Tunlai hian Mizote chu tute nge? tih chungchang kan sawi nasa hle a, chu chu Mizona tihbuai phet tuma min chang reng hovin remchangah la-in, fing taka min tihbuai zual an tum mek. Burma-a Mizoten nekchep leh deu an tawk nasa hle thin a, kan Mizo Kut zinga kan ngaihhlut ber “Chapchar kut ” te hmang thei lo tura tihbuai an tawk fo a.
Mizo history-a hmun pawimawh tak luahtu “Khampat Bungpui ” pawh Mizote nekchep reng thintuten sorkarah ni lo tak takin an theh lut fo! Tuna kan hman mek tawng hi “Mizo tawng a ni lo,” tih thupuia hmanga buaina siam phet tum an lo chhuak bawk a,mi thenkhat, “ ’Mizo / Mizo hnahthlak ’ kan ni lo, ‘Zo / Zo hnahthlak’ kan ni ,” tia Mizote inpumkhatna tihchhiat tuma lo au lo au tawk lah bo lo! Kan hun tawngah Mizona hi humhalh a tul ta hle niin a lang a, “Mizo ” tih “kan sakhming ” hrim hrim pawh hian humhalh a mamawh ta! Fimkhur a tul ta!
History hi kan chhui thui poh leh mi zawng zawng hi thlahtu thuhmun kan nihzia kan hrechhuak deuh deuh. Thlahtu thuhmun , unau vek ni chungin hetiang hian hnam hrang hrang kan lo ding ta a.Chu’ng zingah chuan hnam ni ve turin “Mizo ” pawh hi a lo piang ve a, “Mizo ” tih chu kohduat nan leh hla thu-a sawi nan “Zo..” tih a ni thin.Chu “Mizo ”-ah chuan “Zo ” in tiho leh “Zo ni lo ” in tiho zawng zawng an leng thei.
Mizote chu khawi hmunah pawh an hnam hming chu “Mizo ” a ni zel a, India a ni emaw, Burma a ni emaw, Malaysia a ni emaw, USA a ni emaw, a danglam chuang lo. “Mizo ” an in ti thin.Chu’ngho chu an chhehvel hnam dangte leh khawvel pawhin “Mizo ” an ti bawk. An awmna hmun a danglam avangin “Mizona ” an phatsanin, lehlama awr dum, lehlama awr senin an awm ngai lo. Unau hnam dangte nekchepna nasa tak karah Burma-a Mizote chuan “Mizona ” an phatsan chuang lo! Mizo hi sawifiah tuma buai buai aiin nihfiah zawk mai a tha. Chutianga Mizo nifiahte Mizo an ni a, khawvel pawhin “Mizo ” a ti thin.
Tuna kan hman mek hi “Mizo tawng ” tih a lo ni a, mithiamte ziak Mizo tawng zirna lehkhabu thahnem fe kan nei.”Mizo tawng ” tiin zirna skulah pawh zir a ni a, Mizo subject ngatin zirna zawng zawng tawpna Ph.D thleng zir theih a ni. Mizo tawng humhalhtu pawl tam tak an awm bawk.
Mizote chu “Mizo ”-a lungawi a, Mizo nih zahpui lo zawng zawng, hnam dangte pawh ina “Mizo” tia a hriatte hi kan ni a, khawvel pawhin “Mizo ” min ti thin. Khawvelin min tih aimahin keimahnia “Mizona ” awm hi a pawimawh zawk a. “Mizo kan ni ” tih kan rilru-a awm hi a pawimawh ber. Chu chuan Mizo min nihfiah tirin Mizo Mizona a lo vul zual zel thin. Chu rilru pu lo chu tumahin Mizo an ti ngai lova, chu aimaha chiang zawk chu anmahni leh anmahni “Mizo ka ni lo ” an in ti. Mizo kan nih kan lawm e.
Kawng min daltu sihal ver vek,
Lem ang der thiam Mizo hmelma;
Do zel na’nge Mizofaten,
Lungrual takin kan Mizo hnam tan.
Similar Posts:
- Mizo te Chu Mizo te Hi Kan Ni
- Luseiho chauh hi em ni Mizo?
- A vawi khatna a tan Dallas tx Mizo ho ten Krismas hlim takin kan hmang
- Engtin nge Mizo tawng hi kan humhalh ang?
- Kan Zo Sapte khan min lo hmangaih a ni
September 17th, 2010 at 1:27 pm
mizo ka ni ka lawm em em….Post tha hle mai
Report this comment
September 17th, 2010 at 1:31 pm
‘Mizo tawng’ tih khi ‘Mizotawng’ tih tur an rawn ti leh tep tawh ang.
