Lehkhathiam state kan nih vang nge ka hrelo a, Zo chhuak Magazine kan ngah ve ta fu maia. Tunhnai ah phei hian chuan a tlem lam ai in pun lam a pan zel ni in a lang. Heng zo chhuak magazine te hi ka hmuh ve dan tlem han ziah ve ka duh a.
A pawn
A tlangpuiin a kawm ah hian glossy paper hman a ni a, nalh taka design a,Colour-a mawi taka print a ni tlangpui,designing lama kan sanzia hi ziah chiam a chakawm mange. A chhung paper erawh a pawn lam lan dan nen erawh a dang hle a. Paper quality a chhia in GSM hniam hlawm hle a. Hei erawh paper man to vang leh a subscriber tlem vang pawh a ni thei ang e. Aman hi Rs 25,30-50 a ni tlangpuia. A man hi a to angreng viau bawka. Hei pawh materials man to vang leh leitu tlem vang ah lo dahtha leh ta i la.
A chhung thu te
A tam ber hi midang te/Milar te nun dan, an chanchin ziahna(lifestyle) magazine an ni hlawma. Hollywood lam pang leh khawchhak ho star chanchin hmuh tur a tam hle mai. Zai ngaina hnam kan ni bawka magazine tin deuhthaw ah hian hla thu(lyric) hmuh tur a awma. Hla a chin chhuaka chhuia lehlin leh a background lam thlir tel tela ziah a tam hle bawk.Heng hla chungchang bik ah hian ziah duhdan leh ziah dan kalhmang a inang hlawm hle mai, a in ziah tlawr thiam siak te pawh a ang lek lek thin. A phuahtu phuah dan bak pel hret hret hian kan ziak tlawr thiam tlangpui ni in a lang.
Horoscope leh fiamthu khawro ve tak tak hmuh tur a tam angreng hle a, nuihpui hluah hluah tur a vang phian lawia. Mizo ten fiamthu kan tlachham tan em ni chu tih theih te pawh chanchinbu thenkhat chuan a awm thin awm e.Report a ni emaw mi chanchin a ni emaw, thawnthu inhrilh lamhawia ziah a tam hle a, tak ngak(real life) erawh a tam lemlo khawp mai.Entirna nan mi khawngaihthlak chanchin kan ziah in mi rilru hneh nana ziah chhuah thiam a pawimawh rual rual in uchuak taka ziah belh kan ching erawh a tha lem lo.
A tlangpuiin development(mi chan chhia te khai chhuahna tur a chanchin ziah) lam ai chuan entertainment lam pang hian hmun a chang hnem em em zawka. News leh special reports ang chi chuan hmun a chang tlem thei hle. Civil service/entrance exam preparation tana min pui thei tur ang chi hi a vang ang reng viu. Zo tawng a nih pawh in heng exam na tur a tana min pui thei tur ang chi hi chu siam theihlohna bik tur a awm kei chuan ka hrelo. Mizo tualchhuak chanchinbu tam tak te hi zirna in ‘Hostela’ ken luh phalloh leh Zirtirtu tena an cencored(khap/enfiah) ngai ang chi tam ta lutuk hi chu a zialo lam deuh chu a ni e.Tin chanchinbu a kan hmuh ve deuh ziah chu ‘Sex education’hi a ni awm e, a va han pawimawh tak em he topic hi. Nimahsela, chanchinbua chhuak tam tak hi chu zirtirna(educate) lam ai hian kawhhmuhna lam nimah hian a hriat e ka ti. Nu leh Pa tam tak hian in fa te chhiar atana it loh fe fe chu in neih ngei ka ring thin.
I chhiar duhzawng in i mizia a hril :
Heng hi kan ram chanchibu thlakip chhuak te ka hmuh dan tawi thei ang ber chu a ni a. Heng hian thil ti chiang ta chu Zoram mipui te ngaihtuah zawng leh ngaihlut zawng te, kan rilru sukthlekna lam zawng te a ni tih a chiang hle awm e. A tak tak lam ai hian a puarpawleng leh a phawvuak ah hian kan lawm in kan hlim tawk a ni mai awm mange a tih theih a ni. Heng chanchinbu te hi ka sawisel in a thalo e ka tihna phei chu a nilova.Amaherawhchu kei chuan ka duh khawp lova.Nunchawm thei leh thalai te tan pawha chona thar min pe thei leh engemaw chang pawha rawn tlak chanchinbu hi kan mamawh hle in ka hria.
