An inkuah chung chung a, an zuang, an tre chel chul, an van hlim hlawm tak em! Che miahlo a ka ding reng chu ka awm ve tih pawh an hre tawhlo, ka hual velah chuan an pass result lawm chuan an tlan kual vel a, “mate, iva tithra em em!” “awi, ka awihlo zawk” “Lalmami top ten-ah a lang nia!” “hello, hello, nu, ka passss…first ah”, an lawm au ri chu ka bengah a inpawlh nuai nuai mai…engnge ka tih ve dawn? Ka tlankual ve chiam dawn mi le? Ka hawichhuak ngam tawh silo, milim anga ka din rengna result tarchhuahna board hmaah chuan ka kut lehlamin ka sam hmawr ka sik neuh neuh a, lehlam in phone ka hum khur dar dar a, ka chhungte ka call ve ringawt mai dawn..? mahse engnge ka sawi ang..? nu, pa, in fanu chu a vawi hnih nan ka fail leh tawh..ka ti dawn mi, teuh lo lutuk..ka ngam lo..
Muangchangin chulai hmun chu ka kalsan riai riai a, tuma min hmuh phak tawhlohna kawng kawi ka thlen phei hma chuan, tun hun minute 2 tal chu, thil zahthlak tawp ka chungah a thleng tih hi ka haider lui ang a, nui hmel ka pu sang hrih ang..nakin lawk atranga ka chanchin sawi tur leh ka hnunglam atanga min nuih tu tur ho hlim hmel hi, hlim hmel bawkin ka thlah phot angai.
Vawiin hian chiang lehzualin laktlakna nei thlawt loin he ka hringnun hi kum sawmhnih ka lo dampui ve mai mai tawh tih chiang taka hriattir in ka awm. class-I ka nih atang tawhin lawm tlak a tha a pass ka la nei ngai lo, mahse ka nu leh pa chuan min lawmsak hram hram thin.
Florence-i, ka thiannu hi keimah ang bawk a zirna lam harsat ve ania, mahse ani chu a zaithiam a, a sum thawhchhuah in chhungkua a chawm tran der tawh.,kei, a thriannu hian, insawitheihna’n ka hmang thin, tin, ka zaithiam ve lo, kut them thiamna ka neilo a, sumdawng turin ka thluak hian a tlin mawlh bawk lo a, heti hian, min siamtu Pathian chuan min siamchhuak ve tawp mai ni. Engnge laktlakna ka neih ve?
A hmingin kan lang fai ve puak a, hma lam atangin tlangval pawr deuh ten “sia lo we a..” min tia, hnunglam atangin “thra mawl-i” min ti zui hram a. Tichuan a ber a maw in tiin school velah ka lo hawisang ve ta kha a nia. Thufing chuan ” I tawngchhuah hmain ngaihtuah hmasa rawh”, a tia. kei chu ka trawngchhuak hmasa a, ka sawi tawh hnu pawh ka ngaihtuah zui lem hlei lo a. Heti taka ka thawven vang hi niang, thian ka ngah a, ka bula awm nuam an tia, intihtheihnan tak ka lo hmang thin. Tet lai kha chuanin, zirtirtute’n min lainat avangin pawl min sawn tir ve hram hram zel a, mahse theih reng tawh biklo a ni. Hla lyrics, artist lar thar, Movies thar tih te hre thei hle si hi Zirlai a nih chiah hi chuan ka rilru hi a chau thlawt si a nih hi. Zan lama trap treuh khawpa thahnemngaia ka chhiar ve tan tan paw’n, zing ka thawh chuan, bo leh vek tawh.
Naupangchhia ka ni tawhlo a, mi puitling anga chhiar theih kan lo ni ve tran ta a, ka hmalam hi a thim ka ti ve ta hle mai. In lam chu ka hnaih tial tial a, ka ngaihtuahna a kal thui tual tual a, ka rit tak meuh tawh ani.. kawtthler vela mahni tranghma ngaihtuaha vir buai nuai nuai ho chu ka pel phei zut zut a, tlinglo intihna in ka khat a, he khawvel kaldan mekah hian ka damchhuak ve zo dawnin ka inhre meuh lo., tlinglo bik reng reng a hringnun hmang tur chuan ka rilru hi a sang ve ran sia, ka ngai ngam lo hrim hrim.
Ka hmalam pen sawm vel ah chuan kan in chu a ding ta ran mai..a chhungah chuan zahna leh harsatna tawp ka tawh changa min thlamuan thintu awmchhun ka nu leh pa an awm.. Ka pa chuan nitin hnathawk turin a chhuak a, chhungkua a chawm thin.
