United Arab Emirates (UAE) ah hian khawvel ram hrang hranga mite lo kalin hna an thawk hlawm a, chungzingah chuan keini Zohnahthlakte pawh kan tel ve a. Zofate hi mi induh tak, mahni hnam leh culture ngaina mi tak kan ni a, khawi ramah pawh awm ila kan Zohnahthlak puite an awm ve a ni tih kan hriat chuan zawn chhuah tum hram hram mi kan ni. Chutiang zelin UAE rama cheng Zohnahthlakte pawh mi thahnemngaite zarah kum 2008 atang khan Zohnahthlak UAE (ZNUAE) tiin inhmuhkhawmna kan nei ve thei ta a ni.
UAE rama cheng Zohnahthlakte hi Burma ram leh India ram hmun hrang hrang atanga kal khawm kan ni a, Duhlian/Lusei tawng hmang thei lote pawh kan awm ve nuk a, eng emaw chang chuan English han hman ve zeuh a tulna pawh a awm thin. Kum khatah tum hnih kan inhmukhawm thin a, Summer Meet leh Winter Meet tiin a hming vuah a ni. Summer meet hi July or August thla chhunga neih thin a ni a, Winter meet erawhchu December thla chhungah neih thin a ni ve thung a; Kristmas hmuahna anga program hman thin a ni.
Kan hriat theih chin chin chu kan inhai chhuak ve a, member 50 vel awmin kan inhria. Hna thawk tura kal kan nih vek avangin hun awl neih dan a inrual lo hle a, inhmuh khawm pawh thil har tak a ni bawk. Inhmuhkhawmnaah hian mi 20-30 vel kan ni tlangpui thin a, kumin winter meet erawh chu vacation hmang la hawng lo te, hotel lama hnathawk mikhual an ngah zual deuh avanga rawn chhuak thei lo te an awm nual a vangin mi 15 chiah kan kal thei. Mi kal kan tlem nain kan hlim tlang hle a, a kal ve thei lote kan help hle niin kan hria.
Hunserh kan hmanga Pathian thuchah kan ngaihthlak hnuah games chi hrang hrang te leh gift exchange te in hun kan hmang a, Ni kan kham lo hle bawk. Ei leh In lamah kan hnianghnar hle: Vawksa bai, Arsa kan, Hmarbai, Mizobai, Bekang bawl..adt… ka sawi seng lo, kan tlai a ni ber e.
By Vanlal Zawma, UAE
For more pics kindly visit ZNUAE
Similar Posts:
- Winter meet and Advance Christmas hlimawm
- Zohnahthlakte ka hmuh ve dan – By Rev. Dr. Ral Buai, Yangon.
- ZSE Summer Meet 2011 Hman a ni
- A vawi khatna a tan Dallas tx Mizo ho ten Krismas hlim takin kan hmang
- Meet up group!
December 13th, 2010 at 8:23 pm
Liandova pawh ka hmu ve ran e…..ka hriat dang ka hmu lonual mai…
Masi chibai vek u..
Report this comment
December 13th, 2010 at 8:42 pm
DXB: I link dah chu ka en a.Keimahin ka lo khi ve vur vur mai….In pics en a nuam khawp mai…In nui seng, khi seng hlawm a.
Zoram lam hmel tum deuh hmuk, nui thiam lo ni awm tak ai chuan in/kan zia awm viau e….he he heee :lol:
* lo la na vak teh suh u…fiamthu titak nih hi…:lol: :happy: :lol:
Ti khan kawng khatin Zoram unaute kan khum leh tihna ni mai…he he.. :lol:
Report this comment
December 13th, 2010 at 10:28 pm
Nuam awm hle mai a!
Report this comment
December 13th, 2010 at 10:30 pm
zualbonez a star tu tur pawh an tam khi a
Report this comment
December 13th, 2010 at 10:42 pm
Tun hma lam deuh khan kan thian pa khat Siaha lam mi nula pawh a awm thin a tunah a la awm em aw ka hre lo.
Hman ni deuh khan kan naute an che tha na hmun Dubai
In hmel hmuh a nuam e. :lol: :lol: :lol: :lol:
Report this comment
December 14th, 2010 at 12:04 am
MI tura la kal keuh tur anih hi – mihlim thei tak ho bula awm hi nuam deuh asin – in fel hmel hlawm hle mai bawks
Report this comment
December 14th, 2010 at 1:07 am
@Bawmrang, kan nula ho an lawm awm, leh pek chu an sawm ngei ngei che ngai ang
nia kan hlim thei a nia kan han awm khawm hi chu, ka khi reng mai
Report this comment
December 14th, 2010 at 1:32 am
Telve chakawm ngei mai
Report this comment
December 14th, 2010 at 3:00 am
#DXBFreak ..In thlalak ho (in Website ) hi Enlarge theihin dah u la… In nula ho ka hmufiah thei der lo… ha ha ha..
Report this comment
December 14th, 2010 at 3:19 am
Mizoram chauh loah pawh mi ten ADVANCE christmas chu an lo hmang ve ngei a nih hi :lol: Advance xmas hmanna ram pahnih ka hriatna :lol:
Report this comment
December 14th, 2010 at 3:22 am
Khita mi khi John-a ava ang ve :?
Ani em le @DXBFreak
Report this comment
December 14th, 2010 at 8:06 am
A va nawm hmel deuh vee.
Report this comment
December 14th, 2010 at 9:52 am
@cotdarz, aleh pekah chuan rawn tel ve ang che![:)](https://misual.life/wp-content/plugins/smilies-themer/kopete/smile.png)
@lrlawma, remchang hmasaber ah kan lo buai pui dawn nia, thanks for your advice and visiting our page:)
Report this comment
December 14th, 2010 at 10:40 am
Kawrhring ha te chu va selo reuh ve a…hmmmm
Report this comment
December 14th, 2010 at 3:23 pm
In tam lona a, a nuam phian ang. Mizote pawh kan darh zau ve ta hle mai !
Report this comment