian inrawlhna tur an nei em? Seventh Day Adventist hian lo sawive theihna an nei em? Chu chu ka zawt a ni.
Hnahlan leh a chhehvelah khian Mizoram chhunga Seventh Day Adventist awmzat deuh thaw khian Grape an ching tih hi Mizoram leh khawvel hmaah ka sawi a ni. Tin, MKHC te tel lo hian Grape Wine chungchangah hian Mizoram Sawrkar hian thuneihna a nei. An rawn a ngai em ni? Het sala, ‘Min rawn lo te an lo tih vel a?‘
Mizoram Sawrkar inrelbawlna leh dan leh hrai siam leh zawm kawngah hian MKHC te, eng Kohhran mah hian lo sawi ve theih an neih ka hre lo. Tin, an lo inrawlh ve kha a ngai lo bawk. Sawrkar khalhtur pawh an ni hek lo. Sawrkarin a rawn kher pawh a ngai em ni?
Khawi emaw chanchinbu- ah Grape Wine chungchanga an hmalakna tarlan a nih avangin he thu hi na takin, Grape chingtute thlavang ka hauhna avangin ka han ziak a ni e.
Similar Posts:
- Hnahlan to become largest grape producer
- Anthurium Festival Vrs Grape Festival
- Zawlaidi- Kan zu hming thar tur chu!
- Zawlaidi-a ka ngaihdan leh a hriate ngaihdan
- Wine is Wine! Grape juice is grape juice!
September 12th, 2010 at 7:37 pm
Zawlaidi hi Port Wine ni khan Pu Shai a khan a post ah khan a ziak in ka hria. Port wine hi chu wine in thang chuan an in duh lo. Tin fortified wine a ni (Brandy a pawlh tak, a alcohol content pawh a sang (may be 14.5 % v/v). Portugal ram chhuak (origin ah chuan) a ni. Tunah chuan ram hrang hrang in an siam ve. Dessert wine a ni tlat, chaw ei tui na lam tur a ni lo mai thei. Wine (Rend and White) hi a tlang pui in an thlum lem lova, juice thlum in thang tan Zawlaidi chu a tui ang chu ! Wine alcohol content pic ah hian in hmu thei emaw, Champagne, White Wine (Bordeaux) leh Red Wine (Bordeaux) an ni. Give or take 1%
https://img137.imageshack.us/im.....ercent.jpg
Report this comment
September 12th, 2010 at 8:47 pm
(Kohhran kan tan teh ang!) Kohhran hian a tihtur a ti a ni zawk. Kohhran hian sualna hrang hrang te, Zu te, sex te, eirukna te hi a do reng tur a ni. 100%-a hlawhtlin hi chu he khawvelah hian a awm dawn chuang lo.
Zu chungchangah hian Kohhran hian a memberte chungah kaihhruaina leh tihtur tha zawk kawhhmuh loh se la… Kohhran hi in dem leh hle awm si a, a engamah hma-a Kohhran sawisel hi changkanna pawh a ni lo, Kohhran sawisel hi a nuam phian ni tur a ni.
An dinna ngaiah an la din reng thu an sawi a ni mai lom! Mizoramah hian Kohhran hian thil an tithei tihte chu kan hre vek.. tin, Kohhran member ni lo hi kan tlem ngawt ang. Kohhran hmalakna in duhloh chuan a chhung atangin sawisel rawh u. In kohhran ah te khan campaign ula… hma insawn a, in fihlim thei dawn lo a, in duhdana an kaldawn lo ni-a inhriat chuan Kohhran chhuahsanin Pawl chhuak-ah in pe ula.. ahhaha 
(a na lkt em aw..!)
Kohhran, Khawtlang, Chhungkua siamtha tur chuan a pawn lam atanga siamthat chi a ni lo.. a chhungah luhchilhin her rem chi a ni zawk.
Thingpawh a rah a that chuan do-tu a ngah an tih ang deuh hi a ni.
Report this comment
September 12th, 2010 at 9:53 pm
Grape wine hi a ruih theih (?)… Ngaihtuah chian tur a tam asin. Zu pawh, Grape pawh in chu a pawi lo-ah dah chhin ang. Ruih hi a pawi. MKHC chungchangah i sawi dik ka ti.
Report this comment
September 12th, 2010 at 9:57 pm
#102 i ti dik chiah . I sawi ang hian Kohhran hruattu te hian ti se, Kohhran huangchhung atangin tan se. Political Party in voters chan a hlauh ang bawk in kohhran hian Member chan a hlau a mani.
zu hi a tha a niang, dotu a ngah e mai! grape chingtute ka thlawp e.
Report this comment
September 12th, 2010 at 9:58 pm
anthurium leh grape te chu a peih chuan ching rawh se,thlai dang dang te pawh.mahse chumi avang a festival neih kher chu kei mi sual hian trul ka ti lo ani.
Report this comment
September 12th, 2010 at 10:36 pm
Zu leh a kaih hnawih hi kan ngaisang em a ni. Nih leh a senchi, in atana tui pawlh tawhah nge Grape wine-ah alcohol content tam ang?
Report this comment
September 18th, 2010 at 7:42 pm
An ching anga, an sawr a nga, an zuar bawk ang. mi sumdawn na ani. a intu lam ani zawk lo maw? miin sual phahna leh Pathian nena an inkar hlat phah nan an hmanna anih chuan inlo mai sela.. pawng ataka lo khap bur chi nidawn mawnle?Mi sumdawnna an ni miau.. a intu an pawimawh ka ti zawk tlats,, chutiang zelin Zu pawh.. a enga mah hi sual ah leh pawi ah ka dahlo e. a in(khulh) tu lam zawk ani e. Kei Grape wine hi chu ka pum in a ngeih lo a ka inlo mai..
Report this comment