Leikhi Miss tia Mizo ten kan hriat lar Tuarpuii hi a hming tak chu Zothansanga niin, a hming tawpah Fanai tih a dah bawk. Ngopa khawchhuak niin tunah hian Mizoram Sorkar Excise Deptt hnuaiah a thawk mek a, a nupui Zozamliani nen fa 3 neiin Bawngkawn, Aizawlah an khawsa mek a ni.
Pu Mathana’n, Fiamthu khawvel lei rem a rawn rah chhoh dan hi tam takin kan hre chak viauin a rinawm. A mizia te, fiamthu khawvel a a inhman chhoh dan te, eng ang takin nge Fiamthu hi Mizo ten kan ngaih tih te Mizo te tana a thahnemngaihna te hi a ropuiin ngawihbopui atan chuan a uihawm thlawt a ni.
A tlangval lai atanga fiamthu duh tih takah Kristian thalai pawla a inhman thinnaah te Drama te changin hun an hmang chho a, Pathian rawngbawlna atan heti zawnga hak zauh hi tulin an hria a, Leikhi Miss tiin bul an tan a. An Drama hmingah New Age Comedian tih an sa a, kum 1993 vel atang vawiin ni thlengin fiamthu thianghlim hmangin Mizo mipui te chu min chawk hlim chho ta ngar ngar a nih hi.
Pu Mathana hian Mizo te chu fiamthu ngaina tak niin a hria a, fiamthu thawh thinte pawhin hma kan sawn zela a hriat thu a sawi rualin, acting lamah leh theatre Drama lamah thung chuan hmalakna tur kan la ngah hle nia a hriat thu a sawi. Hemi kawngah hian Mizo te chu “tihtaktakna” tlachhamin a hria ni ngei tur a ni, ” Eizawnna tak tak atana hmang thei tur khawpin Mizo te hian Theatre Drama lam hi kan la luhchilh lo va, a thu hi chuan fiamthu pawh kan thiam khawp mai, amaherawh chu, action/ acting lamah hian hmasawnna tur kan la ngah viau mai; hemi kawngah hian tihtaktakna nen bei ila, eizawnna tlakah ‘Comedy’ hi kan chhuah ngei ka ring” a ti.
Tunlaia kan fiamthu kalhmang chungchanga a ngaihdan kan zawhna pawh hetiang hian min chhang, “Tunlaia kan fiamthu tam berte hi stage thleng phak lo khawpa zahmawh rawngkai te an ni tlangpui a. Fiamthu chu khawiah pawh eng hunah pawh ngaithla ila, chhungkuaa hlimpui theih tur khawpa thianghlim a nih a ngai. Mi bawl te kan chinga, tin mi anglo tihdan zir thiam tawk chauh te kan la ni emaw tihturin kan fiamthu hian a la thleng sang lo hle in ka hria. Kan fiamthu thawh thenkhatte phei hi chu chawei laia ngaihthlak hrehawm tak te a ni” a ti.
Pu Mathana hi a hnaah a buai em em a, chuti chungin sawmtu erawh an thahnem thin hle a, an fiamthute lo ngaihhlutsaka hmun hrang hrang atanga sawm thintute zahawm a tihzia a sawi a. Hetih rualin, a thawhna Excise Dept te chungah pawh a lawm hle. Mizoram aiawh ten an zin chhuak thin a, programme pawimawh tak takah show neih a ngaih changin an hotuten hun thawl tha tak an siamsak thin avangin an hotute chungah a lawm em em a ni.
Pu Zothansanga hi tunhnai khan Manipur-ah Northeast Drama Festival ah Mizoram aiawhin a zin a, a ni hi Mizoram Drama Organisation ah hian President ni lai mek a ni nghe nghe. Hetianga state hrang hranga an zin kual velnaah hian hnam inpumkhatna lam hawi te, Rambuai entirna lam te, Mizoramin kan buaipui Ruihhlo chungchang leh hnam ziarang lam hawi te an entir thin a; an chan dan tlangpuiah acting drama a nih thu a sawi.
