Science & Technology hi ram hmasawnna bulpui ber leh a ruhrel anih tawh avangin a pawimawh em em a, a pawimawhna hi mi tam tak chuan an hai lo, Prime Minister Manmohan Singh ngat phei chuan a term chhung in IIT leh NIT tam thei angber din a tum niin a lang.
Kum tinin zirlai thiamthei tak tak ten Mizoram quota atang tein leh all india a seat chan tumin entrance an exam sup sup reng a, mi thahnem tak an inbuatsaih mek bawk. Ziak leh chhiarthiam tam tehna ah India ram pumah 2 na nihna hauh mah ila, thiamna sang zawk; Sc & Tech lam ah chuan a hnufual ber zing ami kan la ni thung!
A thupui ah lut nghal mai ila, tunah hian India ramah NIT 20 a function mek a, thahnemngaihna avangin Sept 2009 a Cabinet ministry thukhawm chuan NIT 9 dang din belh zai an rel ta a, vanneihthlak takin NE state zingah Mizoramin 1 kan chang ve hlauh a. NIT Mizoram dinna tur atan hian Union Cabinet Ministry chuan Rs.250 crore (vaibelchhe 250) a sanction nghal nghe nghe.
NIT zawng zawng te hi ‘Institute of National Importance’ an nih vek avangte hian zirlaiten luh an chak a, luh tumin kum kalta khan zirlai nuaih 12 rualvel zet ten exam ( AIEEE) an ziak/bei nghe nghe a ni.
Chutiang khawpa zirna in pawimawh leh tha chu Mizoram ah ngei,Thenzawl ah (official release atang) nghah a ni ve dawn ta mai hi a lawmawm em em a, chutih rualin NIT thar nei ve tho kan thenawm state Manipur te, Arunachal ten an NIT an dawnsawn dan leh an hmalakna en chuan, Mizoram sorkar in hma a lak dan hian duhthu a samlo a, officials te, Ministers leh MLA te thleng hian he Institute pawimawhna hi an hre lo em ni a tih theih hial! (nge ni fund hi an kuta a kaltlang dawnloh avangin an buaipui phur vaklo zawk?)
Tunah hian NIT Mizoram zirlaite hian campus an la neihloh avangin VNIT Nagpur, Maharashtra ah class an la hrih a, tun hnai ah Thenzawl ah Campus tur ram acre 250 a zau ruahman a ni ta hi a lawmawm hle. Amaherawhchu ala thanglian zel dawn a, a puitlin hunah cuan 250 acre chu a zau dawn lo hle ani, tlangram chhengchhia ah chuan 500 acre vel tal ruahman theih ni ta sela chuan alo puitlin huna harsatna tamtak awmthei a pumpelh ngei dawn a ni.
Tin a campus dinna hmun ah hian ngaihtuah uluk a ngai hle mai, ram tana rotling tur a ni a, Aizawl atanga hla lutuk a kan dah vaih zawngin Vairam atanga zirlai leh faculty (prof, assistant prof, associate prof ) lo kal turte tan a chakawm loh hle ang. Tin sawi hmaih chi hauh loh; Company tamtakten campus a hlat lutuk chuan campus interview ah min thlawhkhum ang a, NIT Manipur leh Nagaland zirlaite an la duhzawk zel ang tih hi thil chiangsa ang a ni bawk. Chuvang chuan a tlai lutuk hma in Campus hi Aizawl dai vel ah sawn hnaih leh dan awm se tiin rawtna ka han siam tawl mai teh ang.
Tin NIT hi hlawhtling thei ang bera siam tur chuan zirlai smart/bright ber berte leh faculty tha ber berte kan hipkhawm a ngai dawn a, fund rawn kal atangin infrastructure leh facility tha takte din a ngai ang. Chutiang tur atan chuan Central fund rawn kal pawh dik tak a hman hi kan (sawrkar) or authorized personnel mawhphurhna a ni.
Tunah hian NIT Mizoram bikah 1st batch atanga tan niin, 1st batch in VNIT Nagpur ah class an la mek a, seat 90 a awm a, ALL INDIA seat hi 45 a ni a, hnamdang ho in an seat an hnawhkhat tha hle a, Mizoram seat atan 45 a awm bawk a, cumi zingah chuan mizo zirlai 9 an awm a, hnamdang 10 vel an awm a, a dang seat 25 vel chu a ruak (vacant ) thung! Zirlaiten lut thei turin AIEEE exam atan kan inbuatsaih ngawrh a tul hle a ni. A hmangchang hrezawk vai hoin seat an chan vek hma in zirlai ten tan I la ang u.
