Mizo te hi music ah kan sang kan inti viau, a san pawh kan sang reng a ni. India ramah pawh Nagaland leh hmun hrang2 ah te kan band tha te kan chhuak ve tawh thin a, fak pawh kan hlawh thin viau angin chanchin ka chhiar thin, a lawmawm pawh ka ti. Mahse, rualawhna, khamkhawp lohna nasa tak mai ka nei a, chu chu a ni ka sawi chak chu.
Tuna ka hna chhete thawhna atanga lang reng Kennedy Center, lar tak maiah hian zanin, March ni 4, Zirtawp 2011 hian Bakthak (Khasi) ho chuan show an nei dawn a ni. Hetah hian Mizoram a North East Beat Contest, Tribal Power pakhatna nih tuma rimawi rawn tum ve, inelnaa tello, Rudy Wallang (Mojo) te chuan an thiam khawvel mipui hmuhah an pho chhuak ta anih chu.
Ka tawng tun lo hawlo se, Mizo te hi kan bial a la zim hle niin ka hre leh thin. Kan tawngkamah tumna leh theih nei sang viau mah ila, kan ngaihtuahna pawh kal thui ve viau thin mahse, kan lungawina tawk hi a la ho mah mah em ni aw, tih te ka ngaihtuah tel bawk a. India ramah hian musical instrument pawh nei tha ber state kan ni hial maithei. A ram pum a thlir pawh a aw lai (flat/pitchy voice) lo tlangpui, zai thei mai leh music pawh thiam hma kan nih lai hian, kohhran thil emaw a zaipawl zin zeuh zeuh tih loh chu khawvelah hian kan la inpho chhuak lo lutuk niin ka hria.
Mizo te hian, “Engtin nge niang aw Westend Theater, London ah emaw, Kennedy Center, Washington, DC ah hian Mizo musicians te hian an thiam an pho chhuah ve theih ang aw,” tih ang zawng te pawh a rilru ngaihtuahna tak tak hman ve hi a hun viau tawh niin ka hria. America lama Mizo awm te pawh kan ni tho. Hmanlo chung chungin hruaitu te tlawmngaihna zarah eng eng emaw kan la tikhawm thei thin a lawmawm. “Hnam chekhnawk dang ten an tih theih, American independence day parade a Mizo te lam ve i dil ang u,” tih Mizo Society of America a ka rawtna pawh an ngaihtuah zel em ka hre lova, an ngaihtuah turah ka ngai ve ngawt. Meeting neih hunah te hnalam tulna avangin tel ve thei thinlo mah ila, rualawh hi Zohnahthlak tan hian ka la na ve em em ringawt mai anih hi.
Tam takah chuan tawng lama kan buai deuh thin avang hian, ram pawn lam kalin engemaw chen chu kan ti deuh duk thin te pawh niin ka hria. Hetiang ngaihtuahna kan neih chhung chuan hma kan sawn tak tak thei lovang. Hnamdang ho hian an tawng thiam lohna hmunah hian an zam phah ve derlo tih hi i hre tlang phawt mai teh ang u.
Kan inpho chhuah nasat chuan kan inzir zel pawh ani anga, inpho chhuah lovin tawng pawh thiam tak tak ngaihna a awm heklo. Lam mawi tum te hi thil atthlak ah ka ngai a, chu ai chuan kan hmuiin a lam nuam a tih ang berin lam hmiah hmiah mai tur. Kan pianpui tawng anih loh chuan an lam dan angin kan lam dawn chuanglo, mi tawng dan zir hi impersonator nihna a ni a, a zahthlak zawk ngai e.
A blues band from Shillong in northeastern India, Soulmate was the only Indian band to perform at the International Blues Challenge in Memphis, Tennessee in 2007, and reached the semi-finals.
https://www.kennedy-center.org/calendar/index.cfm?fuseaction=showEvent&event=XLIFR
Similar Posts:
- Inkawm khawm naah!
- Zirna sikul hi
- ‘Tawh’, ‘Lei taksa’ leh a dangte
- Ngaihtuahna ṭawng (Mind language)
- A hun leh a hmun (When in Rome)
March 6th, 2011 at 2:39 am
nia
Report this comment
March 6th, 2011 at 2:45 am
Kan zaithiam leh musician te ka ngaihtuah chian apianga ka ngaihtuah tel thin ani he thil hi. India ram chu kan dai dar hneh ve tan viau a, mahse tunlai hian thawm nei tham group hi an om leh talo emawni tih tur ani. Mizo hla ringawt hian thlensan theih ani lo a, eizawn nan a hmantlak hek lo. Tunlai hian Pensy hian tan ala viau niin a langa (facebook lama kalo hmuh thin danin). Ani poh hi ka hriatsual loh chuan a promote tu hi manipur lam mi a ang hle, a english hla tamtak a pho chhuak a, download theih te in a awm. India ram mai nilo sap rama phochhuak thei tur promoter hi mizo te hian kn mamawh tak zet ani
Report this comment
March 6th, 2011 at 2:48 am
kan rimawi tum thiamte leh zaithiamte tan chuan chona nasa tak a va ni chiang em!
