Chhuanga chuan kum 10 mi lek ni siin, “Pathian hi tuma siam anih si loh chuan engtin nge a lo awm ang le, boruak atangin a lo piang a ni ang… ti dawn i la boruak chu khawi atangin nge a lo awm ang tih kha a ni leh zel si a….” tiin zawhna mak tak a siam a.
Kum 12 mi lek a u te zinga pakhat thung chuan, “Pathian hian chhan nei vekin engkim a siam an ti a, eng atana siam nge kan nih ang le?” tiin Chhuanga zawhna chhang miah lovin Sande Sikul-a an zirtirtu te thusawi atanga a rilrua zawhna lo piang chu a sawi chhuak thung a. He zawhna hi chhang dik thei kan awm ang em le? I inchhan siak chhin teh ang u, ngaihdam ngai misual ho hian.
Keia ngaihdan mawlte-ah chuan Genesis 1:26-a Pathianin, “Kan anpuiin, keimahni ang takin mihring siam i la….” a tih avang hian Pathian ang tura siam kan ni maiin ka hria a. Pathian ang tur chuan engtin nge kan awm ang tih hi a pawimawh ta in ka hria.
Pathian hi thiltha ti tu, thil engkim tana thil tha ti a, thilsiam zawng zawng rawngbawl saktu ni berin ka hria a. A bik takin mihring te rawng hi a bawl nasa hlein ka hria a. Mihring thatna tura hnathawh hi a hna pui ber, a Grand Mission chu niin ka hria.
Chuti anih chuan mihring siam chhan ber chu a mihring pui te tana rawngbawl a ni maiin ka hria. Mahni mihring pui te thatna tura hnathawh hi mihring tana Grand Mission chu ni maiah ka ngai a. Chutiang hna thawktu chu Pathian pawhin mal a sawm thin niin ka hria.
Bible hian he thu hi min hrilh chiang hlein ka hre ve thin. Hnam thenkhat chu hnam dang tan pawha malsawmna tlingin an kal a, Pathianin mal a sawm a, hnam ropui takah an lo ding chhuak a. Ropui ta viaua inhriain hnam dang an rapbet a, anmahni tana rawngbawltu-ah hnam dang an siam a. Chu veleh an tlachhe mai zel.
Mi naran ve tak kha midang tana rawngbawl ngaipawimawh tu a lo ni a, anih loh pawhin chu mi chuan midang tana thatna thlen theihna tur engemaw talent a lo nei a, rawng a bawl ta a. A ropui tial tial a, ropuia a inngaih hnuah midang rawngbawl bansanin nawmsip a bawl a. A thamral leh thin.
History atangin hnam leh hruaitu ropui te nun ka chik a, heti tho hi a ni. Pathian hre mi anih leh nih loh pawh a ni lo. Midang tana rawngbawltu chu a ropui tial tial thin a, ropuia inngaia midang theihnghilha nawmsip a bawl chinah chuan a thamral zel thin.
Mi hausa la dam leh boral tawhte chanchin zir pawhin a dik zel mai. Midang tana ui lova an inhman lai chuan an ropui zual zel a, an hausakna an kawmpui a, anmahni tana an inchhek hnu chuan an ral rawih rawih zel mai a ni lo’m ni?
Mifing lal Solomona khan, “Sem darh chu pun lehzualna a ni a, mamawh tawka liam kawmpui chu tlakranna a ni. Mi thilphal nunna chu tihthauvin a awm a, tui leih thintu chuan mahni pawh a inleih a ni. Buh kawmpuitu chu miin anchhia an lawh ang a, a zuartu lu chungah erawh chuan malsawmna a awm ang” (Thufingte 11:24 – 26) a lo ti reng a sin.
Chuvangin, kei chuan, mihring siam chhan, mihring tana Grand Mission chu midang rawngbawl sak hi niin ka hria a ni. Eng angin nge in ngaih ve le?
Similar Posts:
- Tial Tial
- Lawm chunga Lalpa rawngbawl
- Chaw hmeh
- KAN ZORAM HI….
- Thawk tha peih lo chuan hna tha thawk ve suh se!
November 24th, 2010 at 9:32 am
Eng tak niang maw? chhiar phawt ang…. :roll:I sawi khi a dik!
Pe rawh u, tichuan pekin in awm ang.. tih te pawh a awm kha..
Dawn aiin Pekin lukhawng a nei zawk.. te pawh kan tia ni lawm ni?
Semdarh hi punlehzualna te pawh kan ti em kha??
Nang Malsawmna ni ang che tih Pathianin Abrahama a hrilh hi keini (Ringtu) te hnenah pawh a sawi lo em ni???
Report this comment
November 24th, 2010 at 9:39 am
Ka hriat hnem loh lam tak ani…a hre ho khan han swi teh u… :?:
Report this comment
November 24th, 2010 at 9:39 am
Zephenath hi aw…first khalh i va han har tak em!! 2nd first phot teh ang.(Lungawilo lek lek
)
Report this comment
November 24th, 2010 at 9:45 am
#shylo,
Report this comment
November 24th, 2010 at 9:50 am
Mi dangin ka rawng min bawlsak hi nuam ka ti a, nihlawh leh vannei ka inti. — Jesus did for me.