Mizo kan ni, kan hmeltha vak lo, kan tum pawh a sang lutuk lem lo. Mahse ka lawm em em e, keipawh
Report this comment
September 17th, 2010 at 1:35 pm
Keipoh MIZO ka ni…ka lawm em em e….
Report this comment
September 17th, 2010 at 1:37 pm
A dik chiah!
Report this comment
September 17th, 2010 at 1:40 pm
Mizo ni duh lo na na na chu um zui lawm lawm zel hi a ngai lo reng a ni. Mizo nih a lungawi kan la awm ve bawk e
Report this comment
September 17th, 2010 at 1:41 pm
Mizo ka ni hi chu ka lawm a, mahse ka Mizo pui thenkhat te khawsak dan hi chu a lawmawm vak lem loh a ni e. :lol:
Report this comment
September 17th, 2010 at 1:42 pm
MizoteMizo-te,MizonaMizo-na.Mizo ka ni hi ka lawm em em e.
Report this comment
September 17th, 2010 at 1:43 pm
‘Mizote’ ti lovin ‘Mizo te’ tih zawk tur a niin ka hria.
Report this comment
September 17th, 2010 at 1:43 pm
Mizo ka ni… Ka lawm em em e (In ti zel bawk a
)
Report this comment
September 17th, 2010 at 1:50 pm
Kei chuan Mizo(Duhlian) tawng hmang ngat lo hi chu Mizo an ni kati thei lo. Kan Mizo hnahthalk unau kan tihte hian an thinlung takin Mizo an intilo tih hi chiang takin ka sawi ngam.
Report this comment
September 17th, 2010 at 1:51 pm
# …Khawvelin min tih aimahin keimahnia “Mizona ” awm hi a pawimawh zawk a. “Mizo kan ni ” tih kan rilru-a awm hi a pawimawh ber.
I sawi dik hle mai.
Post tha a tling e
Report this comment
September 17th, 2010 at 1:53 pm
Mizo in ka piang a, Mizo nih hi nuam ka ti…
Report this comment
September 17th, 2010 at 1:57 pm
@kook i sawi khi a dik ka ti keipoh…tuna kan awmna ah pawh hian,,,mizotawng(Duhliantawng) hmang lo ho chu tlem chuan an inla hrang deuh…..kan inpawh vek lo chu a ni…
Report this comment
September 17th, 2010 at 2:02 pm
Mizo ka nih vangin ka lawm e maw lawm lo e maw ‘Mizo’ ka ni tho tho.
Report this comment
September 17th, 2010 at 2:05 pm
हम सब मिज़ो हैं :evil:
Report this comment
September 17th, 2010 at 2:14 pm
Mizo ka nih avanga ka lawm em emna tur pawh ka hrelo e. Sapah emaw pawh lo piang ta ila ka nihnaah chuan ka lawm tho ang.Mahni nihna lova nih tum talh hi mi anglo tih tawk ni velin ka hria.
Report this comment
September 17th, 2010 at 2:14 pm
Mizo ka ni ka sawi ka sawi lo hi…hi
Report this comment
September 17th, 2010 at 2:16 pm
@ 16 fanai metal…dik chiah, lolzzz….
Report this comment
September 17th, 2010 at 2:19 pm
Mahni nihna a lungawi theih hi a lawmawm.
Mizo ka ni. Ka lawm em em e.
Report this comment
September 17th, 2010 at 2:21 pm
Mizo ka ni hi chu lawm tak ka ni!vai,sap,chinese tih ang reng ni lo a mizo a ka lo piang kher kher hi chu lawm tak ka ni
Report this comment
September 17th, 2010 at 2:21 pm
Nang pui hi Burma lampang i hre riau mai!!!!
Mizo kan nihnaah hian kan chiang viau a, kan chawrchhuahna (history) lam kan hre lo lutuk erawh hi chu a pawi a ni. Chhinlung chhuak inti theuh theuh, Manasea thlah te, Ephraim-a thlah te kan awm tak nuaih hi!
Report this comment
September 17th, 2010 at 2:36 pm
Piangnawn leh dawn ta ila, Sap hausa deuh, Kristian chhungkua nibawka piannawn ka thlang fê! :evil:
Report this comment
September 17th, 2010 at 2:47 pm
#22. Kawlte, Thlan theih se chu a thlan a ralah chuan i thlan ang hi thlang kan awm fur ang ka ring.
Report this comment
September 17th, 2010 at 2:49 pm
5ualpa, Mizo 80% chuan an thlang mai lo’ng maw? :lol:
Report this comment
September 17th, 2010 at 2:54 pm
Han thlan azawng chuan! Thlan theih sela chuan sap vun ngo hlek hluak, phar ang deuhva phuhlip niawm tak takin a bawmtrup ai chuan Mizo rau rauah pawh hausa leh Pathian thuawih chhungkuaa pian ka thlang e! Kan tlangram mawi tak tak,romeiin a bawh paw vo mai te hi a hlu thlawt alawm le..!
