Thing kawkalha inkhenbeh hi 6th BC leh 4th BC inkar laia inhrem dan rapthlak tak, Rome hote, Juda hote leh Persian hote’n misual ber ni a an ngaihte chunga an lekkawh thin a ni . Kraws hrim hrim pawh hi chi hrang hrang a awm a, Isua an khenbehna kraws ang hi kan hriat lar ber chu a ni awm e. Heng hunlai hian misual thiam loh an chantir chu krawsah hian an khengbet thin a. An khenbeh hma hian nasa taka sawisain hruihrualin an hlap nek thin a ni. Chumai bakah misual thiamloh chang, an khenbeh tura chu amah an khenbehna tur thing chu an put luih tir loh pawhin an hnuhtir thin a, an khenbehna hmun an thlen tir thin a ni.
Chu thiam loh chang, an khenbeh tura chu a thing kawkalh/ khampheiah chuan an phuar bet emaw a kutah emaw an kilh ta thin. Kraws-a ding chho hi lei atanga 9ft atanga 12ft a sangte a ni . Misual khenbeh a ke chu a thing ding chho ( upright ) ah chuan an kilhbet ta thin a ni. Milema kan hmuh tam takah hian kutphah a kilh niin kan hmu thin a. Amaherawh chu mihring taksa rihna chu a kutphah ngawt hian a dawl zo lova, a peh ta mai thin a. Chuvang chuan an banrekah an kilh thin an ti.
Tin, kephah chunga kilh anga kan hmuh thin pawh hi thenkhat sawi dan chuan an kheimit zawna kilh tlangin a thing pang lehlam lehlamah an kilh bet thin an ti. Hetianga mi an khenbehte hi an han zangphar tir hian an dar ruh a pelh ta thin a. An taksa rihna chu an banah a kalin a uai na em em a, thawk lak an tan a lo harsa tial tial a, An ke lam nena tangin an han innawr chhova, tichuan tlemin thawk an han la leh thei a. Nasa taka nghaisak an lo ni tawh bawk nen an tan thawk a harsa ta em em a, a tawp a tawpah phei chuan lungphu chawl emaw thawchhamin emaw an lo thi ta thin a ni. Tin, thenkhat chu chawhma lam a an khenbehte an ni a, chawhnu lama an la thih loh fo chuan an khup ruh an vuak tliah sak thin bawk. Tichuan thawk la a tang turin an ke an hmang thei ta lo a ni . Hetianga mi khenbeh hi AD 337 lai, Constantine I Kristian-a a inpek hnu atang khan bansan a lo ni ta a ni.
Hei hi khawvelin KRAWS a hriat dan chu a ni a, anih leh nangin he Anchhedawng Kraws hi engtinnge i lo hriat ve a , i tan eng ang taka hlu leh pawimawh nge a nih ve le ?
February 27th, 2011 at 8:51 am
1st
ti ve chhin hairehai 
Report this comment
February 27th, 2011 at 8:59 am
keini a thihna leh thawh lehna tawmpuitu te tan chuan he anchhedawng kraws hi chhandamna kraws alo ni ta ani. ti daih ila hman lai khan inkhaihlum emaw Lethal injection te hi awm ve lo niang chu maw. lo awm ta se an hmang ve ngei ang chu maw te ka ti mai2 a..Pu Vangchia ege i ngaih dan?
Report this comment
February 27th, 2011 at 11:34 am
A thupui khi a tawp ah sentence khat chiah i rawn zep. Chu pawh zawhna. Thawk a harsa anih chuan ‘ka tui a hal e’ tilovin ‘ka thaw hleithei lo’ rawn tih zawk awm tak… (fiamthu). Dar ruh pelh vanga thawchham a thih hi medical science tan proof a awl fu lawng maw?
Anchhedawng kros chungchang ah chuan – A thihna chu ka thihna, a thawhlehna chu ka thawhlehna, hei aia inpekna hlu ka tan a awm thei tawh lo.
Report this comment
February 27th, 2011 at 12:53 pm
..chu kraws chu pawmin ka vuan zel ang,
thlafam dairial ka chan hma loh chuan..
Report this comment
February 27th, 2011 at 1:09 pm
Kraws hlu hi boral mekte tan chuan atna-mak tawpkhawk a ni a keini tan chuan Nunna thuruk ropui Chatuan Pa remruat tih famkimna..tha mawlh mawlh hle mai vawiin post chu a. Pu Vakula’n lo thawh leh phei se chuan a nuam leh zual ang le!
Report this comment
February 27th, 2011 at 1:20 pm
A tha hle mai zawhna pawimawh tak min hnutchhiah bawka.
Ka tan mai ni lovin kan tan “kan damna kraws”
Report this comment
February 27th, 2011 at 1:38 pm
he anchhedawng kraws hi trihbaiawm,zahpuiawm,chhuantlakloh tak ni thin a ni.MAHSE kristan a luah a tang chuan,Pawla pawhin…Krista kraws lo chu chhuantur a neilo,He mihring thinlung bumhmang leh chhelailet der pawh hi kristan a luah chuan THIANGHLIM a lo ni thin….
Report this comment
February 27th, 2011 at 5:35 pm
kraws hrim hrim hi chu engah mah ka ngai lo e..thingzai, char-char aia lian deuh atanga an siam ani mai thei, siam pawh a har ka ring lo..
Report this comment
February 27th, 2011 at 6:14 pm
kraws-a chhandamna leh Isua tuarna chu kan tawm mai a, chanchintha ziaktu te hian an hunlai a sorkar in mi a hremna ber a nih vang khan soifiah vak ngai ah an ruat lo a nih ka ring a. crucifixtion detail an ziah lan loh dan ah hian. a tuipui fal zual tan” Jim Bishop’s The Day Christ Died” kha tha khop mai. OM ah lei tur om ang.
Report this comment
February 27th, 2011 at 6:45 pm
Cross a an khai kan khan an chuap kha diaphram ah a zu inhnawhkhawm a, tichuan thawhchham in an ti ta thin a.
Report this comment
February 27th, 2011 at 8:32 pm
A bengvarthlak khawp mai. Thenkhat chuan kraws hi anchhedawng kraws an ti a, thenkhat chuan chhandamna kraws an ti bawk a, rinna lama mi derthawngte tan chuan pawm tur lam pawh a hriat hleinem le.. A pawimawh tih erawh a chiang e.
Report this comment
February 28th, 2011 at 3:49 pm
“Anchhedawng Kraws” hi Mizoten kan ti zen fo va, ‘anchhedawng kraws’ hi ka hre ve ngai lo.
Execution stake (or Cross)-a an khenbehte kha anchhedawng chu an ni ngei zawk e.
VICTIM-te kha anchhedawng chu an ni zawk a, STAKE or CROSS hi chu wooden structures ve mai mai an ni chauh.
Report this comment