Sawiho tur:
1) Mizoram sorkar in NIT a dawnsawn danah leh hma a lak tawh dan hi lawmawm kan ti em?
2) Ram 250 acre a zau hi 500 vel tala zauh nise… (NIT Agartala hi 500 acre a zau a ni, IIT ghy hi 750 acre vel a zau a ni, NIT Rourkela hi 750 acre vel a zau a ni)
3) Mizoram Govt hian NIT fund an kut a kaltlang lo tur anih avangin a buaipui phur vaklo ani thei mai em?
Similar Posts:
- CMC Vellore ah seat inchuh
- NIT Mizoram
- NIT Mizoram – sum siamna tur ani lo !!
- Mizoram NIT Campus eng tik ah nge ?
- NIT Mizoram
March 8th, 2011 at 8:16 pm
medical college pawh kan mamawh hle..
250 acres chu a zau tawkin ka hria, thenzawl kan ram zawl kan neih chhunah leh nghal….IIT Ghy 1/3 vel anih chuan a zau tawkin ka hria
1and 3 khi chu ka sawithei lo
Report this comment
March 8th, 2011 at 8:20 pm
A va chhuak hma ve. K’u Kawlpuia post a chhuak zo chauh emaw tia.
Report this comment
March 9th, 2011 at 6:29 am
Bengvar thlak e
Report this comment
March 9th, 2011 at 6:36 am
Sawi em em tur pawh ka va hrelo em
Report this comment
March 9th, 2011 at 7:16 am
A hmasa berah chuan ‘AIZAWL ah ngei’ ti tlat pawl awm tawh lo ila, ‘chuan hmun chu i duhthusam ang hi kan hmu mai ang tih ka ring. Thenzawl… welcome.
No 3 khi i sawi ang khi a nih a, Direct-a an eiruk tur a awm loh vanga ngaihsak tha lo an nih takmeuh chuan inthlan leh hunah an tlak theih nan (eng party pawh ni se)theitawp kan chhuah hlawm nga tur a ni ang.
Report this comment
March 9th, 2011 at 7:17 am
рдпģŤіСHAЩЯ, i van reh em em ve
Report this comment
March 9th, 2011 at 7:57 am
(1)Mizoram sorkar in NIT a dawnsawn dan leh hma a lak tawh dan hi i rawn sawi bak hi hriat ka neihloh avangin sawitur ka hrelo viau mai, i sawi dan han thlir hi chuan tun aia chak zawka hmalak chu a tul anih hi.
(2)Ram zau zawng hi acre tihvel hi ka hrethiam tlat lova a zauzawng ka mitthla theilo. mahse mi rama an ruahhman ang zatve chauh hi chu a tawklo deuh maithei.
(3)Ani thei maithei.
Report this comment
March 9th, 2011 at 8:20 am
Kum hnih a liam tawh NIT NorthEast state a dah tum ani tih ka chhiar hmasak ber chu..
India ram hi mihring kan tam ang huin scientific contribution kan nei chaurau khawp mai. 3 % of global annual scientific research output vel hi kan contribute ve hram ani. Tlem tak ani. Kan er ber Chinese ho hi pha lo tak kan ni. India economy te a lo tha chho ve zel a, lehkhazir dan pawh kan thlak chhoh zel angai..theory aia practical a kan zir ve tak tak theih tawh a chakawm khawp mai.
NIT te pawh hi Mizo thalaite tan hmasawn theihna kawng tur, institution thatak ani e..
Report this comment
March 9th, 2011 at 8:33 am
Thu lawmawm tak a ni. Thenzawl khi a tha ka ti. A ram zau zawng pawh khi a tawk khat viau. 3-na khi chu, c.vansangan, ‘sawithiam a har,’ tih hla a sak ang deuh a ni.
