PA Sangma, Zoramthanga leh Neiphiu Rio te’n North East Regional Party Forum din an rel
Hetihlai hian MNF thuchhuah chuan tun tuma Zoramthanga Delhi-a a zin hi CM a nih loh hnua a vawi khat zinna a nih thu an tarlang a, “Sorkar laipuia ruling lam leh opposition hruaitute’n zin turin an sawm thin bawk a, a tul chen chen cham turin a kal a ni,” an ti.
MNF economics policy duan mekah Delhi-a mithiam a dawr kual mek thu leh, opposition hruaitu liante nen inhmu tura appointment engemawzat a neih tawh thu a tarlang bawk.
Mizorama Autonomous District Council pathum, Lai Autonomous District Council, Chakma Autonomous District Council leh Mara Autonomous District Council hruaitute chuan Mizoram state sorkar kal tlang loa an district tana central sum direct-a an hmuh theih dan tur an sawiho.
Heng District Council pathum aiawhte hi February 4, 2011 khan Lawngtlaia Lai Autonomous District Council Chief Executive (CEM) C Ngunlianchunga room-ah an thukhawm a, Lai Auto-nomous District Council a Planning Board Vice Chairman, Hmunhre-a kaihruai he joint meeting-ah hian LADC CEM C Ngunlianchunga, CADC CEM Kalikumar Tongchongya leh MADC CEM S Khipo-te an tel a ni.
He joint meeting hian Mizoram sorkar kal tlang loa central sorkar atanga hmasawnna hnathawhna tur central sorkara sum an dil thin chu central sorkarin thui tak a remtihpui tawh niin an hria a, Delhi-ah sorkar laipui hotute dawra bawhzui turin MP hlui, Hiphei; Nirupam Chakma MLA leh Hmunhre-a MDC te tirh thuai an rel a ni.
Direct funding chungchang an dil tawh enfiah tura Home Ministry-a hmarchhak bial changtu Joint Secretary, Naveen Verma kaihhruai study group-in Mizoram sorkar ngaihdan lakna tur zawhna a siam, Mizoram sorkarin a la chhân lohte chu chhân a nih thuai theih nan Chief Minister leh mi pawimawh dangte dawr tha an ti bawk.
CM Hawla leh PM an inkâwm Mizoram mamawhte an sawi dun
Chief Minister Lal Thanhawla chuan nimin khan New Delhi-ah Prime Minister, Dr. Manmohan Singh hmuin, Mizoram harsatna leh mamawhte a thlen a; NLUP sum chu a hlawm hrana pe turin a ngen.
Chief Minister hian Prime Minister hnenah NLUP atan a hranga (separate package) sum pe tura ngenin, hei hi tih theih a nih loh chuan Mizoram tana Annual Plan kal zel tur hi nasa taka tipung tura tiam turin a ngen a; Prime Minister pawhin CM Hawla thil thlen hi tha a tih rualin, thuneitute hnenah a tul anga tipung turin thurâwn a lo pek tur thu a hrilh.
Lal Thanhawla chuan, Mizoramin sorkar hnathawkte Central 6th Pay Commission zûlzuia hlawh a pek avang te, leibâ tam tak a sorkarin a rochun avangte leh, Non-Plan Expenditure a sân avangin sum harsatna naménlo Mizoramin a neih thu Dr. Singh chu a hrilh a; heng harsatnate phuhrûk tur leh Non-Plan Expenditure thunun turin a sorkarin a theih ang tâwka hma a lâk thu hrilhin, harsatna zualpui sutkian nan Special Non-Plan Grant vawi khat tal pe turin a ngen.
Mizoram chhunga National Highway thuam that chungchang pawh CM Hawla chuan Manmohan Singh a sawipui a, “Central sorkarin tender ko a, Mizoram leilung awm dan hre chiang si loa tender chhangtute chhanna rate hniam zawkte a pawm thin hian hnathawh a tikhawtlai mai ni loin, hna a chak loh phah nasa a ni,” a ti a; hemi chungchang hi state sorkar nena sawi dun a rawt.
Lal Thanhawla chuan, State Highway siam that nan ram dang tanpuina awm thei ang sorkarin dap a tum thu Prime Minister hrilhin, chumi atana ruahmanna leh DPR-te chu Finance Ministry (DEA) leh DoNER Ministry pawmpui tura thehluh a nih tur thu a sawi a; chu’ngte chu a hlawhtlin ngei theih nan lo enpui a, Planning Commission pawhin State Annual Plan for 2011-2012 atan EAP Component pawh pe ngei tura hmalakpui turin PM chu a ngen bawk.
Chief Minister thu thlen hrang hrangte hi Prime Minister, Dr. Manmohan Singh chuan lo en zui a, a hlawhtlin theihna atana theihtawp chhuah a tum thu a sawi a ni.
