Aw Lalpa, kan Pathian,tukin zing khawvar eng mawi tak hmuh leh hi ka phu hauh lova; min hmuhtir avangin lawmthu ka hrilh a che . Ka zing tho zunram thiar thei a ka awm hi ka lawm a. Ka hmai phih tura kun thei leh tui no la tura ka zak ka la kau thei te hi i khawngaihna avang a ni. Ka ha nawt tura kan then thei ringawt pawh hian ka taksa khawlin hna a la thawk thei tih min hriat tir a,ka lawm e. Ka zing tho kan ham bui bui mai-te kha, a….tukin chu ka vanneihzia mi ngaihtuahtir nasa a.
Ka ka ka chip leh rual khan “Halleluia” tih a rem teh lul nen ka ti ta lova, min lo hre thiam mai teh. Tin, thenawmte Vawk ngek kha bengchheng kan ti dawn a,mahse ka bengin ri a la hre thei tih min hrilhtu a lo ni zel a. Kan Gas a lo “Leak” deuh avanga “ A va uih ve” ka tih khan , ka hnar hian a rim hriatna a la hlauh lo tih ka hre leh a. Ka thingpui in a sat lutuk avanga ka phu zawk te khan ka Nervous system-in hna a la thawh thatzia a rawn tichiang leh zual a lo ni a.
Chhem dai thei tura ka hmui kan kum phut phut thei mai tepawh kha a Technology a sang veng veng hle a ni tih ka hre thar leh ta. Tin, Lalpa, Radio ka ON ruala Lalruotmawi rawn zai nghal ngawt mai te khan mihringte finna i pek nasat zia mi hriat chhuahtir-a. Chubakah “ Pialral ram nuam” tih hla a rawn sa kher leh nghal a, I ram thlen ve hun tur ka nghahhlelh zual phah asin. Lalpa, mi thenkhat fiamthu chuan “ Nangni, mi zawng zawng kawmthlang a awm”min ti thin a, ka lo la na deuh thin a.
Mahse tlang chhip sang taka i tel lova awm ai chuan a tha thlawt alawm tiraw ? Tin, ka nupui leh fanau leh chhungkhatten min la hre em em maite hi a ropui ka ti a; nizan khan an hriatna lo la bo ta la min hre lo ang a, ka khawngaihthlak tur zia chu !! Tin, hei Horeb chanchinbu chhiar turte min pe a, a lawmawm hle mai. Tarmit vuah miah lovin vawiin-a Kohhran-ho programme-te ka la chhiar thei leh nghal a , lawmthu sawina tur hlir a ni. Lalpa,tukin chu Testimony thar min pe a ka lawm e.
Khawngaih takin tuk dangah pawh Testimony thar min pe zel la, ka thawk a tawp dawnah pawh hmel hmai tala I hmangaihna chanchin lan tir thei turin min pui ang che.Vawiin-a kan hun hman tur zawng zawngah min kaihruai la, nangmah ngai thei turin min pui ang che.
Amen.
Dina Pa
Similar Posts:
- Lalpa,eng ti tur in nge min duh?
- Lawngtlai Thana ah inkaphlum
- Beidawngte Pathian lungngai te Thian
- Thi tawh hnu a lum leh!!!
- I tawngtai ang u
February 25th, 2011 at 4:31 pm
tha e
Report this comment
February 25th, 2011 at 4:33 pm
” Tarmit vuah miah lovin vawiin-a Kohhran-ho programme-te ka la chhiar thei leh nghal a” tih telin ka Amen ve vek thei…Lalpa chungah keipawh ka lawm hle mai
Good post, Dina pa. Dina home-work ti thra duhlo han tuk lawlh tura i kut i la phar thei te kha lawmawm deuh a sin, tiraw
Report this comment
February 25th, 2011 at 4:37 pm
Malsawmna chhiar thiam te leh lawmna chang hre thin mihring hi an ropui ka ti.
Chhiar a nuam in thu ken a ropui hle mai.Lawmthu sawi mai tur ka nih zia ka hre chhuak thar leh e.
Report this comment
February 25th, 2011 at 4:41 pm
A ropui hle mai tih type thei tur ringawt pawha kut, mit leh hriatna ka nei hi a ropui hle mai.
Report this comment
February 25th, 2011 at 4:47 pm
engkim vang hian a ropui hlemai
Report this comment
February 25th, 2011 at 4:58 pm
bmw, ‘tarmit vuah’ leh ‘tarmit bun’ hi a dik zawk i hria in ka ring. Ka va lawm em…
Report this comment
February 25th, 2011 at 5:03 pm
Shai, hetiang lama inhnial ka peih ve lo…engmah ka hre ve tak tak lo. ‘hmaia tarmit tar’ ka ti mai dawn mi?
Report this comment
February 25th, 2011 at 5:04 pm
#6 hairehai
Tawngkam hi kan inthiam hleih mange aw. Ka tawngtai hian thu avang duh ka ti khawp mai.
Report this comment
February 25th, 2011 at 5:06 pm
Pushaia pawh hian a vawt a tih deuh chuan thawmhnaw lum chauh lo a intihlumna chang a hria te hi ava lawmawm em
Report this comment
February 25th, 2011 at 5:07 pm
bmw, ka ngawi hmiah…
Report this comment
February 25th, 2011 at 5:17 pm
badboyte, Sisen te, fonz te, zabai te, jong jong te, Pathian siam a ni..Tra la la la la….