Report this comment
March 9th, 2011 at 8:40 am
Hun a la duh deuh dawn a, IT lamah hian Mizoram hi population en chuan kan thanharhna % a sang fu hmel a, chuvangin NIT pawh hi kan hmang tangkai thei viau ang. Mahse ka rilru tibuaitu chu ‘ tih tak taka bei tu thalai’ kan nei angem ? a phawvuak hi kan khamkhawp a tling zel a…!
Report this comment
March 9th, 2011 at 9:11 am
Chhawr tangkai na vak nei lem lo mahila, NIT te kan ramah a awm theih chuan a lawm thlawt e. Hmalakna thar a awm chuan rawn sawi chhunzawm zel teh khai, a bengvarthlak thin teh e
Report this comment
March 9th, 2011 at 10:49 am
250 acre chu a zau vaklo nih chu, mahse ram acquire velna tur a la awm chuan tih dan dan a la awm thei ang.
PUC khu 760 acre a nia.
Theihtawp chhuahin hma chu an lak ve chu mawle, ka rin aiin ram an pe hma thei daih zawk a lawm. Tihfel ngai a tam teh reng nen.
Report this comment
March 9th, 2011 at 10:58 am
Kei pawn Thenzawl a nghah chu tha ka ti. Engkim Aizawla dah vek mai a diklo hrim hrim. Chubakah Thenzawk hi Mizoram khawpui ber tlaka ram tha ani a. Mister shifu ngaihdan phei chu a dik viau mahse.
NIT dinna tur sum Mizoram sorkar kal tlang lo chu ka duh zawng tak ani. Anni kutah awm se chuan an Farkawn Referral Hospital ah an chantir mai ang.
Report this comment
March 9th, 2011 at 11:03 am
1. Hma an la chak tawk lo tih chu NIT kan neih rualpuite nena kan progress en in a chiang ah ka ngai. National Institute a nia, Mizoram speed aia chaka thiltih theih a duhawm hle. Chu ai maha ka vei zawk chu a buaipuitute lam hian an ngaihsak tawk lo em ni tih hi a ni. A aia pawimawh lo zawk an buaipuiin an aupui rei tawh em mai. Tuna campus hmun sawn hi NIT Mizorama zirte rawtchhuah a ni lo a, tuna an kalna VNIT professor ten an lo bengvar a ni mah mah zawk.
Hemi chungchanga ka biak pakhat chuan, “Lungleiah airport a awm dawn a, train in Thenzawl thleng kal theiha siam tum a ni bawk a, kalna chu a buaithlak lovang”, a ti ve thung. Mahse airport leh rel kawng awm hun chu damrei nghah thil a nih hmel. Ani sawi dan phei chuan NIT te pawh kum 10 plan ang deuh a nia, tuna lo lutte chu an vanduai deuh dawn a nih hmel khawp mai.
2. 250 acres hi a zau tawk lo. Classroom leh office building mai bakah basketball, football, volleyball khelhna te a awm a ngai a, auditorium lian tawk tak neih te pawh a ngai. Mipa hostel leh hmeichhe hostel engemawzat nen, faculty quarters nen. A zim lutuk ang. Kan college kha NIT zingah chuan a zim ber pawl a nia, 222 acres a ni. Tunah hmun a awm tawh loh vangin nasa takin Allahabad hmun remlai an dap mek a. Campus khata awm loh chu class timing ah te, kal velna te a buaithlak duh avangin a tirah lian tawk tak neih ngei ngei a tha.
3. Hei chu ka hre bik lo le.
Aizawl hnaivai tih ah khan Lengpui, Sairang tih velah hmun tha tak te chu nei thei se duhthusam a nia. Tin, placements chungchangah chuan MZU-a engineering leh technical course dang zirlaite pawh hian NIT Mizoram awm chu an chhawr pha turah a ngaih theih. Campus placements atana pawimawh em em chu brand name a nia. Tun dinhmunah chuan MZU hminga sawm ai chuan NIT hminga sawm chuan recruiters tan pawh kal a phurawm turah a ngaih theih a. MZU hminga koh kal theih loh kha NIT hming chuan an rawn kal duh turah te ngai ta ila. An rawn thlen chhoh tak rau rauah chuan MZU zirlai tha te tan chance a awm phah ve thei a ni.
Tin, Mizoram chhunga technical institute engemawzat a awm chuan competition tha tak a siam theih ngei a beiseiawm bawk a. Hei hi Mizoram in kan hlawkpui theih tur tak niin ka hria. Mahse Serchhip hi hotupa constituency a nia, Thenzawl atanga sawnchhuah chu a harsa maithei a ni….
