Mizo hlathu ah hian inthenna lam sawi nan a kan hman rim em em mai “sam ang then” Tih tawngkam hian rilru a luah reng thin. engtia lo chhuak nge ni a, tunge hmang hmasa tih pawh hriat rual a ni awmlo e. a upat dan tur chhut thiam har khawp in mizo hla ah hmun a khuar nget a ni. a tlukpui thumal dang kan neih loh vang a ni ngei ang hlaphuahtu zawng zawng hian “sam ang then” tih hi chu an hmang theuh ni in a lang.
Sam(hair) bari kan then a, felfai tak in luchhip zawl takah kan then phawk a, hlawmkhat veilam ah, hlawmkhat dinglam ah kan khuih pial thla ve ve a. chu chu hla thu a senglut in, mihring inthenna sawinan tehkhinthu ah kan hmang ta ang in kan sawifiah thin. Hrilhfiahna tha tak leh pawm nuam tak pawh a ni.
A chung a kan hrihfiahna neihsa hi a diklo ka tihna nilo in,hrilhfiahna dang pawh a awmthei tho avangin tizawng hian hrilhfiah in tum chin teh ang. “sam ang then” tih hi sam(hair) atanga lo chhuak nilo in duhthusam/duhaisam tih atanga lo chhauk ni zawk hian a mawi riau thin a ni. duhthu rilru in kan sam a, engkim mai hi a dikthlap a, mahni phaktawk theuh theuh ah a ai a nuam leh chuang tur awmlo khawp in kan sam theuh thin ngei ang. Chu kan duhthusam chu kan nun tak tak zulzui in kan sam fo bawk. entirnan, “ngaihzawng” tehkhinthu ah lo hmang chin ta ila, kan ngaihzawng te khan min duh ve em em mai se, nupa a insiam in, in-hrang lo-hrang han chang ve ila, chhungkaw hlimtak din dun in khawsa dun ve ta ila tiin hmalam hun thuitak kan lo ngaituah lawk thin a ni.
Mahse a tak tak ah chuan a dang daih, duhthusam ang pur pur khan a kal theih lo. pakhat mah inang miah lo pawn hun a hman daih theih. a then tan harsatna tam tak paltlang a ngai anga, then khat tan a ziawm deuh lai in, thenkhat phei chu kumkhua a inthen hlen ta pawh an awm nawk ta ve ang. A ruk a duhthu an lo sam ve neuh neuh thin dan nen khan chuan a in persan ta lutuk a, chu chu hla thu a chawi in “duhaisam/duhthusam ang then” ti in.
A ngaihzawng nen a innei a hlim tak a runhmun lendun a lo rilruk dan zawng zawng kha a hlawhchham fai vek a, a ngaihzawng pawh a then a lo tul ta hial si a, a duhthusam nen chuan “mat vuak a tuichang dap ang” hlauh an ni ta tih na a ni, an inpersan ta lutuk tlat. A duhthusam a thleng dik dawnlo, suangtuahna khawvel leh hringnun khawvel chu suihzawm thei a ni tak tak ngai dawn lo. Duhthu kan sam reng anga, kan then reng bawk dawn a ni.
Similar Posts:
- Aizawl-ah Lu meh man san
- Misual Mi Taima Ka hmu
- Thil Pakhat Chauh
- Search for hair care
- Ka mobile handset it zawng
November 8th, 2010 at 12:37 am
Chawnpuipar ang zan mu chhin zai ka rel theilo, thliah hnu chhawl ang ka kal auh auh @aduhi. :lol:
Report this comment
November 8th, 2010 at 12:38 am
Sam ang then ni te hi, lo herchhuak leh si e,
Ami leng tawnah hian tuar dan hril thiam awm maw?
Duhlai leng zingzin tur, hnahnem hlinpar an hlan,
Nghilhlohna ser ang cham thei tak maw?
Nghilhloh ngaihhrui thu di thlun nan lo par chhuak e
Inthen ni lo her chang lunglen damte’n thawi nan
Vangkhaw sira saw dai theuva pal kara’n
Thliahlai nghakin a lo par pawl riai.
Hei ka va haichhuak e, a hla hming hria in awm em aw youtube a zawn nan?
Report this comment
November 8th, 2010 at 12:41 am
https://www.youtube.com/watch?v=iskAvnVmSg8
Rebecca-i pawh la naupang ras
Report this comment
November 8th, 2010 at 12:43 am
@aduhi, tah hian a awm e.
https://www.youtube.com/watch?v=iskAvnVmSg8
Oh..oh..
