Mi5ual ah hian ka post ve chhin chak hrim hrim a, a ropui lem lo viau ang tih ka hria mahse tih chhinna tel lo chuan hmasawnna a thlen thei si lova ka han tive chhin a ni e, mi5ual ho, min finchhuah zel teh u.
Kum 1979 Pawlkut thla Khawvawt vin tuk mai hnuaiah chuan Leitlangpuiah Roman Catholic in Sikul an siam ah KG-II ka passed ve avangin Pawl I zir turin phur tak mai in ka kal ve dat dat a, he Sikulah hian a Mizo pakhat mah thawk an awm lo avangin leh kan Sister leh Father ten Mizo tawng an thiam miau loh avangin Pawl I chauh pawh ni ila engkim mai kha Sap tawnga sawi a ngai thin hun lai a ni a, ka ngaihtuah let vang vang hian tawng thuah na na na chuan hma kan lo va sawn nasa em ka ti thin.
Tumkhat chu sikul pumpui kha kan hnathawk lai thla kan la dawn ni ta in ka hria kan Father in ‘Do Something’ a ti a, Something ka han hre tlat lo mai ka buai zia leh We want Picnic (We = ‘Kan’ tihna atana kan hman) ka hriat em avanga All of us tih tur a ‘us’ tih in a sawi hriat tlat loh avanga All of We ka han ti te ka ngaihtuah chang phei chuan ka lung a leng thin hle mai.
Khang hun lai khan Pawl I lek mah ni ila kei ka mitah chuan a ni tluk a awm thei dawn em ni, hmangaih thu kan in hlan tawn lo mahse………… Ka pan lai ‘D’ te kha, tunhunah hian ka zak leh fo thin mahse enge maw ni le Naupang Sikul kai hlim pawh in an Miss te an ngaihzawn tlat thin kha maw ti in ka inthiam thin, hetiang hi artui chhum sakin a reh duh an ti a, tak tak ni maw, kei artui chhum sak a reh tur ni ta se artui eichak viau mah ila chhum sak loh ka thlang zawk.
Pa te hnathawhna avangin zawlkhawpuiah Zarkawt hmun ngei maiah hian Pawl II zir zawm in Sikul chu ka han kai leh ta (tunah chuan he Sikul hi tih tawp a ni tawh) Awi, awi awi, ka va han lawm in ka va vannei teh lul mai em, ka beisei phak loh leh ka ngaihtuah ngam reng reng lovin ka D te chu kan sikul tharah chuan a lo lawi ve reng mai a nih chuuuu, a va nuam in sikul kal te chu ka va han chak thar leh ta em, khang hun lai ka hlim phur lutuk khan Van te pawh khi Pit dawr tiat lek in ka hmu ve ta ni in ka hria.
Uniform atan kekawr bul hak a ni thin a, zirlai hmeichhia leh mipa kan inthutpawlh vek thin, he thu tawite hmang a ka hmangaihna ka hlan che hi mi lo pawm sak la,hotu nu in thu dun tura min han ti mai chu a chakawm rualin a va han zam awm teh lul mai em, kan thu dun ngei mai a, Aw… ka malpui a sik nep nep mai te kha ka haw phal mawlh lo, a hawrawp te kha Pawl II lek zirlai tan chuan a va mawi em, a lakah ka theihna zawng zawng a taka lantir tha ngam si lovin ka hlan a, a ni pawh in ka lakah engmah ui a nei ngai bik lo a nih kha. Ka mitthla ah hian nimin mai thil thleng ang in a thar uaih uaih mai.
Doctor fapa pakhatin Rs.10/- a pai thin a, Chengkhat thir leh cheng hnih thir a vawr kan inchuh suau suau lai te khan a chuh ve ngai lo, Ka hriat dan in mi awmthei chhungkua (Doctor fanu) atanga lokal a ni. (Cold Drinks (Tipsy a spelling ka hre ta lo) um khat Rs.2/- a la ni) (Vawikhat chu kan unau pathum in kan lei ve a in ngai lo tih tak ah tui kan lo ti deuh a niang, ka farnu in tur awm mang lo mai chu tui kan pawlh tak vak kha mawle) Pawl II zirlai lek mah ni ila ‘I Love You’ tih awmzia te kha chu ka hre ve tho si a, enga ti nge ka lo sawi loh aw…. ti in ka inchhirna khua a sei ta vawng vawng mai a nih hi.
Kum a tawp a Pawl III ah ka lo beisei ve reng lai in a hmel hmuh tur a awm ve ta lo Shillong lamah a zir zawm ta em ni ??? ( Ka ngaihruat dan a ni) tunah te hian he khawvelah hian la awm ve in pasal fanaute nen an inkai hnawk ve ta em, amah avanga mi hriat hlau tak chung a hnuk ulh teuh chunga ka mittui tlak thin zia te kha, ka hmangaih thu ka hrilh lo mahse ka hmangaih thu chu kei Pawl II lek zirlai hian ka tangah bei lo mahse ka rilruin ka hrilh mawlh mawlh kha mawle.
A tawp berah chuan, he thu tawite hmang mai lo hi chuan hrilh ngaihna ka hre ta lo, khang hun lai a ka zir rual pui te kha chu ka hmu thin asin khawnge ka D i tuan ve tak le, nangmah ngeiin he thu hi i lo chhiar ve a nih chuan ringhlel hauh lovin NANG leh KEI kan ni tih i in hre thei nghal in ka ring, he thu tawite hmang a ka hmangaihna ka hlan che hi mi lo pawm la, i chanchin hi mi5ual zingah a hria an lo awm hlauh chuan min han hrilh mawlh teh se.
He ka hmangaihna hi ka sawi lan loh avang hian ka tan chuan phurrit a tling tlat a ni.