Report this comment
March 9th, 2011 at 11:41 am
1. Mizoram sorkar in hma an la chak tawk lo, Ram tan a tangkai tur a nih avang in, hnim lem te ai chuan ngaipawimawh thei deuh se a tha khawp ang.
Thenzawla engineering college a awm tur chu a tha ka ti tho, mahse Mizoram sorkar hian Medical leh Engineering college din hi chu ngaipawimawh thei se, kan tangkai pui viau in ka ring.
Report this comment
March 9th, 2011 at 12:20 pm
250 acre chu nakin a a thanzel nan a te mah mah dawn!. Faculty quarters tur sakna te nen neuh neuh phei chuan academic purpose atana hmantlak chu 150 acre a tling awrh chauh dawn!. chuvangchuan 500 acre vela zau hi nei ngei thei se a tha viau ang.
Aizwl a sikul tha ah an fate an dah ve duh ngei ngei dawn, chuvangchuan Thenzawl a Campus kan dah chuan, faculty thiam leh tha hi kan attract theilo mai ang tih ka hlau ve mai mai a…
Tin campus hi Aizwl atanga hla lutuk lo a dah duhna hi zirlaite chauh nilo in, VNIT nagpur an faculty i/c te duhdan ani. Faculty te tan chuan an fate lehkha zirtir natur sikul tha te an duh ve ngei anga, Thenzawl vela sikul kaltir chu an chak vakin a rinawmloh!
Report this comment
March 9th, 2011 at 1:55 pm
Aizawl hnaih tih vek pawh hi ani lo tih ziah pawh hi ani lo. Mizoram ta bil liau liau eg: stadium tha, auditorium ropui, etc. te chu nise a theih mai dawn a. Mahse NIT te chu aizawl atanga hla lutuk a a awm chuan a consequences hrang hrang an rawn ziah chhuah tawh atang ringawt pawh khian aizawl hnaiha awm awm ani. Zemabawk, Tanhril, Mel3, selelsih tih vel talah hian awm se duhthusam.
PUC 760 acre anih chuan 250 acre chu a te dawn ngei mai. Batch tinah student 90 an awm dawn nih chuan ME an hawn hun nen phei chuan vawi khatah student 600, an awm anga, worker chi hrang hrang nen, A hmuna awm chilh tur (hostel + quarter) ho nen chuan 1000 an tling thuak ang. 250 acre ah chuan an tawt viau ang
Report this comment
March 9th, 2011 at 1:59 pm
Vai ho duhdan ringawt a NIT Campus Aizawl emaw a hnaivai deuha dah hi a tha ber lovang;anni chuan anmahni bak an inngaihtuah tak tak lo. Bakah, Aizawl leh a chhehvelah hian ram theh tur zua deuh a awm lo hrim hrim ang. Saiha lamah te sawn ADC lamin ram lo theh phal se chuan NIT Campus hi va bun tak a nia ka duh zawk ni.
Report this comment
March 9th, 2011 at 2:23 pm
A hmun rem leh rem loh te ani ve bawk ang chu, zau huau remlo deuh aichuan 250 acre pawh hmun rem deuh leh plan felfai deuh a pawilo. Square kilometer 1 vel ania a zim chhe em em hleinem. Kan campus hi 443 acre ania kan tam viau na in kan thawl nuam tawk khawpmai. Ram awl pawh ala awm teuh.
Aizawl bul hnaia awmlo in district dang hnaih deuhah awm zawk sela tha ka ti.
Report this comment
March 9th, 2011 at 2:59 pm
A hmun chu khawiah pawh awm mah se, campus zau tha tawk awm phawt se. Tin, Aizawl bulhnaia a awm lo a nih chuan guesthouse sakna tur hmun siam ni mai se. Eng hmunah pawh din ni mah se, don hrim hrim phawt ila
Report this comment
March 9th, 2011 at 4:00 pm
PUC hi 240 acre amo kalo tia, 750 ani mo?.a vn lo zau reuh em em ve!.
