Archive for March, 2011

Kum engzat kan nihin nge mihring ten upa tana kan inngaih?!

Tuesday, March 29th, 2011

Tukin zing dar 4:30 ka hnathawk tur kalkawnga radioa ka ngaihthlak kan google chhuak a…!

Zirna tharin a chhui chhuah danin, hmeichhia kum 29 tling chin te hian a tlangpui thuin upa tânah an inngai niin an hmu a , mipa te erawh chuan kum 58 an tlinin upa tanah an inngai niin an zirna atang chuan an hmu a ni.

Zirna in a hmuh dan chuan hmeichhia te hian an sam tuak an hmuh tan atang hian upa tan niin an inngai tlangpui. Mipa te erawh chu an hrisel dan a zirin (khum lamah etc) an inngai upa hmain an inngai naupang mai niin an zirna atang chuan an hmu. Lancaster University a thawk, psychologist Professor Cary Cooper chuan, mihring nunphungah hian, hmeichhia te tan mi hip theihna, chûai neih hi a pawimawh em em laiin mipa tan chuan a tul lemlo niin a sawi.

“While majority of men are career oriented – they don’t feel old until they’ve reached retirement age.”

Source: https://bossip.com/361766/get-the-ben-gay-study-shows-women-start-feeling-old-at-29-30346/#

Posted in Health, Information, Lifestyle | 32 Comments »

LADC Budget Session ah Budget atan Nuai 6472.96 pharh

Tuesday, March 29th, 2011

Lai Autonomous District Council Budget Session neih mekah Chief Executive Member Pu C. Ngunlianchunga, Finance Department changtu ni bawk chuan Lawngtlai a LADC Session Hall ah kumin Budget atan Cheng Nuai 6472.96 chu House a sawiho turin a pharh.

LADC Lawngtlai

BE hi Plan Sector ah Rs. 1540 Lakhs niin, Non-Plan Sector ah Rs. 4847.96 Lakhs ani a, hei bakah hian Revenue Collection atangin Cheng Nuai 85 ani bawk. Budget hi sawiho anih hnu ah April 1, 2011 khian Vote hmangin pass tura ruahman ani. BE a Annual Plan Rs 1540 Lakhs hi nikum ang bawkin angai anga siam ani a, hei hi State Sorkar atanga Sectoral Allocation ala fel loh vang niin CEM chuan a sawi a, tihfel anih hunah chuan hei ai hian a punbelh ngei a beisei thu a sawi bawk. LADC Budget Session hi 25th March 2011 atanga 1st April, 2011 thleng awh tura duan a ni.

(more…)

Posted in Information, Pictures | 48 Comments »

Putar vang em ni?

Tuesday, March 29th, 2011

Lunglên châng hian thumâwi tak hmanga lunglên biahthu puanchhuah ka châk fo thin. Zanmû chhing lo va lâikhuma ka zâl laite hian sulhnu hlûi dâwnkirin mitthlain ka fang nawn fo thin. Mahse, hmâna kan lênna hmunhlui leh nunhlui zawng kha dinthar leh theih hian ka ring si lo.

Romei bâwm tlâng te mahin inngaizawng tawhte tân an nunhlui a hriatchhuahtir thin a nih chuan, engvangin nge tukloh ram dur khup te; chûl ram thing riap te; thangvan mawitu chhawrthlapui leh siâr te; pheilai chhepa an hrût dun hnu lamtluang leh biahthu di an hril dunna hmunhlui te; hla taka sirva thlawk delh delh te; zothlifim thaw heuh heuhte pawhin nunhlui min hriatchhuahtir bik loh lêm ang ni?

Hlimthlabu(Photo Album) en châng te; hmangaih lehkhathawn(Love Letter) leh Card hlui en châng te; tuemaw hnen atanga di hluite chanchin hriat chângte leh, khawvela kan hmuh leh hriat theih thildangte hian nunhlui chu min va chhuikir tir ngun tak êm!

Kum sawm chauh la liam mah se, ka tân chuan nunhlui ngaihawm a ni tlat si.

(more…)

Posted in Fiction | 23 Comments »

Tunge Mizo ni ber ang?

