Mizoram-a kum 14 chhung hman tawh zu khap burna dan ‘The Mizoram Liqour Total Prohibition Act, 1995’ zirchiang tura Mizoram sorkarin a din Study Group chu vawiin khan an chairman, H Ral-tawna, IAS (retd) hovin Aizawl-ah a vawikhatna atan an thukhawm. He meeting-ah hian MLTP Act hnuaia security force bakah zu in phalna (Liqour Permit) nei mi 2,492 an awm thu tarlan a ni.
Member 16 awmna Study Group meeting-ah hian MLTP Act 1995 leh Rules te, The Mizoram Excise & Narcotic (Wine) Rules, 2008 leh amendment awm tawhte thlirho a ni a. Sorkarin kum sawm chuang he dan a kalpui hnu hian a hlawhtling nge hlawhtling lo tihte, a thatna leh thatlohnate, Mizo khawtlang nuna nghawng a neih dante, a bikin thalaite nuna nghawng a neih dan leh he danin Mizoram sum leh pai dinhmunah engtiangin nge nghawng a neih tihte an thlirho bawk.
MLTP Act hi a nihna ang anga hman zui zel tur nge, he dan hi thiah ni ta se Mizoram-in a thatpui zawk ang em tihte sawihovin, hmalak zel dan tur ngaihtuah a ni a, ralkhat atanga thlir ringawt lova, a that leh thatlohnate ziak ngeia neih hmasak tula hria in, heng information an mamawhte hi excise leh police-ahte dil phawt nise an ti.
Similar Posts:
- Bar Association, MCTA leh ZTOA ten MLTP Act a hlawhtling lo-ah an ngai
- MLTP Act & Rules zirchiangtu tur din
- MLTP Act leh ka suangtuahna..!!
- Zu hi sual a ni lo
- The Mizoram (Revision of Pay) Rules 2010
February 25th, 2011 at 5:02 am
Mak 1 ve a
Report this comment
February 25th, 2011 at 5:11 am
Total prohibition tih hi chu dawt chiang kuang tak a ni reng a lawm!Partial prohibition tih zzawk awm tak a ni.
Report this comment
February 25th, 2011 at 5:23 am
Zu lampang chu no comment
Report this comment
February 25th, 2011 at 6:48 am
Report this comment
February 25th, 2011 at 7:02 am
He hla ngaihthlak hian Total prohibition min ti hrechhuak tlat thin.
https://www.youtube.com/watch?v=PyRZTAmcW7c
Total prohibition e tilo chuan a ngawlvei tan an mamawh phuhruk tur tawkin permit an nei thei tihna aniang maw?
Report this comment
February 25th, 2011 at 7:34 am
Sawrkarin study group a din chu a finthlak hle mai,engkim hi mi tih ang a lawm tih vanga tih ve ngawt zel hi a finthlak ber lo reng a ni.Heng mite zirchhuah hi zu legalise chungchangah chuan kori a tu hle dawn a ni.Member te an tha thethaw bawk an zirchhuah chu a rintlak turah ngai ila,ilo thlir phawt mai teh ang u.
Report this comment
February 25th, 2011 at 8:52 am
Zu permit nei list chu ka va en chak…
Report this comment
February 25th, 2011 at 8:59 am
#7: Permit nei kher lo pawn leitur atam emai
Report this comment
February 25th, 2011 at 9:09 am
Sipai bang, zu permit nei eng zat nge awm ang aw?
Report this comment
February 25th, 2011 at 9:17 am
badboy, permit chu 2 vel tal i nei lo maw
Report this comment
February 25th, 2011 at 9:30 am
Ho ka ti ther ther. Liquor store permit hawng law law sela, zu in ho control nan dan tha tak siam nise, chu dan chu khawng deuhin lek kawh bawk sela, a fuh ber ang. Sawrkar ah revenue a lut bawk anga, zu tha in tur duh kan thlang thei bawk ang.
Report this comment
February 25th, 2011 at 11:16 am
Total Prohibition Act hi sorkarin tihtakzetin a kal pui thlawt lova, engtinnge a hlawhtlin theih teh lul ang. Permit nei lo pawhin Excise-ah a lei theih an tih chu. Zu an man hi an hralh leh thin an ti bawk.
Ka hmuh dan chuan sorkar hian MLTP Act hi hlih a chak zek zek a, chumi tur chuan kawng hrang hrangin hma a la ni mai-ah ka ngai.
A hlawhlinna tur zawngin sorkar hi tang ve ik se la…
Report this comment
February 25th, 2011 at 11:51 am
Zu hi tui ka tih zawng tak a ni a, mahse kan Kohhran-in in loh tur a tih tlat a, ringtu diktak kani avangin Kohhran thu awih chu thra ka ti a, ka in lo. Addict thei chi ani avangin leh ka sum dinhmunin a zir lo avang te pawhin in lo hi thra ka ti ber. In sum thei tura trawngtai pawh a ngai lo. Khawi nge, keimah Mara (Mara Mizo) pachal, zu chu ka in lo vang, ka tih a, ka in lo mai a ni.
