Nikum June thla vel a Advertisement daih tawh kha tun kum 4th March 2011 khan AE leh JE post atan Mizoram University, Mizoram in a neih chhunah Competitive Exam tura kohna ka dawn ve avangin ka zuk exam ve a.Lehkha ka dawn ah chuan a subject ah pawh Competitive Examination for the Post of a tih avang khan phurna leh challenge a siam ve deuh riau a hriatna ka neih avanga zuk kal ve ka ni.
Hman remchan leh hun neih ang ang ah inchhiar sil ve nual chunga kal ka ni bawk a, experience ringawt pawh kum sawm dawn kan lo neih ve a avangin Confi’ ve riau na hian min hneh ve hrim hrim tawh a. Tichuan Exam Hall kan han lut a, Answer paper leh question te an rawn sem dan dan a, han en thuak thuak pawn thiam loh aia chuan thiam a tam zawk chiang alawm,Full Mark hi 100 ani a,Question mark hnih (2 marks) pu pahnih vel chu Risk deuh ka chhang tih loh chu thiam loh ka neih pawh ka hre lem lo e a.
Mahse Beiseina erawh pakhatmah ka chhanna Confi em em ho khan min pe hauh lo, a chhan in hre chak hle ang maw, kan Sawi ange aw,Registrar (Pu Benjamin-a) a rawn in hawl lut dan dan mai a,he thu dengkhawng tak mai hi min rawn hrilh ta ani.
TUN A IN EXAM MARK HI INTERVIEW ATAN CHAUH ANI A,IN TLIN LEH TLIN LOHNA CHU A HRIL LOVANG, A AWMZIA CHU HE COMPETITIVE EXAM HI SCREENING ANGA TREAT (NGAIH) TUR ANI.INTERVIEW -NA MARK CHAUH CHHIAR ANI ANG, TLIN LEH TLIN LOH CHHIAR NAN CHUAN TIIN.
A sawi awmzia ni bera kei mimawl bengchheng in ka lo hriat ve dan chu he exam hi chu a ve mai mai chauh ania, rawn ti ve deuh teuh mah ula kan naute (Thiam vak lem lo te pawh nise) ho kan thun vek tho tho dawn e. in rawn kalna te a hla ropui si a, i va han khawngaih thlak em ve aw a tihna vel niin ka hria.
Tih tak em ah chuan Pathian khawngaihna zarah Hna nghet vuan tawh chunga exam ve mai mai ka nia, tin hriat chian a chak awm ve hrim hrim bawk a. Interview pawh dam chuan a hming chuan mi ko veleh ngei chuan ka ring a, min chhawk ngawt chuan ka ring lo, qustion zawng zawng ka chhang zo ve miau a.
Competitive Examination tih thlap hi Screening ang chauh a ngaih theih ani tho tihna alo ni maw, ka hriat sual loh chuan MPSC ah hi chuan Screening chu Screening ani tawp a, Competitive Exam chu Competitive exam anih ang chiah in Exam mark kha tlin leh tlin loh hriltu pawimawh ber ani thin si a.Kan neih chhun kan University chu 3-Idiot film ang deuh in Pawngsual ani tih ve loh rual niin ka hre lo.
Kan Registrar zahawm takin a sawi ang anih chuan Mizoram University Employee ni tur chuan Thiam leh thiam loh lam tehchiam ni lovin Vice- Chancellor leh Registrar te chhungkua leh then lehrual tha zual bik te leh, Manipur ang deuh vin Pawisa (MONEY) thehchhuak tam rthei thei dinchhanna hmun ah siam in a awm tawh a, a awm mek zel tihna a ni thei em??? tiin ka ngaihtuah zui lo thei lo tlat ani.
Tin, kan registrar zahawm tak khan hetiang hi kan kal mek dan chu ani tih a sawi tel zauh bawk a, anih chuan Assistant Professor, Associate Professor leh Librarian leh khatiang post an lak zawng zawng ah khan thil dik lo an lo tih hi an lo ti fai vek anih ngei dawn hi tiin ka ngaihtuah zui bawk a.Pawi ka ti tak meuh meuh a, kan lo ngaihsan leh chhuan ve em em mai kan neih chhuan kan University chu Pawngsual a vihhlum ani a nih hi ka ti a, engtiang a hma han lak vak chi nge ni ang tih lah chu ka hrethiam mai si lova.