‘Tuarpuii’ tia hriat lar Pu Zothansanga hian Pathian atanga talent ropui tak aw tih danglam theihna a neih hi a pha lo a. Hei hi Pathian puihna chu ni mah sela, amah ngei pawhin a beih nasat thu a zep lo. Hetianga aw ti danglam tur hian a practice nasat thu a sawi uar hle a ni. Tuari tawnga thu sawi bakah Tuari zaia hla han sak vel hi hahthlak a tih ber thu a sawi mauh bawk!
Tuarpuii te pawl New Age Comedian ah hian member 5 awmin active member erawh chu mi pathum deuh chauh an ni tawh a ni. Member te chu:
1) Zothansanga Fanai (Tuarpuii)
2) H. Lalnunsiama (Suntea)
3) K.Lalhruaitluanga (Sunpuii)
4) H.Chhawntluanga (Director)
5) H.Vanlalrawna.
Chawimawina pawh vawi engemaw zat an dawng ve tawh. Lelte Award hi a lungthu kimin vawi 3 an lo dawng tawh a. Tin, Ngopa Welfare te, Ngopa YMA leh Ngopa Constituency ten chawimawina an lo hlan tawh a ni. Tunlaiah Mizo te zingah pawh fiamthu hian hmun a chang sang tan tawh hle a, kan hlimpui dan pawh tunhma ngaihtuah chuan sang tak a ni tawh awm e. Heti chung hian hmun thenkhatah chuan fiamthu thawh thin te kan en dan a la danglam tak tak thei lo. Lo au nawmnah tawk te an awm a, khawlaia lo chhaih ta mai tawk te pawh an bo lo. Hetiang dinhmunah kan Mizo comedian te an din mek lai hian anmahni pawhin hrehawm tih chang te an nei fo reng a.
Hemi chungchangah hian Pu Mathana, “Kei chu Mite hian fiamthu thawh thin ka nih avangin khawlaiah leh hmun danga min chhaih emaw min bawl emaw ka hre ngai lo. An bawl turin ka awm ngai lo tlat a. Hetianga min tih tum an lo awm te a nih chuan tha takin eng nge an duh tih ka zawt mai a, mi bawl phuan tum tute hi a zak zawkah an tang mai,” a ti a. ” Mizo te hi kan felin kan lo puitling tawh hle mai a, mi puitling tling bula awm a nuam” tiin a sawi.
Pu Mathana chuan fiamthu thawha an zin kual velnaah chetchhiat tum te pawh an tawh dan hetiang hian Comedy a hrilh, “Vawikhat chu Chapcharkut hmannaah stage-a kan chet kual lai velin ka ke a bung ta a, a hrilhhaithlak khawp mai. A hlimawm phian a sin. Tin, tum khat pawh stage-a ka invai vung laiin ka sam lem chu a tla palh hlauh mai a, kan thianpa pakhat inti fel tak hian inthlakna (Green room) lamah a lo keng lut daih chu niin.
A nuihzaithlak danglam riau a sin. Tum khat dang leh pawh Lungleia Leikhi Sports neih tum hian Sunpuia nen kan inbawng si a, kan tang nasa bawk nen, bang tail chu ka si pawp ta pawp mai le. Ka lu chu a la tang zui a, phawrh chhuah a har bawk sia, kan buai teh a sin.”
Heti khawp hian New Age Comedian chuan Zoram tluanah Mizo mipui te kan nui lo palh ang tih hlauin chet an thawh a, a hah pawh an hah ang, in lumah pawh fate a uap tha hman lo ang tih hi a rinawm a. Chhungkaw nu Pi Zami hian an pa hi a support tha em em mai a, an nu hi solfa lamah a lo duai lo leh zel bawk nen, kawng hrang hrangin a phurpui avanga hetiang dinhmun hi thleng thei niin Pu Mathana hian Comedy a hrilh a, “Kan nu hian solfa siam kawngah te, engemaw huna decision siam a ngaih chang te hian ani hi ka rawn a, ka rawn lova keima thua ka kal chang hi chuan tluan loh na engemaw a awm thin. Tin, kan nu hian min zahpui ngai lova, a ni min phurpuina leh support na te avanga hetiang dinhmun hi thleng thei niin ka inhria” a ti thlawt!
