Luseiho chauh hi em ni Mizo? Hnai lo ve tiin tan nghal phawt ang.
Tichuan, Mizo tih thumal a lo pian hmâ daih tawh atanga lo khawsaho leh ‘jo’ lo inti a, lo chengho tawh zawng zawng hi Mizo tih hian a huap vek a ni. Luseiho ta bik emaw, anmahni sawina emaw a ni hran lo. History chhuitute chuan tuna kan tawng (Mizotawng) hi Rûn leh Tiau inkara pi pute an khawsak lai, kum AD 1400-1500 bawr vela piang niin an ring a.
AD 1200 hma lamah chuan tawng khat vek kan la hmangin an ring bawk. Burma rama an awm lai chuan zo hnahthlakho hi ‘chin’ an ti thin, saphovin Kuki-clan an ti bawk thin. ‘Jo’, (Yo) hi chu kan history chhuitu mi pathumte chuan kum AD 921-960 inkar vela Zhau dynasty atanga lo chhuak a nih an ring. Sawi kual hman kan ni lo, heng ‘Chin’ an tih hun laiah hian kan zavai hian kan khawsaho vek a, a hnam bil ang hian kan la awm lo a ni. Chuvangin Luseiho chauh hi Mizo an ni lo. Kan lo chhuahna a inang a, a hnuah pawh Mizo an inti bik chuang lo.
Mizona chu..
Mizona chu thinlungah a awm. Mizo tih thumal hi a la upa lo hle a, Paihteho hi Zomi tia koh deuh bik an ni a, mahse hei hian Mizo zawng zawng a huap zo lovin an hria a, kan pawm tlan ber zawk Mizo tih hi a lo piang ta niin H. Lalrinawma, Hmasang Zofate Chanchin tih ziaktu chuan a sawi. Hei hi (Mizo tih hi) chu tun hnu/tun hnai thil mai a ni a, kum 1947 April ni 12-a Mizo Union Conference-ah Mizorama cheng Mizo hnahthlak hnam chi hrang hrang kalkhawmten Zofate hnam hminga an pawm a ni.
Lushai Hills/Lushai District tih thin pawh chu Mizo District tih a lo ni ta a, kum 1972-a UT kan nihin Mizoram tih hming hi official-in a pu ta chauh a ni. Lusei tawng chu a hmangtu an tam ber avangin amahin Mizotawngah (official language) a rawn invawrh chho a tih theih awm e. Lusei ta bil anga ngaih tur a ni tawh hran lo.
A tawp ber atan, eng hnam nge i nih(?) tih zawhna hi Mizo hnam tiin chhang ila, eng chi nge i nih(?) tihah hian tuna kan hnam hming kan sawi ang hian sawi ila thil tha tak a nih a rinawm.
Similar Posts:
- Eng hi nge Mizo Tawng chu?
- Kan hnam hming “Mizo” leh kan “Chi” te hi
- Mizo awmziaah i chiang em?!
- Mizo hnahthlak kan ni lo
- Mizo hi hnam hming a ni lo
Kan kawmchhak...
Mizo tawng hlawm lian...
September 25th, 2010 at 4:49 pm
Mizo-na hi sawi vak avanga chiang a nilo. Mizo chu Mizo ani mai. In sawi vak khan a ti chiang chuanglo. Hetiang post hi inhnial pawtawkna kai chhuak thei a ni a, a tha ber lemlo. Inti Mizo duhlo chu Mizo lo mai se…kan chai ngun ta mah mah, ninawmah a kal, inhnialna ati tam, hma kan sawnpui lemlo.
Report this comment
September 25th, 2010 at 5:33 pm
mizo vek kan ni e..
Report this comment
September 25th, 2010 at 5:39 pm
Sawi ve lovang ka ti zet a nia, Post tu hian ka post a comment tha bawk a kan comment sak ve teh ang:
Shiam, runlui chhak leh thlang tih vel a chengkha chu kan thlahtu te an ni, mizo tih an ni lo. MIZO tih hi zofaten politics khawvel atanga kan chhar mai a ni.
