Mihur Inpuanna
(Zoram a ni emaw, delhi, Bangalore, Kolkata a ni emaw, Mizo te hi society anga inhlawmkhawm tham kana wm tawhna a piang ah chuan hlawm hnih ah kan inthen phawk a. A hmasa zawk leh ropui hmel zawk chu- mifel, mifel ni a inhria, sakhaw mi, khawtlang tan a mi tangkai. A hnuhnung zawk chu ngawlvei- sakhaw ngaihsaklo, khawtlang leh mimal tan pawh a hnawksak, fate tan pawh thian tlak lo te.
Intehna belhchian dawllo tak a kan in the na atang hian mi kan thlirdan leh ngaihdan pawh a siam nasa em em a. midangte nun thleng in kan khawih tel a ni tih erawh kan hrelo fo. Chumi hre reng chuan a tehna hnuhnung zawk dinhmun atang a testimony ka ziah chu rawn pharh ve reng reng ka duh a. HetianginJ)
Van malsawm ruahsur tuar lovin ka awmna inchung chu a far fep fep reng a. tui far in ka chhuat a rawn den rual chuan ka vaibuhfai chhumna Cooker pawh chu a hnuk a chat ve nghal a. Engvanga chhe thut nge ka hrelo, siamtharlehna dawng ngailo a nih vang te pawh a ni mahna. Tuifar dawh nan chuan a remchang ta phian a.
Ka chaw chum bel a tui tling liau chu ka zuk bih chuan, ka hlimthla ngei mai chu chiang tawk hian ka zuk hmu thei a. mahse ka hmel landan chu a va rapthlak ta em!! Ka lo chuan ve em em thin ka kimtlang leh biang te chu le…h!!! Mangang takin ka hawi chhuak a, mahse ngaihsaktu reng ka neilo. Mihringte chu mahni hma zawn theuhah an phu suau suau a. An pawnlam taksa chu langlo lai reng a awm tawhlo. Hnawmhnawk leh tawp tinreng an belna taksa chu theipui hnah tiat pawhin an khuh peih tawhlo.
Ka han hawi nawn leh ruai a, Mitin mai chuan thlipui leh ruahpui lo thawk tur chu an hria emaw tih mai turin himna beiseiin ‘Biakbuk’ an pan chamchi a. Puan man to leh tlereuh tinrengin rawn chei mahse, dum zing a vawk inbual ang chauh an ni si. Siamtu siam sa chu an ti chhe zo a, mahni inen silo in Lalpa an ti leh ruai lawi si a!!! enteh u, nawmchenna khawvel chu kan nitin eizawnna a chang zo ta.
Keima hlimthla ngei chu kan ennawn leh a, ka thinlung chu vuaksawm angin a na a, ka ruh leh thling te chu mei a hal ang mai in, ka beiseina neih chhun te pawh chuan min phatsan zo ta. Lalpa, tiin Pathian chu ka au a, mahse a chhanna ka hrethiam silo. Ka kiang hnai a Puithiam awmte chu ka zawt a, mahse Pathian awmna tak hria reng an lo awm lo. Ka kianga bible chu ka chuh vat a, mahse zahmawh leh thisen chhuah thu lo chu engmah ka hmu lo. Ka vun leh sam te chu a sawr bawk tial tial a. O, hmanah Aigupta a zu leh sa tlan sen rual loh kan ei thi te kha aw!!!
Ka cooker-a tuitling chuan a chim sang zel a, reilote ah a khat liam ngei dawn. Mahse engmah ka tithei silo. Ka taksa chu a ral mai dawn a, engmah reng min tlengfai tur an awm silo. Keimah ang bawk a chhungril chhiatna in a ei zawh mek chu tamtak an awm. Khawilam tui in nge min tlengfai tawh ang?
February 27th, 2011 at 3:38 pm
chh1ar ang
Report this comment
February 27th, 2011 at 3:52 pm
Ka kianga bible chu ka chuh vat a, mahse zahmawh leh thisen chhuah thu lo chu engmah ka hmu lo
Helai thu hi mak ka va ti ve!!
