Pro Fight khelh lai mek a nih avangin Boxer senior zawk te an kal hman lo. Boxer naupang zawk Future Bright tur a kan hriat (Pro fight in a tihbuai tawh loh) te chu East Zone Championship a khel tur in tirh an ni ta a. An vai hian kum 19 hnuai lam vek an ni.
Mizoram boxer thenkhatte: Joseph (jacket pawl ha) lalhluzuala, Mizoram coach Achhuanga (boxer te lu leh lu inkar a mi, lukhum khum camera lam lo hawi leh) Vensanga. An vai hian Pro fight ah khan an hmel in hmuh vek ka ring.
Mizoram team te chu:
Coach: Vanlalchhuanga Ramhlun N
Manager: Lalduhzuala Lawngtlai Coach
National star 1 R n J exam tur: VL Ruata chhangte leh kei Andrew zonunsanga(Hiho).
Boxer: Lalhlankima Durtlang, Zothanmawia SAI Lawngtlai, Joseph Chawnpui, Isaac Rothangpuia SAI, Lalhluzuala Sawleng, Lalvensanga SAI
Mizoram team hi Rupa atanga Km 8 a hla Tenga khua ah thlen tir kan ni a. Hotel thar leh changkang ber pawl ah min thlen tir a ni awm e.
Bridge bul a inchhawng var khi kan hotel thlenna chu a ni e.
Boxing tan a nih atangin entu mipui an thahnem thei hle mai, khua erawh a vawt .
Entu te poh mi chi hrang hrang an ni e.
Mizoram boxer te hi la nau deuh mahse game an khel tha hlawm a, tantu poh an ngah viau. Boxer paruk zing ah hian pathum in medal an la a. Silver 2 Bronze 1 leh Best Loser trophy te kan dawng a ni. A vanduai te pawh hi an kum ngaihtuah chuan khel tha tak an ni.
Zothanmawia SAI (lawngtlai) kum 16 mi senior level a Silver medal dawng tu chu. Kawr pawl ha, veilam sir a ding khi a ni e. Best Loser trophy a dawng nghe nghe a ni.
Lalhlankima kum 18 Durtlang Silver medal dawng tu chu
Isac Rothangpuia kum 17 SAI naupang bronze medal dawng chu. Jacket pawl ha, boxer jacket dum ha bul a mi khi a ni e
Kan manager Duhzuala NIS Boxing Coach lawngtlai a awm mek, India ram pumpui ah best refree vawi 2 lo la tawh a ni. Ring official a an lo hman tlat avangin a hming in keimah chu manager ka zuk ni ta a ni!
Mizoram team te hi tan tu kan ngah hma khawp mai a, kan boxer te pawh thlalak pui tu an ngah, tawng phei chu han thiam deuh sela chuan thlalakpui mai duh tawk lo te pawh an tawn hial ka ring. Naupang pawm dinglam sir ami khi Sipai, Rupa a an chhungkua a khawsa mek Lalengzauva 6th assam regiment a mi a nia, Mizoram team te hi chaw ei min siam sak a, mizo chawhmeh tui tak min hmeh pui a ni. A chungah leh mizo dang lo awm ve te chungah kan lawm hle mai. Rupa ah hian mizo chhungkua 5 vel an awm ni in kan hria.
Zingkar hun awl hnawh khah nan hian kei leh Sir Duha hi kan kal kual thin a, Mobile camera in thla te kan la kual ve a ni.
Arunachal hi CHINA in 2012 ah lak tumin an rawn bei leh dawn tih thu vel ka hriat chuan ka ui ve ringawt a, China in Tawang chhak vel ah sipai a nuai tel a hung tawh thu leh, India in Sipai an la dah tlem zia han hriat phei chuan lo thinrim ruk ve tun a awl khawp mai. Kan zin kawnga Sipai kan hmuh vete kha keini chuan tam ka tih ve teh reng nen , Sipai tanglai mekin China sipai tam zawk zia thu min hrilh chuan ‘Kan rual in lo haw ve mai ru’ tih hi ka chak rum rum mai. Ka Mizopui chan ka hauh vang a ni nge.