Report this comment
November 8th, 2010 at 12:44 am
thanks Saitawk, chung mu iangin ka lawm e
Report this comment
November 8th, 2010 at 12:46 am
@aduhi, PS Chawngthu phuah ni ta in ka hria…
Ka lo zawng ve vat a, chhaktiang kawl ang i lo hmu dim diam tawh sia!.. sam ang ka zak trep! :lol:
Report this comment
November 8th, 2010 at 12:48 am
Zanin chu Aduhi hian Sam ang then-in hnutiang hawikir zai ka rel tawh law’ng a ti a va ang ve
Report this comment
November 8th, 2010 at 12:48 am
i lo zawn avang hrim hrim khan dar ang ka nui
hei hi han chhiar teh u, ngaihnawm reuh asin
http://amuana.com/?p=101#comments
Report this comment
November 8th, 2010 at 12:51 am
Vaiva lawng ah si-ar iangin va mu rawh
Report this comment
November 8th, 2010 at 12:53 am
@aduhi, helai thu hi a nalh in a lungchhiatthlak ka ti.. Pangpar chuai hma leh chul hma em em mai a chawi lai hian nula tlangval inthlahlel leh in duh em em mahse tuantul vanga inthen tul si te inkara inngainatna chul leh chuai thei lo tur hmu in, thi thei pangpar chu hmangaihna thi theilo entir nan a rawn hmang ta hlauhin, pangpar mawl ber ni a kan hriat atangin thuchah ropui tak chu a rawng puang chhuak ta a ni….
Report this comment
November 8th, 2010 at 12:54 am
a ziak thiam khawp mai. keipawh khalai para kha ka lo chang thlan mek a
Report this comment
November 8th, 2010 at 12:58 am
@aduhi, Chengkawl ang ban zai rel mai ka duh ta! :lol:
Vangkhaw sira saw dai theuva pal kara’n
Thliahlai nghakin a lo par pawl riai.
Vangkhaw sira se dai theuna pal kara’n… tiin ka lo hre zawk pek a, dik maw diklo maw.
Report this comment
November 8th, 2010 at 12:59 am
wokay vahrit angin laikhum va bel mai te che. Mangtha
Report this comment
November 8th, 2010 at 4:07 am
Nghilhlona Par tiin #52 hla thu (dik kimlo) hi kan lo chai ve nasa
Report this comment
November 8th, 2010 at 5:19 am
“Sam ang mi then ni khan e,
Ka laitha zawng a na ngei e, na ngei e,
Ka zuang zawk zawk tlangban khumin,
Mi-ah kei aia riang awm ang maw,
D- te lo bei leh rawh ka tranglaiah…” Han tih mai mai te hian lunglen a hnem ve thin nia…. :lol:
Report this comment
November 8th, 2010 at 7:58 am
“Sam ang” anih tawh chuan then sawina lam a kawk deuh vek a.
Mahse Khuanu samsuih-te hi chu a hran leh lawi si. Suih-tungturut leh suih-tak a suih pawh a awm thin kha (Lawichhiat leh lawithat zan). “Sam ang suih” an ti ve ngai hauh lo.
A post-tupa hian duhaisam, duhthusam, duhthuleng ka sam…..etc.., nen hian i rawn ngaih fin lui ni mai in ka hria. “Sam-ah sam tak vek-ah chuan” emaw “Samah sam luat a awm nem maw” tih te hi a flow dan pangngai chu a ni a.
“entirnan, “ngaihzawng” tehkhinthu ah lo hmang chin ta ila, kan ngaihzawng te khan min duh ve em em mai se, nupa a insiam in, in-hrang lo-hrang han chang ve ila, chhungkaw hlimtak din dun in khawsa dun ve ta ila tiin hmalam hun thuitak kan lo ngaituah lawk thin a ni.”
Hei hi chu duhthusam dik tak a ni e. Suangtuahna khawvelah duhthu kan sam thin. Sam ang kan then hnu-te kan ngai thin, sam ang thenni a her chhuak thin……Sam ang min then lul suh aw….!!!
Tin, “Sam(hair) bari kan then a, felfai tak in luchhip zawl takah kan then phawk a, hlawmkhat veilam ah, hlawmkhat dinglam ah kan khuih pial thla ve ve a.”
Hmanlaiin kan Pawi unaute hian an chhipah sam an zial thin a, lusei-ho chuan tukhumah an zial thin niin ka lo hre ve thin a?
