Archive for March, 2011

Sazu sa siam dan(recipes) :-P

Sunday, March 27th, 2011

International Rice Research Institute, Phillipines atanga Publication pakhat ka dawnah hian, a chapter pakhatah, ram thenkhat a Sazu sa an siam dan ‘Recipies for rodent culinary delights’ a awm a. Hetiang topic hi hmuh tur a vang khawp in ka hria a, chuvang chuan, duhsak tak in, :-D mi(sual), eirawngbawl lama tui deuh te hriat atan, a tlangpui ka rawn post ve ani e.

Myanmar, Lao PDR leh Indonesia-ah te chuan sazu hmul hi an rawh kawng a, tin, tuiso a thlak in an pawt kawng bawk. Vietnam ho chuan an vun hi an lip thung.

Myanmarah chuan a sa hi chan darh in an kang thin a ni. Lao PDR ho chuan changel kawr a tuam in an ur (stem) a, tin, an barbeque bawk. Vietnam ho pawh hian an ur (stem) thin. Indonesia ho chuan a vun an rawh kawng a, chumi zawhah chuan tlawrh hlap in an rawh leh a, chutah an chhum hma in an roast leh phawt thin.

(more…)

Posted in HAHAHA, Information | 92 Comments »

Oil verh chhuahna khur ka tlawh ve a..

Sunday, March 27th, 2011
YouTube Preview Image

Posted in Movies and Videos | 61 Comments »

Hmasawnna ken tel.

Sunday, March 27th, 2011

Hmasawn tur chuan thil thenkhat chuan a tawrh a ngai si thin.Hei hi Bairabi kawng siam that mek thla a ni e. (more…)

Posted in Mizoram, Pictures | 34 Comments »

KA NU HLA DUHZAWNG…..

Sunday, March 27th, 2011
YouTube Preview Image

He hla hi ka nu in a duh thei em em a ,a hlathu a that bak ah he hla ah hian Pathianin kan tan tha tur a a ruat te hi a tirah chuan a thatna lanchhuah mai loh chang a awm thin tih a tarlang a,mahni darthlalang ah hmang theuh ila tih hi ka duhthusam ani e. Vawiin hi Pathianni a ni a, kan ngaihtuahna te he lam ah i  hmang hram ang u. Hna kan nei a ni thei e, amah pawl nan minute tlem tal chu hmang hram ila a duhawm hle ang.

Posted in Music and lyrics | 20 Comments »

Bag Switcher

Sunday, March 27th, 2011

misual hmeichhe ho tan he post hi ka dedicate e :P

Hmeichhia hi chu in hriat theuh angin bag lian tak kan ak a, kan bag ah hian engkim hi a awm emaw tih maitur te a ni thin. Phone, purse, makeup pouch, chahbi, a chang chuan nihliap, diary, pen chi hrang hrang, tui bottle, face tissues, scarf… a tam mai sawisen vek pawh a ni lo. Kan hun tam zawk hi kan bag chhunga thil zawn nan hian kan hmang reng bawk a. Mi zingah phone a lo ri, bag ah kan zawng hmu zo lo, ringtone kha a bengchheng chi a nih phei chuan a zahthlak in a inthlahrunawm em em thin. Inah kan haw inkhaibawr tawkin, bag ah chahbi kan hmu mai lo, a buaithlak thei hle.

Hetiang buaina hi kan pumpelh nan Mumbai nu pakhat Riddhi Doshi chuan Bag Switcher a siamchhuak ta. Bag Switcher chu engtin nge kan han sawi ang awww… bag chhunga dah chi bag/pouch lianpui a ni a, compartment hrang hrang a awm thlap a, hei a lem hi en ula: (more…)

Posted in Lifestyle | 41 Comments »

Eng{light}

Sunday, March 27th, 2011

Matthaia 5:14-16
“14.Khawvel eng in ni e. Tlang chhipa khaw awm chu thuhruk theih a ni lo.
15.Miin Khawnvar halin hrai hnuaiah an dah ngai lo, a dahnaah an dah zawk thin; tichuan in chhunga mi zawng zawng a en thin. 16.Chutiang bawkin in eng chu mi mit hmuhin eng rawh se, chutichuan in thil tih thatte an hmu ang a, in Pa vana mi an chawimawi thei ang”.

