(Davida chanchin ka rilru ah awm tlat, Bible a mimal chanchin ka chhiar tam ber leh ngaihsan ber mai, Davida chanchin atanga ka hmuh leh zir tur awm ka tih tlem a zawng chu han sermon pui ve ila ka rawn tia. Muangchanga chhiar turin..)
Engatinge Abrahama te, Isaka te, Josefa te, Mosia te an chanchin mawi zawka lang “Ka thinlung ang pu mi” ti lo a , an aia nunrawng zawka lang Davida a kohnan a hman tlat mai le? A hming lah chu a chawimawi em em mai si a.
Davida kha mi ngilnei tak Pathian zah em em ni chung si khan thilsual a tih te kha a hraw hlawm hle a, engtinnge Pathianin a ngaihdama ka thinlung ang pumi a tih theih mai le? tih pawh awl viau a ni. Lal Saula chuan Amalek ho a runna ah LALPA thu pek hawisanin nunna a zuaha, an lal Agaga a zuah bawka, a ran rual hawn te chu engdang atana ti nilo in Pathian chibaibuk nan vek a ti a ni (I Samuela 15:15), mahse Pathianin a hnawl vang vang mai.
Lal Davida chu a telve ngei na tura ngaih Raldonaa kallo in mi nu alo uire a, a pasal nuna a laksak bawk a a rawng em em. Pathianin a hrem ngei maia mahse Saula angin a hnawl hauh silo. Zawlnei hmanga hrilh Pathian Thupek pawisalo tu a nih vang pawh a ni mahna zirtham pawh a ni ang. Saula hian a thiltih diklohah inchhirna reng reng a nei ngailoa a thiamna a zawng char char thin, chutiang chu lal Davida hi a ni ve hauhlo. A inchhirna leh sual a huatzia hi Pathian tan pawh hmuhnawm a tling hial in ka ring. Pathian thinlung a anna ni a ka hmuh thenkhat te han sawi zel ila:-
Pathian ngeiin a hmelma leh amah thah tuma um um tu Saula chu a kutah vawi tam tak a pe a, mahse Davida hi ava ngilnei em “LALPA hriakthih chunga kutthlak tu nge thiam chang awm ang?…LALPAN a chungah kutthlak zawk sela; a nih loh leh a thih ni a lo thleng emaw, indonaah a la boral mai emaw a ni ang…” tiin a chhanglet zel mai. Pathian hriakthih a zah em avangin tlanchhe zawk nih a hrehloa, a tul chuan chilthli tla buan buana at der pawh a hnialo.
LALPA hriakthih Davida chu a lo lal ta ngei a. Pathian malsawm leh hriakthih mah nise hausak hi tlinloh chang alo awm ve chawk a ni ngei ang, chuti khawpa Pathian Hmangaih tu chuan mi nu a mutpuia, alo rai tak si ah chuan a pasal leh ama sipai rinawm em em chu ko haw in, a sual thup nan a nupui kianga mut hahchawlh tir a tum tlat a mahse a duh si lo. A rai thu tlang than hmaa neih mai a duh tak si ah chuan a pasal chu ral kut ah a tihhlum tir ta nge nge a.
Tumahin an hrelo, mahse ‘Engkim hmutlangtua‘ chuan a zawlnei hmangin a mi te hriatah a rawn puang fai ta vek maia. Davida chu a inchhir em em a, Sam 51 naa a ngaihdam dilna ah hian ava khawngaihthlak tehlul em, a lalna hnawl nilo mahse ngaihdam a ni chuang si lo, a inthiamlo ngawih ngawiha “Ngai teh, khawlohnaa dinin ka awm a; Ka nun sualin mi pai a….I hnên ata hi mi paih bo suh la; I thlarau thianghlim hi mi laksak suh ang che…Inthawina hi i lawm lo va, Lawm la chu ka rawn hlan tur” tiin Pathian khawngaihna a dil lawm lawm a ni.
Chu a sual rah chu a fa te chungah a lo tlaa, a rila rah a fapa ngei Absaloma chuan thah a tum tlat mai. Uria chunga a tihsual a hre reng a, ‘ka fapa hian lal a duh ve tawh a ni ange ka tlanchhe zawk maiang’ ti niawm takin Davida chu tap chungin olive tlang lam panin kelawngin Jerusalem chhuahsan taa.