Registrar te hi inthlak ta in thil dik leh tha chauh duh a, University hmel tak tak siam duhna thinlung neitu emaw Vice-Chancellor thar duhawm tak leh mi tha Pu KL Liana te anga thu dik leh tha duh rumrut han awm hlauh mai se, hma kan sawn zawt zawt ngei in ka ring tlat ani.
UPSC emaw MPSC emaw SSC emaw leh Corporation lian tak tak a hna lak dawn reng reng hian Competitive Exam hi ngaih pawimawh ber niin mark pawh a pu tam ber thin a, Interview mark neih ve hi chu Written Exam mark atanga Percentage pek chauh thin ani,Interview hi rintlak zawk ni e chuan mark sang zawk an neih tir ngei tur ani si a, mahse an ti tlat si lo ani. Chutiang anih mek lai chuan Zirna sang ber zir theih ah chuan mite tih ngaih loh hi an practise mek tlat ani si a, mak tak ani.
Kei mimawl hawi zim hian ka hrethiam phak love, a sang em ani.Khawvel ah hian tumah kan kumhlun dawn lo, kumhlun chu sawi loh kum 100 dam pawh hi har tak ani. Dam pawh ni tehreng ila nawmna ai chuan hrehawmna bak chu hmuh tur a awm lovang.Chutiang anih avang chuan he ka dam chhung tawi te ah hian enge ka RAM TAN CONTRIBUTION KA NEIH VE THEIH tih hi ngaihtuaha, min ten ka hming an sawi rual apianga Anchhia min lawh zui dawn nge kan hming an sawi a pianga min malsawm ang tih hi ngaihtuah chiang teh ang u.
Mualpho taka i duhsak a pawh khan Chatuan a daih dawn reng reng lo, He khawvel a mihring te rei lo te atana kan awm chhan chu Pathian kan Lal Isua Krista hian a rawng bawl tura min duh vang chauh ani tih i pawm ang u.
Similar Posts:
- MNF-in HW training tur lak dan leh Minister fate MBBS zir dan an helh
- MZU LDC post chungchanga buaina
- MPSC Prelim exam dik tawk lovah puh
- Mizoram University Registrar Motor Hal (Photos)
- Hnalak dan chungchanga ka ngaihdan
March 6th, 2011 at 7:33 pm
A 1o chiangkuang 1o tih pawh kan hriat nawh! Chhiar ang 1e.
Report this comment
March 6th, 2011 at 7:37 pm
A lo va mak ta ve aw!! I Post Title atangin a mak tan der tawh bawk a
Report this comment
March 6th, 2011 at 7:39 pm
MZU hi sawi a va tam tawh ee..chhiar ve ang e
Report this comment
March 6th, 2011 at 7:40 pm
A Thupui khi – “MZU hnalak dan hi a lo va’n chiangkuang lo em!” emaw, “…a lo va chiangkuang lo…” tih tur ni awm tak.
Report this comment
March 6th, 2011 at 7:49 pm
A heading pawh chu a chiangkuang lo a nih hi maw le!
Report this comment
March 6th, 2011 at 7:53 pm
In exam chu iva han hnehsawh awm bawk ve
A kal phung a diklo anih hi, Pu Benjamin-a chauh lo pawh, he kalphung rel tute an thiamlo vek ang. University hmangaih leh dikna duh MZP leh MSU ten han take care deuh sela
MZU- thuneitu sang ho hi an chiangkuanloh hmel riau hlawm mai.
Report this comment
March 6th, 2011 at 7:56 pm
khai nangte chu hna nghet i neih tawh kha
i dilduh anih chu, hotupa hmelhriat loh te chuan kan dil ngam reng reng hlei nem. Hotupa khuan maw tiang a hawl reng reng hian ni bik nei ve tlat a sin. Tiang a hawl ni khu chuan…sawilo mai ang 
Report this comment
March 6th, 2011 at 8:07 pm
Kei, ka lo sawi theih ve awmchhun chu – A topic khi a lo vang chiangkuang lo em!
Report this comment
March 6th, 2011 at 8:10 pm
MZU hna lak a chiangkuang lo a, post heading pawh a chiangkuang lo a, a post-tu nick – (chiangmaimuai) pawh a chiangkuang lo a. Chuvangin, he post hi “chiangkuang lo” post dik tak a nih hi!
I sawi khi thudik ni ngei turah ngai ila, a lo va mak thin tak ve le…
Report this comment
March 6th, 2011 at 8:13 pm
Funny.. va reh ve.. Engkim hi anti chingpen zo toh anih khi.. ka vei ve peih nek lo e..