Report this comment
September 17th, 2010 at 3:09 pm
kawlhawk, i reincarnate hunah Sap pa hausa faah i piang dawn nia hairehai :lol:
Report this comment
September 17th, 2010 at 3:09 pm
Zofate, Zomi,Zohnakthlak, “Mi” telh lem lo ho hi eng vangin nge “Mizo” nih an hreh em le?
Report this comment
September 17th, 2010 at 3:12 pm
Hmar ka nia; mahse Mizo ka ni. Ka Mizonaah hian ka chiang khawp mai. Mizo ka nih avang hian ka lawm thin teh asin.
Report this comment
September 17th, 2010 at 3:24 pm
In va lawm liam liam ve le…Mihring hi Rotekawla Sepa ang maia ho hran neih leh ber nih chak a sawikual peih tak, belhchian dawl lemlo hi kan awm chawk a nia…Mizo nih duhlo chu nilo ngam se, pemdaih se a ni mai alawm.Mizo ka ni chiang bawk sia kei chu…ka lawm em em e.
Mr.TSa Mizo tawng thiamber competition awmlo mahse..i thiam bon top.
Report this comment
September 17th, 2010 at 5:40 pm
Zotui Thiang rilru chu a mizo naah a fim hle mai a! ka ngaihdan chiah a ni.
Mizo tan hmun pakhat chiah khawvelah hian kan nei. Chu chu Mizoram hi a ni.A dang kan neih belh ka ring lo a, a zau zel pawh a rinawm hran loh!. Kan pawngpaw huang tih zauh tum lutuk hi a hlauhawmzia kan la hre zel ang. Tun a 1000 hi kum 50 ah chuan nuaih engzat nge anih theih ang le?? Fimkhur hun dik tak a ni.
Pawngpaw huapzau ‘Zo-inpui’ tih te hi ka ngaihdanah chuan tul lo vet vet tak a ni, mizote tan a thil hlauhawm tak niin ka ngai zawk.
Zotui Thiang, i post tha ka ti khawp mai a..
Report this comment
September 17th, 2010 at 6:49 pm
Me pucca मिज़ो hu!
Report this comment
September 17th, 2010 at 8:27 pm
Kan thianpa Kaipeng(Tripura) chuan,”Kaipeng ka nihna hian khawvelin min hrelo, Tripura ramri piah lamah tuman Kaipeng an hrelo. Mizo erawh an hria. Mizo ka ni a, miten ‘i nilo’ min ti mahse ‘Mizo’ ka ni tih ka chiang tho” ati a.
A chiangte hi chuan ‘hnahthlak’ emaw ‘Zo’ tihte hi an hmang kher lo. MIZO chu MIZO ani tawp.
Report this comment
September 17th, 2010 at 8:39 pm
“Ka dam chhung in ka phatsan tawh ngai lovang che” Camp chhuak au hla kan hriat chhuah zawk chu le.lol.(NOI)
In van huai pap pap hlawm ve, a thlamuanthlak sawng sawng, mizo nih hi. Kei chu mizo ah ka lo piang a, responsible mizo nih ngei chu ka tum,a bat a bat ah ka dah. Mahse kan hnam kechheh han en hian ka zak thin, ka lungngai thin,ka lawmlo thin, ka inkhawngaih thin…
Senvawn Convention leh District Council a Mizo Union hruaitute thil tihsual ka chhiar atang khan, tuna zo hnahthlak a tel duhve ta lo, kan unaute hmai hi ka zah thin. ZORO hi la kal zel se, beiseina tlemte ka la nei tlat.
Report this comment
September 17th, 2010 at 9:19 pm
Mizo, hnam khat ni tura thil thui tak thlira, A AW B min siamsaktu kan zosap missionary te kha an va hlu em!
Mizo tih kan sawi mek lai hian heng thil te hi i rilru-ah a awm ve thin em ?
1) Mizo hnam nisi inti mizo duhlo an awm.
2) Mizo nih duh em em, mahse tlema tawng awn deuh an nìh avanga mizo nilo a hretu leh hmusittu an awm.
3) Inti mizo tak, mizo tih lo chhuah dan leh tutute hi nge mizo hnam tih hre chuang si lo an awm.
4) A enga mah a hmaa mizo chungchang sawia deusawhna leh hmuhsitna rilru pu, Inti mizo an awm bawk.