Saula laichinte zinga mi Simeia’n lung leh vaivuta vawmin anchhia a rawn lawh zui a, “Kal bo daih rawn, kal bo daih rawh, nang thisen chhuah hmang leh Beliala mihringpa: a rorêl ai i rêl tak Saula chhûngte thisen chu lalpan i chungah a rawn lettir ta …….. thisen chhuah hmang mi i nih avângin nangmaha pawi i inkhawih chawp a ni,” tiin a umzui zel a. Zeruii fapa Abisaia ngeng a chhun a thah a tum ta a ni, Davida khap behna hi ava mawi em “E! Zeruii fate u, ka chungchangah lo inrawlh ve suh u. LALPA chuan ‘Davida anchhia lawh rawh’ a hnenah a tih chuan anchhia chu min lawh mawlh rawh se….” a ti thei zel a.
Davida chu a fapa in thah tumin a zawng reng a, mahse a tawpah zawng Davida sipai ten an tihlum ta. Absaloma thih thu message alo thlena Davida rilru na te hi hriatthiam ava har em, a tihsual rah a faten an tel ta hi hriatthiam har a ti a ni. “Aw ka fapa Absalom, ka fapa, ka fapa Absalom, i aiah han thi zawk ila aw, Absalom, ka fapa, ka fapa,” tiin a tap zawih zawih a ni.
Sam 139 hi Bible bung mala ka duh em em thin a ni a, he thu a Davida’n Pathian tlanbosan duh hial niawma a rilru inkiltawih na te hi a ropui ka ti thin. A tlanbo san theihlohzia a hriaa mahse fello chunga Pathian awmpui nih hi hrehawm a ti ve thin hle a ni. “Aw Pathian, ngun takin min en chhuak la, ka thinlung hi hria ang che: Mi fiah la, ka ngaihtuahnate hi hria ang che: Tin, keimahah hian suahsualna kawng rêng rêng a awm nge awm lo en la, Chatuan kawngah chuan mi hruai ang che.” Mi inngaitlawm tak Lal Davida a ni e.
Chhiarpui a neiha a tihsual inchhirna te kha, hremna pathum zingah a tihsual anih ang ngeiin a tuar ve ngei tur hripui chu a ram chhungah a leng taa, mi singsarih lai an boral hnu ah Davida chuan “…diklo takin ka lo ti ta a; mahse heng beramte hian eng nge an tihsual? Kei leh ka chhungte hi min hrem zawk turin ka ngen a che” tiin a dil tawp mai a ni (Isua rilru nen pawh a in ang hle). Pathianin a ngaihdam nan inthawina hlan turin a ti a, Arauna chuan inthawina bungrua chu a thlawna pek vek a tum a, Davida chuan “… a leiin ka lei zawk ang e; eng mah inseng lovin LALPA ka Pathian hnenah halral thilhlan ka hlan tawp lo vang” a han ti mai te hian a sualnaah Pathian ngaihdamna a thlawna chan hi phu lo a in ti thin hle a ni. Davida hi keini ang bawka thil tisual thin a ni.
He mitlinglo tak hi Pathian pawhin a chawimawia, kan Lalpa Isua ngei pawh chhuan tamtak an karah tla mahse “Isu Davida fapa” tihte alo ni leh zela. Sual huat hi Pathian lawmzawng tak a ni a chutih rualin sual tih avanga inchhirna hi a lawm em em a ni, a thinlung ang putu hialah angai a ni.
(Davida angin kan tihsualte simin inchhir ila Pathian lawmzawng kan ni fo ang)
Similar Posts:
- Pathian hian mi zawng zawng nun dan tur hi a hre lawk vek ang em?
- Davida Kha ‘Pathian Thinlung Ang Pu’ Kan Ti Thei Dawn Emni
- Lalpa,eng ti tur in nge min duh?
- Davida leh kei…..
- Isua Thlahtu Davida Hi Tu Davida Ber Kha Nge?
December 21st, 2010 at 10:07 am
Chhiar chiah ila
Report this comment
December 21st, 2010 at 10:20 am
Ni e, sual a tluk chang hi chu a awm thin mahse, lal Davida kha chuan a tlukna ngaiah khan vawikhat bak a tisual ngailo, a sim a, tunlai a sim kan tihte ang mai mai hi chuan a sim lo a nih hmel. Sim tak takin a sim a ni.