Tichuan:
I chhiar duh phawta i ngainat phawt chuan heng chanchinbu(lifestyle) magazine te hi chu a chhuak zel ang. Chanchinbu hi mipui te rawngbawlna kan tih lai hian eizawnna(business) a ni ve bawk tih hriat a tha hle. Hemi a nih vang hian eizawn nana hmang journalist chuan i chhiar duh ang kha a ziah tur leh a chhuah tur chu a ni mai, dik lohna a awm hran miahlo a nia. Mahse Kan chanchinbu mi te hian an chanchinbu siam thin ah hian engzat nge an lakluh theih anga, engzat nge an hralchhuah thin ang tih hi ka ngaihtuah ve mai mai thin. Thenkhat chu hralh chhe ve fe fe chu an awm ka ring fo thin. Kan hah pui ve hrep hi kan hah pui mil hian kan la lut thin em aw tih hi in ngaihtuah chu a ngai hle mai.Vawi khata lakluh vak erawh a theihloh tih chu kan hre vek anga. Chutah chuan Kan chanchinbu siam hian a daihrei dawn em, Kan chhuah ve tawh ting tang si a, tu leh fa ten an rawn enkawl zui in tihzel tlak ah an ngai angem tih te hi ngaihtuah ve thin a tha khawp mai.
Rawtna:
Chanchinbu chhuah hi a tha e, a tui mi heti zozai kan awm hi a va han lawmawm em. Heti zozai chanchinbu mi awm te hian kan thil report leh kan article ziah avang hian sawrkar emaw kohhran emaw ngeng chhun phak leh chet dawt na tham kan ziak chhuak tawh em? Tih erawh ngaihtuah chian a ngai khawp e. Ka rawtna chu “in telkhawm” a ni mai e. Heng Kan chanchinbumi hrang hrang te hi intelkhawma mumal leh tha taka chhuak tur chanchinbu tihchhuah hi a tha hle in kei chuan ka hria a. A harsatna tur lam chu thlir kan in,hetianga inzawmkhawm ngam kan awm a nih chuan chuan chanchinbu rintlak leh chhiar nuam,qulity tha, zirlai puitu tangkai leh nun chawm thei chanchinbu tha tak hi kan neih theih ngei ka ring tlat a ni.
October 27th, 2010 at 10:26 pm
..Lelte phek thar?
Keichu Lengzem phek hlui ka duhzawk fe..!
Report this comment
October 27th, 2010 at 10:26 pm
#48 vlchinzah, ka lawm e.
” Lehkha hi chu chhiar ngat ngat mai tur; mahse mahni subject theuh erawh chhiar nasa lehzual ila, lehkhabu hi en hlum thak mai tur” tih hi ka ngaihdan thar a ni e.
Report this comment
October 27th, 2010 at 10:32 pm
CFL, kei pawh ka lawm e..
Report this comment
October 27th, 2010 at 10:33 pm
@pu CFL, I ngaihdan chu a dik khawp mai. Mahse, kan zirlai a kan pass chhoh ve zel theih tho chuan inbihzau hi a nuamin, han daizau ve hi a chakom ve thrn sia.. Keipoh tunlai chu lehkha chhiar tam theih lo, pu vanneihtluanga ziah ‘hlawhtlinna lamtluang’ tih leh, misual.com leh lawrkhawm.com a an smileys ringot ka rilru ah om..hehehe
Report this comment
October 27th, 2010 at 10:43 pm
Mahni zirlai thiam tluk a awm lo. Chumi piah lamah chuan one should know a little of everything hi ka ngaihdan a ni ve thung.
Kan thupuia lut lehin, Mizo magazine ( anga in chhal) kan tih ve te hi, chhiar tlak vak a awm lo kan ti leh hram teh ang.
Glossy, colourful cover hi chu marketing strategy mai mai a ni e. A chhung thu te hian thupui fun ang viau in lang thin mahsela belhchian an dawl tluanlting lo thin a ni.
Dik tak chuan tunlai zoram khawvelah chuan khawpuia cheng tan chuan magazines vak lei angai lo. Kan magazines contents quality ngaihtuahin, a ai a tha, bengvarthlak leh chiang zawk, engkim deuh thaw hi tv-ah a rawn chhuak zung zung tawh a ni.
Report this comment
October 27th, 2010 at 10:45 pm
kan ngah leh ltk zawk,a zahthlak!kn mags ho hi chu “dont judge a book by it’s cover” a tih vek theih!
Report this comment
October 27th, 2010 at 10:50 pm
Chi hrang hrang hi awmsela tha,a ti chikim ve lawm.Kan duhzawng anih loh chuan lei lo mai ila a tha vel vek ani mai.An zarah thu tha tak tak kan chhiar thei te hi ava lawmawm em,han trang lehzual sauh sauh teh un
Report this comment
October 27th, 2010 at 10:50 pm
Mizorama cc bu te hi a tha chho hlom viau
Vanglaini hi a hma zana news/DDK/Zonet en toh chuan a tuk chu repeat a ni mai.Chhiar tlak a awm lo.Advertisement hi ka lak chhan Vanglaini chu.