Ka nu chuan he in enkawl leh a chhung a chengte hlim leh lungawi taka min siamin a hun a hmang thin. chuan, kei ve hi?? Sum neih ang ang sengin hma ka sawnna tur a nih phawt chuan a theihna apiangah min dahkual a, beiseina nen min thlir ve a, mahse zahna leh hlawhchhamna thu bak hawn tur ka neilo. ka pen chu ka tawp chawt a, ka biangah mittui a lo luang a, ka rilru ah tunhma a ka ngaihtuah ngai reng reng loh a lo lang ta zut zut, ka rilru a inthlak..
“ka nu, ka pa, in fanu hi a hrilhhai takzet..hnemtu ka va han mamawh em..mahse, in hmel ka hmu ngam tawh lo..” thawk a va sak ta em aw.. Aw Pathian, min siamdan a ka lungawilo anih chuan min ngaidam la, min hmangaih ve ngei a ni tih ka rinhlelh loh nan he nunna hlu tak min pek hi la let leh tawh mai rawh…”.
INCHHUNG LAMAH CHUAN>>
vawiin hi ka fanu te result chhuah ni a ni a, result ka enpui a phal tlat lo reuh a, a chhan dan atangin result tha a beisei ngamlo aniang. Rualawhna leh thahnemngaihna vangin han hauin zir tur in han nawrlui thin mah ila, a ruk tak chuan ka va lainat thin reuh tak em, a thiamtheilo chi hi a ni ve si a. A fail leh chuan a chan chhiat tur zia kan lo sawi thraih te kha ka inchhir leh ta rum rum mai.. Lo thleng se, a fail leh anih paw’n kei a nu hi chuan duat takin ka lo pawm ang, keini, a nu leh pa lo tudang hnenah nge a manganna leh rilru natna a thlen tehlul ang??
Heng Zirna school te’na nihna an pekchhuah thin- fail,pass,first,second,third division te hi amah tunge a nih hrilhfiahtu ber an nihlohzia ka lo hrilh zawk ang a, ka hmangaihzia hrilh nawn leh hlan ka nghakhlel zawk a ni.
A lo pian hlim a kan lawmzia te, hrisel lo takin a nun a rawn hmang chho chung pawha a hlim theih zia te, a hmel duhawm tak mil a mize ngainatawm tak a neih te avang hian exam a pakhatna te ai pawn ka tan chuan pakhatna a ni chiang zawk a. A awmna ah chuan a bula mite hlimin an nui thin, ka damlohin puitling ang maiin min duatin min enkawl a, he inchhung boruak a thim chang paw’n a chhun eng tu khawnvar a ni thin. heng zawng zawng avang te leh, a nihdan ang ang, a tlinlohna te nena kan fanu atan a Pathian in duh taka min pek anih avangin, keini a nu leh pa tan chuan kan fanu hi a “fail” ngai reng reng lo’ng..
Similar Posts:
- Pawl hniam lam zirlai fail tir thin hi
- “Ânu, i thi dawn ami?”
- ka fanu mark hmuh hi ka hrethiam lo tlat (C.C.E. KALPHUNG HI)
- Zirlaite result complaint fee aṭangin MBSE-in sum hailut tam
- Mizoram School Examination Policy
April 1st, 2011 at 3:29 pm
“A hmingin kan lang fai ve puak a..” i ti ngawt a, a tak tak pawhin i puak hmel viau kha mawle 😛
Thamawli original hi kan thiannu ngat hairehai. “Enge i horoscope,” …. “Horoscope ka kenglo,” 😀 hairehai.
April 1st, 2011 at 3:31 pm
Ehee..Komen ang aw..chhiar phawt ila..
April 1st, 2011 at 3:34 pm
haha,,,ka pass
April 1st, 2011 at 3:35 pm
(Y)
April 1st, 2011 at 3:38 pm
chhiar hma in in report phot ang
April 1st, 2011 at 3:38 pm
schooling tih lai chuan moral science subject ah hian ka fail ve ziah..mahse hei moral neitha takah chuan ka inchhuah ve mai a 🙂
April 1st, 2011 at 3:49 pm
ka zir ve lai pawh in ka thiam hma a, ka theihnghilh leh hma thung..tihdan ka thlak a, ka thiamhnu chu ka ziak chhuak vek zel..a tangkai phian…exam hall ah pawh ngaihtuah chhuah a awl bik riau in ka hria..
