A khuhhawnna
Ni a ral a, kum te pawh a lo vei zel a. Kan taksa chakna chu a ral tial tial zel a. Nakinah chuan kan vun te a la chuarin, kan taksa chu ui cher tak ang maiin ruh a lo lang thuak tawh anga. Kan mit hmuh a fiah tawh lo anga, kan beng hriatna pawh a chhe tawh ang. Chutih hunah chuan a ni lunglenga kan la kiu vawng vawng hun tur chu.
Mihring damchen
He kan damchhung kum kan hman zah hi a inang lo hlawm teh e tiro u? He thlan khur hian a angchhunga a pawh luh theih theih min pawt lut mai a nih ber hi. Nausen an borala, naupangin an zinkawng an zawh tawp a, thatlai hunah mual an liam a. Tar thlengin a hnuk lut a nih hi.
Kan Bible i han keu teh ang u. Mihring damchen min hrilh a, ‘marawhchu a rei poh leh lungngaihna leh thawhrimna mai a ni tiin min hrilh a nih kha. Kawng thui tak zawh tur chuan chhelna leh taihmakna, lungngaih beidawnna leh manganna kan tawrh chu a ngai ve reng a ni.
Beiseina eng hnuai atangin
He khawvela kan lo pian khan tap chungin kan hmachhawn nghala. Chu kan tahna ram chu eng emaw nih tir tumin beiseina nen hmalam thlirin kan nung thin. Chu beiseina chu kan thlir a, beiseina vek chuan min hruai thin. Beiseinain kan vanglai hun kan hmanga, beiseina bawkin kan nun a tawp thin.
Kha kan vanglai hun kan hman khan dan a zir khan kan hun lo kal zel turah hma kan lo la lawk thin a nih hi. Nakinah chuan he khawvelah hian beiseina chhete bak i neihloh hun a lo la thleng dawn. Chu hun chu i thlir ngai em le?
Ka tar ta
Vawi tam tak nichhuak leh tla kan hmu hnu, sik leh sa in vawi tam tak min herkual puiin, hun leh kumin min liampui hnuah chuan i luah kelsam a lo to tan anga, i vun mam tak thin kha a lo chhuar hnuah chuan tihtheih dang i nei tawh lovanga, i tih theih awmchhun chu “ka tar ta” tih chauh a ni tawh mai.
Ni e, he khawvel hi ila hmachhawn chho zel a nih chuan chu hun chu ila thleng dawn. I duh emaw duhlo emaw lam a ni tawh lo anga, i rahna leilung thuhnuaiah i awm tlat tawh avangin a la her chhuahpui tho tho dawn che.
Chutih hunah chuan
I taksa chakna chu i hriatloh laia lak sak i ni tawh anga. Nangmahin thil tam tak i ti thei tawh lo ang. In chhunga upa ber ni mahla ro han rel turin i chen mekna khawvel thiamna i man phak tawh dawn lo. I vanglaia ni lo chhuak, i lawm em em thin khan anchhia a rawn lawh che emaw tih mai turin i ning tawh anga, i kum rualpui kawmtur an vang pharh tawh ang. Kawmtur awm pawh nise i beng hriatna a chak tawhloh avangin hlim taka inkawm a har tawh dawn. Chu hun chu i dam zel a nih chuan i hmaah a lo awmlawk tawh a sin.
Ni e, nakinah chuan tar â tih i hlawh tawh anga, inthlahrung takin i in ngeiah pawh i nung tawh ang. Chutih hunah chuan i vanglai ngaiin i kiu vawng vawng tawh anga, han sawipuiturin thian i nei tawh dawn lo.
I khualzin kawng chu zawh tawpin i kumkhaw hmun tur i pan hunah chuan i boral thu chu an hre darh anga. Veng lehlamah chu “putar/pitar a thi” tiin an sawi anga. I hming chu he khawvel atang hian nuaibo a ni tawh ang.
Chu hun chu thlir ranin he i vanglai hun hi hmang tha la, theihtawp chuahin ram tan thawkin; ram tan mi chhinchhiah tlak ni turin nung ang che. Chutilo zawng, i hringnun a zawh rualin i hming a bo ve nghal mai ang.
Similar Posts:
- Hmangaihna hi enge a awmzia dik tak?
- Bawihte
- Awmze neiin i nung em?
- Sunday tlai len khawthawn!
- Beiseina
October 15th, 2010 at 10:01 am
Aw ti ri ngawt ila… chhiar phawt a, ngaihtuah chi a nih hmel..
Ziak tha khawp mai…. Kan damlaia midangte tana kan thil tih hian kan thihhnu thlengin thu a sawi dawn chu a ni sia.. damchhung tawi te hman that hi a va pawimawh em!
Report this comment
October 15th, 2010 at 10:09 am
thuchhiar nuam tak a nih hi.
Report this comment
October 15th, 2010 at 10:16 am
Ka chhiar hma in a that k ring tlat t phawt ang
Report this comment
October 15th, 2010 at 10:21 am
A khuhhawnna chiah ka la chhiar, a bak chu zan lamah.