Aizawl bul hnaiha a awmloh chuan a campus hi zau lehzual a siam angai dawn chiang. Comments hmasa lama an sawi tawh ang khian, nakin ah chuan engineering Dept 6/7 vel anla hawng ngei anga, PG leh Phd nen, faculty te chenna leh an chhehvel sakna tur te nen chuan, 250 chu a zim hle dwn, kan awmna hi 250 acre a zau ania, tunah hian kan chep tawh ltk a, Campus hmun dang te pawh an en mek aniawme, building pawh chhawng 10 te, chhawng 7 te a sak angai!. Chuvangchuan a tlai lutuk hma hian, Campus awmna an sawn hnai theilo anih pawhin a zau zawk tal hichu pek ni thei sela a van tha dawn em.
Tin, kan media ho pawh hian hetiang lam hi an publish tlem mah mah in ka hria.
Report this comment
March 9th, 2011 at 4:12 pm
Mzoram a engineering college kan neih hmasak ber tur a ni a,eiruk tur a awm dawn lo mahse,tha tak chuan buaipui se ava tha ve mawle….
Report this comment
March 9th, 2011 at 5:53 pm
duh ai chuan a hla deuh lo maw aw ka ti aizawl atang chuan..a chhan chu technical inst chu mamawh (technical materials) vel lei tur a hmun dang hla tak tak pan a ngaih te leh lehkhabu leh eng ilolei tur chung changah pawh a buaithlak ve duh khawp ang
mahse a hmun han din fel hnuah chuan heng hi chu a hmun a awm chawp mai turah a ngaih theih tho a
hmanhmawh taka bawhzui thuai a ngai anih hi
All Mizoram technical students’ union ang te, MZP leh MSU te pawhin hma la se a va tha ve aw
sawihona:
Sawiho tur:
1) Mizoram sorkar in NIT a dawnsawn danah leh hma a lak tawh danahhi chuan duh ai chuan hma ala chaklo emaw nichu aw ka ti deuh
2) Ram 250 acre a zau hi chu zau ve tho mahse a zau lo thua ang..thawktu chenna, class room, auditorium, khelmual, worshop, hostel etc nen chuan a zau tawk lem lo ang
3) Mizoram Govt hian NIT fund an kut a kaltlang lo tur anih avangin a buaipui phur vaklo ani thei mai em?tih ah hi chuan an ngaihthah vang zawk a ang ka ti.
an fate tunah miozram NIT a kal awmse Nagpur a tirh liam reng ai chuan hma an la chak ngei ang le
Report this comment
March 9th, 2011 at 8:36 pm
a va zim ve,a thang ve xel tur ah han ngai ila nakin after 10 yrs vel ah chuan kan buai chhe der mai ang,engkim ngaihtuah in aizawla a awm chu a hlawk zawk ang a lo pan tu te tan poh city hlat a awm hi a tha ka lo ve mai2, tunah iit guwahati te poh a developed in dept thar an dah belh reng a an ram zau ltk te poh kha awl a awm tawh mang hlei nem. thil thui tak thirin a au lam a tha tin azl a awm poh a tha zawk in ka hria laboratory te han bun dawn se hla ltk ah te kha chuan a expensive awm…. mi lab aia chhia kan nei palh ang tih a hlauh awm lawm hehe….. bak ah seat kan thlan dawn reng2 in hla ltk leh city hlat hi chu kan first choice a ni ngai lo hrim2
Report this comment
March 9th, 2011 at 8:55 pm
tunah hian batch khat ah student 90 an awm a,kumtin student hi an pung dawn…
1. a ngaihsak lo hle..Mizoram sorkarin a dawnsawn danah hian lawmna tur a awm hlawl lo….
2. Acre 250 chu zau tawk lo hle…NIT Agartala ah hian ka zir mek a campus hi 500 acres ai hi chuan a zau daih an la pek belh dawn bawkin ka hria
3.Eiruk tur an nei thei lo tur hi chuan a tiphur lo hle a nih ka ring….
Report this comment
March 10th, 2011 at 12:01 am
Ngaihsak tawk lo. Keini ang hawiharhlo phei chuan kan lo hre reng reng hleinem. Kan lo bengvar phah a, a lawmawm e, post leh comment te.
Report this comment
March 10th, 2011 at 12:37 am
In va sawi ngaihnawm hlawm ve aw… Sawi tur pawh ka hre tawh hlei nem.. MZU ala pet ve ngawt ang tih hi kalo sawi ve lawk..hehehehe… Ka nghak hlel khawp mai. Ram tan a tangkai dawn si a. Han zo vat vat teh se.