Similar Posts:
- Autumn In My Heart – II
- HSLC Exam tih tawp ?
- Kan sikul ve kha aw!
- Hmeltha-i Kha
- Pu Chala Sikul chhuak ka nia (Vawiin ka Birthday pualin)
September 24th, 2010 at 12:40 pm
Hrilh awm che lawm le.
Report this comment
September 24th, 2010 at 12:40 pm
va thar hma eh awh ve a
Report this comment
September 24th, 2010 at 12:41 pm
Ka va 1st khat ve le aw. Khi pui min 1st khalh leh tawh. :lol: ka naupan lai sikul kal lai pawh khan ka 1st ngai pawh ka hre lo e a… :cry:
Report this comment
September 24th, 2010 at 12:44 pm
1st comment a “1st” tih tel hi a hnuah lo delete zel ta ila hawihai fe fe chu kan awm ang :lol: :lol: sorry..OT
Report this comment
September 24th, 2010 at 12:44 pm
First in inchuh huam huam zel hi chu ka zahpui khawp mai che u..
Report this comment
September 24th, 2010 at 12:47 pm
aduhi post khi ka va ‘delete’ chak. A hawihai vel tur… :lol:
Pawl 2 atanga malpui lo in sih sak nep nep tawh chuh… :lol:
Report this comment
September 24th, 2010 at 12:47 pm
post tupa hi i naupan lai hian Neuhof, Sunflower, LM tih velah i luh duh hmel
Report this comment
September 24th, 2010 at 12:48 pm
ka 1st ve ngailo , ka thil sawi khi chu words of encouragement ve mai mai anih khiiiii …repeat ..”be a man first/1st” :mrgreen:
Report this comment
September 24th, 2010 at 12:51 pm
Wow…class 2 ah hmangaihna lam i hre tawh a maw? Van luangliam hma ang reng ve!
Report this comment
September 24th, 2010 at 12:53 pm
Marema chu (keimah ang mai) chhas nei hma ve hle mai.
Report this comment
September 24th, 2010 at 12:58 pm
post tupa hi bluemout ah i lut thin..
Report this comment
September 24th, 2010 at 1:02 pm
Lerh ru reuh ngawt ang…lolz…
Report this comment
September 24th, 2010 at 1:05 pm
vel deuh raih raih chuan a,,,i ti lunglen thlak e a :lol:
Report this comment
September 24th, 2010 at 1:11 pm
thar hma tak hle mai a……..:).
Report this comment
September 24th, 2010 at 1:20 pm
@sihal a thar hma khawp mai a. Thlai chi nise kum khatah vawi 3 kan thar hman anga..hehehe
Report this comment
September 24th, 2010 at 2:40 pm
hehehe.. a va mak mai mai ve le…!!!
Report this comment
September 24th, 2010 at 2:40 pm
thil i hrethiam hma e….keichu ka zak…heheh…
Report this comment
September 24th, 2010 at 2:41 pm
Hmangaihna maw? Van hre hma bik em2. Keini kan la chiang lo niah he2.
Report this comment
September 24th, 2010 at 3:02 pm
Post tupa ziak tha hle mai..
Tha ve riau sin,sikul kalna a star deuh neih hi chu.Sikul kal min chak tir a,nuam tak leh thatho takin sikul kan kal phah ve fo.
Report this comment
September 24th, 2010 at 3:55 pm
chhiar lo pon ka lungleng ngahl nia.. :tap teuh:
Report this comment
September 24th, 2010 at 4:25 pm
@marema-28 : RB School-a i luh duh hmel, khatih laia in hotunu pakhat kha, ka chhas a ni dawn chiang rap mai! :lol:
Sawi thui zel lo mai ang!
Report this comment
September 24th, 2010 at 4:36 pm
keipawh hi pawl 1 atanga pawl 7 thleng sitar tluan zak ka nei…tunah pawh ala nula…engemaw chang chuan ka la ngaihtuah chhuak zauh zauh mai….ka lung i ti leng…
Report this comment
September 24th, 2010 at 5:18 pm
naupang sitar nimaw##
Report this comment
September 24th, 2010 at 5:58 pm
I ziak ngaihnawm thiam hle mai. ka lung i tileng ve ringawt, ka nei ve azeng pawh chu a ni lem hlei lo va!
A inkungkaih chiah lo nain ‘Joni Don’t Cry’ tih hla kha ka hre chhuak zawk mai.
Hmu leh ngei la ka duh ngawt mai, i hlan miah lo hi a pawi ka ti…
A huat dawn loh teh lul che nen..
Report this comment
September 24th, 2010 at 6:11 pm
Kum 7 chhung vel chu post tupa ang hian ka awm chhuak ve zak mawle. Lerh hma hi chu ninawm nuam deuh mai ania.
Report this comment
September 24th, 2010 at 7:07 pm
ka Ex girlfriend kha a ni hrim hrim ang…huyk2
Report this comment
September 24th, 2010 at 7:12 pm
Naupanlai sikul kailai i sawi ka lung i ti leng reuh phian mai.Kai pawh cothalic sikul ah ka kai 1979 te kha chuan VI sister te zitirna hnuai atangin ka passed ve kum anih kha.Sikul ah duli paithei chang chuan ka lawm thei rap.
Report this comment
September 24th, 2010 at 10:20 pm
Post dangdai tak, thutak pai si, ngaihnawm bawk si ani e. I thar hma pawh ka ti lo e. Kumnga lek ka nih laia nula pakhat ka ngaihzawn em em kha khawnge a awm ve ang aw tih hi ka ngaihtuahnaah a lo lut fo thin. Tu hnenah mah ka la sawi ngailoh i thuziah avangin kan inpuang anih hi.
Report this comment