Ngun takin ngaihtuah ila, zofate thinlunga nun khawro leh ruak hi hmuh hmaih lovang u. Israel faten zion an hmangaihna ang kha phalo mah ila khatiang lam hawi feeling pawh kha kan nei mawh khawp mai. Ram chu MIZORAM kan ti a, a chhunga cheng MIZO te erawh zohnahthlak hnam zawng zawng(manipuri,burmese etc thleng thleng in) kan huam tir leh thung, lehlamah Mizo engemaw zat( entir nan Mizoram chakma, Tuikuk etc) a chhawk a, chuchuan a hrinchhuah chu kan inlungrualna a tichhe nasa em em a ni.
Chutiang mi inlungrual lo chuan ram kan hmangaih tak tak thei lova. Sawikhawm lai pawn mahni khawtlang hmangaih em em thin kha sawikhawm a han nia, tu khua nibik suh tuman mahni khua angin an hmangaih theihloh avangin rukruk, veng leh veng a insual luih luih a hring chhuak a nih kha. Tun thleng hian mahni in en tum miah lovin chhia zawng zawngah politician kan puh vek a. Ram in hma alo sawn ve theih nana kan phak ang tawk a hma lo lak ve ai chuan, mahni pumpui hma kan ngai vek a. Kan chanai pawh duh tawk lovin eirukah kan tlak a nih ber hi. Nun lemchang kan tam em em na chhan te pawh hi ngaihtuah chiang ila, kan ramleiba neih ten tun te hi chhungkaw ba ang in ngai thei ila, zah na chang hria ang u.
America president JF kennedy thusawi ropui ka tih em em “my fellow Americans: ask not what your country can do for you- ask what you can do for your country.” a tih te kha mahni chanah i dah thiam ang u. Kei ni a lova enge he ram tan hian ka tih ang tih ngaihtuah lova, enge sawrkar zar ka zo ve theih ang tih rilru pu in a thei fa chu Aizawlah kan pem khawm a, chutah a thei leh zual chuan mi ram changkang sa ah, min mamawh vang pawh ni hauh lovin thei leh thei lovin, thudik chanve hmang in kan insawi fel a, kan pem tawk tawk a ni lawm ni.
Mihring leh ramsa inkar a mi niawm hmel pui pui S.Africans ho te khuan an ram an din chhoh lai vel khan mihang ni ve lo pawh S.Africans ang in an pawm thiam tlat, Vun hang na zawng S.African(mizo in our case) an ti ve hauh lo!!!! Unau ang in an en chauh a nih kha. Lehlamah ve thung chuan mingo(mizo lo tih hriat ngawih ngawih chakma ang te) pawh kha hnam khatah an pawm tlat, chu chuan enge a hrin chhuah, greatest entertainment on earth thleng thei khawp in an ding chhuak a nih khu.
Tawp nan, #16 memorundum in a ngiat khi chu suangtuahna khawvelah bak eng tikah mah kanthleng theilo a nih k\ber hi.
ka awm hman dawn loh avangin new post chen zet comment tak chu
Report this comment
September 25th, 2010 at 5:53 pm
#53, i kawmen khi posttupa in i post a kawmen that vang chauh a sawi maw i nih a? Ava ho mai mai thin tak em..
Report this comment
September 25th, 2010 at 6:04 pm
#54 post dangah ka sawi tur ka sawi hnem tawh em a, hepa post alo ni kher sia hmanlo chung chung in kan type hram e ka tihna nia.
Report this comment
September 25th, 2010 at 8:33 pm
mizo chu chhinlung chhuak mizotawng tawng thiama,ziak thiama, mizo nih zahpui lova,mizo hla aia hnamdang hla ngaina zawk lova,mizo culture leh tradition hria a zawm bawka,thil thing deuh sawi nana ‘a zo tiah tiah’ tih ching lova, lusei/awzia tih zut zut chinglo mi hi an ni mai.
Report this comment
September 25th, 2010 at 9:30 pm
#16 hi a chhiar anuam hle mai, hetiang ang hi kan mi hmasa te rilru put dan ani. Tunah hian kan tharthawh a tul ka ti khop mai kei misual hian.
Report this comment
September 25th, 2010 at 11:38 pm
Entirnan, Pu HV hian thlangra hi hlau se, suankual nen … Mizo ni lo em emin inngai bawk se. Mizo a ni tho tho! :lol: Kha daih kha asin! Mizo (Lusei) nih dan chu mahni ram pelhsan hnu pawha Mizo taka khawsak, nun dan hman zui theih zel hi a ni mai!
