«
»

PA vrs PASAL

March 13th, 2011 9:30 am by Msi

Tunge ka hmangaih zawk ang le? Pasal neih hun tawh ang kum nih hnu a la neih chak loh tlat hi chuan…heng te hian ngaihtuahna zuk luah theih a.

Duh zawng deuh neih chuan inneih te hi a chakawm thei khawp anga, mahse duh zawng nei chung pawh hian ‘PASAL’ neih hi ka la chak ngai meuh lo..khawvel hi nuam ka ti lutuk ta nge pawh ka hre lo e. Mahse tunlai chu pasal neih ka duh rum rum..ka ‘PA’ vang hian. Pa neih nih chu vannei ka inti..’PA’ zawng zawng ah ka ‘PA’ hi ka chhuang ber awm e. Mahse..a taima lutuk leh a thluak ka tawmpui lo hi chuan ka vanneihna mi theihnghilh tir thei dawn dawn thin a nih hi.

Zirlai kan buaipui a, rilru khat tanin kan awm a, chutah inah kan haw a, eng eng emaw rilru kap tawk alo awm ve leh a..’NULA’ hian mipa ngaihtuah miahlo pawn rilru khat tan hian hun ka hmang ve thei khawp mai. Hahchawlh hun hi ka zawng rilru ve reng ania.

Tul zual kan tifel a, reilo te chawl lawk ang kan tia, kan han thu chiah a..’PA’ ber alo haw a. Kawngkhar a dai luh rual rualin tihtur neilo an nih hi tih melh a mi melh pah hian ‘chu chu han ti teh’ an ti nghal zat mai zel hi chu aw…’Va lawmawm tak’ tih chu har talh tawh thin. Taksa chak loh zual chang phei chuan…PASAL neih vat hi a chakawm rum rum thei a nih chu.

Heti em em a thatchhiat a, ‘PA’ te tirh han nin chu zahthlak khawp mai, NULA tan ngat phei chuan..hmuh zawhlohna tham. Nin(g) viau chang nei mah ila ka ngaina a, Huat chang pawh awm mahse ka ngaisang a, PASAL neih san daih duh chang nei mah ila ka hmangaih tho ka PA hi.

Chhiartute zing ah PA i awm chuan i fate tan tunge i nih a? PASAL i awm a nih chuan i nupui tan tunge i nih a? NULA i awm a nih chuan eng vangin nge PASAL neih i duh a? NU i awm a nih chuan eng vangin nge PASAL i neih? tih zawhna hi ka zawt a che…

Similar Posts:

Recent Posts:

This entry was posted on Sunday, March 13th, 2011 at 9:30 am and is filed under Whatever. You can follow any responses to this entry through the RSS 2.0 feed. You can leave a response, or trackback from your own site.

43 Responses to “PA vrs PASAL”

  1. 1
    Lersia Says:
    March 13th, 2011 at 9:39 am

    a tha 1 e.

    Report this comment

  2. 2
    Comebackkid Says:
    March 13th, 2011 at 9:47 am

    ka inchhut chiang a ka tling lo hle mai. hei hi ka hmuchuak ka fate tan Pa ka ni a, ka nupui tan Pasal, ka Pa tan fapa :-D

    Report this comment

  3. 3
    ReMpY_ScisSoR Says:
    March 13th, 2011 at 9:50 am

    Ziak nawi ngaihnom.. :D
    Pa te ai chuan Pasal te hian hna min siam hnem zok long mo?

    Report this comment

  4. 4
    me_myself_n_I Says:
    March 13th, 2011 at 9:59 am

    Thuziak i thiam hle mai…..Captivating..!!…. ziak chhunzawm zel rawh…

    Report this comment

  5. 5
    TuaiSialA Says:
    March 13th, 2011 at 10:09 am

    #2 :O ;-)
    A.. Ka thiam lo a ni.

    Report this comment

  6. 6
    Lersia Says:
    March 13th, 2011 at 10:16 am

    @msi, chu phone number in pe chawt ila kan sawi rem mai dawn em niang. Tak taka i ziak tha khawpmai a thu a tluangtlam bawk sia.

    Mihring kalpuhng ah nupui pasal neih hi tihmakmawh a ni a, ka in chawm thei tih vanga pasal neih loh tehi at na chikhat ni in a lang. Chhan tha tak vang nilova nula senior nih ve ringawt tehi hmanlai chuan thil zahthlak tak ani. Tin, thunun theih ran pasal zawn tum ho hi an lengrei duh tlangpui. :-D

    Report this comment

  7. 7
    K9 Says:
    March 13th, 2011 at 10:18 am

    Senior toh lutuk a niang :-D
    OT loks, tukin khan Pu Tuaia ( Mizo hranghlui) kha a chenna in Lunglei, Chanmari ah a boral.

