Mi neinung/milian te:
Milian/neinung chu sum leh pai ngah mai ni lovin, ram leh rohlu dang nei tam/ngah te hi anni. Mipui vantlang aiin rosum lam an ngah zawk a, an neih te hi an inren thiam leh an thawhrim rah ani tlangpui awm e; Mizoram angah chuan rokhawm avanga hausa sa an tam vak kher lovang. Mi inngaitlawm leh biak nuam tak anni chawk!
Mi hausa:
Mi hausa han tih hian rosum ngah lam a kawk tel thin chawk. Ka hmuh ve dan erawh chuan ani em em hran lem lova! Mi hausaa ka ngaih chu mi neinung/rosum ngah lemlo pawh, a neih ang ang midang tanpuinan emaw, khawtlang tan emaw, mahni mai ni lova midang ten kan tawmpui theih te hi an hausa hle niin ka hria.
Mi hausa chu a thilphal a, a hawihhawm a, a zaidam a, mi tanpui duhna rilru a nei a, hah taka a thawhchhuah sa chu ama tan choh a dah hrang lova, inrenthiam viau e tilo chuan tul thilah chuan a uikawm lo hle thin. Hetiang mi te hi an hausa tih loh avan har vele. Anni hi chuan thianghlim taka an thawhchhuah kha midang pawh an tawmpui zawk a ni.
Mi rethei:
Mahni thawhchhuah a lungawi tawk lova beisei belh, a aia tam duhna rilru nei mi hi mi rethei chu a ni dawn lawm ni? Mahni hlawh an duhtawk lova, vervek tak leh mahni hmasial takin ram siamthatna tur thleng pawhin ruk then an hnial lova, thamna (bribery) pawh an la hreh heklo. An pawisa ruk te chu ngah hle mahse, an rilru chhungril a hlim thei tak tak lova, an tawngtai te chu an mahni an inbumna mai a ni si.
Anni ang tan hi chuan, “Nitin kan eikhawp min pe ang che…” kan Lalpa ngeiin tawngtai dan min zirtir te kha an ka chauhin a sawi ve a, an hmuiin Pathian a chawimawi a, an rilru leh an zia erawh chu Rawtuai leh changkha bai pawlh aia kha a ni lawi si. An neih leh thawhchhuah pangaiah an lungawi lova,m an duham em em a, duhamna chuan atih retheih tak em avangin engmah pawisak pawh an nei heklo. Mi aia hausak an tumna leh duhamna chuan mi tenawm leh mi rethei berah a siam zawk si a!
Ramhuai agent:
Heng mi tehi, rethei te nen khian hlawm khat ah dah theih deuh roh anni awm e. Thlemtu chuan a thil dil te hmuh ngei aduh vangin emaw, midang aia hmasa nih a duh em avangin zahpah dawn zo lovin thamna (bribe) pe a a dila chu midang khalh a hreh lo. Hetiang mi te hian mifel pangai pawh kawng dik lovah an hruai thin a, an tawngkam thiamna chuan thil pawilo emawah angaihtir ta fo mai. Anni ang hi ram hmelma, development pawisa eiru tura counselor tha tak, ramhuai agent te ngei chu anni lawm ni?!
Similar Posts:
- Mihausa chu!
- Kawng khat a ni thei mai angem?
- Hlawhtlinna Kalkawng
- Keini Ve Zawng
- Pute u, kan rilru a na thin a sin!
April 1st, 2011 at 7:34 pm
Pu HV post nih manah 1st ve tlat!!. “Ni Thei ang” ti phawt teh ang!!
Report this comment
April 1st, 2011 at 7:35 pm
Ani thei maithei ni
Report this comment
April 1st, 2011 at 7:37 pm
A ni thei khawp ang!
Report this comment
April 1st, 2011 at 7:38 pm
Post tha tak a ni e. Mihausate hi midang mit atang chuan mirethei an nih ve tlat…..tlat maia..
Report this comment
April 1st, 2011 at 7:47 pm
Pu Hv, mi hausa leh rethei i thliar/sawifiah dan chu a dik ngawt mai.
