Zan in chu angatingemaw ni lung a leng riau nia maw le. Lunglen tih lem ah a nula lamah pawh a leng lo, nunhluih ngaih lamah ani a len ni. Aw kum sawm liam ta a Patna khawpui a kan nun dan te khan lung a va ti leng ve le. 1998 kumah vanneihthlak takin Mizoram quota a zir turin kan tling ve hlauh mai a. Ka zirna hmun tur lah Patna ani daih mai si, khami tum a ka tling kha ka huphurh dan leh ka lawm zia kha a in tluk reng ta ve ang.
Silchar pawh la hmu eih loh kha Patna pan chuan ka kal chu a ngai chu a ni ta der mai sia. Hindi an hmang tih avang khan vaitawng kha ka kal hmain kan zir ta tak tak mai a. Ka kal hma ni thleng khan ka vai tawng thiam zawng chu chu ‘nam kya he’ tih leh ‘nai he’ tih leh ‘he’ tih zawng kha ani mai. Ropui loh theih tak ani. Ni a liam zel a, ka kal dawn ni chu a lo her chhuak ta, phur tak si huphurh tak siin kan in siam a. Ka pa min ngaihtuah lutuk khan ka zuk hruai ang che an ti ngial na in, ani pawh Patna la kal ngai bik hek lo, keimahin standing comittee kan nei leh te te a.
A tawp ah chuan ‘Chhungkaw khat a tanga pahnih bo ai chuan pakhat bo a tha zawk, keimahin ka kal tur ani ‘tih kha ka standing comittee thu tlukna chu ani ta. Tichuan Sumo ah chuangin Vairampur lam pan chuan kan liam ve ta poh a. Gawahati kan thleng kha a lawm buai theih ta mai mai chu. Engtin tin mawni Rail station chu ka thleng ta hram a. Train pawh la hmu ngai reng reng lo khan ka chuanna tur rel kan zawng ta tak tak mai a. Vai tawng thiam a tlem si.
North East train he? kan tia, nai he an tih chuan ani lo tihna ka tia, chutiang hlir a vawi 10 vel ka zawh hnu chuan a tawpah chuan “he” tih kan dawng a ka hlim zia kha aw. Pathian zarah buaina em em tawng loin Ka seat tur pawh in zawng hmu ve in Patna chu ka thleng ve ta hlawl mai a. Patna rel station a tang chuan kal leh dan tur hre chuang tawh hek lo, Mizo lo awm hmasa te ka va phone hlawl mai a, kan rawn lam ang che an tih tak vangin thlamuang takin ka a awm a, rual u zawk te lo awm a zarah tluang takin kan hotel turah ka thlen theih phah ta a.
Ka awm tirh kumkhatna kha chu a va han bo theih thin tak e aw. Hindi ka thiam der mai si lo. Ka senior chiah Pu Zaitea`n min han hruai chhuak vel thin a, thil kan lei dun, Cheng nga man thil a lei a, chengsawm a pe, Hindi paka tak mai a ” das rupya jau , Panch rupya au” an ti mai te leh a thiante bulah min han introduce a, “ya mera junior he, Mizoram se he” an ti mai te kha chu ropui ka tiin, Pu Zaitea anga Hindi ka thiam ve hun chuan aw ka ti rilru rauh rauh mai.
A thiante nui tat tat khan keimah min lawm a an nui nge, ka pu Zaitea vaitawng kha an lawm a an nui zawk tih pawh tun thleng hian ka hre chhuak zo ta lo. Tlem in kan awm tlangnel hnu kha chuan mess ah te kha kan han pawr thei ta khawp a. Chawhmeh tui lam dawn pawn “sobji ka pani lau” kan han ti ta mai thin a, mess pu te pawn nui rah rah chung hian min rawn suah lung zel tho mai. Kum 2000 a rawn in her chhuak a, kei pawh junior pahnih lai ka nei ve ta.