Ni 22 zing ah chuan Tezpur panin kan mizoram team te chu Tenga kan chhuah san a, Arunachal kan awm chhung hian buaina liantham tawh kan nei lo a ni. Mizoram hi a state hming anga kal ah chuan a pumpui ah 2nd kan ni a, Nagaland hming hian assam rifel an khel a ni. Over all a 58gtc an champion a, mizoram hi pali na kan ni. kolkatta boxer pathum kan hnek tla bawk :mrgreen:
Thinrimna leh lawmna:
Guwahati kan chhuah san hnu zan dar 11 rik hma hret in shillong tawntirh a kan sumo chu a chhia a. Kan Hire na counter Aizawl lam kan phone a, Guwahati lam ah Ngaite-i be tur in min lo ti. Ngaite-i chuan zan tlai toh sia, a tuk zing dar 6 vel ah motor dang ka lo zawng dawn nia a lo ti ta mai. Dar 11 a ri tawk a, darkar 7 vel, mutna chu sawi loh, thutna poh awm tawk tawk, khaw vawt hnuai ah lehnghal, innghah tir/inawmtir tum chu ka ngaihdan a pel hle mai.
Passenger/customer te an zahlo/ngaihtuah lo hle in ka ngai bok. Shillong lam a an counter enkawl tu Lal-a kan han be leh a, a ni lah chuan Guwahati atanga chhuak in nih avangin Guwahati lam buaipui tur in ni a ti tlat bawk si, Sumo counter dang min biak sak tur a ngen pawn shillong ah motor awm loh thu min hrilh a, kan aw ki pawh a sang dun hle mai. Vohbik Sumo counter number kan nei zawng2 kan dial kual leh a, tu man an pick-up tawh lo. Dar 12 a ri tep tawh, thin chu rim tak a ni.
Engtin tin emaw Joshua sumo service shillong counter enkawl tupa Pu Hruaitea ka be tlang thei hlauh a, a ni chuan kan awmna min zawt a, Motor a ron tirh mai tur thu min hrilh chu kan lawm hle mai. Darkar 7 awm mai mai kan duh loh em avangin darkar 1 hnu bawr vel ah Aizawl lam panin kan chhuak leh ta, kan lawm tlang hle a ni. Zing dar 10 vel tih ah Ngaite-i min rawn phone a “Tu nge ni? Misscall ka dawng a he number atang hian” a rawn ti chu ngeiawm lam ah hian a kal tawh. Vohbik sumo kawng a kan tawh te pawh kha ka ngei chho vek tawh mai in ka hria, an driver lah chu Vai an han tam em em khawp. MZP/MSU hian va check hial se a tha ang. Pui tur an mamawh pawn Boxer tlem a zawng chu kan rawn theh chhuak ve ang.
Ka vawikhat post na nih bakha pic khi mobile-camer vek a lak a ni a, Ziah dan dik tawk lo awm tam tak ah leh picture fiah tawk lo ah te hriatthiam na ka dil e.
– Hiho from the White corner
Similar Posts:
- National Games ah Mizo che țha
- Aizawl leh Shillong/Guwahati inkara Maxi Cab Service chungchanga Joint Statement
- National Boxing Championship Punjab-a khelh mekah Mizo Boxer 3 tla tawh. Lalenkawli ala tling zel.
- D3 LG Inter Village Volleyball Tournament 2012
- Airtel NE School Football tournament
November 26th, 2010 at 11:31 am
Hnek hmasa ber ang.
Round One, one second KO … heep heep hurray!
Report this comment
November 26th, 2010 at 11:38 am
Ka hnek 2nd e
Report this comment
November 26th, 2010 at 11:39 am
Hiho good luck Boxer man ilo ni ve reng a ni maw?
Report this comment
November 26th, 2010 at 11:45 am
haih jish…. lawmpui awm e..