Aizawl Post leh Zozam Times hi a tha ta ber rih tunlai
Evening Post thu a nawi tran riau tawh bok
Lengzem hi an in ti thupui fun lutuk. A behbawmah an kual tam..ka chhiar peih chi ni lo.
Zozam Times leh Zoram Today hi news mag kan neih that chhun an ni.An paper quality a chhe lutuk.Chhiar a har. Phun reng chunga lei a ngai. India Today leh Outlook angah hian ka teh khin deuh. ZT leh ZZ hian daily nespapera mi article chhuah toh sa chhuah nawn an ching bok..hei hi a ninawm.
Lunglen a lar.Thalaiin an duh.Mizoram People mag a ni ve ka ti mai.A quality poh a tha.
Zoteens hi in hmusit ngawt ang e, korean chass te an lang a, an duh teh ania thalai ho hian…an hlawk za ber awm e. (source:mi min hrilh)
Report this comment
October 27th, 2010 at 10:55 pm
Vanglaini chu ek paih an uar eeeee
Report this comment
October 27th, 2010 at 10:58 pm
Fonz abulah insilfaina tur tui thianghlim an chhawp ve kha….lol
Report this comment
October 27th, 2010 at 11:02 pm
@sihal…hahaha…ka thianpa, ka idol ka ngaihsan em em dultea a pawn ek paih chhiar tur in thla khatah cheng 100 ka pe ati thin
Report this comment
October 27th, 2010 at 11:04 pm
Ram pawn atang chuan vanglaini.org hi ka chhiar nasa ber mai.
Report this comment
October 27th, 2010 at 11:14 pm
Ek pah ten,inkhwm pah ten chhiar ula in chhiar chhuak dap mai ang, Agape te hi inkhawm na ah hian chhiar ru ila,kan chhiarchhuak dap mai nia :lol:
Report this comment
October 27th, 2010 at 11:18 pm
CFL:a bak chhiar tur awm hek lo.thezozamtime.org leh zonet.in lo en roh.
Report this comment
October 27th, 2010 at 11:39 pm
Ih, lengzem leh real life hi mag.ah chuan tha ka ti. Ve tlat mai a.
Report this comment
October 27th, 2010 at 11:53 pm
Lengzem hi an thu a puitling a, Editorial ho deuhvin a ziak a mahse a thu erawh a takin Mizo tawng magazine belhchiandawl ber a nih ka ring. Zozam Times hi current events reporting velah an tha a, an investigative ve deuh ber bawkin ka hria. A dang hi chu an inang tlang viau, pakhat chhiar chuan chhiar vek angah a inngaih theih. A bak tamtak hi chu a kawma nula hmeltha deuh hi dah lo se an chanchinbu an hralh tlem sawtin ka ring. Milarte chaw ei lai thlalak tih vel mai mai awmna chu article thutak deuh an ziah pawh chaw tak khuka khukpui a tihar zo. Interview ah pawh ram leh hnam kalphung tidanglam thei mi – politicians, ram hruaitu etc. aiin zaithiam, infiammi, model interview an chhuah hnem zawk deuh vek in ka hria. Ka chhiar tlem vang pawh a ni mahna…. Tin, chanchinbu lar ve tak pakhat khi chu sap chanchinbu leh internet vela thu lakkhawm lehlin chhuah chhawnna a ang ber ka ti… Tin, kan magazine cover hi Local language(?) a chhuah chanchinbu ah India ramah a sekshi pawl chu a nih phak ve ka ring
Report this comment
October 28th, 2010 at 12:08 am
#66, dik reng :lol:
Report this comment
October 28th, 2010 at 1:01 am
Magagine pakhatah ka pic. a lang a ni awm e, min zawt lova, ka hre bawk lova, ka chah mek-ka ngaihdan a ni lo ve khawp mai.
Thlanmual panna ka kallai a ni a,ka thinlung nat zia leh Magagine a an post dan min rawn hrilh khan ka rilru a dek zar mai.Engpawh nise, ka hmu ve chhin phawt ang.
Report this comment
October 28th, 2010 at 8:26 am
Ainawn va fair awm lo ve khing teh ka ti
Report this comment
October 28th, 2010 at 8:39 am
@Ainawn, mai2, court lamah hruailiam dial hlawm rawh
Report this comment
October 28th, 2010 at 9:29 am
Soory lutuk, Magagine spelling ka tih dikloh khi tuman min rawn sawisel lova, ka lawm rualin, spelling type dikloh correct dan hi min han hrilh teh u,Pu Shai,Sandman or Goldmember…Please..
Report this comment
October 28th, 2010 at 12:05 pm
@ainawn, magagine chu engine chak ber chi a nih duh hmel??
comment submit hnua minute 5 chhung ‘click to edit’ tih comment hnuaia awm bak kha, han correct dan a om k selo…..
Report this comment