Report this comment
February 27th, 2011 at 3:54 pm
A hmasa zawk leh ropui hmel zawk chu- mifel, mifel ni a inhria, sakhaw mi, khawtlang tan a mi tangkai. A hnuhnung zawk chu ngawlvei- sakhaw ngaihsaklo, khawtlang leh mimal tan pawh a hnawksak, fate tan pawh thian tlak lo te.
A dik fu mai a…kan chhiar thla zel a, a ril khawp mai..a thu ken tak pawh ka hmuchhuak zo lo tep a ni.
Report this comment
February 27th, 2011 at 4:02 pm
I thuziah dan tê chu a va lawmawm reuh mai mai e…
I sawi tum tak eroh chu a pherh deuh niaih in k hria.. 
Report this comment
February 27th, 2011 at 4:06 pm
sorry!! a sawi tum hi a sang em a ka phak lo ani !! :-S…Rodinglian an “I Thlarau hriathiam theihna Finna min pe rawh” ati ang kha ka ni…
Report this comment
February 27th, 2011 at 4:25 pm
ka thil ziah hi 2007 khan sunday chanhcinbu 1 ah front page ah an chhuah toh a, a sei fu a, hetah chuan ka inthlahrung deuh a, a soifiahna lam k paih then nual a…..
Report this comment
February 27th, 2011 at 4:34 pm
I sawi tum chu ka man rei ruai e, i ziah dan chu chiang taka chhiara, beng sika ngaihtuah chi.A tha hle mai, a fir bawka, comment na lam ah han chhu zui bawk teh. I ril riau mai ka ti.chuan Pu Muante-a sawi khi ke pawh ka hrethiam lo, ‘zahmawh’ leh ‘thisen chhuah’ tih chu ‘Thuthlung hlui’ lam nge ni ang aw ka ti.
Report this comment
February 27th, 2011 at 4:36 pm
Ka bo deuh riau mai!
Report this comment
February 27th, 2011 at 4:36 pm
Heng ho hian mi fel deuh te, sakhaw mi te leh khawtlang tana mi tangkai deuh te hi zu han tai deuh ran zel a.
‘Lalpa, kei chu misual ka ni, ka thiam lo a ni’ ti ve mai tur an niin ka hria.
Report this comment
February 27th, 2011 at 4:36 pm
Da-mesia chuh…i thupui rawn dah dan chu le! A boruak ava sang ve aw. I sawi tum ka man mai lo khawp mai. Bible i sawi chhia khi pawi ka ti viau a. Isua Krista kha khawvel a alo len lai khan Misual inchhir hlir anih kha aw a tlan. Synagog lamah rawng a bawl tam mang lo ni in a lang. Mi fello leh sual ni a inhria kha a target bik riau a ni. Eiru thin Pu Zakaia in a a thleng te,Hmeichhe thalo tak mai Mari a chhandam te a tam mai a…Kraws lera a thih dawn thleng khan misual hlir a nih kha a chhandam ni.
Mahse ka sawi leh duh chu. Ringtu kan ni emaw nilo emaw midang thlao ni a kan hriat te kan vei thei kan tawngtai sak thei bawk. Amaherawhchu sawisel kher tel leh phuba lak kher te hi kan tihtur a ni lo. Kan duh chuan tha takin kan hrilh thei bawk mahse chu ti ni lo a a rilru khei zawnga inthlir tlat hi chu kan tih tawp loh tur a ni. Midang nuna buai vak vak ho hi chu an khawngaihthlak thin a nia. Tha khawp mai. Ka duh i thu post hi. I huaisen ka ti bawk hle….
Report this comment
February 27th, 2011 at 4:44 pm
diktak chuan tehna hnuhnung zok a tello ni a inhria chu a hmasa zok khi kan ni vek mai. intehna hnuhnung zok a mi rilru pu chung a chhiar ngaih k ring. misual nia kan thinhrik tamtak te hian chhantu an mamoh ve em2 a. bei a dawn tak2 hi chuan Pathian hi kan lam chok. mahse bible ti top tu, isua aia evangelist ruihchilh ching, mahni hna a rinawm silo a tawngtai thlum dup satliah ching kan nih vang hian …. beidawng topkhok in inhumhimna a mamawh a ni tih poh kan hmuhsak thiam tohlo a…!!
soi zui tr chu tam mai a, se literally a a word hi chhiar cuan fuh chiahlo maithei.. a soitum ber zok chu ‘bible leh tawngtaina poh a beiseina eng zo tohlo khop a nun beidawng leh tuihal soina/ soifiah tum nan a hman nia!!