Report this comment
March 6th, 2011 at 2:49 am
Rudy Wallang te hi chuan an zawng chawp a, an dawr kual a, a tawpah an tum angin an ti thei thin niin ka hria. Mi tihpui tu tur melh lovin, mahni inhaikuak tumna tak2 neih a tul thin a ni ber awm e.
Report this comment
March 6th, 2011 at 3:26 am
promoter thra an awm loh chuan a har ka ring deuh..
Report this comment
March 6th, 2011 at 3:33 am
Zaninah Rudy te nen hian kan inhmu maithei, inhmuh chuan kalo zawt chiang ang. Mahse, sawileh sawihnu, chutiang tur chu zawn peih, dap peih, tum ruh, taimak, beidawn lohna neih angai hmasa thin.
Keima nunah hian adventure sports ka tangkai phah na em em chu, tumruhna leh beidawn lohna min pek hi a ni awm e. Miin an huphurh hi han tum lui ngat mai ila, hlawhtlin chuan a lawmawm zual, hlawhtlin loh leh tih dan zawn leh zel mai tur.
Report this comment
March 6th, 2011 at 3:35 am
Pu H-a rualawh hi hman atanga kan zaithiam/rimawi tum thiam te tan ka awh thin a ni. Mizo band member thenkhat hi hetiang lama rilru pe turin kalo kawm ve nual, a tum pawh an tum ve ngial thin. Kan thanmawhbawk leh hmasawn ngaihna lai te-
1) Kan music play-ah hian “originality” kan tlachham. I sawi Mojo ho hi chu Shillong-a kan hriat hma atanga Blues lo play tawh an ni a, specialna lai tak an nei. In khua an lokal pawh hi an in dap chak piahah an thiam ril vang a ni.
2) Sawi tawh angin mahni piah lamah promoter an mamawh ka khawngaih ve nalai thin a ni. Hmun dang a awm te hian kawh hmuh tal teh u.
3)Saptawng pawh hi ti ve thei tak an ni tawh an zam biklo mahse a ngaithla mipui tur hi an ngaihtuah ve a ngai. Entirnan- India ram a lar tur chuan mainland Indian music nen Hybrid deuh a ngai mai thei, thil thar an zawn a tul.
4)Great indian Rock, Intihsiakna dangah India ram chhungah chuan an lang ve ta nual. Hmanni-ah kan thian pakhat chuan South Asia vela a hruai theih tur thu min hrilh. Band member thenkhat te email leh phone number ka pe vat engtin tak ti zel ang maw? Ram pawn atanga an thiamzia hre tur hi an mamawh ve ngawih ngawih, ka khawngaih hlawm a nia…
chhunzawmah
Report this comment
March 6th, 2011 at 3:41 am
sawmpui, Rudy te hian ni 4 emaw bak visa pawh an neilo a ni awm e. Shillong an lo haw hunah te emaw, an ni hi a tuimi ten kawm a, an thil tih dan atang te pawhin ngaihtuahna neih dan te pawh a awm maithei asin.
Rudy te hi International Blues Challenge in Memphis, 2007 khan India atanga hetiang lama tel, semi final la thleng awm chhun an ni nghe nghe anih kha. Tum chuan kawng a awm zel ania.
Enge mawle, hmuh theih loh Vanram pawh kan kal tum ania, khawvel chhungah te chuan beidawn mai mai tur anilo hrim2.