April 1st, 2011 at 3:54 pm
ReMpY_ScisSoR, khitilai a thu kun ngawih khi nangmah a mi? I nih chuan in ngaizawng ang hmiang.
April 1st, 2011 at 3:56 pm
@Rempy, chu Fanu iva lo nei lian tawh re2 ve a… :-O
April 1st, 2011 at 4:00 pm
Ziah chhan deuh chu i neiin ka hria.. I thiannu kha a ni em aw… A tha ka ti khawp mai.
April 1st, 2011 at 4:02 pm
Result chhuah a hun tran toh donin ka hria, mizoram lamah poh. 🙂 nu leh pa ten heta a nu thlir dan ang deuh hi trawmpui thei ila aw ka ti vawng ka ti vawng.. 😀
April 1st, 2011 at 4:04 pm
CFL hian khawi ami emawni tu emaw ziak hi a rawn ti ve em lovang chu 😛 :fiamthu: 😉
Kan chhiar nawn leh ngat a, a tha leh zual sauh (Y)
April 1st, 2011 at 4:04 pm
Tha kava ti tehreng em. (Y)
tih hi ka duh reuh lutuk. Hetiang rilru hi mihring damchhung vawikhat ah hian kan vawikhat tal chu kan pu theuh ngei ang. Cheers (D)
April 1st, 2011 at 4:07 pm
Ka thianpa pakhat chu exam result chhuah dawn apiang in a piangthar thin 😀
April 1st, 2011 at 4:12 pm
@TS, aw ni deuh roh. Hehe… Suicide commit tu tam tak te hian anmahni la hmangaih em em tu an nei tih hi an hrelo fo niin ka ring deuh.. Hringtu Nu lo thlirdan tur ka zep tel ta hram nh khi. (W)
April 1st, 2011 at 4:16 pm
Thian U ten min hruaisual hmaa, Class 6 rui chunga ka pass mai kha chu ava lem chiang…lolzzz 😀 😀
April 1st, 2011 at 4:16 pm
Fail leh pass ai a ropui min zirtir chu le……. (L)
April 1st, 2011 at 4:18 pm
exam result azirin arsi hmuh a hnai/hlat 😀
April 1st, 2011 at 4:21 pm
bakchep-i chu a va ziak thui ve reuh ve.. 😛 Matric result a chhuak ta emaw kan tih chu le..
engtin tin emaw ka pass ve zel..thianten i pass chuan a mak ngawt ang an ti thin a..hehe..
April 1st, 2011 at 4:22 pm
kan thianpa 1 pawh english chu a awl emai atia class X11 cbse exam dawin a rui vela english ah a supplement daih…adang 1 pawh exam hallah a chatthla daih 🙂
ka tetlaia vaiho zinga ka thiamtheih em avangin a hnu feeee ah pawh confidence ka hlauh ngailo, fail thin mah ila …lolzzz
April 1st, 2011 at 4:23 pm
Post tha tak ani e. He thil hi ka lo ngaihtuah ve mai mai thin a, mathematics leh science thiam ho zingah pawh hian logics thiamlo em em a damg thiam tho si an awm thei tlat.
Kan naupanlai a kan zirtirtuten thluak inang nei theuh theuh an tih hunlai pawh khan a inanlohzia man pha chin chu ka ni ve in ka inhria. Ka cousin thiamtheilo em em kha ka khawngaih thin ngawt mai. Zanah hian tlaivar dawn khawpin a zir ve tak a, a tukah chuan a theihnghilh leh vek, a ngaihna a awmlo, chu chu arts la ani lehnghal a, rilru hahin beinasa mahse a pass theilo tluk ani. Ka khawngaih thin khawp mai, a bulah chuan science leh maths lampang sawi phurpui chi anilo hrim hrim ani.
Thiamna duhin kan zir a, engthiamna nge min pek tih kan ngaihtuah ngai em aw.Ka tihchhiat deuh pawhin ka nu hian min hau ngai lo asin kei chu min rintawkna hian rah a chhuah ve zel ni ah ka ngai.
