Anthurium Festival hi ka ngaihdan chuan a thing ka ti! Mi hausa Nu thenkhat 100 pawh tlinglo vin an chin Anthurium avanga Festival Mizoram Sawrkar in kumtin a siam a, a puala sum leh pai Nuaih tel a hmangral thin hi a thing ka tiin, tul lo ka ti takzet.
Hman deuhvah khan Hnahlan khua- ah Grape Festival siam a ni a. Kha kha a khaw chhehvela mi te pawhin an hlawkpui hle. (Khami tum khan LPS Anchor Pi Mali pawh a kal ve nghe nghe kha!) Tunah hian Hnahlan leh a chhehvelah hian Grape ching tu hi chhungkaw 1000 deuhthaw an awm a ni. Anmahni pual hian Anthurium Festival, mi 100 vel bawr hamthatna siamsak fo ai chuan nakum atang chuan Mizoram Sawrkar hian Grape Festival siamsak thin tawh se tha ka ti hle mai.
Mizoram hi Grape ah nge a hmingthan a, Anthurium- ah tih hi ka zawt a che u? Ka chhanna che u chu Grape ah kan hmingthang daih zawk. Tin, Tourist pawh kan hip daih zawk ang tih a lang reng! Anthurium Festival- ah chuan ei theih loh, In theih bawk loh kha an tar tuarh ang a, an khawi mawi tuarh ringawt ang.. Chu ai chuan mi tamtakin an tharchhuah, ei thei bawk, in theih bawk hmanga Festival siam chu a hlawk zawk dawn lo em ni?
An sawi ka hriat dan chuan, kan Sawrkar milian nu hote hi duhsak zawk an ni a. Hnahlan leh a chhehvela Grape chingtute chu thlauhthlak an ni. Festival siam leh tura Mizoram Sawrkar an ngenna pawh, ‘a senso nangmahnin in tum theih chuan’, tih a ni. Mak khawp mai!
Tunkumah pawh hian he thu ziaktute chhungkua ngei pawh hian Quintals 30 deuhthaw an tharchhuak ve nghe nghe a. Anthurium hminga Festival hman ai chuan Grape Festival hmang zawk thin ila chuan, an chhungkua leh midangte pawhin hlawkna an tel zawk ngei ang mawle. Engnge i ngaih ve dan?
Similar Posts:
- Grape wine chungchanga tunlai thil awmzia
- Hnahlan to become largest grape producer
- Zawlaidi- Kan zu hming thar tur chu!
- Kher lo!!
- Anthurium Fest 2010. (Tlangval-zawnglai ho tan…)
September 13th, 2010 at 2:00 am
Mizoramin phek thar kan chuangkai hunah chuan tuna grape(wine) fest kan rawtlai hi kan la ngai ngawt ang…new page raw pip…
Report this comment
September 13th, 2010 at 5:50 am
Wine festival hi a nuam, wine chi hrang hrang a free in kan tem lawr thina a (wine tasting an ti).
Mahse i rawn post dan hi a mawl. Wine Festival siam sela, Anthurium Festival ti chhunzawm zel bawk sela, pakhat tihvanga a dang tihloh tur tihna ami? Festival a tam poh leh visitor an tam a, sum veivak a tama, mi tamtakin eizawnna an ngah phah thin. Keini veng changkangah pawh festival a tam khawp mai, wine ching miah lovin Wine festival te pawh a awm, wine ching ho thingtlang atangin an rawn kal khawm mai. Beach sport, surfing, arts and crafts, flower show etc etc a tam mai.
Mizo zia taka intichhe tawna Anthurium ching in grape ching ho va tih chhiat emaw, Grape ching hovin Anthurium ching te festival va tih chhiat, sawisel leh tihtawp sak kher kha a tullo. In duh anih chuan Grape ching ho khan festival siam ula ani mai, a tih dan in thiam loh chuan Anthurium festival organiser te kha puih va dil ula.
Report this comment
September 13th, 2010 at 7:36 am
VVIP chu retheite hi kan ni chiah lo em ni ta, Limousine chhungah apple tuisawr dawt KERH KERH ila … hmuh loh lamah a aia alcohol tam zawk in lo thei kan awm ang em? Kei chu ei leh in lam hi ka ngaina! :mrgreen:
Report this comment
September 13th, 2010 at 7:42 am
chawnghilh, legal age make sense hairehai :lol:
Report this comment
September 13th, 2010 at 7:43 am
Wine tasting hi a nuam danglam, chi hrang hrang —tauh sawm vel han tlak pap pap chuan, min petute an hlim bawk, keini lah phur belh zel bawk.
Anthurtuilum hi tui ka ti, thak lam deuh hian a titui lehzua. Anthurium erawh hi chu kan Zoram pangpar dik tak a ni lem lo bawk a, ka la ngaina hman em em hran lo.