Krismas laiin zan khat chu kan lungleng tlang tawh bawk a, chhungte zan dar 12 ah phone ang kan tia, kei leh ka junior te pahnih Hruaia leh Tetea nen kan chhuak, main gate lo in kalh hman si, a lawnin kan lawn liam ta. Police patrolling in min lo hmu si an rawn tlan khap khap a, silaia min tin ang he haw laiin kei a senior ber khan Hindi pu Zaitea hnen atangin ka lo zir nasa tawh bawk a, zam map lo khan ” kal ka krismas he, krismas ka hamara Mizo me bahut festival he, pappa mamma phone karega” kan ti mai a, police ho lah buai keini lah buai, a tawp lamah phei kha chuan phone booth la in hawng min zawnpui zak zak a, zan dar 1 hnuah kawngsir thingpui dawrte lo inhawngah thingpui te kha min khilai ta zawk mah a, khang hun te kha aw, a va han ngaihawm thin tak em.
Hun leh ni te a in her liam a, tluang takin kan course kan zir zo a, khang hun hlim awm tak tak te khan min liam san ta vung vung si. Engtik ah tak Pu Zaite-a, lehkhazir pawh a uipa style a bawp khai deuh kher chung a khum a lehkha zir thin te, Hruaia of mungpuia, zantin ke sil ai chuan thla khat a mutpuan vawi 1 suk a awlsam zawk tia ke sil duh reng reng lo te, Maruata of wolverine, a lam tak tak tum a, a zawr thei ang bera in theh kual kawi vel thin te, Mahruaia of Pelvis, lehkha zir pah a a ruk a Tinkle chhiar thin te nen khan in tawngkhawm leh ang i maw. Aw lenrualhlui te u khawiah tuan che u maw..Ka hming in hriat chhuah changin kan nun dan in dawn ve ngei anga, in lung a leng ve ngei hian ka ring thin!!
November 21st, 2010 at 4:33 pm
Rel a chuan a, zingah Rel kawng sira vai e perh hi a chakawm thin hle mai. Lunglen nen…. ha ha
Report this comment
November 21st, 2010 at 4:45 pm
zanin…..
post chu a chhuah hun nen a va inmil chiah lo .. Zanah k chhiar ag..a mood a chen zok nan.. :|
Report this comment
November 21st, 2010 at 4:47 pm
Keipawh zanah thla eng hnuaiah thang kam pah in ka chhiar ang
Report this comment
November 21st, 2010 at 4:51 pm
tuai kutdawhin min beng tawha tun thleng hian ka ngaihtuah chhuah apiang hian ka la thinrim deuh..
1st year nihlai,duh duha senior te tir buai theia awm kha nuam ber 
Report this comment
November 21st, 2010 at 5:19 pm
1st year PU kan zirlai kha ania…kan thiante Cinema en kha in an thlen hmain Curfew an puan hnan si a….CRP ho Motor lian pui maiah khan an chuantir a, ‘Ka ha se aia ?’ an han ti a. Anni khan an thiam tawpin, uluk fahranin, ‘Dost ghar se auva, ‘ an tih lai te kha min ti hre chhuak… :mrgreen:
Report this comment
November 21st, 2010 at 5:22 pm
He post zet zawng a ngaihnawm dang dai e a live tengtawng bawk a…Post tam tak hi HNIAL kau sa ranin an ziak thin a a ho deuh tlat zel…Mahse thA vek e…
Report this comment
November 21st, 2010 at 5:34 pm
kei pawh k sa huat laiah tak tuai kutdawhin min man tawh, Rs.10 ka pe a kal vang..tuai hlauin kan biru zak zak zel..
Report this comment
November 21st, 2010 at 6:05 pm
a ngaihnom k ti, hetiang ang , mahni thil tawn hnu ang hi. Hei phei chu a hlimom khop mai..