April 1st, 2011 at 4:26 pm
Thlalak a mi chu a tak tak ani hial em? a va khawngaihthlak ve. Tak taka exam result hi huphurh awm duh thin. Kei hi mi thiam thei ka ni hauh lo a, class a in thiam chak siak ah poh hian thiante ka um pha ngai lo. Mahse a ziah lam hi ka taima thung a. Vawikhat ka thiam tawh hi ka ziak chhuak a. Chu chu note a tan ka ring zui a. exam hma deuha ennawn leh hunah en lovin ka ziak chhuak leh a, chu chu exam dawn zana han ennawn leh duh pawn note atan ka hmang leh thin. Paper chu hek duh khawp mai. Final kan exam dawn kha chuan ka paper hmanral kha tel tin khat hnawk chu a ni ve reng ani, uluk taka rem that pawh khan. Mahse a tih chi lutuk. Exam tur chuan ti ve chhin ru, tlemin exam hall ah a confi theih deuh 🙂
April 1st, 2011 at 4:32 pm
20, hahaihai va zir ve rawh tih pawn, “in vocabs te chu ka santen zat ai pawn in hre tlem ang” ati vel…hihihi exam zo chiah haw lam busah chuan hlauthawng tawh nasa 😀
April 1st, 2011 at 4:33 pm
Clas 9 a kn batch ami, bihari Megha-i molh kha k hrereng thrin..social studies paper an sem a, 82 % vel ni ta maiin ka hria, a complain ngat2 a..ahaha 😀 Keini kn pas cuan marks poh kn check thra peihlo ania… A pa in a vaw thrin a ni om e, an mark expect ang a phak loh chuan..tsk tsk.. 🙁
April 1st, 2011 at 4:35 pm
vaiho te chu lehkha zir tur liau liau a an vulh oh!! an chawm te an nia, an nu leh paten an expect sang em ani 🙂
April 1st, 2011 at 4:36 pm
kan meitei thianpa pakhat pawh kuumtir ah physics, chemistry, maths, biology, kum laiah physics chemistry bio, kum tawp lamah commerce , chuan exam dawnah arts…..ha ha ha ha fact tak2 (Y)
April 1st, 2011 at 4:36 pm
Milem khi hei hi a ni em? Thlalak remchang a dah mai mai a nih hi.. Hetiangah tunge a lem tak tak dah duh ang le..?
April 1st, 2011 at 4:39 pm
Post tha tak a ni. A thui viau naa ka chhiarchhuak vek a, ka rilru a khawih khawp mai. Mahni pawh inring zo tawh lo leh beidawnga kan awm laia nu leh pa, unaute leh min hmangaihtute lo hlut zia hi chu awww…
Kan sikul luh ve na ah kha chuan note min pe teuh a, an sawifiah mumal leh mang si lo a, saptawng thiam loh chuan hahthlak thei ngei mai. A thluak chak deuhin an vawng chak a, thiamthei, rilru nei, tumruh leh sikul tihmingtha tu an ni mai a. A thluak chak vak lo leh saptawng harsat ho kha chu thatchhia, thiam tum tak tak lo a chhiar ve mai mai, mahni tana thahnemngaihna hre lo kan ni leh mai.
Thlasik khawvawh laiin zanreiah mutchhuak chung chungin, kan thawmin mi a tiharh ang tih hlau reng rengin kan zir ve a, kan warden in ‘rilru tak tak a i zir loh chuan i thiam thei chuang lo ang’ min tih a ka rilru nat ve zia kha min ti hrechhuak e.
April 1st, 2011 at 4:45 pm
A ngaihnawm phian mai a.
April 1st, 2011 at 4:48 pm
Class 12 ah kha chuan Chemistry kha Tution la in ka bei ve nasa, Carbylamine Reaction, Reimer–Tiemann reaction, etc.. (lung an ti leng reuh mange 🙂 )…. Organic Chemistry ngat kha chu mahni tawkah thiam ve niin ka in hria. Exam question kal phun anlo ti danglam chiaha, naupangin Organic an thiam loh avangin Inorganic lam kha anlo ti tam deuha, a hnuah complain pawh a awm reng a ni. Chumi tum chuan ka chhang chhe lutuk a ka room ka thleng chiah chu ka bag ka vawm luta chhuatah ka bawk khupa ka mittui a tla ve keuh keuh… ;-(
April 1st, 2011 at 4:49 pm
kan naga thianpa 1 leh paihte thianpa 1 te pawh kha exam tur an huphurh lutuka an mithmul an pawt kawlh/kawng vek..
tuna misual ve thin pawh hi school cricket teamah tel ve aduh sia (from var anei bawk silo) DPS nen inkhelh dawnin a thianpa taekwondo satin suit var a risk chhuak ve ringawt :-O
April 1st, 2011 at 4:54 pm
@26, zualbonez, lolzz… Chutiang deuhin tu emo ni poh a tet lai cuan aim chu IAS, college a kal a, IAS cu tough tur zia a hria a, MCS ti leh a, a graduate hnu cuan free man zurui .. 😀
@TS, soi dik e. Ka thiannu hming chu Ankita-i ania, a thlalak cu dah chi miahlo ang. Fictional a nih ber hi, hemi story hi cu.