Report this comment
April 1st, 2011 at 7:57 pm
“A ni thei ang em?” tia ziah ni zawk se…
Chanchinbu-a chhuah tlak a nih hi le…
Report this comment
April 1st, 2011 at 8:03 pm
tunlai kawrap ho hi chu ramhuai agent kategawri a mi niawm anni,ramhuai duham chi in a luhkhung tih an inhre silova..
Report this comment
April 1st, 2011 at 8:06 pm
post tha lutuk.hausa thut/hausa ve deuh hlek ang chi hi an chapo duh,biak an hrehawm.office dawr pawh hian in chei deuh hi biak an hrehawm tlangpui
Report this comment
April 1st, 2011 at 8:21 pm
Aryan hi alo hausa der lo anih hi a
Report this comment
April 1st, 2011 at 8:26 pm
A va ni thei ve. A tha khawp mai. Mihausa second para a ‘choh’ khi ‘chauh’ tih tur a ni. ‘au’ hmanna tur a ‘o’ hmang hi kan tam mai a, a dik lo a ni. Tukin Zozam Times a article(a chanchin bu ka hnaih mai loh avangin eng thu nge ka hre ta mai lo)pakhat ziaktu pawh khan ‘au’ hman turah ‘o’ a rawn hmang tlat mai.’o’ hmanna tur erawh a awm.
Report this comment
April 1st, 2011 at 8:29 pm
A ni thei em em ang! Mahse, neih tawk a lungawi em em, mi neih awt bik em em lo, mahni thawhchhuah a ei ve ngawr ngawr, rinawmna leh dikna nen a nun ve tum si, huan lo ramm nei pha si lo, mi hausa zawk te chunga innghahna chin nei lo thei lo te hi eng category ah nge kan dah ve dawn?
Report this comment
April 1st, 2011 at 8:30 pm
Post tha tak niin ka hria. Mahni chantawka lungawi thei reng reng lo te hi an va khawngaihthlak em. Chutihrualin lungawina hi hmasawnna daltu a nih theihna lai chu a awm ve tho mai.
Chuti anih chuan theihtawpa kan beiha kan thlen chinah hian kan lungawi thiam a tul tihna a lo ni.
Report this comment
April 1st, 2011 at 9:13 pm
A dik ka ti khop mai
Report this comment
April 1st, 2011 at 10:14 pm
Mahni chantawk a lungawi em em, mahse midang chan a lungawi thei silo hi eng kategawri a dah tur nge niang
Report this comment
April 1st, 2011 at 10:19 pm
Ni thei e, kan tarmit vuah a zir in.
Philosophy tarmit atang chuan….
Mahni chan a lungawi hi MIHAUSA, mahni chan a lungawilo hi MIRETHEI. Kan duham nachhan pakhat chu kan rilru a retheih vang. Minister eiru inchhekmuk tawh pawh ala eiruk zel chuan a rilru a la rethei reng tihna ani mai.
Report this comment
April 1st, 2011 at 10:40 pm
Ka lo belh ve:
Mi awhawm/hausa/nuamsa: Mi hlim thei, hrisel leh taima bawk si, duhamna tenawm in a thlen ve phakloh, Ni sa hnuaia Herawt ang, ruah sur hnuaia Aite ang ni thei. etc etc
Report this comment
April 1st, 2011 at 10:46 pm
Good post
ka pawm thlap e..
Eiruk hi sap e, vai e, mizo e tupawn eiru thei dinhmunah an din chuan an chak vek..mahse ram changkangah chuan system mumal tak a awm a vangin an eiru ngam lo ani mai!
Hmanni ka article chhiar pakhatah chuan Asia ah India hi eirukah 4-na ani. Tah chuan central politician te aiin regional politician te rinawm loh thu leh government officialte pawh chutiang tho anih thu an ziak..!
Good governance hi kan la hlat em ani e..
Report this comment
April 1st, 2011 at 11:18 pm
A ni thei khawp ang….tha hle mai, a Bible thu raih mai
Report this comment
April 1st, 2011 at 11:52 pm
Report this comment