Report this comment
November 21st, 2010 at 6:09 pm
‘Chhungkaw khat atanga pahnih bo ai chuan pakhat bo a tha zawk, keimahin ka kal tur a ni’ tih chu..h, “Pahnih ruih ai chuan pakhat ruih kha a tha zawk” tih ka han hriatchhuah chu a… Saitawk, irh suh aw..!!! :lol:
Thangkhat lian zet liam tawha “Kawmti karaw…” tih chiah pai chunga Delhi kan pan lai te pawh min tihrechhuak riau mai. :lol:
Taj Mahal kawta Single-a thla lak ngei tuma kan thianpa-in Vaiho a’n hnawtkiang tak tak mai kha chu..h, keia lak ai chuan Single a ang deuh hlek. :mrgreen:
Lung i va tileng eee…
Report this comment
November 21st, 2010 at 6:15 pm
R.Vanrammawia sak ‘An lungleng ve ngei ang’ tih hla kha a nei chuan khawngaih takin inthlahrung miahlo in min lo pe ve teh u, midang sak chu ka duhlo!
@ku muanga, khatin irh suh…luak i ti chhuak.. tih a lawm! :mrgreen:
Report this comment
November 21st, 2010 at 6:23 pm
Ka u boralta hla duh ber An lungleng ve ngei ang pual in ngaihthlak tur awm dawn maw kan tih hman chu le.
Report this comment
November 21st, 2010 at 6:36 pm
Zan in thla eng nen a van in hmeh em, he post chu…
Report this comment
November 21st, 2010 at 7:02 pm
in pawlah ka lo tel ve dek dek…
Report this comment
November 21st, 2010 at 7:08 pm
Ziak ngaihnawm thiam e!
hawilopar, lo tel ve dek dek rawh khai! :lol:
Report this comment
November 21st, 2010 at 7:18 pm
Silchar leh Mizoram inep deuh lai khan, kan thiante 6 vel, Silchar atanga rel a chuang tur pawh rel platfoam-ah an in zui tham tham a. A hmasa ber in vaiho zampher zial, a ding a an lo tun kha a ti tlu palh hlauh mai a. An 6 chuan rual em em in an ‘Sorry’ dual mai maw le… :lol:
Report this comment
November 21st, 2010 at 7:24 pm
kan 1st year doctor zir ve lai min ti ngai hle mai
,kei chu pui tak ka ni,kan thlen tirhin super market-ah tui kan lei a,ka tuihal lutuk chu a man pek hmain in kan tum ngawt mai chuh,kan seniorin min lo hmu hman hlauh a,mahse a chhin chu ka hawng hman hram,cash counter-ah barcode hmanga a man pektur chu lo niin.Vawksa tin(can) emaw tiin vawklu chuanna chu kan lei ve ngawt a,chawchhum hmin vawksa tuia lo chawm lek chu niin,ka eizo thei ta lo a.
Sap ram tih takah an nula te an lo chhelo nasa mai si a,nipuiah phei chuan an fengchhing si….saw pawh kan ti reng mai.Mit a tlai thin mang e. :twisted:
Kan hostel chhuat nawtfaituin a tihfai laia lo kal chuan an tawngin min han ankhum ta hrep mai thin a,hrethiam ve si lo chuan nui vur vur chungin kan han kalsan leh ngawt zel a,a chang chuan mizo tawngin kan han vin let ve hrep a,an bo ve thei teh a nia. :lol:
ka room mate insu peihlo lutuk pawh mawza a bundle in a lei a,a uih deuh chuan a paih hmiah zel.Nitin routine a siam ve a,vawi khat pawh a zawm ka hrelo
Report this comment
November 21st, 2010 at 7:35 pm
Pune khawlaiah ka thianpa tuai hovin pawisa an dil a, a lo buai nasa mai. Tlangval thazat hunlai a lo ni bawk a, va pawh then pahin inti huai tawkin ka va hmachhawn a, vanneihthlak takin an kalsawn ve mai. Ka vairam awm pawh kum 20 dawn a ni ta! Lung a len ve phah zo vek alawm. Pathian thu zir ho meizial ka zuk ruk pui te, love song ka sakpui lai hunte khan mual an liam zo ta.
Hetiang hi ka la ziak ve ang.