    Report this comment

  8. 8
    awmawmpuia Says:
    March 13th, 2011 at 10:21 am

    Pa ka ni, mahse i zawhna hi ka faten chhang ta sela a dik zawkin ka ring deuh a. ‘Mi in tunge ani mi tih?’ tih ziak ang khan.

    Report this comment

  9. 9
    kawlnicolney Says:
    March 13th, 2011 at 10:37 am

    inkhawm taimak hi har ka va ti kher mai ve mole….tul ve thin bawk si

    Report this comment

  10. 10
    H.Vangchhia Says:
    March 13th, 2011 at 10:51 am

    Pathian in Adama leh Evi a siam a, (Adam and Steve a siamlo) chi thlah chhawng turin a duh anih kha. Hmeichhia a siam chhan pawh kha mipa khawhar hnemah :D

    Abrahama kha Pathian in mi tamtak pa ni turin mal a sawm anih kha (Genesis 17:1-15)

    Pathian hian mipa leh hmeichhia te hi thianghlim taka amah hre renga in ngaizawnga, nupa a insiam a, chhungkaw din turin min duh niin alang. Chi thlahchhawng theia kan piang te hi malsawmna anih hriat a tha awm e. :)
    Ka fate tan hian tlinlohna tam tak nei thin mah ila, patling nih ka tum ve ngar2., ahar khawp mai.

    Report this comment

  11. 11
    covenanter Says:
    March 13th, 2011 at 10:59 am

    Ziaktha khawp mai,mihringte hi kan hrisel na inchenloh avang hian,inhriatthiamna thui tak kan neih a pawimawh ang. Thachhiatna hi natna chikhat ani an lo ti a,natna reng reng chu a lo lanchhuah hian tihdam dan kan ngaihtuah thin,chutiang deuh chuan rilru siamfel thin ila tha awm e….

    ‘PASAL’ tih tawngkam hi thumal 2 PA tih leh SAL tih a tang lo chhuak ani mai thei,han ngihtuah chuan tawngkam mawi tak chu ani lo reng a.Amaherawh chu Bible zirtirna atang chuan pasalte hnena intulut tur in a ti anih kha…….

    Thu pakhat ka’n zep tel lawk,HMEICHHIA tih tawngkam hi tunlai ah helh tak tak an tam a an sawidan a inang lo thluah mai ani.A tawngkam hi Tiau lui kan hma deuh a an phuah chhuah niin a lang.A chhan lo sawi ta ila,kan unau paite,lai,mara,etc tih ho zawng zawng hian MINU tih lam hawi vekin an la ko tlat ani.Hetiang hi nimahse tawng hi chu kan hman dan a zir ani,hnunglama kir leh a MINU tih hman leh tur tihna a nilo,tawngthar a piang a kan hmang animai a pawina a awmlo.Sap ho leh hnamdang pawh hian tawngkam nalh vaklo chhawmtel chu an nei ve nual awm e.Amaherawhchu a hlui zawng zawng kan hluihlawn tur a ni kherlo kan vawngtha zawk tur ani ang…………..

    Report this comment

  12. 12
    ThaiBoy Says:
    March 13th, 2011 at 11:35 am

    Thaibawi ka ni tawp mai :)

    Report this comment

  13. 13
    shailendra Says:
    March 13th, 2011 at 11:57 am

    Pasal kan neih tir mai dawn em ni? Hawh u, i ngaihtuah tlang ang u… :-$

    Report this comment

  14. 14
    van damme Says:
    March 13th, 2011 at 12:40 pm

    @Ms,pasal nei tawh mai rawh,a hun ve tawh viau a ni. :-) khi Lersia se chi tha pawh a inpeih reng a nia. :-P

    Report this comment

  15. 15
    TuaiSialA Says:
    March 13th, 2011 at 12:45 pm

    @Covenanter: Dawt sawi suh!

    Report this comment

  16. 16
    Mawia Pachuau Says:
    March 13th, 2011 at 1:15 pm

    Tlangval tihtur lam zawhna min siam hauh lo mai a..hehehehe

    Report this comment

  17. 17
    covenanter Says:
    March 13th, 2011 at 1:47 pm

    @15 thatchhiatna hi damlohna chikhat ani tih chu kan subject ni lo mah se psycho ho tan chuan an pawm viau in a rinawm…sigmund freud a sawidan in….

    MINU,CHANO tih ho zawng zawng hi minu tih na chua ningei mai,amaherawh chu tawngkam hlui ang a kan ngaih a tha zawk awm e…ka ti mai mai anih kha….tunah chuan tumah in hmeichhia tih hi tawngkam chhia ah kan hmanloh hi…..

