Khami zan kha ka la hre chiang khawp mai. Vân thiang takah zan Lalnu Chhawrthlapui chuan a lalna ram a fáng a; vânsang sipai rual arsite’n kâwlkil thlengin an vêng a. Chûngho thlazâr hnuaiah chuan thlamuang takin ka lungdi nen inkuah rialin an kawtkaiah kan thu dun a. Aw… khatih lai khan kan inhmangaihna kha a lo va inpumkhat teh lûl êm!
Eng thu pawh kha sawi dun ila, kan pahnih tân khan a hlu vek mai a; tun hnu ah hian han ngáithla ta i la, a ho viau hlawm mahna! Chutihrual chuan kei ka thinlunga reh thei hauhlo chu ka bengbula, “Ih e, ‘I Have A Dream’ tih hla i ngaihthlâk apiangin min hrechhuak thin dawn nia,” a tih sàp kha a ni.
Kei khán, “Chu hla ah chauhlo pawh, englai pawhin ka hrechhuak reng dawn che alawm,” ka tilet ve sàp a, kan lung kha a âwi dûn khawp mai. Amaherawhchu, tun hnua ka’n ngaihtuah lét hian ka chhânna kha dâwtah ka lo chan tir fo thin.
Thisena inlaichinna tello hmangaihna hi chu a lo mak khawp mai. Kan induhin kan inngâitawn êm êm a, tudang mah kan awt lo va. Zahna kan hrelo der fo va, khawlum tak hnuaiah pawh inthlah hlei theilo khawpin kan inpawm fo va. Chutah, hun a liam zel a; tunah zawng kha kan inhmangaihna ang tho khan midang kan hmangaih ta daih a!
Chutiang……….khatiang vela kan inkârah ‘rûam’ a awm tak hnu fê, tunah ngéi pawh hian mak ka tih êm êm mai chu ABBA emaw, Westlife emaw, naupangin emaw, tupawhin ‘I Have A Dream’ tih hla an sak ka hriat hi chuan khami zan kha mitthlâin ka hmu a, thinlungin ka hre chhuak ngêi ngêi thung si thin.
Chuti chuan……….
(A ni, amah nen khan kan khua a in ang tlat lo va, a hunlai khan a tân hla ka lo phuah hman leh pek a. Mahse, he hla pawh hi engmahlo mai a ni zo ta!!!!)
CHATUAN A TAN
“Chhîngkhûal dî lênmawi,
In vângkhua lo lâwiin;
In rûnsang kâi mah ilang,
Kîr zâi rél a tûl leh thin.
Dîtuah hma zawng
I zûn zâm lêng vel hian,
Min dichîm e, tuar zawh a har lua;
Nang ngâia suihlunglên awmkhawhâr ni hian,
Khawngâi fa ka lo iang thin e.
Duhlâi enchimloh dî lênmawi,
Hliaprâl khuaa’n lêng mah la e;
Then loh biahthu kan tiam kha
I vawng zel ang,
Chatuan a tan.”
………..
Similar Posts:
- IIT Kanpur: Dropouts inspire scholars
- Fates Warning i hre tawh ngai em?
- KUMHLUI THLAH NAN
- Hman leh Tun
- Thian nge ngaihzawng?
a tha khawp mai
December 14th, 2010 at 6:58 pm
A ngaihnawm e!
Josefa pawh kha Mumang neia an tih kha
Report this comment
December 14th, 2010 at 7:00 pm
I Thiam khawp mai..
Chhingkhual Di ngaiin val kan nem zawh hi maw..
Report this comment
December 14th, 2010 at 7:01 pm
Va han tha emm..:hnuk ulh:
Report this comment
December 14th, 2010 at 7:01 pm
Ka lung a va leng e
Report this comment
December 14th, 2010 at 7:04 pm
Thimhlim karhla D ngaih lunglen laiin min va vel teuh ve
Report this comment
December 14th, 2010 at 7:07 pm
“Mi duhloh hnu pawh nem ten kan pawm a, kan duhloh hnu paw,.h nem an pawm thin”.. :lol:
Report this comment
December 14th, 2010 at 7:11 pm
“I have a dream” = Martin Luther King jr.
Report this comment
December 14th, 2010 at 7:16 pm
I have a dream …. ABBA :lol:
OT lok : Voin chu ka va charity ve ta hram e !Mahse mimal/chhungkaw harsa tanpui ka tumte an tam tak deuh avangin tam pawh ka thlak thei ta lo….
Report this comment
December 14th, 2010 at 8:23 pm
‘tunah zawng kha kan inhmangaihna ang tho khan midang kan hmangaih ta daih a!’
He lai sentence hi chhui fe tham a awm chiang mai.
@8 loneeagle26016 : Va ti ropui ve…. A tam lam aiin pek duhna thinlung hi chunglam mit atang chuan a hlu fo thin. Hmeithei thawhlawm te kha hlu tak a ni. Lalpan malsawm che rawh se nang leh i chhungte nen.
Report this comment
December 14th, 2010 at 8:44 pm
Good post
Report this comment
December 14th, 2010 at 9:29 pm
no-6 tidik khawp mai kan la duhlai ngei te pawh miin an pawm a…….,post tha khawp mai real em aw?real chuan ka la rawn post ve ang.”i chhunnu leh ka zuapa lah laian in nat kan hre ngai lo”an lo tih kkhaaa :blush:
Report this comment
December 14th, 2010 at 9:45 pm
You have a dream.
:lol: :?
:rolleyes: :kiss: :-#
Report this comment
December 14th, 2010 at 10:48 pm
I have a dream hla kha kurpui ngiai ngiai kan awm nual awm a sin. A hlathu hre chiang lemlo khan a thluk khan min awi thin tam tak chu.
Report this comment
December 14th, 2010 at 10:49 pm
Awi chhiar nuam lutuk tops, misual heti lama thiam tak tak ho khan han ziak zel teh u, mumang ramah kan cheng veng veng mai nuam e
Report this comment
December 14th, 2010 at 10:53 pm
#12….lolzz.. :lol:
Report this comment
December 14th, 2010 at 10:58 pm
ABBA ho hla – I Have A Dream kha mawi ka ti
Report this comment
December 14th, 2010 at 11:01 pm
A ngaihnawm phian mai. Hman ami mumanga han hmuh leh nawlh te hi a nuam hranpa ve riau. I have a dream hla hi a ‘cial ve alawm.
Report this comment
December 15th, 2010 at 6:40 am
Martin Luther King Jr.-a chanchin kan chhiar dawn emaw ka tia! :lol:
Report this comment