Tuesday, March 29th, 2011

Contri tih post a ka comment tlem a ka sawi tawh ang in Mizo tih tawngkam tih bo /tih famkim nan lushai tih bo rawtna hi kan ram hruaitu (Minister) pakhat in a sawi tlat in ka hria…
ka chiang ta lo tlat min lo ngaidam ula a source min lo zawn pui teh u… chanchinbu ah ngei ka hmu a ni

Ka ngaihtuahna a awm chu… Mi pakhat chuan “Lakher i ni em” tiin mi pakhat dang a zawt a… A ni chuan, ‘ Aih ni lo, mizo ka ni’, a ti a. Hei hian mizo ka ni tih hian lakher ho chu mizo an nilo tih a kawk em tih hi a ni. Chuvangin, MIZO tih hnuai ah hian, Pawi (Lai) te, Lakher (Mara) te, hmar, paite, Lusei, tlanglau, bawm etc te hi awm ila… a chunga zawhna khi tu pawh in tawk se.

“Aih, Mizo ka ni” ti se, a zawt tu chuan ‘Mizo ah chuan eng hnam nge i nih?’ a ti anga….Lusei/pawi/lakher/….etc ka ni ti se… Mizo hnuai a hnam hrang2 te hi kan lungrual thei ngei ang tih ka ring tlat a ni. Tuna kan minister pakhat rawtna ang hi chuan MIZO min thren darh tu lian ber a nih theih ka ring a ni bakah tun dinhmun a mi thren khat mizo a in submit thei lo tam ber te pawh hi a chunga ka sawi ang hian MIZO tih hian a hnuai ah hnam hrang dang (mizo tih bik awm lo) nei ta se, kan/an hmin theih ka ring tlat a ni.

(more…)

Posted in Whatever | 197 Comments »

Pafa intipalh, fapa zawk thi

Tuesday, March 29th, 2011

Nimin  zing dar 7 vel khan Zemabawk Vengthar-ah pafa intipalhin, Lalrinthanga chuan a fapa Liansangzuala (14) chu chemte-in a hnute veilam bulah a thehfuh palh a, hemi hnu rei vak lovah Liansangzuala hi a hliam tuar lovin a thi nghal nia thu dawn a ni.

Police-te sawi danin Lalrinthanga hi a nupui leh a fate nen feh tumin bahkhawr lakna tur chemte a tat a, hetihlai hian a fate pali chu an infiam an bengchhen deuh avangin bengchheng tawh lo turin zilh pahin a chem ken lai chu an fate awmna lamah hian a theh a, hei hian Liansangzuala hi a fuh ta hlauh a ni. Ruang hi postmortem nghal a ni a, vawiin khan vui nghal a ni.

via Zozamtimes

Posted in News | 44 Comments »

Funny back stage performers

Tuesday, March 29th, 2011

Function pakhatah YFC te chuan Chanmari YMA hall-ah Drama kan chang a, kan drama chan zawh hlim hlawl, kan inthlak kim hma chuan F. Laldinmawii hi a rawn zai a….. Back Stage-ah chuan tu dang awm hek lo, kan han lam tak tak maia aw.. a nuam ve phian…nangni pawh a hmunah chuan awm ve ula in funny ve tho ang…hahahahaha

Posted in HAHAHA | 22 Comments »

Ka ngaihtuah mai mai a..

Tuesday, March 29th, 2011

Mizoten kan hnam hming phuah dan leh ziah dan hi i ngaihtuah ve mai mai thin em. Hmanni chu kan thian pakhat nen hian hnam hming ziah dan leh hming phuah dan chungchang hi kan hriat dan leh ngaihdan ve ve hmangin kan in hnial chiam mai a. Ani chuan hnam hming ziah dan chu a pu tu kha mizo anih phawt chuan eng ang pawhin lo ziak kual se a pawi na a awm chuang lo.

Zalenna an nei a kan sawisel theih pakhatmah a awm hlei nem a ti tlat mai a. Kei lah mahni tanna lamah chuan lo tang tlat mai chi ka lo ni ve a. Zalenna an neih na ah chuan ka chiang khawp mai, mahse chutiang zalenna an neih chu hetiang thilah hi chuan hman a remchan lohna a awm thu ka hrilh ve nasa mai a.