Similar Posts:
- Mizoram sorkar bithliahah lawmlo
- CM-in Ayush hospital tur lungphum phum
- Karimganj District khaw 56-in Mizoram chhunga rinluh an dil
- ADC pathumin President hnenah MP seat 1 dil tum
- Tuichangralin district an duh ve
February 11th, 2011 at 12:11 am
lo din mai2 tehse..mut san daih ang
Report this comment
February 11th, 2011 at 12:14 am
A ho, A ho, A ho…. Keichu ka support lo keuh !!!
Report this comment
February 11th, 2011 at 12:19 am
Regional party lehzel inhlawmkhawm a tul em ni? An interest a inang thei si lo ang a, an tangrual rei theiin ka ring lo.
NLUP chungchangah kan CM meuh pawhin mangang aurawl a chhuah ta maw! An ti laklawh tawh si ale…!!!!
Report this comment
February 11th, 2011 at 12:21 am
Naaa… Combined Post – aduhi emaw tih nak alaiin, zualbz lo niin… (inbumna!)
Ka mut a chhuak ta! Politiks a ni bawka a hot viau chuan khawvar hunah komen leh ang.
Report this comment
February 11th, 2011 at 12:41 am
mutsan daih ang..pawlitik..
Report this comment
February 11th, 2011 at 1:11 am
Babutea chu a mangang leh ta em ni?A opposition hmasak pawh khan a U Apanga a bel ruai anih kha anih lah khan congress leh ta daih em n
i kha?
Report this comment
February 11th, 2011 at 1:21 am
keipawh a hot viau chuan natuk lamah ka lo lut ang…tunah chuna thil dang tih kerh kerh tur ka ngah lutuk
Report this comment
February 11th, 2011 at 1:40 am
Pu Rama hi chuan ram hruai tum lam hi bansan se ka ti ngawt mai..awm mai mai se, lehkhabu te ziak se! NOI
Kum 10 hi tha leh tha lo enchhin nan chuan a tawk in ka hria..
Midangte khi chu an hming bak ka hre lo!!
Report this comment
February 11th, 2011 at 2:04 am
A rawn post tu hian a senior lamah Agatha Sangma bem a tum ani lo maw
Sangma a fanu kha a rawn lar teh hluai a eng teh ual pheichu ani lem hleilova. lolzz
Report this comment
February 11th, 2011 at 2:14 am
he he he…funny leh…i commetn hrep atan post ka siam anih hi
Report this comment
February 11th, 2011 at 2:26 am
Regional Party maw ni ang…. Hmarchhak hi a rek bung daih ang e. Eng tak ang ang maw le.
Rammu chin ho hi til phawt sela MNF hi ram kaihruai tur a tan ka awt ve tan ka ring.
Autonomous District Council chu han hlawhtling mawlh teh se. He thil hian tha lam in nghawng nasa tak a nei ang. A bik takin Political Stabity a pek ka ring.
Pu Hawla chu buai mai dawn em ni?
Report this comment
February 11th, 2011 at 2:54 am
Zualbonez: “Sadam & Osama Vs Laldenga & Isak-Muivah” tihvel te rawn post la.
Report this comment
February 11th, 2011 at 6:42 am
@ 8 Irpa, ni ngawt mai tiraw. Lehkhabu han ziak se a ngaihnawm ngawt ang. Mahse han chawl ngawt se, a aiawh tur vangvat kai ngei ruat an han duh anga, amah aia thalo zawk daih Ramhruaitu kan nei mai ang tih a hlauhawm.
Tuna kan Pu te hi kan nin hunah a thlakna tur an nih leh mai hmel si a. Party Hotu berte lah hian an zethalo an siamtha mawh nasa si a, a buaithlak ani. :beidawng:
Report this comment
February 11th, 2011 at 8:00 am
Not Normal-a elau. Pu Lalduhawma’n “Kan han zin dun a, kawn a piangah hian ‘hetah hian India sipaite’n min um hrep tawh’ a ti thei ziah mai a” a tih kah mawle
Report this comment
February 11th, 2011 at 8:27 am
HEHEH… North East Regional Party Forum hi an din anga, Hel ho te hi indirect deuh in kan chaw lut ang tih ka hlau riau mai. Pu Neiphu Rio leh Pu Zorama hi chu an in be tha sa ve hrim hrim. An din theih tak hlauh leh Minister of State, Central ah Agatha Sangma an nei don ni mai alom! hehhe
Tin, MADC, LADC, CADC te hi Direct Funding hi an ti tehchhen a, nakin lawkah hian UT hi an dil leh ang e! eheh!
NLUP chu Prime Minister’s Special PAckage atangin kan dawng dawn maw ka tia, tunah seperate package an dil leh a! mirethei ten leirem an rahna a nih chuan a eng pawh nise a tha tho ve.
#Mahse New Land Use Policy leh a trade thlan theih ho hi a hming nen hian a in persan e!
Report this comment
February 11th, 2011 at 11:02 am
No comment..not interested
Report this comment
February 11th, 2011 at 11:31 am
Pawlitiks hi ka rilru pek tlemna lam pang a ni.
Report this comment
February 11th, 2011 at 11:50 am
pawlitiks hi pawliteknik ah thlak theih se
Report this comment