Total Prohibition Act erawh hi chu thra ka tih ber lo. Prohibit lovin, a hralh dan tur leh a in dan leh in thei chin kum, etc te thra tak a neih a fin thlak zawk ang. Tihchuan, a duh in an in anga, a duh loin kan in lo anga, chuchu a ni mai. Sorkarin phal mahse, Kohhran erawh chu zu-in loh leh zuk leh hmuam tih lo Kohhran ni thei se a duhthusam ber ang.
Report this comment
February 25th, 2011 at 11:59 am
Zu hi tui ka ti lo, inkawm ho nan chuan han lem sek chang chu nei mah ila ka pawi ti heklo. Ka kawl pawhin ka in phah chuang heklo.
Tun hma erawh kha chuan kawlsa chu sawi loh, kawl loh neih theih dan tur ngaihtuah dan tur ngaihtuah reng reng khan ka buai thin.
Report this comment
February 25th, 2011 at 12:17 pm
Zu te chu in rem vek tum ila..
Report this comment
February 25th, 2011 at 12:18 pm
Aizawl a ka awm lai khan engtik lai pawh khan zu in phet kan tuma, (thianho khan) tunah zu tam na hmun tlawm bok si ah kan awm a. kan en liam vel mai mai.. Heihi engemaw zia niang le aw??
Report this comment
February 25th, 2011 at 12:28 pm
Total Prohibition pawh ni ve hawt lo, office-ah ‘MEI ZU ka vai e’ an tia. An la chawi tir zui! Tu thu nge maw ni le?
Total Prohibition zawk zu lah chu Excise berin an lo hralh bawk. Huiha…
CM ka nih ve hunah ka nupui ngaimawh zawng tak ‘HMELCHHIA’ ka vai tir ve ang a, jail-ah ka khung khawm tir ve ang! Hmelchhia hian khawtlang an ti hreawm!!!!!!
Report this comment
February 25th, 2011 at 12:28 pm
Zu-in chungchanga Mizoram dinhmun gossip:
Permit neiha in thrin sanghnih chuang an awm (tarlan angin) laiin permit neih lova in thrin ho hi nuai tel anni ang. Chung permit neih lova in thrinte zing ah chuan politician, sorkar hnathawh (officerte thlengin), contractor, YMA, etc memberte leh hmeichhia-te pawh an tel.
Report this comment
February 25th, 2011 at 12:46 pm
Het…Zu bawk in lo sawi leh tawh e law? Nei in awm em ni? rawn ti an awm leh ngei ang le
Report this comment
February 25th, 2011 at 12:52 pm
# 17,
. Mei zu vai chu Puipunna hmuna mei zuk phal loh changchawi khan a ni lo maw?
Report this comment
February 25th, 2011 at 1:24 pm
# 20, ni e. Sorkar hi a beih tur tak lamah a zelthel em em a, tute emaw hmalakna a nih vangin a beih tur tak ni lem lovah tha leh zung a seng nasa leh hle si a, tih sawi ka tumna mai mai maw le.
Report this comment
February 25th, 2011 at 8:23 pm
an hlip ngam lovang, Kohhran in “hlip suh se” an tia nga, an ti ngam teuh lovang.
Report this comment
February 25th, 2011 at 8:39 pm
Parmit nei aiin neilo kan tam fe zawk
Report this comment
February 25th, 2011 at 9:00 pm
Porhibition avangin zu inthiamlo an tam phah a, chuan heng ho chet tawng thin avang hian zu in mi zawng2 an hmuh khawlo phah….
Report this comment
February 25th, 2011 at 9:15 pm
Zu hi engting nge a awm tih kala hrelo reng reng. A chhin pawh ala rap sawi lo.
Permit nei langsar zualte tal chu kan hriat ava chakawm ve.
Report this comment
February 25th, 2011 at 9:18 pm
Zu chungchang ka sawi peih lo. Kan pathian biak dawn i ka hria.
Report this comment
February 25th, 2011 at 9:28 pm
like@shai: mi(sual) ah hian Zu post a tam ta hle mai…sawi sawi ringawt lo vin a duh chuan in mai tur, a duh lo chuan in loh mai tur
Mahse, buai nan hman loh ni se!
Report this comment
February 25th, 2011 at 9:39 pm
Ho mai mai, duh hun2ah study group te hi ka din e, eke bale… an tia, engmah a sawngsawhlawt leh chuang lo ang. Zu khap thatna leh nawmna, a hlawhtlinna lam aiin, khap avanga kan harsatna te, kan mualphona te, kan thihna te an zir chhuak leh ang a; chutah, han tum uaih uaih ang a, LAL SYNOD a’n thu a rawn chhuah leh ang a, sorkar chu a khup leh zul zul tho ang tih a chiang reng
Report this comment
February 25th, 2011 at 9:49 pm
‘Kan pathian’ tihah khian hawrawppui ka hmang lo a nia…
Report this comment
February 26th, 2011 at 3:00 pm
ka hmuh ve dan: sorkar hian khap burna dan hi hlih a duh a, SYNOD(
) a hlau si, tlem tlem a thlah zalen a tum ni berin ka hria.
Report this comment