Report this comment
February 27th, 2011 at 4:46 pm
Pu Muantea thu lakchhuah lai tak khi kei pawh ka zawhna.
Ti khi chuan a kim lo riau mai a. Sei deuh mah sela, han dah vek law law tha tur. (ti ila, thenkhatin an chhiar peih loh phah àwm sia) A thu intanna chu.. ‘Van malsawm ruahsur tuar lovin…’ tih ka chhiar rual rualin, ‘Khum kê atangin a liak chho tan a…’ tih hi ka rilruah a rawn lang zawk nia!
I thuziak khi tunlai tawng takah, a ‘cute’ reuh khawp mai.
Report this comment
February 27th, 2011 at 5:10 pm
Pathian hian Amah rin duhlohna sual tihloh chu ngaihdam theihloh a nei lo.
He leia rawngbawltute thusawi i ring duhlo a nih pawn, a bik taka vantirhkoh a chahthlak sak che ring suh. Rawngbawltute an famkim lo ang, mahse, nang leh kei, famkim bik lo tan hian Pathianin tawk a ti a ni.
Report this comment
February 27th, 2011 at 5:12 pm
Kei chu ka hul e.
Report this comment
February 27th, 2011 at 5:19 pm
elements i hmang thiam hle mai… ruah, tui, khawchhia leh a rilru a tempest awm mek rawn sawi fiah dan te khi… symbolism a tam riau bok… theipui hnah, exodus, puithiam, tuifar tling chho zel, tlenfaina tui tih te… ngainawm khawp mai, hepa rilru hi i rawn phawr hneh khawp mai… ngaituah ngun a ngai khawp, han sawi fiah deuh te ti mai duh mah ila, zirchian a tha zawk in ka hria.. ANGST!!!
Report this comment
February 27th, 2011 at 5:22 pm
ka chanchin leh nihna ka ziak a ni lemlo bawk a, thu ka uar deuh nih chuan chhiartu zir nimai.. midangte thlirna, beidawng te tukverh atang leh dinhmun ah indah ve la.. Pathian chu tok tehmeuh mai, se pathian leh a thu te hrethiam tohlo khop a nun beidog hi kn vel ah an awm a ni…*** khita comment 1 a ‘hengho’ tih lai tak khia va mifel tawngkam ve…
Report this comment
February 27th, 2011 at 5:35 pm
‘Heng ho’ tih i la pawisa viau a nih chuan i chapo hle tihna a nih chu.
Sual nih inhria, chhandam ngai inti, tuihal tak tak tan engmah na a awm lo.
Report this comment
February 27th, 2011 at 5:37 pm
Ka man lo, chhiar nawn leh ang uluk takin
@#4 ReMpY_ScisSoR, a luh theih tawh e
Report this comment
February 27th, 2011 at 5:54 pm
I thuziak chhiar a nuam phian…. I sawitum erawh ka man pha der lo mai…
Report this comment
February 27th, 2011 at 6:06 pm
Keipawh i thu ziak ka man pha chiah lo
mahse i ziak nalh ka ti ve hrim hrim! Avai chuan han ziak law law la chhiar chhuah a chakawm hle mai!
Report this comment
February 27th, 2011 at 6:53 pm
Khawvelah hiam hur lo an awm lo, damlohna in a tlakbuak anih loh chuan. Article khi ka chhiar chhuak vek a, mahse a sawi tum ka man ve pek lo. An hur ve vang emaw, zu an lo tem ve vanga mihring chhanchhuah tlaklo ang inzirtirna chu Isua Krista zirtirna nen a inmil lovang.
Report this comment
February 27th, 2011 at 7:04 pm
A ril lutuk a, ka man meuh lo chu a ni…………
Report this comment
February 27th, 2011 at 7:17 pm
Kei chuan sawi ve tur reng ka nei lo.
