Tun hi Burma-a ka zin chungchang Post hnuhnung ber leh a hmawrbawkna a ni tawh ang. Sawi tawh ang khan “Blog” lama chhuah zawk awm tak te a nih vei nen, “Blog” ka neih loh bakah, in hmuh leh hriat ve atana ìt tak tak te ka lo nei vei bawk nen… 
Kawlpui Damdawi In (Kalaymyo Civil Hospital) -ah thilmak leh rapthlak!
Khatia, Tiddim bul – Lamzang khaw dai-a ka u te an accident ta kha, hliam tuar zawng zawng chu Kawlpui Damdawi In-a phur lut vek tura hriattir an ni. Ti chuan, Tiddim Damdawi In atang chuan, Tahan a Pvt. Hospital tha tak tak te kal pelin, ka u pawh chu Kawlpui Damdawi In-a phurh luh a ni a. A luh zan (Dt. 10/3/2011 Nilaithawhtan zan) hian a ban tliak chu nurse ten an lo tuam sak ve luklak a, a tukah x-ray lak a ni. A result atang chuan ban ruh tliak sitliah mai ni lo, a kiu ruh pawh a keh ngei tih, mimawl tan pawh a hriat theih hle.
A tuk, zirtawp ni-ah Dr. in a rawn khawih mai tura kan ngaih laiin, Dr. chuan a en liam vel ta mai mai a. A tuk tuk leh, Inrin ni nilengin kan nghak leh a. Nurse ten damdawi ei tur an rawn sawi leh, a khat tawka an rawn chiu bak enkawlna reng kan dawng lo. Zan dar 8:00 a ni a, nurse duty-in “naktuk, sunday hian Dr. Lian (Super Specialist)-in a zai dawn a, zing dar 4:00 atangin engmah a ei tur a ni lo. Tui pawh a in tur a ni lo. Thisen pek a ngai dawn a, thisen lo zawng lawk rawh u.” a rawn ti mai chu, a ni 4-na mah nise kan lawm kher mai!
Ti chuan, chawlhni zing atang chuan u leh nau, chhung leh khat kan inpunkhawm ve a. Mahse, zing a liam, chhun a lo thleng, tlai khua a lo nguai a, zan khua a thim thlengin an zai lo! Zai tura koh a ni lo hrim hrim! Engvanga zai ta lo nge annih kan hre lo a; “zai a ni leh dawn lo a, chaw leh tui lo ei/in rawh se” tia hriattir lah kan ni hek lo. An chetsual atanga ni 5-na (thawhtan ni) a lo nih meuh chuan inlakchhuah a, Pvt. Hospital lama inphurh luh mai kan tum ta a.
Doctor kan vawm!
Dr. kan vawm tih lemah, thamna kan pe a ni ber e. Sawi tawh angin an accident ni atanga ni 5-naah pawh, Dr. enkawlna kan dawn tak si loh avangin, inlakchhuah mai kan tum tak tak ta a. Mahse, amah ka u lah a hliam avangin motor-a han phur sawn chi ziazang a ni si lo. Chhe tè a chet sawn dawn hlek pawhin patling 2/3 in a ban ruh tliak leh a kiu ruh keh lai chu dimdawi taka dawm ngai a ni si. Inlakchhuah ngei kan duh rualin, a hma aia nasain kan tikhawlo zo ang tih kan hlau bawk si. A mangangthlakin rilru a chiai takzet a ni.
Chu damdawi in (Kalaymyo civil hospital)-a tawnhriat lo nei tawh leh chinchang hre deuh te, min manganpuitu thenrual thate hnen atangin – “Cheng Sing 2/3 velin Dr. vawm ula, a In-ah leng vat rawh u. Chuti lo chuan thla 1 pawh nghak mah ula, a khawih chuang lo ang. A tawpah, “a siam that theih loh…” tia tan tawp a ni mai. Ban leh ke tan an awlsam teh a nia… ” tiin, thurawn kan dawng ta nak nak a. Mak ka tiin, rapthlak ka ti kher mai. Sum hian mihring hi a lo va bawih à/ sual thei tehlul em! Ti chuan, thiante thurawn angin, a ni 6-na (thawhleh ni) zingah chuan Cheng 40000 (sing li) kengin Dr. In-ah kan leng ta a. A nupui a lo awm a; kan chanchin, kan chhiat tawh dan leh kan dinhmunte kan sawi a. Ani’n, dam lo hming leh a awmna ward, a khum no. te min zawt a, “ngaihtha deuhin haw rawh u” tiin min thlah a.