Report this comment
March 6th, 2011 at 8:27 pm
“Registrar zahawm tak” i la ti zen thei a. Zahawm i ti tak tak nge, Julius Caesar-a Marcus Antonius-a thusawiin “Brutus is an honorable man” a tih sek ang kha ni tak maw?
Report this comment
March 6th, 2011 at 8:41 pm
Misual ah regular tak emaw, nick pangai (hman thin) nei i nih ka ring. Engemaw deuh post/comment dawn a nick thlak kual vel hi mahni nihna anga lang chiang ngamlo, mi dawihzep an ni thei mai em le!?
Report this comment
March 6th, 2011 at 8:52 pm
Lungai mah ta che, exam i thiam viau phei chuan interview an ko ang che nga, i tling nulh mai thei asin..
Report this comment
March 6th, 2011 at 8:53 pm
12 & 13
Report this comment
March 6th, 2011 at 9:04 pm
I type lai hmel k hmu chak reuh.. i hmet deuh chorh2 ang a..^_^
Registrar thusoi i ron quote (bold) chauh khi a soi tak2 anih cuan, lo ngaih thratloh em2 na tur poh om hlei nem k ti deuh.. I zeldin ve nasa bok aniang…lo nghak phot la, tiro?
Bak ah, eng post nge i soilang ngam bok si lo a.. MZU level toh angah phei cuan exam form ah an guidelines leh rules te chiang takin an tarlang ve bok lo mi le?
I âng tûn2 chuan k rilru i khoih..k lainat che.. Interview turin lo in prepare leh phots la.. All d best.
Report this comment
March 6th, 2011 at 9:10 pm
Exam ti tha sawi takah chuan ka junior ti mai ila, ka junior tur ani ber ang chu thla ruk chuang zet chu a rawn awm hman. Junior mahnise tluklo vai vai tak ka ni. GRE ah full mark tawp zu hmu a mawle. India aiawha International Olympiad a silver medal lo dawng tawh ani bawka a smart khawpmai. Caltech ah admission a hmu nghal a, institution tha dang nena compare in a join dawn leh dawnloh ala ngaihtuah buai vel anih chu. Ka ngei zawk
Report this comment
March 6th, 2011 at 9:18 pm
Interview result chhuah hnuah post ta la, a tha viau zawk lo maw aw…kei chuan ka ti.
Report this comment
March 6th, 2011 at 9:23 pm
Chiangkuanglo nuaih a nih ber chu a!
Pa takin, zep tit tet awm lovin, i nihna te leh a kaihhnawih thil dangte nen.
Tin, competitive exam chi hrang2 ah hian, written a tlingte hian interview an face leh a, chuta tling leh tlakte chu lak an ni thin.
A thuhrimin MZU leh Pu Benjamina tih hi a thangmawi lam aiin mawilo lam a ri tam ta riau mai!
Report this comment
March 6th, 2011 at 9:28 pm
Kei ai chuan i la chang sang zawk anih chu. Kei chu hna ka dil ve a. Written exam atangin min ko lo nghal pang mai. Engtikah tak min rawn ko ang maw kan tih laiin an lo exam(exam tak tak chiah em?) fel vek tawh a. An exam tawh tih ka hriat meuh chuan an lo la fel vek tawh mawle.
Report this comment
March 6th, 2011 at 9:28 pm
hlatekhua #11, Eiru tih hriat ngawih2 engemaw nikhua a, “Kan khuallian zahawm tak,” an la ti fuk fuk thin ang deuh hi em ni?
Report this comment
March 6th, 2011 at 9:31 pm
Screening anga hman tur anih chuan advertisement-ah khan chiang takin an ziak lang tur a ni. Amaherawh chu Mizoram chauh a ni lo, state dang te pawh hian an lo ti ve fur tho mai ka ti..
Report this comment
March 6th, 2011 at 9:33 pm
chhangban: #10: reh vak ami
I thil sawi leh he hla hi a inhmeh riau in ka hria.
https://www.youtube.com/watch?v=RkuRzlCCunI
Report this comment
March 6th, 2011 at 9:34 pm
Ka hnathawhna ah hian rinawm takin kum 9 ka thawk tawha, DAN ah chuan kum nga chin chu khawlhna a awmloh chuan promotion pek theih anih thu a inziak a, chhan eng emaw avangin promotion min pe thei tlatlo (duhlo??) a, tichuan ka thawhna line ah vek chuan competitive exam tur a awma, ka exam a, ka tithra ta phian sia, mahse lak tumsa an neih deuhroh avangin ka dal ta tlat sia (an lak duh kha kei aiin a tichhia aniang???), tlaikhawhnu ah promotion chu min pe a, tichuan ka result ruakah chuan an lak duh chu an la ta a. Ka ngoi ta mai, tunah chuan gazetted officer rank in ang chiah kan lo ni ta …. Mahse karkhat lekin kan in senior hleih a!!!