Report this comment
February 27th, 2011 at 7:39 pm
@Muante-a sawi khi a ziaktu rilru chhungril leh sawitum ber zawk chu niin a lang. A awmzia ni a ka hriat chu kan gospel speaker/councellorte emaw, bible chinchang intihre viau , sawi ve zut zut thei si, mahse hmeichhiat mipat na a tal nasa deuh te a attacked na a ang ka ti, a nihloh chuan a post tupa hian sawi tur a nei ngei ang..
Report this comment
February 27th, 2011 at 7:53 pm
Khawvelah hian hur lo kan awm lo… Hahaha.. Hur bik chu an awm chiang.
Report this comment
February 27th, 2011 at 8:31 pm
ka va grethiam teuh…tmef tawngkam takin ka varpawh lo…..
Report this comment
February 27th, 2011 at 8:34 pm
Ramtea camp vel boruak avan nih hmel ve a
Report this comment
February 27th, 2011 at 8:58 pm
kan chip nawi te ang..
van malsawm ruahtui dawng thei tura cooker lo chhia khan entir tam tak a nei in a lang. Cooker hian a entir chu he mihur rilru leh nun chhe tawh hi a niang. siamtharlehna dawng ngai lo a ni kha maw…
Chu cooker chhia hmang ngei chuan a hlimthla lo chhiat tawh zia te a hmu ta, a lo chul tawh zia te…Tisa khawvel a cheng leh in chiah thuk tawh lutuk kan nihna te chu a rawn thai lang bawk…
mormona leh hedona te chu vulh thau zel a ni mek…
Pathian hmuh tur a zawng ruai, a vel ah te, midangah te, sakhuana lem, chhawng thumna vel atangin, mite chuan tarmit dum nen thladet zanah ni eng zawng derin an phi ruai…
a ni lah chu thir bawm a inkalh-hnanin chabi a ban phak leka awm chu ban thei lo va in ngaiin a lu phut a hiat…Pathian thu lah chu amaha ze awm sa chuan awmze dang a nei tir…
cooker khat liam chuan a tui tlenfaina tur chu a lo dawng mek zel…
Report this comment
February 27th, 2011 at 9:06 pm
Hur deuh leh hurlo deuh tan pawh hriatthiam a va har ang reng ve!
Report this comment
February 27th, 2011 at 9:20 pm
29
SAITAWKa meuh pawhin a man phak loh chuan keini mi naran ve mai tan chuan HUR han tih ngawt khi ka man nang lo…. 
Report this comment
February 27th, 2011 at 9:24 pm
‘Mihur inpuanna’ awm reng ka zu man fuh ve thiamloh chu le! A ril lu deuh a ni mahna le.
Engpawhnise, a tha e i ti mai teh ang aw.
Report this comment
February 27th, 2011 at 10:36 pm
@lrlawma,
Report this comment
February 27th, 2011 at 10:36 pm
Ka rin aiin aho…….
Report this comment
February 27th, 2011 at 11:53 pm
Cooker leh mihur kei ni teh duang tan chuan lal isua leh bekang te kha hriat thiam a awl sam zawk tlat.
Report this comment
February 28th, 2011 at 4:01 am
Mi nun teh rana nun hi a hahthlak an ti ania. Inchhirna hi chuan mi a hmu chhe thei pawn ka hre lo. Tin Beidawnna tak tak hi chuan Amahah tih loh chuan mi dang lakah chuan thin lung thiamhlim a put ka ring deuh mai mai thin.
Report this comment
February 28th, 2011 at 4:27 pm
A ril mah mah a ni, kei mihur tan pawh hian!
Report this comment
March 1st, 2011 at 4:41 pm
ava ril teh nuaih ve le!
Report this comment
March 1st, 2011 at 4:56 pm
Mi hur sawi takah chuan, Aizawl Taxi driver pakhat hi KS hian a risk ve ngawt pek a; Taxi driver chuan Durtlang lamah a phur chho a, Durtlang kawng, Upa pawl chawlhbuk siamna thlen hma khian KS chu a vawi 3 pek a. KS chuan kawp chiah a ngai lo a niang, a tha then tawp.