Report this comment
November 21st, 2010 at 7:36 pm
An bo ve map map ngawt ang :lol:
Report this comment
November 21st, 2010 at 9:12 pm
Hetiang lam hi han ziak zel teh u,a hun lai chuan hrehawm viau mahse tunah zawng Thu hlimawm tak leh lung tilengtu a chang dr tawh anih hi. Pu.Muante,Ku Muanga etc request in ni e.
Report this comment
November 21st, 2010 at 10:13 pm
@hawilopar, male or female insawi zel a ngai, chuti lo chu funny, badboy ten an star sual mai ang che
Ka nu pawh vai sangha zuarin hralh zawh a duh tawh si a, ‘sob dui teka’ a tia, ka nu lah chuan sob hre tel lovi ‘dui teka’ (cheng hnih) tih chu a rin hriat ve a, ka nu in ‘a vai hian cheng hnih maw’ a tia, a zuartuin hre thiam tawh hek lo, ka nu lahin cheng hnih man a tan chuan tam a ti si, an in nuih a an inleisak ta lo ringawt.
95 kum khan gwahati ah rikshaw a cheng3 a kan kal na thinah trum khat chu cheng15 min charge ta tlat maia, thiam ang tawka ka hnial pawhin ka hneh si lova Rs 15 chu lungawi lo fe in ka pe ta a, ka rilru chuan ‘Aizawl ka thlen hun chuan vai ka va han vel dawn chiang’ tiin ka inhrosa nasa maia, ka thlen chhoh chuan, kei ngaihdamna ngah tih takah ka vel leh ta lo …
Report this comment
November 21st, 2010 at 10:18 pm
Vai kutdawh mi zar het2 thin ho hi vai ho hian pawisa nawi remchang anneih loh chuan an chal an han khoi a, an kalsan mai zel a…ka pawisa nawi nei remchang lo khan ka han khoi ve a vai tih dan nia ka hriat khan …an kalsawn duh reng2 ta lo mai…ka khoih dan kha a dik lo deuh emaw ni dawn ni… :mrgreen: :mrgreen:
Report this comment
November 21st, 2010 at 10:34 pm
Phairam-a sikul ka kalin Hindi hi chu engemaw chen ka lo thiam sil nil nial tawh a, ka hmang thiam em em hran lo mai pawh a.
Kan khawsakna hmuna khawi kip mai pawha English tel miah lova Assamese script hlira a inziak thin kha chu thla thum chhung vel kha chu ka thaw a ipik thei hle. Mahse, thil hi a lo zir thiam theih khawp … tun thleng hian kum 40 chuang a ni tawh nain, Hindi, Punjabi, Bengali leh Assamese hi ka la chhiarin ka la ziak thei fuk fuk zu nia!
Thiam chuan HAR LO! :mrgreen:
Report this comment
November 21st, 2010 at 10:36 pm
Guwahati-ah kan thianpa pakhat pawh kha,thawmhnaw a lei dawn a,dawrah a lut chuiah a,kawmti kawraw an ti nghal ringawt pek a,a bul a awm te tan chuan a nuih loh theiloh. :lol:
Report this comment
November 21st, 2010 at 10:48 pm
hey doc lib, are you the budding gynaecologist?
I titi ngaihthlak aiin i ziak lungrun thiam,civil hospital a internship i tih lai chanchin titi te kha han ziak la, kan lo nui leh thin ang, tin bagha passport te poh…
A ngaihnawm takzet e
Report this comment
November 21st, 2010 at 10:51 pm
R.Vanrammawia hla chungchang i sawi dawn emaw ka tia,
Tawng thiamloh hian thatna chen a nei ve reng a nia:
A ngaihnawm hle mai.
Report this comment
November 21st, 2010 at 11:21 pm
@22 Chawnghilh: …thiam chuan a HARLO” ka like chiang..