Ringtute chu “ENG” kan nih thu a sawi, khawvel entur kan ni a. Kristian hla bu No.476 chang thumna chuan thenawmte tan eng tur kan ni a ti bawk. Bible-a eng a tih hi engnge ni? Keimahnia Krista nunna awm avanga thatna lo parchhuak thiltih a lo lang hi a ni. Ephesi 2:10 ah pawh “Thil tha ti atan Krista Isuaah chuan siamna awmin ama kut chhuak kan ni si a; chu thil tha tih chu kan awmna turin Pathian in a buatsaih lawk a ni.” Thiltha ti tura chhandam kan nih kha i hrereng ang u.
(more…)

Posted in Opinion, Religion | 23 Comments »

Hla thu diklo

Sunday, March 27th, 2011

He hla hi a nalha; a satu paw’n a thiam khawp mai. Amaherawhchu, a hla thupui ber ‘SHEMA’ tih hi a phuahtu hian Pathian ang hrimin a ngai tlat maia; a diklo a ni. Shema tih hi Hebrai (עיברית) ṭawng ni a; awmpui (abide=שמה) tihna a ni. A thu awmze hriat chuan a ṭhatna a bo vek thei tlat. A phuahtu leh a satu erawh an zahawm viau.

Posted in Movies and Videos | 57 Comments »

TawiNawi-IV

Saturday, March 26th, 2011

* Office pakhatah ka lêng a, office pâwn lam banah chuan ‘Hetah chinai tât suh’ tih hi chinai-in a lo inziak nia mawle..! Office chhûngah ka lût a, bangah chuan ‘No Smoking’ tih a lo awm kalh a, a hnuai dawhkânah chuan ashtray changkâng zet a lo inhûng bawk a!

* Tumkhat chu bus chhûnga ka thut laiin nu pakhat hi a lo lût a, a thu fel chiah tihah a phone a ri ral ral a, a la a. Nakin deuhvah chuan a thinrim deuh nge ni, ring deuh deuhvin a tawng ta vak vak mai a. An inbiak hnu chuan a phun nuah nuah a, “Tawng ring ropui si” a la ti zui a!

* Nikum hmasa lama kan veng thenawm tlangval pawh hi a ti mak ve khawp mai. Ruihtheihthil ti thîn a ni a, a chhûngte pawh a tibuai ve viau thîn a ni âwm e. An zanriah chaw chhumna tur cooker takngial pawh hralh hreh lo khawpa a bâwiha awm tawh a ni.
(more…)

Posted in More than words | 39 Comments »

A ni awm e!

Saturday, March 26th, 2011

Notice

Secretariat thar, sorkar hotu lu ber ber leh officer dang bakah sorkar hnathawk changkang chin fuankawmna tualzawlah chuan ‘ pangpar hi a enkawltu lo chuan khawih loh tur ’ tih hi langsar takah a intâr kalh a, chutiangin khawpui hmun tam takah hetiang lam hawia mipui hraittirna- hetah Chinai tat suh, hetah Chil chhak suh tih te leh ‘hetah daikal suh Zunin a ni’ tih te hi chiang taka tar a la ngai tlat a, bawlhhlawh paih khap thu intarna hmun tam takah bawlhhlawh a vûm thêr thûr bawk a ni.

Luanna mumal a awm loh avanga tuihâwk kawngbovin hmun tam tak a tihmin mek laiin, khawi emaw laiah chuan tuihâwk luankawrah bawlhhlawh kan paih khat tlat a, a ţhen chuan leivûng te pawh kan paih mai hreh lo a ni.

(more…)

Posted in Opinion | 21 Comments »

Zodina_RM ka bihchiang e….

Saturday, March 26th, 2011

Thiam vang reng pawh ni lovin zirtirtute duhsakna vang liau liauin pawl kan han san ve a. A kum lehah chuan hostelah ka han inchhunglut ve rawih a. Tuna ka thurawn ziah tur pawh hi chu ka hostel awmna chanchin chu a ni.

Hostel naupang ka lo nih chuan

Khatia hostela ka han luh chiah kha chuan mimal zalenna thenkhat kha chu rahbeh sak kan ni a. Duh hun huna mu thin kha mut hun a awm a; chhungten chaw thleng nena min nawr tho thin kha vai pathian thawh hmain warden kawngkhar ri hmanga nawrthawh kan ni a. In lama duh duh leia, ei thin kha tunah chuan khang hunlaia kan ei peihloh pawh chilputin kan thlir ta vauh vauh mai.

Tui a vang si a; nikhata bucket pakhat khat mawi tawk vela kan tuidawn chu inthiarnan, hmaiphihnan, hanawhna atan leh insil nana kan han inmanaged thin kha chu eng IIM atang MBA chhuak pawhin an thiam bik lovang tih hi chalkawlha pen fawk tlukin ka chiang!

(more…)

Posted in HAHAHA | 38 Comments »

« Older Entries
Newer Entries »