Mizo nih duh lo ni hran lo, Mizo kalphunga nun loh hi thil awm thei a ni ve tho va, Mizo an nihna tak erawh chu a bo chuang leu!
Report this comment
September 25th, 2010 at 11:52 pm
Pu ozima theory hian mizo te inthendarhna thlenin, mizo hnam nilo mizo hamthatna chan/dawn duh vanga mizo inti ta mai eg: chakma, tuikuk, nepali, bengali etc a hring teuh thei a. Thil hlauhawm tak a ni.
Thudik fawmkimlo theory hi tawp vat se a va em! Mizo tih hi politic khawvel avanga kan chhar mai mai a ni, han tih te hi…american, russian , chakma, bru, nepali etc te hian khawvel piantirh atangin an hnam hming hi an neih nghal a nilo. Politic khawvel avanga an neih/ pu an ni zawk. Mizorama an awm avang ngawtin engti kawng mahin an ni ho hi, mizo an ni kum khua lo ve.
Udurai chakma, bolepa reang, anil thapa te hi mizo an ni dawn lo chatuan ang, sa an phun a nih ngawtloh chuan.
Report this comment
September 25th, 2010 at 11:53 pm
@ozima, #53, i comment ka chhiar tawh zawng zawngah a la laktlak ber..min va hneh em! ‘LIKE’ na button awm ve se….mizo hnam a rinawmna lam ni lo, tam lam hrim2 ngaipawimawh zawk pu HV a ngaihdan enge le..?? MIZO chu negro poh nise mizo ani tho tho…lol
Report this comment
September 25th, 2010 at 11:59 pm
mizo/kuki/chin/yo/mijo/jo/yaw/zo/zou inkoh dang hrang2 a tam ltkkkkkkkk……hahthlak!!!!”YO” tih hi chu a hip hop em mai..i paih bo daih teh ng u khai……
Report this comment
September 26th, 2010 at 12:20 am
Hmanah khan ZORO kan tih vak tawh kha mawle.Khan thil te khan a tum ber chu Mizo hnahthlak insuihkhawm anih kha maw.Kei pawhin Brig T Sailo kha ka zui ve nual tawh Zoram tlangval hai hai hai hai ka reiseih te kan tih tawh kha maw le.
Tunlai hian kan awmna a zir ang zelin kan Mizo hnahthlak thenkhat ten nangni mizoin heng hi engtin nge in tih ti a zawhna te pawh a awm nual heng ang ho hi han tih Mizo dawn te hian an duh lem lo Mizo tawng hman pawh an duh lo fo thin.
Report this comment
September 26th, 2010 at 1:39 am
kan chhiatpui nia ka hriat chu. AIZAWL chau hi emaw mizoram ka ti tawh hi a ni. Aizawl tawng chu mizo tawng ni bik ah kan ngai a, aizawl hi mizoram mipui zatve dawn te chen na a ni, a pawimawh ber lo thei lo. mahse in pumkhat na tha nei tur chuan AIZAWL titi in mizoram a nghawng ta zel mai hi chu kan thlak a ngai, kan hnam a thang zel dawn chu mi rual chuan in unau na a than ve zel theih na tur in hma i la ang chu, chu ti lo zawng he hnam tlem te hi thendarh in kan awm a nga kan zahawmna hi ka hlauh dah ange.
Report this comment
September 26th, 2010 at 2:34 am
Mizo hnam e hnam love tih velah buai buai hi thil tul lo tak a ni.. Chhinlung chhuak kan ni a. Mizo nihna hi chu Mizorama kan awm vanga phuah chawp kan ni a.