Khi ti chen chen ka dam hi ka inring mang lo thrin.
Report this comment
October 15th, 2010 at 10:21 am
I thih hnu a min an hriat zui dan tur che i duh angin i damlai nun hmang rawh.
Report this comment
October 15th, 2010 at 10:29 am
“..the follies that a man regrets most in his life are those which he didn’t commit while he had the opportunity..”- Helen Rowland
post chhiar manhla tak a ni e.
a hun lai hian kan tih chak leh tih duh te chu ti mawp mawp mai ang u! (a thra lamah). Tar hnu a inchhir leh ai chuan…
Report this comment
October 15th, 2010 at 10:44 am
‘Kawng thui tak zawh tur chuan chhelna leh taihmakna, lungngaih beidawnna leh manganna kan tawrh chu a ngai ve reng a ni’… tunlai thalai hi chuan chhelna kan tlachham ta deuh chu a ni..thanharh kan mamawh khawp mai,nun zir tlak nei tur chuan…
Report this comment
October 15th, 2010 at 10:44 am
thra khoopz mai mahse hringnun hmanthiam hi har ka ti thrin asin …!!!
Report this comment
October 15th, 2010 at 10:48 am
A tha khawp mai, ka save nghal e. ka lungleng lutuk ka comment thei rih lo tlat, nakin ah ni mai teh se.
Report this comment
October 15th, 2010 at 10:54 am
Kinah ka la chhiar ang
Report this comment
October 15th, 2010 at 10:56 am
Lung a ti chhe thei tep alawm le…
Report this comment
October 15th, 2010 at 11:06 am
‘Tar-a/Tar-at’ tih hi ngaihtuah tel teh ang u.Kum a tam chuan expirience a tam a,chu chuan ngaihtuahna thar leh ngaihdan thar min pe zel a.Kan upat poh leh ka fing tulh tulh tur a ni zawk dawn lawm ni…
Ziak tha thei khawp mai,i post hi ka hmaih ngailo-tunlai tawng takin i fans te zing ami ka nih chu.
Report this comment
October 15th, 2010 at 11:07 am
@Keimah Thingtlangpa: Ka la naupan deuh vang aniang ka lo ngaihtuah ngai reng reng hlei nem!
Report this comment
October 15th, 2010 at 11:29 am
Mihring dam chhung hi “chhum rei lo te lo langa, ral leh ta mai” anih avangin ngaihtuah chiang mang lova, fa neih ringawt hi a dik chiah em le. Mi tam ber tan chuan khawvela dam chhung hian lawmna aiin hlim lohna a tam zawk si a. Chu mai ani lo. Khawvelah hian homo sapiens kan tam tawh lutuk a, environment kan tih chngpen vangin khawvel hi a lo lum em em dawn a. Chu mai pawh duhtawk lovin turnipui atangin solar flare in December 2012 (familiar?) ah emaw 2013 tir lamah emaw internet line leh electric supply a tichhe deuh vek dawn anti. Asteroids in kan planet a rawn deng dut thei reng bawk.
Chuvangin fa neih leh hma in inngaihtuah chiang teh u khai. Na leh hrehawm tuar turin mihring i “produce” duh dawn em ni?
Report this comment
October 15th, 2010 at 11:38 am
A tha leh pek hle mai. A famkimin a ngaihnawm e.
Report this comment
October 15th, 2010 at 12:58 pm
A thui vaklo na a, hringnun I rawn fun kim khawp mai. Thuziak chhiar nuam tak, ngaihtuahna hruai thui tak a ni ka ti e. Chona tha tak a chhiartu te hnenah a pe ngei ang.
Report this comment
October 15th, 2010 at 1:30 pm
@Keimah Thingtlangpa
I ziak tha khawp mai mahse,hetiang lam hi ngaihtuah vak vak pawh tul ka ti lo.
A tawp i tlip nalh viau na-in typing mistake i nei zauh zauh.
Para hnihna: ‘tiro u?’ sms type a ang ka ti. “tiraw u?” a ni zawk lo maw?
Chutih hunah chuan……tih hnuai a mi tlar nga-na “kawmtur” khi “kawm tur” a ni zawk lo maw?. Vawihnih i hmang leh nghal.
Para tawpna ber: “theihtawp chuahin??????????????”
Report this comment
October 15th, 2010 at 1:47 pm
Ka lawm e. Ni e, fimkhur loh rah a ni e. Ka tihdikloh hre thei tura i chhiar avangin ka lawm e..
Report this comment
October 15th, 2010 at 5:52 pm
Ngaihtuah ngai meuhlo.
Report this comment
October 15th, 2010 at 8:25 pm
ziakthiamin rilru hneh khawp mai. Kan damchhung nite hi chhiarthiam a pawimawh takzet a ni. Thih hnua chhungten thlan lung min phunsak ai chuan kan damlai ngeia mahni lungphun hi a tha a ni. Mahni lungphun dan chu thiltha, midangte hriatreng tlak kan tih hi a ni e
Report this comment