    Report this comment

  18. 18
    marilyn morde Says:
    March 13th, 2011 at 2:46 pm

    pasal neih chu tih mai mai chi loh i pa ai khan lo khirhin lo phunchiar tase????????????hlep hlang ani mai,mipachu rei tak chhung zia n thup thei tih hi hriat phit atha ka va ti em

    Report this comment

  19. 19
    TuaiSialA Says:
    March 13th, 2011 at 3:54 pm

    Minu tih hi tunhmaa an lo tih ngai reng reng ka hre lo. Tun hnua ‘hmeichhia’ tih duh lote’n an rawn sawichhuah mai mai niin ka lo hre zawk a. Hmeichhia hi Paite tawng chuan ‘minu’ ni lovin ‘numei’ a ni e. ‘Minu’ tih hian a awmzia a hrang daih a, mi nupui tihna a ni. Chuvang mai mai mawle.. :-

    Report this comment

  20. 20
    TuaiSialA Says:
    March 13th, 2011 at 3:56 pm

    Minu tih hi tunhmaa an lo tih ngai reng reng ka hre lo. Tun hnua ‘hmeichhia’ tih duh lote’n an rawn sawichhuah mai mai niin ka lo hre zawk a. Hmeichhia hi Paite tawng chuan ‘minu’ ni lovin ‘numei’ a ni e. ‘Minu’ tih hian a awmzia a hrang daih a, mi nupui tihna a ni. Chuvang mai mai mawle.. :-D

    Pasal neih hi khap se, nupui neih hi khap si lo se!

    Report this comment

  21. 21
    sparta Says:
    March 13th, 2011 at 6:25 pm

    Duh zong deuh hmuhte chuan pasal/nupui neih a chak awm hliah hliah zawk ngawt in nia ka rin ni. Duhthu an sam chiah trin loh vang ni ang. Hei kei poh inneih ka rawt sek toh mai nia… (H) :-)

    Report this comment

  22. 22
    Asteric Says:
    March 13th, 2011 at 8:04 pm

    Tlawm hreh tak si hian ‘Tlawmna’ hi ka ngaisang viau maia, chutiangin hmeichhia te hi tlawm em em tur hian ka duh ve tawp mai bawka. Nupui te ngat phei chu tlawm viau sela duat em em mai bawk ila…eh :-) (F)

    Report this comment

  23. 23
    Ozima Says:
    March 13th, 2011 at 8:27 pm

    @ReMpY_ScisSoR #3 nupa nih hnu a in buaipuite chu la zia a lawm. Mipate chuan inngaihzawnlai atangin buai char char….. khawi ilo vah chhuahnaah nise bill petu nih ngai a. (W)

    Report this comment

  24. 24
    zodaifim Says:
    March 13th, 2011 at 8:38 pm

    Ziak tha khawp mai..A Pathian thu lam ah hi chuan Hv khi katawmpuia a Ngaihdan ang khian..Hebrai tawng chuan tlangval hi bakhur(duhthlangthei)an ti a.Pasal /pa tih hi chu Av/Aba an ti thung..A awmzi chu tv chu pa a nih lai chuan a duh duh in a awm thei a.Nupui fanau a neih hnu chuan a family tan chhiahhloh alo nita ani..Pasal han tih nen hian a inrem viau in ka hria..Tin,a ziaktunu hi thurawn ka pek ve mai mai duh che chu he khovelah hian engmah hi kumhlun thil a awm lo ang hian engkimah hian risk lak ngam angai ani.Nupui/pasal neih kongah poh hian risk lam ngam loh chuan nupui pasal tur atan hian inhrechiang viau mah ila a thalo lam lo thleng thei zonga ngaihtuah chuan a ngam om tak tak chuang loh ani bikin hmeichhe tan chuan mipa tan poh nive tho bok mai roh se..hehe..Chuvang chuan kan hma huntur hi a engzawnga thlir thiam hram2 a bible in mihring famkim alo tihna niboksi nen nupui/pasal neih chu thil tha top khok anih chu..Min rawn mail zauh roh..ka lo tanpui ang che..hehe (F)(F)(T) :-P

    Report this comment

  25. 25
    ReMpY_ScisSoR Says:
    March 13th, 2011 at 8:45 pm

    @ozim, haha..nya tiro.. Partner ten bill an pek poh hian lo din mawl top loh tur ania, counter thlen phei lai vel cuan kun in mahni kawr vel hi beng fai der zeih ilang, poisa an phorh chiah tihah mahni purse han ban der ve zeis tur…i’l pay, i’l pay, an ti chul toh my ni.. ahihihi :-P
    ‘attempt’ hrim2 kha a polite..