Tun hma lam deuh khan Chanchinbu pakhat chuan Leikhi Miss chungchangah thu diklo a lo chhuah a, chutah chuan Jail-a tang ang te, pawisa chawi ang tea an lo chhuah chu dawt muhlum a nih zia leh Khawvel Jail-a a la tan ngai loh thu leh pawisa dere pawh a la chawi ngai loh thu a sawi a, Pu Mathana chuan, “Khatih lai hun laia ka chanchin ziaktu khan min hrechiang tawk lo a ni” a ti duh lek fang.
Pu Zothansanga Fanai (Tuarpuii) hi mi inngai tlawm tak, tawng tlem lam leh ri huau huau ngai lem lo a ni. Mi hausa leh rethei thliar hrang duh miah lo, Drugs addict te pawh hmusit chuang lo a ni. Vawikhat Drama changa an zin chhuahnaah pawh Drugs addict pakhat chu an hruai ve a, chutia an zinga a tel atang chuan a chin thin ruihhlo chu bansanin nun tharin bul a tan hial niin a sawi.
September 15th, 2010 at 5:09 am
hi! hi… Khaw nge Sunpuia kan ti hmasa ber a nge!
Ngaihsanawm khawp mai. Tin, a hunlai kha chuan kan nuihpui nasa ve thin teh e. Pathianin a talent pekte Mizo mipuite tan malsawmna tam tak a thlentir a ni.
Report this comment
September 15th, 2010 at 5:44 am
Khatia an lar hlawhtling ta viau kha mizorama kum 20 chuang fiamthu thawhthiam awm chhun Thawngkura leh Zohawpi te kha a luahlan hneh hle a, er tu pawh an ngah hle anih kha.
Report this comment
September 15th, 2010 at 5:48 am
A sei lutuk mit fiahloh nen mut chhuak nen ……mahse mi entawn tlak a ni ngaihsanawm hle mai
Report this comment
September 15th, 2010 at 6:00 am
Leikhi Miss tih lo chhuahdan deuh hi – Ngopa khaw luh dawn kawn tlaklam khi Tuivai lui thlenga inkhawh thla ani. Leimin lian tur in kawtchhuah kawn huam hian a khi ruah maia chumi leikhi chawia an hming catchy deuh hi phuan an nih hmel. He leikhi hi tunthleng hian buaipui ani, chhiatna rapthlak a thlen loh nan sawrkarin nasa takin hma a la.
Tuarpuii te thianho fiamthu hi action a tam, ruah-tham-loh an ti chhuak hnem hle, hei vang hian an tlo hle ani. Hetiang Zofa mipui hlim taka min tinui thei kan nei hi kan vannei hle ani.
Report this comment
September 15th, 2010 at 6:13 am
Lonelyboy tun ang huna mit fiah lo te la tih meng fiah kar tawh ta che. Kan lo la hre ve ngai miah lova, chhiar a man hla khawp mai.
Report this comment
September 15th, 2010 at 6:23 am
Chengkawl bial an hip ngai lo.
Chengkawl hip an bial ngai lo.
Tuarpui leh Suna te chu an ngaihawm hle mai…
Report this comment
September 15th, 2010 at 6:23 am
A van lo ngaihsan awm ve a!
Report this comment
September 15th, 2010 at 7:19 am
Nia anni hi an ngaihsan awm khawp mai, a rawn dingchhuak hrim hrim hi a dan a dang ve lawm le.
Report this comment
September 15th, 2010 at 8:02 am
Tuarpuii hi a LIVE-im ka hmu ve tawh. Kan inhmuh hmasak ber tumin, car chhunga ka thu mi rawn en kel kawla, “Ka kawmngeih mi i ni lo chiang,” mi rawn ti a. Kan nui nasa khawp mai! Kan innel nghal a. Kan inkawm zui hman ta rih chuang lo.
A hmui ling sen hlura a hnawih, a che lup lup hi, ka nuih a tiza ngawih ngawih a. Rawlthar laia ka bialnu pakhat (pasal nei tawh) hnenah hian, “In inang tlat,” tiin ka sawi tawh a. Kan nui khiah khiah tawh bawk.
Kei pawh hi fiamthu ka duh. Thangkura te khan Pathian Thu deu deuh lam khan fiamthu an thawh thin kha chu ka ei lo, ka nui mawh thin khawp.