Report this comment
May 4th, 2011 at 1:02 pm
Ka hriatthiam loh tha ti ngailo chi ka ni e…Bible ah chuan ka nunna thu a om e,kei misual tan hian…hurna,lerhna,sual tih chakna mitin ah a om…ti lang lo a insum thei mi hi…mitha,mifel an lo ni mai.pathian in eng zawk zawk pawh zawh thei tur in kei leh nang misiam ani.
Report this comment
June 28th, 2011 at 1:17 am
tlai khawhnu a thil chhiar thrin hi ka ni pek a… He post hi “misual.com” tih ka google laiin a rawn lang hmasa ber dawt a… keia ngaihtuahna seng lo googling chuan ka lo new tab mawlh mawlh a.. Kan chhiar ta a…
Ka ngaih ve danah chuan…..I audience te i hre lo deuhvin ka hria. Misual.com ah hian theologian leh literature mi aiin internet surfing nuam ti leh zirlai te an tam ber..moral kaihhnawih thil i sawi duh chuan an hriatthiam dan tur level a ziah a thra zawk ang.
I thusawi tum hi mimal thil ni lovin i hnam i veina a ni berin ka hria a.. Heti zawng lo deuh hian rawn ziak la a lawmawm ngawt ang. Thu thra tak si, midangin a an phek chhiar liam ah a trang dawn tlat.
Report this comment
July 1st, 2011 at 7:54 pm
kei pek hi..thla khat hnu-ah chauh hun-awl thra neia thuziak para 2,3 chhiar liam puat ve hman trawk ka ni a..he “Mihur Inpuanna” para 1-na atranga ka ron dak chhuak ve dek2 tih-ah hian..william shakespeare dungthulin trawngkam a ron chhawp chhuak don e tiin..awi!!!ngawi teh..ka sikret chu chhiartuina atan k’n hal trek chuai a…para top ber mual ka liam don toh tihah chuan en teh hei!!a thupui ber “Mihur Inpuana”-in mual min liam puina tur lam chu ka hlat tial tial a…”keimah chauhvin ka kal ve mai ang, ka kal ve thei tho” tiin ka zui peih ve ta lo va…thrian engzat chiah nge a hruai ka hre zui ta lo reng reng…a chhanchu kawng nuam tak zawhtur om renga kawng bumboh tak zoh reng zong ka kaiza tha te a na thrim threm si a, tiin kawng nuam lam zawh tur chuan ka pen san tak vang ania…Tichuan k’n hawilet ta thuta…shakespeare aia mi ril a nih zia thu chu min hriatchhuahtir ta a..kei pek chua..chutia anih leh a hming-ah William Speare-shake ti-in ka chawi zui mai ta nge tiin ka kawng zawhna-a tha tam tak ka sen te chuan awm-zia an nei thui lo hle tih min…tih ang vel ani…#
Report this comment
July 1st, 2011 at 8:26 pm
Mihur inpuanna i ti a, a va hur si love….. (FIAMTHU). Ni e, sawi tum hi ziah chhuah thiam a har ani tiraw? Mahse kan sawifiah thiam loh chuan zawhna leh beihna dengkhawng tak tak tawn hi inpeih a angai e. I sawi tum chu a tha ang, mahse ka hrethiam lo.
Report this comment
July 18th, 2011 at 12:11 pm
@freeangel.. helaia regu tak2 mi chi hrang hrangin an ron comment hnu ah i soi hi a dik zia k hre ciah. k inthlahrung leh hnuhnawh a. mahs nang tal hi cuan a thuken i man thiam anih cuan hlawk viau tho ah k inngai ang..
Report this comment
October 18th, 2011 at 8:31 pm
Tlai khaw hnuah aw niang,sory.
Pathian chu tok tehmeuh mai, se pathian leh a thu te hrethiam tohlo khop a nun beidog hi kn vel ah an awm a ni…***
I mi nun beidawng sawi hian he post hi chhiar ve se a bo/beidawng chiang awm. Bible a hurna leh tual thahna ringawt hmuh chu a mak thlawt. Post kimlo nge keimah nge nangmah o??(Fiamthu) A mah ah tum na tak tak neiin chhiar leh rawh se a la beidawng tho a nih chuan mental lam Doctor a mamoh ang.
Report this comment
December 29th, 2011 at 3:49 pm
Edit keuh..hhahah
Report this comment