Hnam tih chungchangah pawh hian a Saptawng takin Hnam chu Nation a ni a,chuan tribe/family a awm leh a . Lusei tawngah hian Hnam tih chiah kan neih hi thil tibuaitu chikhat a ni a. Kuki tawng chuan PHUNG (Phung leh rualte ti anga lam tur) an tia chu chu Ralte, Sailo, Hmar etc te ang hi an nia. Chuan HNAM a awm leh a chu chu Phung hrang hrangte min phuarkhawm tu, kan inpumkhatna “Hnam”chu a ni. Mizo Hnam ti a kan inpumkhatna hi lawm takin keini Chhinlungchhuak te hian pawm tlang ila. Bible ah pawh Israel Hnam a awm a, mahse chung te chu Reuven, Juda, Simeon,Gad, Zebulun etc. an ni a mahse Israel Hnam ber chu tunge ni ber zuk ti ngawt ila an nuih chu a za viau maithei. Chuvangin keini helai Mizorama awm leh awmlo te pawh hian kan hriat ngai chu Mizo hnam bik a awm lova , mahse kan hnam pum lakkhawm in MIZO HNAM kan ni tih hi pawm mai tur.Chumi pawh a pawm harsa ti te tan Chhinlung Chhuak kan nihna a in-unau tal i tum ang u.
Report this comment
September 26th, 2010 at 12:46 pm
E khai, ka post a chhuah veleh current kan nei lo nghal char char a, tunah a rawn tha leh chiah a! Ka haw hle mai.
Mi5ual.com-a mifel tak takte comment hi ngaihthlak a nuam a, ngaihtuahna a tizau bawkin ka hria.
Ka ziah chhan rawn zawt deuh te kha kan awm a. Lai leh mara thian ka nei ve nual a, “Mizo ka ni lo,” hi an ti teh fo va, kan inhnial ta thin a, chuvanga ziak chu ka ni a. “Mizo chu luseiho alawm,” an ti thin a!
Tin, kan misual thian thenkhatte MIZO tih thliarkar rilru leh zima taka khung duh an awm tih ka hriatin ka rilru a na a, ka mizo ve na thinlung atangin he thu hi ka ziak a ni.
A sei ka hlauh avangin ka kaitawi leh a, pawi ka ti hnuhnawh ngawt mai!
In zavaia chungah lawmthu ka sawi e. Mizo kan ni kan hmel a tha i tinawn fo vang u.
“MIZO KAN NI ALAWM KAN HLIM ANG CHU.”
Report this comment
September 26th, 2010 at 9:47 pm
Duhlian/Lusei ṭong hmang chu an inti Mizo bik nge nge e. Raltehote hi lo en mah ila… Mizo an nih lohte’n…engnge an nih leh tak ang? Ṭong neihchhun an hloh tak avangin an hum theih chhun Duhlian/Mizo ṭong hi an ṭanin an tuipui hlur mai a ni. Lusei zong an nih phah hauh lo. Um chhuah tum bok hek lovang u. Inchhun luhnaa kan hman theih hnam leh ṭong hi a poimawh.
Report this comment
September 26th, 2010 at 9:57 pm
#66@MarThraPam: I rilru a zau khawp mai. Hetiang hi kan mamawh khawpin ka hria, thahnemngaih a na thin si a.
Mizo chu ‘human body’ ang hi a ni a, kan taksa peng hrang hrang hi a chhunga awm hnambil hrang hrangte kan ni. Tin, Mizotawng kan tih hian hnambil tawng kha kan thlauthla vek tihna a ni chuang lo tih kan hriatreng a thain ka ring.
Report this comment
September 27th, 2010 at 9:04 pm
Mizo ah hian hnampui lian Lusei, Hmar, Lai(Pawi), Mara (Lakher), Ralte, Paite etc kan awm. Khing te leh an hnam tepeng a mi tawh phawt chu duh vang ni lovin, thisen zunzam a hnam tui luang avang zawkin thuhmun kan ni e.
Hnambil tawng la hmang an awm avangin hnamdang ang maia en kan ching hi a dik lova, hnam bil tawng la hmang te pawn Aizawl lam tawng tualleng hmangte chauh hi Mizo emaw tih loh a tha bawk. Burma a Chin Hills leh Tahan vel a cheng te, Churachandpur vel a cheng te leh Mizoram a cheng te hi chi khat kan ni tlat. Mahni chipui hnamdang an ni theilo, ram a hrang a inkoh dan te chu a dang thei, Duhlian tawng hmang theuh2 pawh khua a hran a, tawngkam hman a danglam tho.
Report this comment
October 16th, 2010 at 12:04 pm
MIZO nisi a..a spelling te ti dang lama in thliarbing tum ho tlat hian alawm le…thil ti buai nuaih nuaih hlawm chu….
Report this comment