April 1st, 2011 at 4:57 pm
A va sei ve le. Handset hman chuan tan lak fe a ngai zel mai. Muang marh in nakin deuhah tan ka la tha leh ang.
April 1st, 2011 at 4:59 pm
Zorem-Hnapi post a ni tih ka hrelo reng reng…. :-S
April 1st, 2011 at 5:03 pm
I thiannu hming chu Florence a ni tak tak a maw?? Ber kher che chuan. Min ti phu zawk hman tep a lawm le…
P.S. Banner thlak hunah ka rawn let leh ang. Byess
April 1st, 2011 at 5:06 pm
Ziak tha khop mai.kei k ngaihdan chuan lehkha zirtura kan om anih chuan rinom taka zira fail loh ani top mai.Amaherawchu mi zong zong a hlohtlin vek theih loh tih hriat bok a tha in,kan zirpeih loh emaw thiam theih loh vanga kan fail pon zah a nun ti ngui vel kher hichu a tul kati lo.Tin,mi bula zahphah nan lek phei chuan hman loha kan life khoih buai tir erawh angai lo te han ti ve vak2ngot ila..hehe..soipeih toh lo..nice post..a bik in nuleh patechhiar chi tak ani ang (Y)
April 1st, 2011 at 5:06 pm
@Asteric, naaaa…sakhmel. :-[ :-[
April 1st, 2011 at 5:07 pm
Ngaihnawm ti deuha ka’n chhiar chhuah chu.
Nu leh pa te rilru tur awm ang i rawn dah chhuah khian rilru a khawih khawp mai.
April 1st, 2011 at 5:10 pm
Kan thiapa pawh B.com(H) ala a, an lecturer pakhat in enge nih atum azot, IAS ti in achhang a, anih chuan B.A Programe ah in let roh ati,,, alawm lo kher asin… 😉
April 1st, 2011 at 5:17 pm
matric result chhuak tur te mi ti hre chhuak a kei pawh
April 1st, 2011 at 5:17 pm
Liana B.A tiin kawngka luchungah a tar ve char char a, a lampum an zawt a “Liana Burma Army” tihna lo ni reng 😛
April 1st, 2011 at 5:17 pm
I va’n ziak thiam em aw…rilru a tiharh sawng sawng mai (Mizo tawng ziak dan khi tlem sawi tur chu a awm). Lehkha zir min tiphur sawt mai.
April 1st, 2011 at 5:19 pm
Tha thlawt! (F)
April 1st, 2011 at 5:22 pm
MA BF a ti ve ziah a, an zawt chiang a, Matric Appeared, But FAILED! 😀
April 1st, 2011 at 5:33 pm
A ziaktu nu hi fanau han kilkawi vel a tan a iaiawm dawn loh tlatin ka hre ta mai. Ehhhh a post nge hlu a post tu nu hi aw.Hla phuah thiam chu ni ve ila chu aw…
I sakhmel tawn ka nuam chhingkhual lanu,
Thinlai a hneh i kutchhuak a mawi ngei e;
Theih chang se nang nen duhlai mi u,
Lungrual te a ziakfuk chawi dun ka nuam e.
……………….. tiin a ziaktunu hi biahthu ka hlan ngei ang 🙂 ( A ang ve tho em thiante u )
April 1st, 2011 at 5:34 pm
interviewer – welcome back, we got one or two thing to talk about ur experience.
candidate – which is it?
interviewer – excuse me?
candidate – u said one or two..which is it?
tling lo chiang.
April 1st, 2011 at 5:36 pm
ekhai,a va han ngaihnawm tak em! Ka rilru a dek zar mai a
April 1st, 2011 at 5:40 pm
(Y)
April 1st, 2011 at 5:51 pm
Thumbs up
April 1st, 2011 at 6:06 pm
Arm Veng South ah khuan hmanah Primary School pakhat chauh a awm a, a hming chu ‘School Three’ an ti …. lolzzz 😀 :fiamthu:
April 1st, 2011 at 6:09 pm
31… 2nd para chu saallaaa…
April 1st, 2011 at 6:18 pm
Ka van duh em,hei zet chu
April 1st, 2011 at 6:37 pm
Aw… ReMpY, Misual zingah hian i tè ber tawp lo e!
