A khuhhawnna
Keichuan he khawvelah hian “Pi” tia koh tur dik tak ka nei tawh lo. Thianten an pi te an koh te hian ka pi kha ka ngai thin. Tunah chuan he khawvel hi chhuahsanin a chatuan hmun a pan tawh a. A damlai khan engmah tihsak theih ka neilo nachungin min hmangaih zia ka hre reng thin. A damloh lai ber pawha min ngai em em thin te khan min hmangaih zia a va tichiang em. Pi, ka ngai che! Tunah chuan Pi dik tak ka nei tawhlo a sin..i tupa hi min khawngaih lo em ni?
Zing dar 4 bawr vel a ni a, ka pi chu a natna avangin a muhil theilo thoin tukverh a hawng a, he hla hi a sa a sin
He dam chhung buaithlak takah hian,
Ka phunnawi lo, phurrit mah se;
Ka hmaah chawlhna a awma,
Luipui mawi tak piah lamah chuan.
Ni e, pi, i natna khan a tibuai chein mutmu pawh tuah thei lova tlaivar kha i ngah thin reng a ni. Mahnia tuar tlawk tlawkin chhungte tihharh hlau takin choka lamah te i phei a, kha i na kha inhneh tir i duhlo a. Mahse, mutheilo khan a va siam hnem che em. Khatia hrehawm taka i nun i hman pawh khan phunnawi lovin kha i ritphurh khan lei piahlam thlen hunah a tibuai tawh dawn lo che a i hriat avang khan van kawtthler hmun kha i thlir tlatte kha a ropui ka ti a sin.
Thlipuiin min nuai vel mah se,
Hlauhawmten min tibuai bawk se;
Chung thilte chu ka pel thuai ang,
Luipui mawi tak ka kai hunah.
Khang i han sak ka ngaihtuah leh hian kha i natnain a tihbuai nasat dan che kha ka hre thar thin. Ni e, he khawvel hi chu buaina, manganna leh lungngaihna mai a nia. Kan hlim ber laipawhin lungngaihna chirhdup chuan min hual reng thin. Kha khawvel nun khan lei piahlamah a rawn zui dawn lo che tih hriain i pel thuai anga, lawng chawlhna tlang thianghlima i kal hun kha i nghakhlel a ni tiraw?
Ka hmabak chu ka hlen hunin,
Chawlhna hmun tiam chu ka chang ang;
Krista hnena cheng reng turin,
Luipui mawi tak piah lamah chuan.
Pi, he khawvela i zinkawng kha a bum boh hle a, hah takin, mangan leh lungngaihna chhum zingah i kal a. Mahse i zawh tawp huna i chawlhna tur hmun Ralmuanna tlang, nat leh hrehawm tur tawh lo tura Beramno nunnema kianga cheng turin i inpeih tawh hle tih a tilang a sin. Chatuana Beramno fak tura luipui mawi tak piah lama hmun i thlir khan i na khan a kalsan lo che a, mahse, Inkhawmpui tiak tawh ngai lohna hmunah a rawn zui tawh dawn lo che tih chu i chiang a ni tiraw?
Chu luipui mawi tak piahah chuan,
Chhandamtu’n lawmah min nghak e;
Ama hnena cheng reng turin,
Khawvel buaina tuar tawh lovin.
Ni e, pi, kan la ngai chein kan la thlahlel che tih chu i hria alawm. Mahse, i natnain a tihhrehawm che avang khan Lawng chawlhna tlang thianghlim kha i thlir a, chu hmun nat leh hrehawm tuar tawh lohna hmun chu i natna khan a ngaihzual tir che tih erawh kan hai lo.
Ni e, tunah chuan kan hnenah i awm tawh lova, kan rilruah chuan ila awm reng a sin. Ama hnena cheng reng turin, khawvel buai nat leh hrehawmna hmun i chhuahsan tawh si a.
October 16th, 2010 at 3:08 am
“Pi nei lo Pawla’n a sai,” an ti ve chuang lo, kei pawh pi ka neih zawng zawng an liam fai vek tawh!
I thu leh hla a lungkuai reuh hle mai! Pi-te thlan (ka pa nu) thlirin (Lunglei Chandmary thlanmual-ah) nimin khan ka hun ka hmang bawk. Lunglei Rahsi veng-a ka pi (ka nu nu) thlan erawh ka tlawh hman ta lo!
Ka pu thlan leh ka ni thlan pawh ka thlir! Kan nau pakhat thlan erawh chu a lo bo tawh thung, 1966 August thlaa phum, Lunglei Chanmari thlanmual chhip lama phum!
Report this comment
October 16th, 2010 at 3:10 am
Ka pi tih tur hi mumal tak ka nei lo..ka nu leh ka pa nu te ka hre deuh tho na a chuti vakin ka ngai lo..kan cheng ho lo a. Engpawhnise Posttupa..i pi i ngai chu a lawmawm nge a lawm awm lo pawh ka hre thiam chiah lo e..
Mahse i thil ziah thiam dan hi chu a ril viau mai, rilru a la lungkuai tlat zel..
Report this comment
October 16th, 2010 at 3:13 am
A re..kan Pu Chawnghilha chu leh..a va mak ve.a va tho hma nge a meng rei..a thlawk haw leh tawh nge ka bo deuh.
Report this comment
October 16th, 2010 at 3:28 am
Hman deuhva Jokes lar :
P i nei em?
Nei e
Ti ila
A tar tawh lutuk!