Report this comment
March 6th, 2011 at 10:02 pm
Thingpui in pahin chhiar mai mai teh ang!
Report this comment
March 6th, 2011 at 10:03 pm
Lungawilohna khawvelah i la awm a nih tih hre rawh chiangkuanglo.
Hnathawklai i ni bawk a la thawk ve lo te kian zeih mai rawh.
HV an i nihna a hriat ka ring deuh che.
Report this comment
March 6th, 2011 at 10:04 pm
MZU ah chuan Registrar chhung leh khat, an lam hnai, a duhsak zawng te hi an lo ther fur tawh ang e!!!!
Chutiang a nih lem loh chuan… a tha, alo nih erawhchuan .. engtinnge niang……. ?
Report this comment
March 6th, 2011 at 10:29 pm
A heading pawh a chiangkuang lo, a post-tupa hming pawh chiangkuang lo, chhiar lo mai ang
Report this comment
March 6th, 2011 at 10:37 pm
Interview ilo tling mial a nih pawn join duh miah suh, lungrual taka hna thawhna hmun hi nuam ber.
Report this comment
March 6th, 2011 at 11:09 pm
Last para a i thuziak kharna khi a tha bawk a nang pawhin ‘Ka Pa ngaidam rawh an thiltih hi an hrelo ani’ tiin dilsak ta mai la tih ka rawt e.
Report this comment
March 6th, 2011 at 11:17 pm
OT : awmawmpuia hi Live a hmuh chak riauna ka neih pek chu!
Report this comment
March 6th, 2011 at 11:34 pm
#29
Report this comment
March 6th, 2011 at 11:43 pm
Tlin leh tlin loh pawh la hriat hma hauh va! I tling a nih chuan kan lawm dawn nia.
Report this comment
March 6th, 2011 at 11:52 pm
hahaha…sawi thui lo teh ang..mimawl chanchin hi sawitlak ah pawh ka ngai lo e..
Report this comment
March 7th, 2011 at 12:26 am
a mak a ni…chhungte, hmelhriatte tih reang mai hi ka ning zo ta….driver hnaahte chuan lo inthun mahse ..a hetah pawh a tling leh tha chauh zel…pu Bena chu zilh hlak a ngai nih chu…a tuartu atan hrehawmzia hi an hre ve lo emaw ni…zangkhua a la bungbu dawn alawm..Liandovate Unau hre reng rawh…
Report this comment
March 7th, 2011 at 1:02 am
#20 H.Vangchhia, a ni maithei. Mahse Julius Caesar-ah chuan a nih lohzia tihlan tumna lam a nih zawk a nih kha, i hriat angin.
A ni ngawt asin….zahawm lo leh zah tlak loh ngial ngial, hlepruka in tihausa te ‘kan minister/khuallian zahawm tak’ tih nem duai duai kha Mizoram sorkara ka thawh ve lai pawhin ka peih zawng a ni ve mang lo. Minister-ho lakah pawh ka score chhiat phah deuh mahna. Mahse pawi ka ti them te lo, ka promotion leh ka hlawh an khawih pha lo vai vai bawk a.
Report this comment
March 7th, 2011 at 1:10 am
Tlin leh tlin loh hriat hmaa ziah hi a tha. Result chhuah hnu chuan tlin loh chhuanlam tih a awl dawn lehzual tlat. MZU zawng, mi sawi danin an hlawh a tha si, an hahdam bawk si, fair lo taka luh an tum pawh hi a awm ve viau tho e. Thildik phei chu a ni hau chuang lova…
Report this comment
March 7th, 2011 at 4:21 am
A va mak tak ve mawle!competitive exam kal hmang chu a ni lo chiang a nih chu!Pu Benjamin-a te phei chu hetiang lam kal hmang hre chiang awm tak!Enge maw tilai a IR an lak dan an sawi pawh min ti hre chhuak rum2 a lawm le!Physical test neiin an tlan a,hotu lam ten”tlan rawh ule” an tia,an tlan trauh2 mai a,a tling tur ho chu truck-in an lo phur bo vek tawh an tih pek chu mawle!