April 1st, 2011 at 6:46 pm
Va’n tha em
April 1st, 2011 at 6:47 pm
Rempy post a nih aiah kawmen reng reng te’ng
I va lo ril…ru.. ve
lungngai mata che CCE kan hmang chur2 dawn a lawm zirtirtu inpe tak tak leh tuichilh ten i fail loh nan anveng tlat tawh dawn che
April 1st, 2011 at 6:58 pm
A tha hle mai. Chalanging lutuk ka ti!
April 1st, 2011 at 7:08 pm
A van han tha kher ve le e.. .Hetiang post hian he site hi a ti hlu ka ti….
April 1st, 2011 at 8:04 pm
Nu leh Pa te’n min hmangaihzia i rawn sawi lang tel hi tha ka va ti em!. Ziak tha hle mai
April 1st, 2011 at 8:13 pm
ReMpyyyyy chu ziak tha hle mai; hetianga ziak thiam i nih te chuan khawi i facebook account.
April 1st, 2011 at 8:18 pm
@shabito, bakcheh lem i type thiam chuan i hmu mai ang! Chehthlak hi a thiam zawng a nia
April 1st, 2011 at 8:25 pm
Fonz pawn a chhiar peih chuan ka tia, ka chhiar a, a tha hle mai. shabito dil che khi ka duh ve nghal e
April 1st, 2011 at 8:28 pm
ReMpY Bakcheh hian min chep se ka ti eee…
April 1st, 2011 at 8:32 pm
ReMpYYYYY hi lawrkhawm-ah a rawn lut hmasa zawk a sin male, ka va ui reuh e; a hmel phei chu hmulo mah ila, a thiam thil hi ka duh reuh riau.
April 1st, 2011 at 9:13 pm
I nu bulah chuan fail a nawm phian dawn chu! a chaurau apiang hian Nu leh Pa hmangaihna hi an paw chhuak nasa reng a ni! Unau zingah pawh a sual sual hian duat an hlawh!
April 1st, 2011 at 9:17 pm
In comments te a ngaihnom hle mai, post aimahin a ngaihnom..ehhh!
ka lomthu em em e..
April 1st, 2011 at 10:06 pm
khoi lam mi ge mon le i nih le…i va han puitling tehlul em… He tiag te gaihtuahna cag i hriat a… hriat cakom hle mai…
April 1st, 2011 at 10:52 pm
A va tha in, a va ngaihnawm em!!! Comment zawng zawng nen ka chhiar zo vek nia
Post-tu nu, fak i phu e. Post dang a I comment hrim hrim te pawh belhchian dawl tak tak an ni fo. Thu tha dang han ziak zel teh…
April 1st, 2011 at 11:16 pm
Ngaihnawm reuh phian
April 2nd, 2011 at 1:31 am
Hmel in ‘puak’ a tih tho te chuan hmeichhe te chu zirna lamah thiamthei lutuk lo mahse a lungngaihthlak vak hleinem, in nungchang han ti tha ula, han in tuai fai hliau hliau mai ula pasal tha deuh in hmu mai dawn lawmi
April 2nd, 2011 at 2:22 am
Thlirna tlang dang atangin maw…tha lutuk x3.
Khi thlirna khi Pathian in mihringte min thlirna ani asin. Keini chu kan in judge nasa lutuk a, tumah hi kan inteh tling zo tak tak silo, Pathian hian kan fail thin, kan hnungtawlh thin te hi a chinchhuak leh tobul atangin a hrethiam kilh kelh a, mak ati lo, kan natna natzia hi kan inhriat aiin a hre fiah daih zawk, min hnar ngai si lo.
Nu(mother) tha tak i la ni dawn chiang e.
April 2nd, 2011 at 3:05 am
hehe.. class x k fail a k rilru nat ve jia kha min t hre cuak rum2 maia……..
April 2nd, 2011 at 8:19 am
i pasal tur chu a vannei lel lawl dawn ve le o…post tha tak ani.
April 2nd, 2011 at 9:28 am
Ka nau te chu va ziak thiam ve awww! ngaihnawm khawp mai!
April 3rd, 2011 at 1:29 am
Ka va duh reuh em… he post hi
April 17th, 2011 at 11:27 am
Ka nun nena inang tak thil anih avangin ka lung a ti chhia.