Report this comment
November 26th, 2010 at 11:47 am
An hlawhtlinna leh thildangte aiin, Nula lo langte khi an rawn phulpui leh huk ang chu, misual ho hian…
Report this comment
November 26th, 2010 at 11:48 am
In zingah tel ve ni ila chu Ngaiteii chu ka KNOCK OUT chiang viau ang, glove chhunga sakawr mei-hmul pawrh huang khawpin ka hnek mai ta lawng!
SUMO tak pawhin ka che mai thei —ring ata ka nawr chhuak hrim hrim ang. Platform-a chi theh tur ka barh chiam bawk ang! Fiamthu chimawm! :evil:
Report this comment
November 26th, 2010 at 11:52 am
Boxing thiam tak tak nise eng vangin nge Asian Games ah an tel loh, ka lo ti ve mai mai a.
Report this comment
November 26th, 2010 at 11:55 am
@Hiho : Arunachala in cham chhung chuan Bamboo Tenga (Mautuai um tawih) an hmeh pui cheu em?? An chawhmeh ngainat ber pakhat a ni ve asin!!!
Report this comment
November 26th, 2010 at 11:57 am
Boxer naupang tak tak in hruai a hetiang dinhmun in la thleng thei hi ka fak hle mai che u. Heng in Boxer te hi chherzui that zel ni se. Thlalak ka hmuh kim theih hunah ka comment leh ang. Congrats.
Report this comment
November 26th, 2010 at 12:02 pm
Khilai leiah khian ka va han tlanzing tawh tak em :lol:
Report this comment
November 26th, 2010 at 12:06 pm
I pics. a fiah thain a hmuhnawm hlawm e.I Mizo tawng hman pawh i tihthan loh aiin a chhe lo.Anyway Good luck for your future hiho.
I la naupang a,insum a fit reng turin kan fuih teh ang che.
Report this comment
November 26th, 2010 at 12:22 pm
Enge Arunachal chu ilo ui ve em em awww
An ram khi Hydro power potential nei tha rapthlak annia, India hian chuti maia lost a tum bikin a rinawm loh. A rumra zawng lah hian an reply ve ngam der lo lehnghal. Nuclear weapon nei ram an nia, in hlau tawn tur annih a hmel. Mahse India nuclear kha an hotute zing ami bang ta khan failure a ti tlat maia, sorkar lam trang na viau mahse rinhlelh awm deuh tho mai. China hi chuti maia an duh dan dana pawngpawrh turah ngaih bik loh tur, an ram khi vaivut ah a chang ve keuh thei.
Hetah hian chiangkuang deuh in ka ziak tawh tak e
https://goo.gl/WQ2hv
Report this comment
November 26th, 2010 at 12:27 pm
A lawmawmin a bengvarthlak hle mai. Rin loh takin a hnek chi i lo ni lehnghal.
Gauhati Sumo ho hi chu ka ngeina a rei tawh. :mrgreen:
Report this comment
November 26th, 2010 at 12:34 pm
Boxing chu luhai awl emai
Report this comment
November 26th, 2010 at 12:39 pm
he he ot lawks.. Zawhna_ facebook ah hian engtianginge ka post view tu zat ka hriat theih ang, kan inhniala, hriat a har in ka ring sia
Report this comment
November 26th, 2010 at 12:40 pm
#5 BLACK_HAWK..lo phul pui mahse enge pawi le? weekend a nih hi lolz
Report this comment
November 26th, 2010 at 12:47 pm
11# Ainawn.. i fuihna khi ka support e
I la naupang a,insum a fit reng turin kan fuih teh ang che.
A va tha em! Hiho i ngaithla em??
Report this comment
November 26th, 2010 at 12:52 pm
MIZORAM tih ziak kengtu nu khi!!
Report this comment
November 26th, 2010 at 12:59 pm
Thil dang zawng aiin LPS Pro Fight a referee Vulthavunga’n Boxer te a kutzungchal a a iu kher thin hi chi a mawl thlak ka ti tawp. Referee dang tumah heting ching ve hi ka hmu ngai lo.