Report this comment
December 21st, 2010 at 10:22 am
i va ziak tha ve, ka chhiarchhuak vek mai, sermon i thiam viau dawn hi
Little_laskar chu nick thlak ni mauh
Report this comment
December 21st, 2010 at 10:32 am
Tisual thin, tisual thei vek kan ni. Pathian hnenah ngaihdam dil a, inchhir leh simna dik tak nen A hnen kan pan a pawimawh hle mai.
‘Lalpa min ngaidam rawh…’ ti reng mai, sim tak tak duh chuang lo mihring kan tam ngawtin ka hria.
Report this comment
December 21st, 2010 at 10:41 am
A va han tha hem hem ve le. Comment 2na nen hian tha ka ti mange
Report this comment
December 21st, 2010 at 11:09 am
4 Phivawk: Ha ha ha, i comment khi….
Paula’n ni tin ka thi thin a tih an changchawi a ni ve mai alomz…..
Asteric: I thuziak a tha a, ka hriat chhuah chu, Krista tana thih hi chu kan har lutuk lovang, mahse amah avanga ni tin Nun erawh a har a ni, ni lawm ni!
Report this comment
December 21st, 2010 at 1:16 pm
Lunch phawt ang. Chhiar chak tawh tuk a ni hi ti tha thin. :happy:
Report this comment
December 21st, 2010 at 1:26 pm
Sam 51-na hi Bible a ka chang duh ber pawl a ni, ka chhiar ka chhiar mai. Thinlung lungchhia hi LALPAN a lawm a, sim te chungah ngaihdamna a thleng thin a ni. Ziak tha hle mai.
Report this comment
December 21st, 2010 at 4:03 pm
Ava han ngaihnawm teh reng em! A live ting tawng bawk a. Kan rilru ah cham reng rawh se!
Report this comment
December 21st, 2010 at 4:10 pm
Lal Davida, ngilneihna leh khawngaihna a khat, Pathian tih tak tak mi, a lo sual ta a nih pawhin tihtakzeta inlamlet thin hi Pathian lawmzawng tak a ni. Ani meuh pawhin an tisual leh khauh thin hi mihring kan famkim loh zia tilangtu a ni.
A ngaihnawm hle mai.
Report this comment
December 21st, 2010 at 4:29 pm
Pathian thinlung ang pu mi a nihna in hmuhte han thawh ve zel ula….
Ringtu thenkhat chuan (Mosia aipawhin) Pathian ropuina hmu thui ber ah an ngai tlat nia…Sam bu a ziak atang te hian an chhuia Pathian zia hre berin an ring bawk…
Pathian pawhin a ni ang em a hming a chawimawi hi an awm dawn a mi? ka ti deuh…mahse a hma amite aimahin a sual em aw tih tur a ni bawk si a.
Report this comment
December 21st, 2010 at 4:59 pm
Davida tleirawl thinlung kha chu a thianghlim em a, Pathian a rinna kha a nasa a, ransa hlauhawm te pawh Pathian chakna ringa hneh theih kha a ni a, Pathianin Saula thlak tur a zawn khan a thinlung ang pu mi tiin a zawng chhuak ta a ni a. Khatih hun laia Pathian thinlung ang pu mi ni kha a hun hnuhnung lamah Pathianin ka thinlung ang pu mi a la ti angem tih te chu rilruah zawhna a awm thei awm e.
Hei hi lo chhiar ve teg Asteric.
https://hubpages.com/hub/Why-Ki.....Gods-Heart
Report this comment
December 21st, 2010 at 5:18 pm
#12 Ani khawp mai Goliatha pan tur khan Pathian thinlung pu mi tan lo chuan Israel faah khan theihloh tluk a ni a, a dik viau a ni.
Davida hmaa mi Josefa te pawh amah ai mahin Isua a ang zawk lawmni tih turin a tlawm em em ve bawk a, Mosia pawh Davida aimahin a zaidam bawkin a rinawma, Josua pawh sipai tlemte nei chungin Pathianah chauh a innghat tih a hriat bawk a. Isua hming leh Davida hming hi sawi zawm a inhmeh ber lawi si a… (ni em aw)
Pathian chuan engkim a hriaa, eng ang thinlung pu leh eng ang chaklohna nei nge tih pawh Davida ah hian a hmu lawk diam tawh ang, Saula thlak duh vang chauha ‘Ka thinlung ang’ tih tel kher chu a dik dawn em ni? ka tia….