Report this comment
November 8th, 2010 at 9:17 am
Sam ang then ni lovin…..Saaam (a thluk a sei deuh) ang then
a nih kha maw le….a awmzia a hran deuh hmel. :roll:
Report this comment
November 8th, 2010 at 11:35 am
Sam ang min then ni khan e Parte,
I zun leng ngai ka ral riai riai;
Ka chun leh zua an hawi vual vual,
Vawk ang min zalh, laichhuat charah;
Thliah hnu chhawl ang ka vuai zo ta.
Sam ang then chu a na ngei e.
:oops: :lol:
Report this comment
November 8th, 2010 at 3:11 pm
@Aduhi: Heti zawk hian emaw ka tia..
Duhlai leng zingzin tur, hnahnem hlinpar an hlan,
Nghilhlohna ser ang cham thei tak maw?
Duhlai leng zingzin tur, hnahnem hling par an hlan,
Nghilhloh nan ser ang cham thei tak maw?
Vangkhaw sira saw dai theuva pal kara’n
Vangkhaw sira sa dai theuva pal kara’n
Report this comment
November 8th, 2010 at 7:32 pm
ka rilru a awm awm kan ziak ve ngawt a nia…
in comment na zar ah ka hriat belh teuh. ka lawm e..
Report this comment
November 8th, 2010 at 10:28 pm
http://mzvision.wordpress.com/page/2/
“Sam ang then ni te zawng,
Lo herchhuak leh thin e,
Ami leng tawnah hian
Tuar dan hril thiam awm maw?
Duhlai leng zing zin tur
Hnahnem hling par an hlan,
Nghilhloh nan ser ang cham thei tak maw?
Nghilhloh ngaihhrui thu di
Thlun nan lo par chhuak e
Inthen ni lo her chang lunglen damte’n thawi nan
Vangkhaw sira saw dai theuna pal karah
Thliahlai nghakin a lo par pawl riai.”
XaiA
Submitted on 2009/06/16 at 12:18pm
@mzvision:A hlathu hnuhnung ber a i tarlan a tang hian a chiang ta kuar mai…Sedai/sadai theu va,theu na tih lam ni lovin Saw,daitheuna pal kar a saw tih ang a lo ni tih a chiang a, i taimak zarah kan fiah uar mai a lawm!!
m_bawitlung
Submitted on 2009/06/16 at 3:53pm
“saw dai” tih nge “se-dai” tih.. hmanlaiah chuan khua hi an hung thrin a… chu chu se-dai an tia… chuan pakhat leh “pal karah” tinge “pal kara’n” tih??? ..la ti tralh teh aangg
A tui zual chuan chhiar belh mai tur……m_bawitlung ka tan e…..
Report this comment
November 8th, 2010 at 10:48 pm
Nghilh lohna par hla chu hei, a thu dik tak a ni e.
http://img513.imageshack.us/im.....par003.jpg
Report this comment
November 8th, 2010 at 10:57 pm
He hla bawl phuan tur ringawt hian zankhat chu i la tikhawm teh ang u a tui theh thawh ho.
@muantea i lo zinlai kan chuh dawn em ni :?:
Report this comment
November 8th, 2010 at 11:06 pm
mzvision, ka lo zin hunah aw niang.
Report this comment
November 8th, 2010 at 11:21 pm
Duhthusam/ duhaisam ang a thlen loh avanga “sam ang then” hahaha… Ngaihtuah puan chuan awmang fu a, ngaihtuah chet2in a dik lo/fuh lo mai pawh a! Khitia’ng khi ni loin, he kan lu-a kan sam kan khuih then phawk/ inkalpawlh/ inluhthelh nuaih leh inchimbuai awm miah loa inthen hmak, bari then atanga lo chhuak a ni e. Hei hi ring ula, in dam ang. Tin, ngaihtuah chet2 ula, a dik zia leh fuh zia, fiah zia inhria ang. Sawi fiah ngaiah ka ruat loa rin aiin in khel rei zek…!
Report this comment
November 8th, 2010 at 11:24 pm
Duhthusam/ duhaisam ang a thlen loh avanga “sam ang then” hahaha… Ngaihtuah puan chuan awmang fu a, ngaihtuah chet2in a dik lo/fuh lo mai pawh a! Khitia’ng khi ni loin, he kan lu-a kan sam kan khuih then fel thlap/ inchimbuai awm miah loa inthen hmak- bari then tih atanga lo chhuak a ni e. Hei hi ring ula, in dam ang. Tin, ngaihtuah chet2 ula, a dik zia leh fuh zia, fiah zia inhria ang. Sawi fiah ngaiah ka ruat loa rin aiin in khel rei zek…!
Report this comment