Ka Duhtak,
Tukin i zing tho kha ka lo thlir reng che a,reilote tal chu min biak i duh kan ring a. Anih loh pawhin lawmthu engemaw tal chu min hrilh kan beisei a. Mahse vawiin lama a hna thawh tur leh thil dang i ngaihtuah atalangin i buai em em mai a.Tukthuan ei hma tal kha chuan hun i neih ka la beisei fova. Kan inbe thei tawh dawn emaw ka tih laiin i thiante i Phone leh bawk si a. Inkawmna hun nei miah lovin zingkar hun chu kan hmang ral ta a ni.
Dawhthei takin ka nghak zel che a, hun reilote chauh tal pawh i hman hlauh takin tiin ka beisei che a. I hnathawhna hmun i thlen lai tepawh khan hun awl i neih hram theih takin tiin ka ngai chang reng che a. Mahse i thiante nena in inbiak vel pah khan thingpui hang min dawm san leh ta mai si a. Kamchhia tihreh nana kuhva khawr leh thil dang in hmawm chhunzawm leh hnu phei kha chuan rin aiin hun a lo kal thui phian leh nghal a. I hna i thawh mawlh mawlh lai tepawh khan ka mitmei zui deuh reng che a. I buai hle a ni ang inbiakna hun reng reng a awm thei ta lova. Hetianga ka nghah reng chhung che hian chhun thingpui in a lo hun a.