    Report this comment

  26. 26
    Ozima Says:
    March 13th, 2011 at 9:00 pm

    #25 khawro deuh lai chuan nula II kan hmutai zawk mai dawn lawm le!!

    Report this comment

  27. 27
    ReMpY_ScisSoR Says:
    March 13th, 2011 at 9:17 pm

    #26, nula II zunah i uai hnop2 duh hmel reuh.. (W) :P

    Report this comment

  28. 28
    H.Vangchhia Says:
    March 13th, 2011 at 9:25 pm

    Bangalore feminist influence kan awm elaw #11. Bullshit

    Report this comment

  29. 29
    Saitawk Says:
    March 13th, 2011 at 9:36 pm

    Pa ni ve lem si, Sal(Slave) ni nghal bawk hi an awm ve nual a nia! :-D

    Nupui/Pasal inneih hi chu a tlangpui in a huphurhawmna hi a chakawmna aiin a sang hretin ka hria.

    Report this comment

  30. 30
    Benny Says:
    March 13th, 2011 at 9:42 pm

    PA nih mai hi chu a har em em lova, patling, pa tha, pa nih tling, kawng engkima PA nih erawh a har khawp mai!

    Report this comment

  31. 31
    muantea Says:
    March 13th, 2011 at 9:52 pm

    Pa nih hi a har lova, Patlin hi a har chang a tam khawp mai. Chutiang bawkin Puitling nih hi chu kumin a hril maia, puitlin erawh a va har thin em!

    Report this comment

  32. 32
    muantea Says:
    March 13th, 2011 at 9:53 pm

    #30 chu :-( Phungin ka sawi tur min sawi khalh :-D

    Report this comment

  33. 33
    Saitawk Says:
    March 13th, 2011 at 10:02 pm

    @muante, Pa nih hrim hrim pawh hi harsat riau an (kan) awm mai thei a sin! i awlsam bik vang mai a!! :tlanchhe pah: :-) :-D

    Report this comment

  34. 34
    Benny Says:
    March 13th, 2011 at 10:09 pm

    #32 a hnuhnung phungin seh.

    Report this comment

  35. 35
    Benny Says:
    March 13th, 2011 at 10:12 pm

    34 edited. #33 a hnuhnung hnung phungin seh.

    Report this comment

  36. 36
    shailendra Says:
    March 13th, 2011 at 10:20 pm

    Ka hmelhriat pakhat chuan a nupui WT hmangin a ‘ma’ tawh. Ani hmun hranah a awm a. (Internet leh Mobile phones, etc awm hma khan…)

    Report this comment

  37. 37
    Saitawk Says:
    March 13th, 2011 at 10:21 pm

    @Benny, tlanchhe pahlo te chuan ka ngam teuhlo mai… ;-)

    Report this comment

  38. 38
    Benny Says:
    March 13th, 2011 at 10:37 pm

    @ Saitawk, tlanchhiat deuh dui duite, bihruk deuh zuk zukte a awl duh fu ni!

    Report this comment

  39. 39
    muantea Says:
    March 13th, 2011 at 10:54 pm

    Benny, thla tawp lam chu Kolasib lamah PASAL la nei chhin ngai reng reng lo, Davida team hotunu, Zoni kan tlawh lawk dawn em niang?

    Report this comment

  40. 40
    Benny Says:
    March 14th, 2011 at 6:25 am

    Muante, a chakawm khawp mai, mahse, heti hi ka ni mai si a. July first week-ah ka rawn chhuak thei dawn chauh si! I tlawh theih chuan min lo kep rih phawt mai.,

    Report this comment

  41. 41
    H.Vangchhia Says:
    March 14th, 2011 at 6:31 am

    #39 “pasal la nei chhin nai reng2 lo,” neih chhin an lo awm thin tawh aniang maw hairehai ;-) :tlanchhe daih teh ang : :D

    Report this comment

  42. 42
    Maisek Says:
    March 14th, 2011 at 1:00 pm

    Kan inhmangaih vang leh Pathian duh dan anih avanga innei kan ni e!

    Report this comment

  43. 43
    Msi Says:
    March 15th, 2011 at 8:24 pm

    In chhiar hrim hrim vangin ka lawm e. #42 ang hi nih ngei ka duh khawp mai. Rawtna tha tak tak mi pekna zarah ka fing ta sawt mai. Lersia te, Van Damme te, Zodaifim te leh midang te pawh..lo zam suh u..mipa ti zat in awm lawm le…ka nei ve em em ang..a hun te ah…..hahahaaa…

    Report this comment

Leave a Reply

You must be logged in to post a comment.