Report this comment
October 16th, 2010 at 3:54 am
Lolzz, pu Kawnga chu va thlawh tha ve..
Ka lo theihnghilh hman thelh tawh a. P ka nei lo. Pi pawh ka nei tawh lo. Pitar putar te hi an hlu a nia. Old is Gold
Report this comment
October 16th, 2010 at 3:55 am
A va tawi ve
Ka pi thla khat chhung zet Durtlang Hospital-a ka awmpui hnua min peih loh san ta mai kha min ti hre chhuak rum rum mai.
Football ka khelh ve laia, min lo auh rin theih thin zia te kha aw..Zanah, “i chau awm si a” ti a zo artui min hem-hminsak te kha rilruah a va’n thar leh em!
Report this comment
October 16th, 2010 at 7:52 am
Nu leh pa te tluk zeta min hmangaihtu chu ka pi leh pu te an ni. Pathian zarah min la dampui vek a ni.
A ngaihnawm reuh khawp mai.
Report this comment
October 16th, 2010 at 8:23 am
Ka tap tep a lawm maw le.I hlathu dah chu a dik zaih mai.I Post hi a ngaihnawm thei khawp mai tih hrereng la ka duh.
Report this comment
October 16th, 2010 at 8:30 am
Min hmangaihtu leh min duat tute hi an ngaihawm thin ngawt mai.
Report this comment
October 16th, 2010 at 8:37 am
I pi chungchang leh hla thu rem tak maia i han tuah khawm hian ka thinlung a kang na hle mai. Upate hlutna i hmuchiang ngawt ang le. Tunlaiah ‘tar mai mai’ ‘tar kiring’ tih ching an tam ta, duat an phu hle zawk asin.
Report this comment
October 16th, 2010 at 8:42 am
Fate aiin tute duat a na zawk an tia lawm, tumawng ka la beng lo na in a dik a niang, ka Pi reng khan min duat thrin emai.
Kawnga P chu leh!!
Report this comment
October 16th, 2010 at 8:57 am
Ka pi min ngaihzual tir hle mai. Bible chang tun thleng a ka vawn tlat ho hi, ka pi’n ka naupan laia min zirtir ka la hriat reng an ni hlawm male.
Report this comment
October 16th, 2010 at 9:54 am
Ka nu lama ka pi hi naupang te kan nih laiin ka puin a thihsan a, veng hrana awm ni mahse hun rei tak chhung kha ka va riahpui thin a, tun hnua ka ngaihtuah let hian khatia ka lo va riahpui ve kha ka lawm thrin.
Ka pa lama ka pi hi a thihna kum tam a la ni lo a, kum 90 bawr vel a ni a, a thih thleng khan tarmit a mamawh lo. A tute zawng zawng hi kan thahnem ve viau a nia tumah min hai lo.
Thihhnu thlarau khawvel beiseina nung neih hi chu a va hlu tak em.
Report this comment
October 16th, 2010 at 9:56 am
Ka pi ka hmu rei hman ve lo, ka pi thih atangin naupangte in ka pu bulah ka riak thin a, a lungleng hian zing tin he hla hi min sakpui thin…
Kan hnenah awm ta che
khua a var dawn ta e
tlaini kawlah a liam dawn hi
Kum 1997 khan Ka pi bulah min chawlhsan ta…ka van ngai tak em aw. Tunah hian min hmu se, a thih dawn a ni tura min chah kha ka ni ta tih hria sela aw…a van lawm ve dawn em!!!!
Report this comment
October 16th, 2010 at 10:00 am
rawihteamizo, keipawh hian ka pi leh pu ka ngai thin khawp mai. Ka pu chuan 1992 May ni 4 khan min liam san a. Ka pi hi Pathian fakin a zai a zai thin. Hla a phuah nual a, chung te chu a personal tape recorderah a record thin. Ka pi pawn 2001 khan min liam san leh ta. An kianga chetla nasa, ka nausen lai pawn ka awih hla a hranpa ngata siam an nia, ka ngai thin tak tak a ni. An kut ziak ka kawl te leh thu tha min hrilh te hi vawn that reng a chhawm nun zel ka tum a ni.
Report this comment
October 16th, 2010 at 10:52 am
Ka Pi ai in ka Nu ka ngai zawk.
Report this comment
October 16th, 2010 at 11:34 am
A khuhhawnna
Sawi tur ka va hre silo ve :lol:
Report this comment
October 16th, 2010 at 12:34 pm
”Tar kiring!!”..chair atanga tla hial khawpa ka’n nuih chu le @pu muantea. :lol: :lol:
A thumal chu tu han phuahchhuah reng2 nge mawni le..! Huii ham..ka pum a naa..
Report this comment
October 16th, 2010 at 12:42 pm
RempY, ekhai aw! ‘tar kiring’ tih chu thangthar tan chuan a lo nuihzatthlak ta a ni maw :lol: Thu pangngai a ni e. A nih leh ‘ tar sen’ tih hi i hre tawh ngai em? Nui rawh, Nuih hi a tha, nula nuih duh deuh phei chu in lawmawm riau a nia :smile:
Report this comment
October 16th, 2010 at 1:13 pm
Keichuan he khawvelah hian “Pi” tia koh tur dik tak ka nei tawh lo.Thianten an pi te an koh te hian ka pi kha ka ngai thin.
Keimah ang ve tho maw ilo nih KTP, Hawh, Jewel emaw BMW emaw hi pi ve tawp mai ang.
Report this comment