Report this comment
March 7th, 2011 at 6:36 am
A va zia lo deuh ve…
Report this comment
March 7th, 2011 at 6:46 am
He post ah thu dik 50% leh dawt 50% a awm a, a post tu hian inenlet se!
Ka lo hriat ve dan chuan objective type tur a nih laiin civil engineering paper ah descriptive type question a lo ni ta si a. Zawhna chhangin pu Benjamina’n
Ama thiam loh liau liau a nih thu te, question set tu’n a hre sual a nih a rin thu te, last minute a question thlak a harsat thu te, written exam hi interview tura screening exam a nih avangin tumah hlauthawng lo turin ngaihdam dil pahin a rawn insawifiah a ni zawk awm e
Report this comment
March 7th, 2011 at 7:56 am
An heti tlat zel alawm. Ngaih khatah i ngai mai mai ang u. MZP leh MSU in an han nawr chang lahin mahni kuanglo nawr kan ti bawk sia..hui hamz
Report this comment
March 7th, 2011 at 9:50 am
@30, Saitawk, kei chuan ka hre rin ran si che a leh. I bulah ka la rawn inpuang thut maithei.
Report this comment
March 7th, 2011 at 10:29 am
#39, i rawn sawi chu ka ring zawk mah2. Chu pawh ni se question kalhmang tur hre lova set tu chu a la dik chuang lo. A post title ang hian engti kawngzawng pawhin an hna lak chu a la chiangkuang ta chuang lo a nih chu.
Report this comment
March 7th, 2011 at 5:34 pm
i sawi duh dan chu ava mak bawrh bawrh ve, hmanni LDC an lak pawh kha kalo zawt ve a, fit tak2 chauh an la a, hna pawh an that hmel hlawm khawp mai a ti a, kalo ring ve ngawt asin, an lak te ngei pawh kha pu benjamina chhungte an awm miahlo an ti sia..Manipur anga sum chelek te i sawi lehnghal a..i source hriat a chakawm, thil hi hriat chian deuha sawi ni thin se a va duhawm ve, i rawn post dan hi enthlatu rawng i kai deuh tlatin ka hria…a thatna duh tak tak tu i ni maw unaupa…
Report this comment
March 7th, 2011 at 10:18 pm
#david aiz,Ni e… Thianpa duh tak…a thatna duh tak tak teh reng mai…Ka source min zawt maw???? Keimah hi ka ni e…Tumah ka zawh angai lo ani. Tin, Ka thianpa Ph.D ti mek zo lek lek tawh a awm bawk a,Thil hi a zawng zawng ah hre fai vek lo mah ila..thil hi a awm nasa ngei mai…MZU a thawk emaw tute chhung hnai vai tak i nih ka ring e….THIANPA
Report this comment
March 7th, 2011 at 10:29 pm
Good post.
Bengvarthlak e.
Registrar zahawm tak, tih a ngai lo. A Hna hian zahawmna a nei lo, a nihna leh a thiltih dan pawh in. A zawnga za a, ZAHAWM hman loh tur. Lo ngai zawhawm tawh reng reng suh.
Report this comment
March 7th, 2011 at 10:44 pm
HV, Kan nick te hi a va chiangkuang ta lo tehnuaih ve le… Ka chunga mi hi han en teh, eng nge i hmuh dan? Khuavangchhinchhiah a intihna emaw ni dawn le…
Report this comment
March 8th, 2011 at 10:20 pm
@39, hi MZU employee i nih ka lo ring deuh ringawt a…!
Keipawh, hemini hian JE atan written exam ka pe ve a, hna la nei lo zawng lai tan chuan Registrar thu sawi kha chu rilru hnual rawih rawih na tham a ni a lawm. Ka beng a ka lo hriat ve dan chuan, “Question hi objective tur tih a nih laiin interview atana screening a nih avangin essay type leh short answer question ang ten siam a ni a, written a 40% mark hmu chin hi interview turin koh an ni anga, interview a ti tha apiang lak an ni ang,’ tiin a sawi. Exam syllabus ah hian objective question, full mark 100 a nih tur thu chiang takin a inziak a ni. Tin, Registrar hian interview hian mark100 a ken tur thu a sawi bawk a. Chumi awmzia chu, competitive angin, written exam leh interview mark hi belhkhawm tur pawh lo ni ta sela, written a mark 100 (fullmark) hmu pawh kha mark 60/70 chauh hmu khan interview ah a lehpel vek thei a ni. Chuvangchuan, interview in 100 mark a keng pawh hi a dik lo/ chiangkuang chuang lo a ni.
Report this comment