Vai nilo, hindi hmang pa pakhat pawhin Hindi in “Ap ka ghar kaha me hai? tiin min lo zawta Hindi lamah la pachhe ve ropui sia, hrelo nih duh bok silo khan puam talhin ” No idea…” kan ti pek anih kha. Hnar a bora ve duh khop.
Report this comment
November 21st, 2010 at 11:36 pm
Ka nau Delhi om tir poh vaitawng thiam si lo a, thleng vel dahna tur, plastic a chhawnga awm chi hi lei a duh a,a thiannu 1 khan confi tawkin ka kalpui ang che, ka thiam a lawm a tia. Dawrah khan pawnah lo om mai si lo a, “Bhaia, plastic wala, 1st floor, 2nd floor, 3rd floor wala hai?” a tia….lolz..an hrethiam aniang, an lei haw ve tho
Report this comment
November 21st, 2010 at 11:58 pm
Kan thianpa pakhat (saiha lammi) vai tawng thiam lo hi mi awmpui Garo nula nen khan an inzui ve vak mai a..pakhati lahin english a thiam map lo…mahse ‘hoih’ ti ringotin an in bia a, kutzaizir nen, mahse an ‘inenglo an in englo’ ve tho… :mrgreen: :mrgreen:
Report this comment
November 22nd, 2010 at 12:05 am
#28,Hemi thu hi thianpa khuala’n alo hria a,”A rai hlauh chuan, “hoih” tiringota naupang enkawl chu buaithlak don mange ” alo ti…mahse a rai ta noh e .. :mrgreen: :mrgreen:
Report this comment
November 22nd, 2010 at 12:50 am
a post tupa nick pawh hi lung ti leng tham
Report this comment
November 22nd, 2010 at 1:46 am
Ka thil dil che u khi ka hmu leh si.
https://www.youtube.com/watch?v=WpcUYL4Bfz4
A sa nalh lunglenthlak hi ka ti vawng vawng a nia.
Report this comment
November 22nd, 2010 at 1:50 am
“Hindi paka tak mai a ” das rupya jau , Panch rupya au” an ti mai te leh a thiante bulah min han introduce a, “ya mera junior he, Mizoram se he” an ti mai te kha chu ropui ka tiin, Pu Zaitea anga Hindi ka thiam ve hun chuan aw ka ti rilru rauh rauh mai.”
A tuipawlh loh (pure/paka) chiah maw? :mrgreen:
Hun liam tawh te hian kan damchhung hian lung minlen zel dawn a nih awm hi maw… lunglen chang neih te hi a nawmna a awm ania.
Report this comment
November 22nd, 2010 at 1:53 am
Patna atrangin a rawn mIRC thrin a nimaw? Lol.x
Report this comment
November 22nd, 2010 at 2:53 am
@doc_lib, hetah NalandaMCH lam atangin.
2k6. Chhuahsan hnu chuan a ngaihawm. Awmlai chuan a ninawm.
Report this comment
November 22nd, 2010 at 7:47 am
Hetiang chanchin(real life) hi chhiar a nuam mai mai.. a hlu bawk. Ka la ziak ve ang.(tlem phuahbelh-in :roll: :mrgreen: )
Report this comment
November 25th, 2010 at 11:46 pm
a lunglen thlak hle mai… munga leh pelha te nen kan inkhawm kal tur reng kha a ngaihawm mai…doc_lib ve thung hi chu kamis a bilh lut anga…a kawng aia sang deuh ah kekawr ha chungin kawnghren buggle lian veh vawh a hren lai leh PONDS powder an chulh lai te kha ka mitthlain ka lung a ti leng hranpa ve reng a ni…hehehe
Amah doc_lib hi kan senior te zingah chuan lehkha thiam, lehkha zir leh hnathawh ah pawh sincere tak a ni a…tuna GYnae Pg a tihna ah pawh duhsakna sang tak ka hlan a che….
wolva….
Report this comment
January 11th, 2012 at 11:57 pm
Ngaihnawm ve hranpa hle mai.
Report this comment
January 12th, 2012 at 12:01 am
haha! Banner chu!!!
Report this comment