A post tupa sawi hmang hian pics hi pahnih aia tam a nih hmel si a, pahnih chauh a lang sia?!! Naupang pawm dinglam sir ami khi Sipai, Rupa a an chhungkua a khawsa mek Lalengzauva 6th assam regiment a mi phei hi chu a lang hauh lo.
Engapawh chu nise ka lawmpui che u. Kan boxer te leh coach in future atan duhsakna ka hlan che u e.
Report this comment
November 26th, 2010 at 1:04 pm
Duhsakna ka hlan hlawm e.
Report this comment
November 26th, 2010 at 1:13 pm
Pro Fight khelh lai mek a nih avangin Boxer senior zawk te an kal hman lo huuiizzzzzz
East Zone Boxing Championship a tel aiin local level, LPS Pro-fight a tel duh zawk tlat mai kan boxer ho chuh. Mak dangdai hle mai. National Level a champion ai pawhin LPS Pro-fight a champion nih pawh an duh zawk ta ve ang.
Report this comment
November 26th, 2010 at 1:23 pm
@shabito: LPS profight-ah chuan zankhatah an hlawh hnem em a lawm, a hlawk zawk daih. Short term a hlawkna.
:lol:
Report this comment
November 26th, 2010 at 1:28 pm
@rotekawlasepa…hlawk mai thei e, a chhan chu an chhungte’n sponsorship an zawn sak vak thin a lawm. Nimin pawh ka lenna dawr-ah category a champion mek chhungte’n an naute an inhnek huna sponsorship tur an rawn dil tak kha mawle. ‘Zan khat chauh an inhnek dawn sia, chumi atan’ an tih duah kha mawle.
Report this comment
November 26th, 2010 at 1:33 pm
@hiho: Itanagar a in cham laiin Chhangte_II in han hmu em, chaw ei ah te a lo sawm che u em? :lol: :lol: :lol:
Report this comment
November 26th, 2010 at 2:03 pm
Rupa khua ah hian ka kal ve tawh (a hming mai maiin)
Report this comment
November 26th, 2010 at 2:40 pm
@rotekawlasepa naupang pawm khi a ni 6th assam regiment a mi chu.
@littlerascal Boxing hi chu ka game nuam tih ber a lom.
@shylo Kan Hotel thlen a ah hian kan eitur chin lo list sa vek a, Bamboo Tenga chu awm tih hria ila ka lam ve em em ang.Hotel manager kha silchar mi a ni nghe nghe in ka hria.
@sillyBoy Mizoram tih keng tu khi a hming chu Yengchi a ni a, guwahati kan thlen khan MIzoram boxer te min ngaihthu mobile hmangin min la ron hrilh a sin.
@Shabito Itanagar lam kan kal lo hlauh mai. Ka kal ve tepoh a chak awm hle mai.Tin kan zuk kal na ah khan lawmnan(ka hriat ah la awm ngailo) pawisa Fai Gold tan Rs-3000 Silver -2000 leh bronze tan 1000 an lo ti tel ve a, LPS pro-Fight an khel chak zawkna chhan chu i hrrethiam mai ang chu mo.
Report this comment
November 26th, 2010 at 2:44 pm
ti ropui hle mai a andrw chu. duhzuala chu in kalna lampang mi va ang ve.
Report this comment
November 26th, 2010 at 4:34 pm
a video te i nei tel em an hnek lai, en te pawh a chak awm e a…mizo naupang kha fit engzat nge an nih hlawm? leh meitei ho ami he championship ah che tha ber?
Report this comment
November 26th, 2010 at 6:14 pm
hiho chu nau i awm ang chu tih nak laiin, chhangte_ll te awmna, Zangkawltuk ram lamah ilo kal daih niin. Mizo naupang te an fakawm e, tan han la sela, pakhatna pawh an la ni thei ngei ang.
Report this comment
November 26th, 2010 at 8:45 pm
a lawm awm viau na cung in, Indian anih cuan langsar leh zual turin ka duhsak na sang ber ka hlan e, I ngaisang teuh an u…✌☮✞❤ ⚓ be with her..all way….☺
Report this comment