Zu lam chi reng reng hi hnam changkang kan tihho pawh hian an lo khap ve thin tawh a, khap rem chi a ni lo tih hi an hre chiang a. A in dan, lei dan,adt.. dan fel tak siamin zalen tak si khawtlang tibuai lo zawnga leh hriselna lam khawih pawi thei tur ziate hriattirna te chanchinbu leh TV-ah te chhuahin a lei thei chin leh a in thei chin kum bithliahin khauh takin dan an siam zawk a ni.
“Hnam changkang zawkte chu kan la phak lo, tehkhin chi kan ni lo”, kan ti a ni maithei e, Kan Mizo pui ngei Mizoram a mi ram dang khaw dang a awmho te hi en ula zu zalen taka zawrhna hmunah an awm a, a in-miin an in a a in lo chuan an in lo mai a, zu a vanga chhiat phah hi mi tlemte bak an nih a rinawm lo. Rui mualpho leh chintawk nei lova awmte pawh Mizoram zu khap burna hmun atang a hmun danga zin chhuak zawkho hi ar khuh hawn ang maiin, chintawk nei lovin an in rui thin niberin a lang.
Tin, Burma ram Mizo ve tho te pawh khi an awmna hmunah kuhva dawr tam takah pawh zu,beer,wine,adt.. lei tur a awm fur a, zu dawr pawh a tam hle a, zu a vanga khawtlang ti nuam lo, rui buai hmuh tur an awm chuang lo.
Tunhma kan naupan lai deuh mawl hun lai chuan zu rui insual leh inhau bur bur hi hmuh tur an tam mai a, khawtlangin a khap te pawh an lo khap ve tawh a, khap chi a ni lo tih an hre chiang a, zu that lohna leh zu chungchang Kohhran thalai leh khawtlang thalai pawlaht’n sawihona te, debate te, seminar te an nei thina zirna lamah an intlansiak chin chuan khawlaia zu ruia kal pei chawn chawnte chu mimawl tih tawkah an ngai a.
Khawtlang hnawksak zawnga khawsa pawh thil zahthlak tawpkhawkah an ngaia, zawi zawiin zu avanga insual, chemawi lo ang chu a reh a, a in-mi chuan an in reng thova buaina an siam hran lova, a in lo chuan an in lo mai a ni.
Mizoram Mizote pawh Mizo tho, Burma ram Mizoho pawh Mizo tho, Manipur Mizote pawh Mizo tho, Assam ram Mizoho pawh Mizo tho ni si hian eng vang nge Mizoram Mizote hian he titaka zu hi Kohhran leh khawtlang hian kan buaipui em em bik le? Zu in lo pawh insual leh inhau an awm a zu in zingah pawh insual leh inhau tawk chu khawi hmunah pawh an an awm ngei ang.
Zu awm loh vanga in lo aiin a awm reng chung pawha in duh lo tura nu leh pa, Kohhran leh khawtlang hian kan inzirtir a tul zawk lo maw? Kan chhungkaw zingah zu vanga buaina awm avanga zu leh zu zuartute mawhpuh ngawt hi a dik ber lo va, chhungkuaah zu in lo tura inzirtir hi a fuh ber zawk lo’ng maw?
Kohhran pawn kan beramte zu in duh miah lo tur a kan zirtir hi atul a, kan beramte kan enkawl hneh loh vanga zu lo khap ve ngawt hi a fuh berin ka ring lo.Thingkung hnawksak kan tih hi a zar kan thlak chuan fur ruihtui a rawn tlak chuan a rawn chawr no leh a, a hnawksak leh tho va, a bul atang kan kar chuan chawr no tur awm tawh lovin a thi hlen ang hian kohhran leh khawtlangah pawh khap bur hi thing zar thlak ang lek a ni a, sualna chu a rawn chawr no leh ngei dawn a sualna kan do duh tak tak a ni chuan a zung kan thinlung atang a tih duh lohna kan neih theihna turin kan members-te kan zirtir hi a fuh zawk ngei a rinawm.
Tin, Tourism lam te hi kan sawi ri ve fo mia a, hnam dang ram dang-mi an holiday-ah Mizoramah zu nghei turin an rawn kal peih in ring em? Tourists-ho in tur chu Hotel velah lo nei pawh ni tehreng se, zu khapburna ramah zu lei tur awm tho chu kan hnam an nuizatna tur leh an hmusitna tur lek a ni mai lo’ng maw?