Report this comment
March 10th, 2011 at 11:00 am
NIT campus hi airport emaw rail station emaw atangin km chuti zat chhungah a awm tur tih ziak a ni em aw? Ka hre chiang lo.
Report this comment
March 10th, 2011 at 6:05 pm
nit puitling leh changtlung taka thanglian tur anih chuan khawpui emaw airport (lengpui/lengte chhehvel)hnaih deuh emaw ah nithei se keini nit mizoram students te chuan kan ti khawpmaia..a la tlailoanih chuan hmalak dan kawng kan zawng mek…heta an professor in charge in advice min pek leh kan sawihona atang chuan thil thenkhat chu kan sorkar?? hian a ngaihtuah kim chiahlo emaw chu aw..hmanhmawh chu atha mase faculty leh facilities kimchang leh mumal tello a han in bun chhoh rum rum ringawt mai chu a phur awmloh ngawtang..hetiang chhan avang hian..students thenkhat (a then chu mizo ngei) nit mizoram chhuahsan an awm nual ania..
Report this comment
March 11th, 2011 at 2:54 am
Hmeichhe riltamin chawbel an len a,mipa riltam chuan thlawhhma an zauh thin kan pipute khan an lo ti thin a; zirna atan pawh hian a zirna in chang tilian lo vin a campus pawh hi an zauh ve tho dawn lo’m ni? mahse hmunhma rem chuang si lova fahrah puanhlai viau ringawt kha chu a fuh ber chuang lovang a. Tunah hian NIT Warangalah ka khualpang zin mai mai a; an campus area hi 250 acres vel a nia, phairama awm tih takah a hmunhma hi a rem tha khawp mai a, mahse a hmun hian a zo lo mah mah tawh hial reng a ni. Mizoram angah ngat phei hi chuan a hmunhma zau tha hek hawk a nih loh phei chuan a zauh leh mai mai theih awm si lo va,nakin lawkah an in-ek-beng chiam ang tih a hlauhawm a lawm le.. thir pawh a sat laia den loh chuan awmzia a nei thei tak tak tawh lo va, chuvang chuan kan ram hruaitute pawh hian a siam that theih lai hian bengsikin ngaihtuah tha leh se la a tha khawp ang.. se bo hnu-a se-kawng khar chuan awmzia a nei mawh viau a nia..
Report this comment
March 11th, 2011 at 10:47 am
Tuna ram an ruahman hi chu a zau tawk lo deuh ang ka ring. Tin Shifu a sawi ang khan, engineering college neih chuan placements tha kha a pawimawh deuh ber dawn a, chumi atan chuan faculty tha leh student tha kan neih angai. Faculty tha hi IIT velah pawh tunlai an vang tawha ( shortage- 30-50% capacity). Aizawl hnaih theih ang ber a neih chu duhthusam chu nia, a chhan chu recruiters te hi an buai thei em avangin ni 1-2 vel aia tam hun an pe hman mang lovang, tin, faculty tan an fate zirna ngaihtuah tel angai. Eng pawh nise infrastructure lamah hma kan sawn zel turah ngai phawt ila, Railway Budget ah pawh NE state capital zawng zawng rail a link vek an tum kha
Report this comment
March 11th, 2011 at 12:27 pm
technical zirna ngaipawimawh a rwn response tu te zawng zawng in ti lawmawm ltk e… Duh duh huna neih leh siam theih an nihloh avangin kan neihchhun tur hichu a tha thei ang ber neih kan tum hi a tha ani… Ram tana pawimawh Engg college te, medical college tehi kan Politician ten din tum angin an insawina a rei ve ta a, mahse a taka hmuhtur vawin thlengin ala awm silo a, chuvangchuan mi thahnemngaite hian ‘voice’ kan neih a ngai ta hle in ka hria.
Lammuala grass phah ai chuan thang leh tharte leh kan ram ngei hian ala chhawr tangkai zawk dawn si a…
Report this comment
April 20th, 2011 at 8:55 pm
Advertisment for Recruitment in NIT, Mizoram
https://vnit.ac.in/index.php/advertisment.html
Report this comment