Report this comment
September 17th, 2010 at 9:36 pm
Sap-pa / hnam dang a piang lo va, Mizopa a ka piang hi khawvelah vannei ka in ti ber awm e.eng ni lo mah ila. ka in chhuang ve hlarh hlarh em!!
Burma Mizo nih te hlei hlei hi asin nuam ni.
kan Zo unau thenkhat ten nang ni chu Burma mi in ni lo. chin pawh in nilo. chu ti e, kha ti e.ba e ngia e, ka sateek e min ti.sorkarah min hek!! mahse kan zam lo.
Zoramah, kan ram tiin ka kal leh kan ram ngeiah, a enkawl tu ten Burma mi e, pawi e, burma pawi e, nghapih e min lo ti leh. mahse kan duai chuang lo.
Report this comment
September 18th, 2010 at 1:49 am
(zai phawt mai ang mizo nih manah)
mizo kani –
yma member ka ni,yla nilo in
mzp ka ni, siam sin pawl pi ni lo in
pres ka ni, *&%# evangilical union nilo in
mizoland ah ka chuang thin,maraland ah nilo in
an in ti hrang thin, kan en hran vang nilo in…
phuah zawm zel theih
Report this comment
September 18th, 2010 at 11:05 am
Phuah zawmna…
Arpui nge upa artui ye2, chaicheh nge upa suankual ah ah, tuboh nge hmasa dolung iau
an inti hrang thin, kan en hran vang nilovin nge nge, kan en hran avangin an inti hrang zawk zawk ouch.
Hman atang reng khan chhim leh hmar hi mizoram a ni thiiin zoram inpumkhat nan Nang leh Kei hian hriatthiamna kan neih a va pawimawh em!
Lehlam i dem hian, i demna ang chiaha demna tur an nei ve zel.
Engtiklai atanga lo intan nge, tunge thiamlo hmasa tih hi arpui nge upa artui ? Tih ang vela chhan harsa a ni. Vawiina thil thleng mai a ni lo. Vawiina thil thleng hi hman ami rah chhuah a ni zawk. Groommm
kan mi chhuanvawr pakhat pu Vanneihtluanga pawh hi a mizo khawp mai mahse, Paihte i ni, nang paihtepa etc titu hi an awm nawk reng thin a nîh hi.
Report this comment
September 18th, 2010 at 11:18 am
First phawt teng..
A thupui chuh, ava dik mai mai reuh e…
Report this comment
September 19th, 2010 at 1:50 am
Comment-tu zawng zawngte,
Thla in timuang hle mai. “Mizote chu Mizote hi kan ni” tih pawm thei lo, pawm tha duh lo, buaitir phet tumho pawh an reh ta hmek a. Mizo Mizo-na Humhalh zel ang u. Mizo loho chu Mizo an ni lo.Mizo kan nih kan lawm e.
Report this comment
September 19th, 2010 at 9:58 am
“If you were in Rome, live in the Roman way; if you are elsewhere, live as they do there.”
Burma leh Manipur atangin Mizoramah an pem a; Kohhran leh pawl hrang hrang an din a. Heng ho hi native Mizo te tan an hnawksak.
Chutiang bawkin rambuailai 1960’s khan Mizoram atangin Burma ah an pem a. Chin inti ve duh lovin an inlahrang a. Heng ho hi native Mizo/Chin te tan chuan an hnawksak ve ngawt ang.
Mizo thenkhat, Malaysia, Delhi, USA etc. a asylum beisei avanga Chin inti te hi Mizo an ni tho em?
Report this comment
September 20th, 2010 at 2:00 pm
Mizo an nih leh nih loh chu anmahni i zawt dawn nia. Mizo i nih leh nih loh pawh nangmah-ah ngei khan.
Mizote chu “Mizo ”-a lungawi a, Mizo nih zahpui lo zawng zawng, hnam dangte pawh ina “Mizo” tia a hriatte hi kan ni a, khawvel pawhin “Mizo ” min ti thin. Khawvelin min tih aimahin keimahnia “Mizona ” awm hi a pawimawh zawk a. “Mizo kan ni ” tih kan rilru-a awm hi a pawimawh ber. Chu chuan Mizo min nihfiah tirin Mizo Mizona a lo vul zual zel thin. Chu rilru pu lo chu tumahin Mizo an ti ngai lova, chu aimaha chiang zawk chu anmahni leh anmahni “Mizo ka ni lo ” an in ti. Mizo kan nih kan lawm e.
Report this comment
September 22nd, 2010 at 3:10 pm
@Benny, i comments teh a reasonable thei ltk,i comment thiam e….point to point, guuddd
Report this comment
October 7th, 2010 at 8:23 pm
A va reh ta ve……..Nia…..Mizo vek chu kan nih hi a…helaia mite hi chu………
Report this comment