Zu hi kan khap nasat pauh leh zu man a to ting ang a, zu chhia a tam ting mai dawn a ni. A in-mite’n lohtheihlohvin zu chhia an in a lo ngai ang a, ram dang atang zu an rawn tawlh lut ru ang a, sum tam tak ram dangah a chhuah phah ang a; zu in-mite hriselna a chhiat phah hle bawk dawn a ni.
Zu man a to chuan zu sak te, zu zawrh te chu a hlawk hle dawn tihna a ni a, hna thawh tur hre lo chuan zu an sak a an zawrh mai chu thil awl tak tur a ni a. Zu sa leh zuar hna dang thawh tur tha ka siam sak thei mang si lo, an eizawnna kan tih chingpen sak te hi lainana leh khawngaihna nei tan chuan lainatawm tak a ni.
Tihian beer leh wine te chu ka kawl deuh reng a ka neih zawng zawng vawikhatah in zawh vek ka tum kher lova, chhawl hal deuh chang leh chaw pai ti nuam a tan a khat tawkin kan in mai a, a chang chuan thla-2 chhung te in lo vin ka a awm, eng thil mah hian min control tur a ni lova keimahni zawk hian kan control zawk tur a ni.
Similar Posts:
- Kerh Kerh…
- Khap Tamna Khawpui?
- Zu hi…Part II
- Zonunmawi virus Zu – MLTP Act-in delete rawh
- Hnam mawl zia!
November 5th, 2010 at 2:33 pm
@Pc-a, hnam dang zingah(Sap-ho) pawh zu ngawlvei zing zu in chu an tam ve mai.
I rawn sawi kan rilru phut hmang leh kan nun phung chu a lawm trhlak ngai ka tih ni, zingzu in duhna thinlung, hnathawh thulh khawp/thawk thei lo khawpa zu in duhna thinlung kha a ni siam ngai ni.
Report this comment
November 5th, 2010 at 2:44 pm
@Pc-a, hna thawk tha thei tawh lo khawpa zu inte chu eng tiangin nge kohhhran,NGOs, sawrkart’n counselling kan neipui tawh a? Zu a nghei theihnan kohhran lamin Pathianthu leh tawngtainain an pui ngai em? Chutiang mi awm lo tur chuan naupang Sunday sikul,inchhungkhur, YMA inhmuhkhawm, zirna school angah te inzirtirna tha nei a, debate, consultation & seminar te neih inzirtir hi kan ngai a ni.
Kan khap bur vangin zu ngawlvei an awm loh phah chuang lova, zu a rem phah chuang lova, zu in an awm loh phah chuang lo va, khap aiin in duh miah lo tura inzirtir hi kan mamawh zawk a ni.
Report this comment
November 5th, 2010 at 3:04 pm
Tha hle mai a………….Intoxicant drinks hi hnam tin in an nei vek ang tih theih tur ani, civilization hrang2 ah poh hian a lang deuh vek.
Kan pi leh pu te poh khan zu tui tha tha kha an nei ve ngei mai, mahse khap a ni ta daih a.
Kan pa te rual pakhat in min hrilh dan chuan wine shop kha a tirah chuan a nghawng a na khop mai, mahse hun rei lote ah a langa lei ngam poh an awm mang toh loh thu min hrilh. Mahse a bula atanga tan that a ngai leh thin a nih dawn hi maw, kum hnih thum vel chu min la chiah buai viau maithei e…….ti ve ngot teh ang.
Report this comment
November 5th, 2010 at 3:53 pm
Tha hle mai a………….Intoxicating drinks hi hnam tin in an nei vek ang tih theih tur ani, civilization hrang2 ah poh hian a lang deuh vek.
Kan pi leh pu te poh khan zu tui tha tha kha an nei ve ngei mai, mahse khap a ni ta daih a.
Kan pa te rual pakhat in min hrilh dan chuan wine shop kha a tirah chuan a nghawng a na khop mai, mahse hun rei lote ah a langa lei ngam poh an awm mang toh loh thu min hrilh. Mahse a bula atanga tan that a ngai leh thin a nih dawn hi maw, kum hnih thum vel chu min la chiah buai viau maithei e…….ti ve ngot teh ang.
Report this comment