Anthurium festival-ah ka kal ve a. Parking leh Sanitation lamah chuan kan nep chem chem hle. Kawng sir luikawra bawlhhlawh kan paih niah nuaih mai chu, a zia lo hle.
Mizoram Rifle Association lamten silai kah an lo huaihawt bawk a, hun tlem te ka hmang. Thian hmuh duh ka neihte erawh chu inzawnhmuh ngaihna a awm lo.
Kawng tluan khan grep-tui kan hlimpui a ang khawp mai! Reiek kawng chu a lo zim deuh mah mah e … Vaipuanpho tuikhawhthla pawh a tui a lo tlem tawh deuh nain, thlir vawng vawng manhla tak a ni. Tuithum khawhthla pawh Tlawng a zuk finna tur … a mawi chungchuang hle. Thlala mite tan a lak hun lai tak a ni.
Report this comment
September 13th, 2010 at 7:45 am
chawnghilh, we miss you.
Report this comment
September 13th, 2010 at 7:47 am
@HV : Miss you quite lot too …
Report this comment
September 13th, 2010 at 8:12 am
@52, Aryan, Anthurium Festival chu chhunzawm zel se la.. Festival dang pawh tichhuak zel rawh se. Mahse, ka han ziahchhan zawk tak chu, Grape Festival hi Hnahlan- ah khian tunhma- a a khaw hmuna an siamchilh ang khan Sawrkar hian mimal pawisa hmang lovin Tourism emaw, Culture Funds a hmuh atang hian siam leh se la, Hnahlan leh a chhehvel tan khian hmasawnna a ni dawn em asin! Hmana an siam chhin pawh kha hma an sawn nasat phah em asin!
Ka sawi tak ang khan he Grape Festival hi siam leh turin nawr pawh an nawr niin ka lo hria. Mahse, Sawrkar lam chuan ka sawitawh angin, ‘Nangmahnin ti rawh u’, an lo tidaih nia! Anthurium Festival hi mimal emaw, pawl ho- Zopar, etc., vanga siam chu a ni dawnlo tih a ching reng a. Hui ham, induhsakna tihlanna remchang kan hre mah mah thin a ni kan Zoram Nuamah hian!
Report this comment
September 13th, 2010 at 10:29 am
Anthurium hi milian nuho pangpar niberin ka lo hre thin a, holland ram atanga lak luh a ni tia an sawi ka hre tawh bawk, ka rilrua awm pakhat chu kan rama pangpar pawh ni lo, ramdang pangpar mai mai kan buaipui lutuk niin ka hria (Mahse miin sum siam nana an hmang a nih chuan sawisel a har ka ti ang reng bawk si a)
Thil dangah han pakai ta daih ila, Mizoram officer lian zingah hian pangpar leh thlai hnah/rah thar chhuak an awm nual an ti a, hetiang a nih chuan Aizawl bazar velah pawh officer lian thlai thar zawrh a ni ngeiin a rinawm a ni.(Pangpar chi hrang hrang pawh) Hetiang anih chuan milian zawk chuan sum an ngah a, thlai thar kawngah pawh eichawp dapa loneitu ai chuan officer hlawh hnem takte hian thlai an thar tam thei ngeiin a rinawm a, nakin lawkah chuan kan bazar-ah hian milian thlai thar hi kan la zuar kan la zuar mai ang tih a hlauhawm tain ka hria. Kuthnathawkte rilru nei taka tan kan lak a tulin kan thlai thar lam tihpun thieh dan tur kan ngaihtuah a ngai niin a lang.
Report this comment
September 13th, 2010 at 11:05 am
grape………….
Report this comment
September 13th, 2010 at 2:23 pm
Tak tak ni mo! Anthurium hi a ruih theih an ti. Anthurium festival-a kal ho chu an rui deuh vek an tia..
Report this comment
September 13th, 2010 at 3:41 pm
khang festival a sum seg ral mai2 lo khan.kan sorkar hian kan ram a mi rethei hi han tanpui mai sela….an pawisa khawh ral tur zozai ka ngaihtuah hian ka ui ngawt mai…tunlai k vei zawng tak ania…
Report this comment
September 15th, 2010 at 1:01 pm
Grape Festival pawh hi hman awm tak a ni a. Chutih rual erawh chuan MLTP Act hi kan siam tha a nih loh chuan kan hlih ngei a va ngai awm em!!! MLTP Act hi kan zo meuh lo niin a alng. Amaherawhchu,Zuruih hi a thing a,a hmuhsitawm ngoih ngoih bawk. Zuruite vanga buaina i tawk a nih chuan hriatthiamna chhete mah nei hlek lovin khing let ang che. Zuruiin thu awmze nei an sawi theih a midang an tihbuai peih chhung chuan an in control thei tih i hre tlang ang u.
Report this comment