Report this comment
March 6th, 2011 at 3:54 am
Hmanniah US Consulate ho nen chuan concert kan buatsaih tawh a Mizo zaithiam pakhat pawh kan sawm ve nghe nghe. An hotute pawh kan hmelhriat tir a..anla rap ve thut mai thei a sin. Sapho pawn thiam an tih ve ngang kha maw. Sap Professor ho an tui leh tuiloh pawh hrelo in Mizo zai hi kan pe ve ziah thin a sin. An ni hi lehkhabu bak hi an pello a, an lehkhabu dahna kil sir an luah mai mai bik lawng chu maw. Nangni pawh khan lo dap sak teh u.. Rudy chu lo kawm tir tur a nih chu..Takin Mojo documentary hmanni ah kan en ngei a lawm
Report this comment
March 6th, 2011 at 3:55 am
Kawreksawn, “Rudy te hi ni reilo te, ni 4 emaw lek an cham dawn anih hmel,” tih ni zawk sela tawngkam a dawngsawngtu tan a nuam deuh mahna
Report this comment
March 6th, 2011 at 4:04 am
Dream theatre tluk zet hian thiam ril se. Mars thlengin an fehchhuak ve mai ang. Hmun dang a awm Mizo in an sawm bak hi chu an kal khat ve teh lam… An pianna/chawr chhuahna leh an thil thiam a inmil lo te pawh ni mahna.. Lehkha zir hi hlamchhiah lo se, entertainer an nih in hria in stage nunchang te pawh hi music bakah zir tel se.. tha viau mahna.
Report this comment
March 6th, 2011 at 5:05 am
Post the hle mai Pu HV-a chu, nia rual awh hi a na ve duh khawp mai…
Report this comment
March 6th, 2011 at 5:36 am
Tih theih nei tam silo, thahnem lah ngaih ana ve phian thin si ale!!
https://mizosocietyofamerica.or.....8#comments
Report this comment
March 6th, 2011 at 6:24 am
post tha em mai….. Fender (American) ka awt telh telh …@Pu Hv
Report this comment
March 6th, 2011 at 7:04 am
Post tha leh khawp mai!
Kan musiciante, bandte hian mizo hla hi chu mahni phuah tha tak2 an nei fur a; mahse, english hla hi mahni phuah an nei tlem. Mi band hla, an tihdan anga tih/sak an ti tlangpui a. Mahni irawm chhuak ngat english hlathu leh music phuah lamah pawh thang zel se a duhawm ngawt mai.
Report this comment
March 6th, 2011 at 9:08 am
A dik e.. Rual awh a n a thin ngawt mai.. mahse hei hi eng vang nge nia ng le.??? Kan thiam tawk loh avng nge ni anga in expose kan thiam yawk loh vang tih hingaiohtuah tham a ni in ka hria…
Report this comment
March 6th, 2011 at 9:14 am
Khasi ho (Rudy Wallang and co.) chu an va lawmpuiawm ve le. Khasi ho khu Mizo ai chuan Western Music-ah an thang hmasa a, (compare Lou Majaw = JB, etc etc) nakin lawkah chuan kan la zuk tel ve turah i ngai teh ang.
Report this comment
March 6th, 2011 at 9:49 am
A dik khawp mai. Kan hmasawn na tur kawng pakhat a ni.
Report this comment
March 6th, 2011 at 10:25 am
shai #17 Lou Majaw hi Lou Sohtun tih a ni thin asin
JB-a kha thui tak thleng thei tur a niin ka hria, a uihawm ka ti tak2 ania.
Kan in phochhuak (expose) thiamlo, tum lemlo em ni aw, ka ti thin.
Report this comment
March 6th, 2011 at 10:37 am
@HV, a ni tak. (a nupui title a chawm a niang a :evil:
) Engtik kum nge ka hre ta mai lo. Vanapa Hall saw an sak zawhna a la rei vak lo, khami tum khan Lou leh a band te khan show an rawn nei a, khami tuma JB-a phur zia kha ka mitthlaah a la cham reng mai.
Ka ngaihdan mai maiah chuan, tunhma hun atang khan North East-ah chuan Mizo hian zaithiam kan ngah a, mahse Country leh Rock lam kan bawh chiam laiin, Khasi ho chuan blues leh classical lam kha an bawh mah mah in ka hria. Tin, mak ka tih ruk ve deuh chu, Mizoram pawn a lehkha kan zir lai khan, mizo in drums vaw thei kan neih loh viau lai khan, khasi tleirawl, music lama tui deuh chuan drums kha an ti thei phian mai a (mahse ka tawn chin ka sawi a nih chu…)
Report this comment
March 6th, 2011 at 10:56 am
shai, 1982 khan Shillong kan sikul huaihawtin beat contest a awm a. Lou leh Rudy te band, The Great Society te kha chuan Bob Dylan, Beatles hla an tuipui thin laiin, kan zirtirtu te duh thlan Abba hla, ‘Lay all your love on me’ kan sikul aiawh ten an han zir chiah mai chu hairehai
Mi style an lak bakah an mahni unique style an neih na hi an that pui ta a nih hmel. Bakah music hi a chhip atangin an thuai lova, a zung atangin an chul chho tlat.