Hetiang chungchangah hian inhnialna tam tak a awm thei ang. I ngaihdan anih leh nih loh chu ka hre lo a, ka ngaihdan leh dik nia ka hriat dan ka han tarlang ve lawk ang e. Lehkha kan zir lai (ti ve tawp mai ang) a kan zirlai pakhatah chuan ziaktu pakhat hian a hnam hmingah ‘Colney’ tih hi a hmang a. Mizo zirlai zawng zawng chuan ‘Kawlni’ a tihna ah kan ngai mai a,kan hrethiam mai a ni. Ka thian hnamdang pakhat chuan chu hming chu mizo hnam hming ani lo ang a ti ve mauh mai thung a.

(more…)

Posted in Mizo Society & Culture | 33 Comments »

Maryland leh Virginia state ah radioactivity hmuh a ni!

Tuesday, March 29th, 2011

Maryland leh Virginia state chhunga ruahtui ahte chuan radioactivity tlem azawng hmuh annih thu puan a ni. Heng radioactivity te hi hmuh ni mahsela, mihring tana hlauhawm tham niin hriat a ni hrihlo tih Environmental Protection Agency leh Centers for Disease Control chuan an sawi.

Department of Health and Mental Hygiene Secretary Dr. Joshua M. Sharfstein chuan a hranpain uluk lehzuala enchhinna an neih thu a sawi bawk a ni. Tuiherhhawn ami tui te chu in atan an la him laiin, ruahtui lakah erawh fimkhur turin mipui an chah hlawm.

Mizoram/India hi Maryland leh Virginia te ai hian Japan atangin hnai zawk fe ani si a, enge kan an ve ang aw. Hetiang radiation/radioactivity lo thlithlaina hmanrua hi kan nei ve em, a rintlak tawk em, tih thlengin ngaihtuahna a kal ve thei ta tlat mai. Kan tlan ber lah ruahtui ani bawk si! Maryland atanga Tokyo hlat zawng hi KM. 7,773 niin, chutiang a a hlaah ruah tui lakah fimkhur tura mipui an ngen chuan a aia hnaiah phei chuan fimkhur ngai viau lovang maw?

MD/VA thu lakna: https://www.wtop.com/?nid=41&sid=2322970

Posted in Health, Information, News | 27 Comments »

Burma-ah ka zin Part – II

Monday, March 28th, 2011

“Blog” in tih teh fo hi ka nei ve lo a, nupa kar khi thawt thawt khawpa misual.com àtchilh chin lo nih ve tak si-ah chuan, inthlahrung lo phawt mai ang aw! Part – III ah chuan, Kawlpui Damdawi In (Kalaymyo Civil Hospital) vel thlir ho kan tum ang. :)

He thil tè reuh hi Rún chho, kawi-ulh zet maiah a rawn sawt chho ve boh boh a!

Tlgy

(more…)

Posted in Pictures, Travel | 71 Comments »

IIMC Mizoram din turin hmalak zel a ni

Monday, March 28th, 2011

Zirtawpni ni 25 March 2011 tlai khan Indian Institute of Mass Communication (IIMC), New Delhi a Director General Sunil Tandon chuan Mizorama IIMC din tur chungchangah Chief Minister Pu Lal Thanhawla chu a chenna bungalow ah a hmu.

Chief Minister Pu Lal Thanhawla hmalakna leh ngenna angin Union Minister for Information & Broadcasting Pi Ambika Soni chuan Mizorama IIMC din alo phal tawh tihpuitlinna turin tunlai hian New Delhia thuneitu ten chinchang an rawn thlithlai reng a. Chak zawka kalpui anih theih nan Pu Hawla chuan IIMC DG hi a chahchhuak a. Mizorama bul tanna turin mamawh tam tak, office turte, class neihna tur, examna tur leh thil dang tam tak lo ruahmana, tul dang tur reng renga hma lo la turin Pu L.R.Sailo, MIS (Rtd), Press Secretary to CM nilai chu contract basis in IIMC, New Delhi chuan ‘Special Officer’ atan a rawn ruat tawh bawk a ni.

source: https://dipr.mizoram.gov.in/index.php?option=com_content&task=view&id=8839&Itemid=1

Posted in Education | 13 Comments »

« Older Entries
Newer Entries »