Nikum lam post a ‘Church of Satan’ chhanna atan post ka la rawn siam ang kha ka ti a, mahse tunthleng in ka la pending hrih a. Hei tunah ‘Adama thlah kan nilo’ tih lam post alo awm leh tak avangin hmanlo chung chungin in lo ngaihtuah zui atan kan thailang ve puat puat. A Kimchanglo leh phuailuai deuh maithei, in ngaihtuah zui peih chuan a fiah thei tho ang chu maw……
Genesis bung khat a Pathian in lei leh vante a siam thu ziah anih hian Pathian in a siam thu sawilan ni ve lo thil pahnih an awm a, chung te chu TUI leh THIM te anni. A siam chu ni teh meuh mahse, lo awm sa, lo awm lawk anni zawk ani. An pahnih hian hremna leh thenfaina hmanrua ve ve ang in Bible pum ah hian hman anni fo thin. Bible pawn ah pawh tlenfaina leh thenfaina (cleansing and purification) ah hman anni bawk. Thil bal reng reng chu TUI in kan silfai thin a(Baptisma leh Nova hun a toilet ngaihtuah bawk la),
THIM chu NUNNA tih chimihna anchhia ani bawk(photosynthesis ngaihtuah la)
Engatinge mihring pawh siam annih hma, an la bawhchhiat hma hauh a tui leh thim chu an lo awm lawk? Khawmual lang reng reng lovin tui a tlim hmur a, a thim mup mai bawk a, enge a chhan ni ang le? A chhanna awmchhun chu HREMNA LEH ANCHHIA hi ani. Anih leh Pathian chuan enge a hrem, tunge a hrem, engvangin nge a hrem? Chu chuan mihring te hi a rawn nghawng phak ang em? Hriat a tul em? Khawvel hmasa chu alo awm reng em? Nunna hmasa chu alo awm reng em?
Archialogists te leh scientist ten hmanlai fossils an lai chhuak a, leilung upat zawng an chhut a, ransa mak tak tak leh upa tak tak fossils an laichhuak a,Nova lawng a leng reng reng lo tur ransa ruhro te an lai chhuak a. Bible a Adama siam anih hunlai kum nen a mak a mak in an thlau a bawk si.
Hemi rah chhuah chu mithiam leh zirchik te zing ah Bible leh Kristianna rinhlelhna a lo piang nghal ta a, Kristian mithiamho zing ah sawifiahna chi hrang hrang a lo chhuak a, thilsiam a ni te kha nikhat nilovin kum maktaduai tel pawh a ni thei te an rawn ti a, an inhmin tawn lem lo. Heng fossils te hi Adam khawvel ami anni theilo ani, Adama ransa anni theilo bawk.
Mipakhat, he thu a a changtupa, mihring ten he thu hi kan hriatfiah hlau em em mai a awm a, a hming diktak chu Pathian anchhelawh tawh anih avangin chatuan atan thup bo ani tawh. Chuvangin a hming diktak nilo Setana, Lucifer, Diabola,adt a koh ani ta zawk ani. Adama khawvel lo awm ve hma daih hian Lucifer khawvel chu he lei ah ngei hian a lo awm tawh ani tih ngaihdan hi mitam zawk chuan thil awih awm lo, Pathian sawichhiatna ni hial in an ngai a. Tin mitam zawk in kan lo pawm dan sa a rawn kalh avangin he ngaidan hi pawm mai chu a har bawk. Mahse tunlai a Bible leh Science inkalhna lian ber mai, mi tamtak in a Bible an hmuhnep na chhan leh Pathian hial an rinhlelhna chu he theory hian a rawn chingfel nalh em em mai si ani .
Isaia 14:12 hi chhiar mai chuan Lucifer-a hi van ata alo tlak avang in van a awm thin angin kan ngai mai awm e, kan hmuhkan tak chu ‘vanah ka chho ang a….’ tih hi ani. Van a chhoh chak chu vanah a awmlo tihna ani zawk. Awm nise chhoh a chak lovang. Setana permanent address chu he khawvel hi anih hmel zawk ani. A thuneihna hi he Solar system hi a nih hmel a, Cherub, Guardian Angel anih hmel zawk. Milem biakna sakhaw diklo in an hual luih luih chu NI(solar) hi ani tlat ani. Solar calendar avanga Pathian in a ngaihpawimawh em em Sabbath ni diktak leh Isua thihni Good Friday diktak thupbo anih thu pawh kan zep tel hram. Jewish Luni-Solar calendar ah chauh lo chuan Sabbath leh Good Friday ni diktak hi a diklo vek anih chu.
Chu Guardian Angel chu a posting ah a lungawi zan lo a, Pathian dinglam a Mikaela, Vantirhkoh chungnungber nen post transfer a sual ta a, van indona alo chhuak ta anih hmel. SUAL BUL chu Pathian rorelna a LUNGAWILOH atanga intan ani. He lei a a enkawl tur nunna zawng zawng pawh chu a helpui avangin Pathian in TUI leh THIM hmang in nunna hmasa chu a chimih ta vek a, minung hmasate (Adama thlah mihring nisilo) chuan nunna thing anlo ei hman anih hmel(???), tuna ramhuai(demons;fallen angels nen an inanglo) kan tih ho hi annih hmel.