Ngaihtuah na kim min siam a, I ti lawmawm ngei mai.Post hlu yak a ni e..
Report this comment
February 25th, 2011 at 5:19 pm
mate ainawn.. post hlu yak maw ni a.
i type sual kalo la hrilh thei che te hi ava ropui em 
Report this comment
February 25th, 2011 at 5:26 pm
badboy..an ka type sual min hrilh thei tur a a hmu phirlo leh a kut khurlo hi a va lawmawm em…
Report this comment
February 25th, 2011 at 5:29 pm
Hna atanga haw vbe thei tawh tura ka inbuatsaih thei te hi a lawmawm. Tluang taka in ka thleng theih phei chuan lawmawm lehzual dawn lutuk
Report this comment
February 25th, 2011 at 5:32 pm
mate ainawn in ka hmuphir lo tih leh ka kut akhurlo tih a la hrethei te hi ava lawm awm em
Report this comment
February 25th, 2011 at 5:38 pm
a va ropui em!
Report this comment
February 25th, 2011 at 6:16 pm
amen, amen.
Report this comment
February 25th, 2011 at 6:25 pm
Ziak tha hle mai…hetianga Pathian hnena tlangnel/pangchang (?) taka tawngtai theih hi Ringtu dik tak zia tur a niin ka hria
Report this comment
February 25th, 2011 at 7:00 pm
Hostela kan awm laiin kan thianpa dam lo-in ‘dam lo theia kan la dam hi chu a va’n lawmawm tak em!’ a ti thin a, ngaihtuah a tithui khawp mai. Lawmna tur hi a tam a ni!
Report this comment
February 25th, 2011 at 7:07 pm
@ 15 badboy tring treng hi a fel emm vangin thla kan laksak te’ng..Click-3, (P)chuan coffee nen
Count your Blessings-name them one by one..and it will surprise you what The Lord has done.
Report this comment
February 25th, 2011 at 7:50 pm
He post zet chu a va tha em
Jim Reeves hla “We Thank Thee” tih min hriatchhuah tir a, Piangsual lo a ka lo piang ve ringawt pawh hi Pathian hnenah lawmthu ka sawi thin. Kut zungtang pakhat pawh kim lo se, piansualna a ni si a.
Report this comment
February 25th, 2011 at 9:39 pm
Nitin darkar tin, minute tin, second tin Pathian hnena lawmna tur kan zawn chuan lawmna tur hlir a lo ni e. Hman deuh khan ka ham (yawn) thei lo emaw ka ti a, ham theih hlutzia ka hrechiang. ‘Ka hawi vela engkim mai hian la lung min len e’ tih ang maiin, ‘ka hawi vela engkim mai hian Pathian hnena lawmthu sawina tur min hriattir’.
Report this comment
February 25th, 2011 at 10:38 pm
he post chu a van tha em! Sunday pual tur han ziak leh la ti raw
Report this comment
February 25th, 2011 at 10:50 pm
A ni ngawt a sin.. Ngaihtuah chet chet hian lawmna tur hi a van lo tam tak em! Chuvangchuan he post chhiar tu te zawng zawng chuan Pathian hnenah lawmthu i sawi thar leh theuh ang u.
Report this comment
February 26th, 2011 at 10:51 am
Thank you! Lord!
Report this comment
February 26th, 2011 at 11:02 am
trawngtrai hi, dil chuan hmutawh ngei tura ngaihtur a ni. pathian hian kan trawngtrai hi a theih nghilh ngai lo.
tin’ min pe duh veu mahse kan dil loh chuan pek a tum chuanglo. a chhan chu lawngchunga khan a muhil der tlat maia, a zirtirte nen an kal trum khan. engkim hre tu ni si khan thlipui leh ruah a do trang trang mai a nih kha.
an kai thawh hma lohzawng thawh a tum lo hrim. kan dil hi, a phut asin, dil rawh u” in hmu ang, pathian chu a thu ah an in nghat a.
Report this comment
February 26th, 2011 at 11:29 am
He hla hi ka tawngtaina hla ka tih ve thin a ni. Thinlung takin han ngaithla ve teh u khai:
https://www.youtube.com/watch?v=lnnfCohSLGQ
Report this comment
February 26th, 2011 at 12:05 pm
Indian kan ni te hi lawm na chang hriat a tha ka lo ti a keipawh.Kan mi ngaihsan ho in min awp chuan kei pawh hi ka ngo viau emaw a ni ang a ,ramdangah pawh Mizo inti mahila ka hmel avang a Mizo hmel eng ang nge a nih tih google fe ngaih lohtir in an awm phah ang; ka mit meng te chu a pawl phut emaw a hring nghalh emaw te a ni ang a.Mitmeng thim ka nei te hi ka lawm khawp mai.Kan pi leh pute pawn nupui pasal a tan a an awh em em loh tur dan hnuaiah kan leng hi tha ve phian a sin.
Report this comment
February 26th, 2011 at 12:25 pm
He hla hi keichu ka tawngtai hla nia, ka khua hi ti har bawk ania..
https://www.youtube.com/watch?v=I-jY0eH2QHo
Report this comment