Tuarpui lawp lawp hi chuan mi dek nui nasa ve khawp mai! Excise-a interview a inlan pawh, Vanhela IAS a tinui chiam a, an inla nghal tawp an ti. Interview nei tura a lutin pitar aw ngeiin “VANHEL …” a ti e, an ti.
Excise-ah pawh che tha ber, hmingthat erawh hlawh lo a ni mai thei! A talent hi a namai lo khawp mai.
Report this comment
September 15th, 2010 at 8:04 am
Tuarpuii lam lai video pakhat tal rawn tih tel tur a lawm le.Hman atang in kan lo hlimpui tawp thin.
Report this comment
September 15th, 2010 at 8:06 am
Keichu Tuarpuiite hian ka nuih an tiza ve mang miahlo nia mawle.. Mahse ka sawisel chuanglo
Report this comment
September 15th, 2010 at 9:28 am
Keipawh Tuarpuii te fiamthu hian min tihlim thin khawp mai… an talent te tipung zel teh se…
Report this comment
September 15th, 2010 at 9:31 am
Mathana hi ka thiantha, engkim ka share ngam a ni a,ka nuna hrehawmna leh harsatna ka tawh apiangin ka phone a.Over miah lo hian min dawngsawng thin..A Nuna ka ngaihsan em em chu..Zu farkhat pawh a in lo leh a family a enkawlnaah hian Pathian tihmi an nih zia a lang a ni.
A hnaah leh thenrual zingah a inngaitlawmin Mizo tlawmngaihna ze diktak kha a keng tel tlat bawk..
Report this comment
September 15th, 2010 at 9:33 am
Good morning!
Thlalak ah chuan chhe ve hle mai maw!. Lolzz
An audio casettee ka ngaithla nasa ve thin khawp mai. Min tihlim thin em em a. Live ngeiin ka hmu ve tawh bawk.
Report this comment
September 15th, 2010 at 9:36 am
tuarpuii&sunpuia damreng rawh se hīp hīp huray!!! A ngaihsan%awm ka ti kei pawn
Report this comment
September 15th, 2010 at 10:22 am
‘Zawngtah ah chang dun ila aw e’ tih te kha aw….
Report this comment
September 15th, 2010 at 10:27 am
Tun inrinni-ah pawh khan Reiek Tourist Resort-ah khan an chet that leh viau kha…
Report this comment
September 15th, 2010 at 10:28 am
2002 khan Delhi-ah Drama lam training-in an lo kal a, kan khawsa ho a, a fel khawp mai. A tak takah pawh fiamthu a duh. Mi ngainatawm tak niin ka hria.
Report this comment
September 15th, 2010 at 10:38 am
‘…min ti hlim thintu’ heta “thintu” tih hian min ti hlauthawng hman alawm le ! Sawi zuilo mai.
Tuarpuii tak hi chu aw ! A nulat lai..oh khaih..a tlangval laiin Sam bu hi nitain ka hria a vaiin a byheart vek nia. Pa rilru chak, mi pakhat chu a ni.
Mathana, ka ngaisang e.
Report this comment
September 15th, 2010 at 10:39 am
‘…min ti hlim thintu’ heta “thintu” tih hian min ti hlauthawng hman alawm le ! Sawi zuilo mai.
Tuarpuii tak hi chu aw ! A nulat lai..oh khaih..a tlangval laiin Sam bu hi ni tain ka hria a vaiin a byheart vek nia. Pa rilru chak, mi pakhat chu a ni.
Mathana, ka ngaisang e.
Report this comment
September 15th, 2010 at 10:48 am
Leikhi Miss hian min tinui nasa thin hle
A chanchin han hriat chian chuan a lo ngaihsanawm hle tak mai.
Report this comment
September 15th, 2010 at 11:15 am
Tuarpuii chuan “ainawn” in Thawnthu Tawi inziahsikah lawmman a dawn chuan “Ngundum Lianpui” a leisak dawn a nih chu..
Report this comment
September 15th, 2010 at 12:00 pm
A mah Article ka ziahtir hi ka rawn la Submit dawn nia
Report this comment
September 15th, 2010 at 12:49 pm
Pa Mathana hi Mizo hnam lam entir tur ho a hruai tumin Aizawl atanga Delhi thleng kan inhrawn thla zak tawh a. Nikum Oct thla mai kha a ni. A bula awm a hahdamthlak bakah a hote nen kan inrualkhat bawk a zinkawng a rei lo duh khawp mai. Kan hnamdang chuanpui ho pawh khan an lawm tlang bawk.