Mi dang lak atanga thilpek dawn hi nuam ka ti bawk … chu chu Pathian Thu laimu ber pawh a ni. — God did it for me through his Son.
Pathian Thu laimu ber kan dawn tawh chinah chuan mi dang tana rawngbawlsak ve hi kan tih tur ngei ngei a ni ve ta! Saving grace to serve others.
Report this comment
November 24th, 2010 at 9:50 am
A post thu ken chu a ril hle mai. Midang rawngbawlsak (Grand Mission) hi thil ropui a ni. Mahse tlin a har mang e…
shylo #3, tum duh ting suh. a 1st dawn hian a hamhaih thin a, mak deuh deuh hi a type a, ‘zmmmmm…’ tih ang reng, chutah thawk an la a, a comment ta chauh thin a lawm:lol:Report this comment
November 24th, 2010 at 9:55 am
Ka second ve dan chu le :lol: Second tur pawh hia ruat lawk sa tho anih te ka ring rum rum. Heng te hi a misualpuite (Mihring ve tho kan nia) rawngbawlsakna Grand Mission-ah ngai mai ang.A reh leh daih tawh hi, a first hi chuan hmuh zui tur a tam ngai lo khawp…
Report this comment
November 24th, 2010 at 10:07 am
@shailendra #6: hahhahaa… dawt an sawi ngai lo aw.. :roll: :mrgreen:
Report this comment
November 24th, 2010 at 10:28 am
He inah hian religion lam post a tam tial tial.
Report this comment
November 24th, 2010 at 10:29 am
Ni deuh ber e,Pathian kan hmangaihna lan tir na chu kan mihringpui te hmangaih hi a ni e.Hmuhngai loh Pathian a hmangaih veng veng theih si loh a.
Report this comment
November 24th, 2010 at 10:37 am
‘Pathian hi tu siam nge ?’ he zawhna hi naupan deuh laia min tibuaitu a ni ve fo thin !
Midangte rawngbawl sak hi Pathianin mihringtea a duh leh beisei chu anih ngei ka ringa. Min siam chhan erawh ani a ngem ? Kristian nilo, midangte tana thil ropui tak tak ti thin an tam khawp mai.
Ka chawimawi avanga chawimawia awm ta nilo mahse kan Pathian hian Amah chawimawia, hrelote hnena a chanchin hrilh hi min siam chhan berah ka ngai.
Report this comment
November 24th, 2010 at 10:44 am
Lal Isua mission chu mihringte chhandam/chhanchhuah a ni. Midangte tana nun hi Pathian zia a ni a. Midangte Chhandama an awm theihna tura thawh leh inpekna hi Pathian kan anna leh a hniakhnung kan zuina tur chu niin a lang.
Report this comment
November 24th, 2010 at 10:57 am
#6 Shailendra : He2… chuti anih chuan rawtna kan siam teh ang; Post chhuak reng reng admin lam in first commentna hi block sela, 2nd atangin first tan zawk ila…
(harsa awm). Tak a, eng post emaw -ah khan “zmmmmm Or zwwwww” tih ringot a comment tak kha maw le.
Report this comment
November 24th, 2010 at 1:16 pm
Helaia sawi mai mai chi pawh niin ka hre meuh lo ve. Sawikual thui a ngai a..hman deuh zen zawnah kan la sawi dawn nia…Pathian hi tu siam nge? tih vel chu..
Pathian Siamtu hi hre ta ila..chu Pathian Siamtu hnenah chuan Pathian dang, active deuh hlek leh dam lo te pawh tidam deuh zung zung mai min siamsak turin kan dil duh mai ang a…
Report this comment
November 24th, 2010 at 1:52 pm
he sermon chu AMEN.. ka pawm zawng tak a ni
Report this comment
November 24th, 2010 at 2:54 pm
I rawn chhawp chhuak tha e. Pathian anpuia siam kan ni. Amaherawh tisa Pianphungah ni lovin, nungchang, rilru put hmangah a ni. Pathian chu hmangaihna a ni, hmangaihna atang lo chuan midang rawngbawl sak/mite tana nun hi a har viau. Tin, Pathian nungchang chu Bible a DAN kan tih Kristianten kan chai vak vak thin hi a ni a. Pathian DAN kan tih hi Pathian nungchang leh a mizia inpuanna a ni tih hria erawh kan tlem hle in a lang e.
Report this comment
November 24th, 2010 at 3:17 pm
Pathiannin mihring a siam chhan chu:
1. A mah chibai buk turin
2. Amah nena lengdun turin
3. Amah fak leh chaiwmawi turin
Report this comment
November 24th, 2010 at 4:07 pm
Charity aiin Salvation & Worship a hmasa tur ani ang
Report this comment