Sual a huat em em na leh Pathian mission ber sual ata mihring hawikir dan ngaihtuah kawngah hian an rilru hi a in ang viau zawk lawmni ka ti deuh…
Report this comment
December 21st, 2010 at 5:34 pm
A awlsam zawngin sawi ta ila, kan pianthara kan mihring thinlung chu siamthara a awma Thlarau Thianghlimin min luah chuan kan duhzawng chu Pathian duhzawng a lo ni tawh anga, Pathian hmangaihna in kan thinlung a luah tawh chuan Pathian thinlung ang pu mi chu kan ni ve mai ang chu.
Report this comment
December 21st, 2010 at 5:37 pm
@As_Khiangte #13 a ka sawi awmzia tak chu, Davida a tleirawl lai leh Saula sual lai te, Goliatha hlauhawm lai te a mitha Pathianin a hmuh tak thut avang chuan ‘Ka thinlung ang’ tih a hmangta ni a kan ngaih chuan, Davida hian Pathian a surprise thut tihna nidawna. Pathian chu ngaihtuahna tawi avanga phur thut te pawh a ang viau dawn a ni.
Davida hnua Juda lal tawh phawt hnenah khan “In pu Davida anga…” tih tawngkam a hmang zui zel nghe nghe a nih kha…a hnu zel ah pawh a rilru ang chu a ti ve deuh a ni.
Uria chunga a thil tihsual hi a damchhungin a in ngaidamlo niin a lang bawk.
Report this comment
December 21st, 2010 at 5:56 pm
‘Ka thinlung ang(same)’ tih leh ‘Ka thinlung duhzawng(like/willing)’ tih hi a in angloa, ‘Duhzawng’ chu a reh leh theia ‘Ang’ chu ang a ni a a reh mai lo ang…
Report this comment
December 21st, 2010 at 6:01 pm
@Asteric, kan topic hi chhui fe tham a awm a, tlemin han zir chiang deuh ila kan la sawi zel dawn nia a phurawm khawp mai.
#14 naa ka sawi khi chu Chanchin Tha zara Pathian lama kan chanvo ropui ta em em ka han tar lang lawk a ni e.
Report this comment
December 21st, 2010 at 6:16 pm
@As_Khiangte A bawhchhiat a tam em em a, chu mi phu lo in a hming hi a chawimawi tih pawh i hria ang, mi mak tih pawh a ni renga, i link rawn dah te pawh mak tihvanga dah pawh ani maitheie. Pathian rilru hi tuman an hre thukloa Davida atang hian chhui bing te pawh ani thina. Pathian chu ‘Fak lawm’ anih an rinna te pawh Sam ziaka Davida’n “LALPA chu fak rawh u” tih a uar em em mai te hi ni a ngaih te pawh a ni. Pathian fapa hming nen lehzel sawizawm alo ni a, amah ang bawkin keini hi misual kan ni a, a nun ah hian zir tur a tam ber lo maw ka ti hial a ni.
Kristmass alo ni a Lal Davida khawpuiah chuan Chhandamtu apiangta an ti leh keuh mai dawn a ni….Davida fapa kha a ni leh bawk anga
Report this comment
January 18th, 2013 at 11:55 pm
A ngaihnawm hle mai. Ka misual ve hma ami anih hi. Lal Davida hi chu Pathian favourite child ani te hian a lang. Thil a tihsual pawhin a hrem nasa a, mahse Pathian a hlat phah duh der si lo. An inngainat dun hmel ngawt mai. Pathian hi a hrechiang a, a ring bur a, a tih tak zet a, a hmangaihin a theih tawkin a chawimawi a ni.
Report this comment
January 19th, 2013 at 12:46 am
#19 @Pu PK, i awmloh lai a ni bawka tlai khawhnu ah umpawng par ang aw
Pathian hi a chawimawi thiama, a ti thin ur bawk a. Pa fa nun ang tak tak hi an inkar ah hian a awm in ka hria.
Tak taka, i sawi ang khian Pathian nen hian an inngainat hmel bik a, an inkar ka suangtuahna hian ka mittui a ti tla fo reng a sin
Ka khawngaih em emna chu, Pathian tan Hmunthianghlim (Temple) buatsaih duhna thinlung amah aṭangin alo chhuaka. A chakkhai zawng zawng ala khawm a, ama Idea liau liau ania, Pathian pawhin a tawpah a pawmsak a nih hmel, a lawmdawn tehreng nen a sak an phalsak lo leh tlat a. A hlim em em tho te hi ka fak ania aw. Engtiklaimahin Pathian a dem ngailo te hi..
Report this comment