An fing lem lo a, ze hrang hrang, vir tak, luhlul tak, hur, nunrawng, ti deuh, thatchhe deuh, dawihzep deuh, te anni nuaih hlawm. An mahni ho pawh inngeihlo ve em em mai te anni hlawm tlat ani. Greek leh Babylonian Mythology lam tuilo tan chuan kum zabi 21 na ah hian a awihawmloh hial zawk ang. Hmanlai chuan taksa nei annih a rinawm na chu taksa an la lunglen em em tlat mai hi a ni. Tin chenna(dwelling place) an la mamawh tlat mai hian a ti rinawm bawk. An tihtheih sang ber pawh taksa tihnat ani ber.
Lal Isuan mitdel, tawngtheihlo, zeng, bengngawng, thla em at, adt, a tihdam a, a hnawhchhuah ho kha anni. Hnawhchhuah theih anni a, hnam hrang sakhua a witch doctor(mizo bawlpu) ten an beih berte kha heng ho hi anni, thawm bengchheng leh vaupung pawh a hnawhchhuah hi hnam zawng zawng in an lo tih thindan chu ani. Tin, hlauhtlawn leh eitur leh serh leh sang hmanga veh thlem theih anni bawk. Vawk kawchhung, inchhung, thing, lung, lui, dil, adt ah chen nuam anti tlat thin. Zirchian chuan demons ho hi earthbound creatures anni tih hi a rinawm em em ani. An fossils chu tuna fossils fuel lei hnuai atanga kan laichhuah hi anih hmel bawk.
Vantirhkoh tlusualte erawh chu class dang daih anni, anni ho chuan mihring taksa an possess ngailo a, tin, earthbound creatures annih lo a, higher life form annih avangin mihring taksa hi an tan chuan a hniam lutuk, taksa an tina ngailo a, rilru(mind) leh chakna leh duhthlanna ah min beitu te hi anni.
Khai, a sei dawn lutuk, duhtawk phawt. In nin loh chuan la chhunzawn leh zawk dawn teh ang.
Similar Posts:
- Thlarau Khawvel
- Pathian kan nihna
- Rinna leilawn
- LALRAMA MIHRINGTE PATHIAN KAN NIHNA
- Kum 2012-ah khawvel a tawp dawn an ti a maw?
February 26th, 2011 at 1:41 am
@zoho, haha i lawmawm hle mai.
I rin dan hi ka rindan nen a in ang ngei mai… (seriously)
Ka ngaihtuah ka ngaihtuah ve thin a nia.. hetiang lam hi lo post leh hram roh ka lo chhiar chhuak leh thlap ang zawhna te pawh ka ngah leh dawn ania..
Report this comment
February 26th, 2011 at 4:48 am
TUI chu a lo trangkai hle mai maw?’ mkima te chuah hian a maw a hman thin ka lo tia..
Report this comment
February 26th, 2011 at 4:57 am
hei Nova lawng an hmuhchhuah chu.
https://www.youtube.com/watch?v.....re=related
Report this comment
March 4th, 2011 at 2:26 pm
I sawi zau na a i chhiar tlem nih hi, i hre tlem tak meuh meuh a ni, thudik sawi in rawn sawi piap piap mai lawm le. I thusawi hi han pawm luih hram tum pawh in, science tlemte hriat ve chuan a har deuh a ni. I sawi dawn nih rau rau chuan, Bible behchhan law law in emaw, science behchhan law law in emaw, Greek myth behchhan law law in emaw ti mai teh, tan nan hmangkawp ve lo mai teh.
Report this comment
March 6th, 2011 at 4:06 am
Nia, saikianau, ka hre tlem tih hi ka pawm e. Ka chhiar tlem tih pawk i hre dik, research bei ve tak tak kan ni lo a. Mahse, ka hriat chhun chhun chu ka fiah a, an inrem in an inmil thlup thlup mai asin. Science, Bible leh Myth leh eng pawh mai hi systhesis level ah chuan bawm khat ah vek alawm anlo awm le. Pathian thilsiam leh a kutchhuak engkim mai hi, Pathian rinna leh a thlirna atanga thlir chuan thilpakhat mai ani asin. Chu chu secular pumchhuak chuan a hrefiah ngai lovang a, a pawm ngai dawnlo ani.Thlarau khawvel phei chu science ringawt atang chuan pawm a har dantur zia chu ka hriatthiam pui khawp mai che. I thlirdan leh hmuhdan ka hrechak khawp mai.
Report this comment
March 6th, 2011 at 4:24 am
Dan brown lehkhabu te pawh min hriat chhuah tir e
Setana hi kanla zawt dawn nia! “Bumtu-a” lo ni bawk sia min chhan dik chuan loh hmel 
Hmanah Science vs religion tih hi Times-ah mithiam rualin an chai tawh bawk, setana awmna vel lamlo deuh. Thil dangdaih hemi ka chhiar a ka rilru lo awm chu Bible zirtirna hi do hlawh ber a ni a, science hmang a keuh thal emaw/fiah tum a ni bawk thin. Philosophy pawh amah avang hian a chhuah hnem phah reng a. Kan rinna leh Bible thu hi diklo lo ni ta pawh nise hetiang em a chai tawk mai chu a ropui viau in ka hria.
Setana/ramhuai form tih vel chu zuruiho zawh mai chi an hmu zeuh zeuh thin an tia lawm
Report this comment