Khami tum kha kan inhriat tanna a ni a, ka ngaihsan phah hle. Mi inngaitlawm tak a ni a. Post-a an ziah tak ang khian zahawm takin fiamthu a thawh mai a, kan nui hlum lek2 tho
Report this comment
September 15th, 2010 at 1:24 pm
A lam tawrh tawrh lai mitthla a hmuh pawn nuih a la za thei a lawm lee… :lol: :lol: ka ngaisang e.
Report this comment
September 15th, 2010 at 1:53 pm
A video han upload teh u.Pakhatmah ka nei lo a. En a chakawm alawm le. TV ah han hmuh bak ka la hmulo. Chu pawh a rei thawkhat tawh bawk. . A va ngaihsanawm ve. Russel Peters hi ka hlimpui bawk.
Report this comment
September 15th, 2010 at 2:01 pm
Youtube-ah hian a awm lo a niang, nichin atang khan ka zawng tawh. A video upload mai thei kan awm lo emaw ni dawn le?
Report this comment
September 15th, 2010 at 2:04 pm
@Tetea #6 I hre sual deuh a nilo maw??? Hetiang zawk hi a niang:
Chengkawl bial an tung ngai lo,
Chengkawl tung an bial ngai lo,
Nula fel an fawr ngai lo,
Nula fawr an fel ngai lo,
………..
Report this comment
September 15th, 2010 at 2:18 pm
Zonet a mapui a of xephyr leh thangkura etc te ho nen an kawmna pawh kha a hmuhnawm khop mai, talent chu a nei tha, min tihlim thrin khawp mai
Report this comment
September 15th, 2010 at 2:53 pm
kan hlim pui thin khawp mai.
Mahse kei chu a fiamthu kha ho ka ti. Thangkura te drama khan mizoram politics leh nundan a phawr hneh sawh khawp mai,zirtir lah nei tha thei phian leh nghal, tin,an drama zawha hla khan a drama kha a khai khawm vek zel a,drama awmze nei tak a va ni em! ka ngaihsang top.. Anni tluk pha mizoramah comedian la awm lo in ka hria.
Report this comment
September 15th, 2010 at 3:41 pm
Thangkura te pawh tha kati em em a,Tuarpuii hi tha ka viau tho bawk..
Report this comment
September 15th, 2010 at 3:54 pm
Mizoram mipui chu vitamin an pe ve nasa chiang alawm!
Report this comment
September 15th, 2010 at 3:58 pm
TUARPUII i hi, an sawichhiatna kha ka TUARPUI thin asin. A fiamthu hi ka ngeisang.
Ka lawm e
–LVK
Report this comment
September 15th, 2010 at 11:01 pm
thangkura,tuarpuii leh Mapuia te hi Mizo min tihlim tu Kan hnam awm chhung a reh lo tur an ni e… Kudos…
kei pawh Obituary emaw ka ti hman tep….
Report this comment
September 15th, 2010 at 11:03 pm
puipuia pa, keipawh ka lo ui hman trep a…a chanchin ziahna a lo ni hlauh a. Vulmawi award sem tur vel nen hian in kungkaihna a awm a nih dawn hi, te ka ti leh deuh a
Tuarpuii chu pitar trawng ang a a tih kha a thiam ka ti thei lutuk ringawt.
Report this comment
September 15th, 2010 at 11:40 pm
Lungleng deuhva han zai-khawm nikhua hian thenkhat hian break-nan ” Zawngtahah chang dun ila” tih an rawn thlawh tawh hi chuan a buai deuh nuaih zel! ” A thenin T-Shirt” an rawn ti bawk…. Lung an ti leng ve alawm le! Zephyr hian an rawn luahlan deuh ni berin ka lo hre ve deuh va!
Report this comment
September 16th, 2010 at 2:14 pm
Ka lung te pawh a ti leng zawk, ka fanu tet lai khan a audio cassette play loh chuan mu duh lo thin a, nitin zantin kan play tlut tlut thin, nuih an ti za zel tho….
Report this comment