Tonic solfa
Staff notation
Report this comment
March 6th, 2011 at 11:22 am
He thu hi ka ngaihtuah fo thin, thil tha kan hria mi tih ang pawh tih kan duhve mahse chumi ti tur a kan ke pen a sak tlat thin hi a pawi ngawtmai. Kan tum tak tak chuan Lammual kan phah hring dup thei a; hei hi World Class ani, kan tuma alam hawi a Ke kan pen chuan sang tak kan thleng thei ani.Kohhran chen hian kan tihdan phung pangngai bansan kan hreh lutuk hi kan hmasawnna daltu ani;rilru paukhauh tak a hmasawn tumna kan neih a hun tawh tak zet ani.
Report this comment
March 6th, 2011 at 11:29 am
Good post..Pu HV..
Mizo te hi hnam dang zingah kan inkiltawih thei fu, a bik, ti dik lo bik, mi aia thiam lo bik..nih hlauhna hi kan nei lian mah mah emaw aw tih theih ani. Inrintawkna hi kan tlachham deuh a ang..
Kei ngei pawh hi ka ni tho mai…
Report this comment
March 6th, 2011 at 12:06 pm
Mizo English hlasa leh Khasi english hlasa hi han ngaithla tawn ta ila, Khasi ho hlathu lam hi a nalh deuh mah mah zawk fovin ka hre thin. Terrence Wansong (Khasi) pawh hi a zai ngaihthlak a nuam asin aw….
Report this comment
March 6th, 2011 at 12:18 pm
Thuneitu lam pawh hian promote dan han ngaihtuah ve thei sela,tha ang mawle…sum hi a ngai ve zel si..
Report this comment
March 6th, 2011 at 12:25 pm
Kan thalai te hi an sum hmanga an kal ve theina tawkah chuan mi fak leh lawmman pawh an dawng deuh zel tawh mai,sap ram kal nan chuan sum alo ngai hnem bakah visa te pawh hmuh a har,buaipui tu an neih a lo ngai nen,thlawhna chuan man ringawt pawh hi sap ram vel kal dawn chuan lu ti hai tham a ni ve deuh bawk,tih dan chu a la awm ve mahna le,tun dinhmunah chuan a band ang zawng chuan khasi ho hian mizo te chu phalo tak an ni.
Report this comment
March 6th, 2011 at 1:58 pm
HVa te ang, ram leh hnam vei tak2 mi – thlirzau, fiamthu huna fiam dawl leh zaidam, a hun taka rorum hrak ang hi alawm ram hruaitu atana kan mamawh! Gud paws!
Report this comment
March 6th, 2011 at 2:34 pm
Tha hle mai……mahse music vahvaihpui/ruihchilh khop hi kan la awm lo a ang ka ti……..emotional attachment mai bakah ‘ka music’ ti a han chhuan tur nei hi an awm em aw??????
Hei chu ka siam a nia ka phal lo/ ka style ti thei te hi awm nuk toh i lang chuan label nei poh kan awm ve nual toh in a rinawm…….
Market vang nilova hei chu ka music ti khop a roh thei kan awm hun hi a nghah hlelh awm thin ka lo ti ve mai2. soi tur a va tam ve……………post tha tak a ni…
Report this comment
March 6th, 2011 at 3:57 pm
@HV, Vanram pawh kan kal tum ania, khawvel chhungah te chuan beidawn mai mai tur anilo hrim2
I tawngkam fuh ber pawl a ni ngei ang.
Report this comment
March 6th, 2011 at 7:26 pm
#29
Report this comment
March 6th, 2011 at 11:45 pm
Phunchiarna te, thil intih hriatna te, chapona te, bial zim lutuk te, mahni ngaihdan tawngpawng tankhawh pui tlat te hi han sim ila. Tichuan kawng hrang2 dapin (sawi mai lovin) tan lain han tum tak tak ila, kan thei awm em mai.
Originality neih a pawimawh hmasa ber. Eng style pawh, Country, Rock, Blues hmang pawhin mahni style bik a neih theih tih hriat tur. Kha2 a pawimawh hmasa ber. Tih emah chuan Lengkhawm hla sa Lalruotmawi hla te pawh American classic country base tho a ni lawm ni?
Music thar siam lam pawh a nilo, music awmsa atangin mahni style thar te siam tum tur.
Report this comment
March 7th, 2011 at 12:23 am
Music leh Entertainment lamah hi chuan mizo ho ai chuan khasi ho hian milestone an siam hnem zok alom. Shillong chamber choir te, Karen David,actress[half khasi] (The scorpion king 2) and more…
Mizo artist te chu..huis…demand channel a an lar thrat viau cuan an lung a la oi viau niag k ring.. :angaihna hrelo:
Report this comment