Sum chu Sum!
Ni e, Sum chu Sum nge nge a lo ni e. Dr. In-a kan len hnu, a tuk (Nilai ni – an accident atanga ni 7-na)-ah chiah ka u chu zai a ni. Zai tha/ hlawhtling an la inti phian lehnghal a. Tin, zai tura an tih hmasak tum khan lawmthu sawi nan Dr. chu a in-ah pawisa nen lo va vawm ngei ngei tur a ni, tih te kan hre leh hnuhnawh a. Zai tura hriattir tawh, chaw leh tui pawh an nghei tir vek tawh avang khan an zai ngei turah kan lo ngai ngawt a, a lo teuh lo nasa mai. Pawisa an hmuh loh chuan mi na tuar leh thi tur chalchang tih vel mai mai chu, an lu thak ai pawhin an ngai ho zawk emaw tih mai tur lo niin. Mak danglam leh deuh chu – Dr. lo puibawmtu Nurse te pawh pawisa pek an lo ngai vel leh zel a, cheng 5000 in kan vawm tak kha. Ward duty nurse te hlei hlei hi, thingpui man cheng 2000 vel pek chuan mi an rawn ngaihsakin, mi an vil deuh tlut peih nia, an khawngaihthlak letling zawk a sin aw…!
Kan u mutna khum bula kawlpa pakhat, malpui tliak pawh thla 1 chuang a mu tawh a, Dr. in a la khawih miah lo. Dr. vawmna a neih loh vang a niang. Tuk khat chu Bike-in a sut mi 1, nikhua pawh hre lo, nat hmel zet an rawn zawn lut a, nileng zankhuaiin Dr. ten engtin mah an ti lo nia maw le! Dr. an vawm ve lo a ni ngei ang. A thawk a har tial tial a, amah a buai tual tual, dam chhuak dawn loa a lan tak avangin an inzawn haw leh ta ringawt a. Mihring mihrinna atang pawhin, khawngaihna leh lainatna an nei lo emaw ni aw… ka ti a, sum tel lo chuan nunna hi engah mah an ngai lo ni berin ka hmu. Rapthlak tak a ni.
Damdawi In Bldg. erawh an nei tha reuh khawp, thlamuanpui tham a ni. Mahse…
A ram a zau thain an enkawl fai nuam hle bawk
Damdawi In kawmchar lam hian hah a tidam phian
A fapa ruang pawh kil thei lova Damdawi In khuma mu – Ka U (min chhangtu chiah). Ti hian tempo tawkin a ban chu an lo tuam sak a, cheng 40000 kenga Dr. kan lenchilh hnuin, a ni 7-naah an khawih chauh a. 
Ka han zin chhan, Motor chetsualna avanga kan then tak – LALHRIATPUIA (Valpuia) Kum – 13
Similar Posts:
- Lunglei Civil Hospital-a thil thleng
- Tunge Zawhte chu thi awrh tir ang le
- Doctor-in Nau Vei Hnawtchhuak
- Breaking News : Aizawl Civil Hospital-ah Vanduaina
- Aizawl Misual.commers Charity semna-a min veltute + Pictorial Album
April 1st, 2011 at 1:35 pm
Lwmwm duh ngaw ag
April 1st, 2011 at 1:35 pm
1st keuh teng 😛
Edit leh keuh teng 😛 2nd zawk 🙂 🙂
April 1st, 2011 at 1:36 pm
Ni e, blog siam la.. i blog ah post rawh.
Chhangteval, i 1st tlai hret.
April 1st, 2011 at 1:36 pm
Ah..! Part I leh II ka lo hmu ve lo niang..! Zong phot, chhiar hmasa phot ange
April 1st, 2011 at 1:36 pm
Khua ava lum hmel ve
April 1st, 2011 at 1:41 pm
Ka va khawngaih pafa tehreng em. Mahni fapa ruang pawh kil thei lova han awm chu a va NA em vele. Ka tawngtai pui teh ang
April 1st, 2011 at 2:04 pm
Pu Kawlhawk,
Transparency International kum 2007 (?) corruption index ah khan Burma hi a corrupt ber pahnih-na, Somalia dawttu, ani. An corrupt zia mai chu, damdawi ina dam lo han kan tur pawhin gate-keeper ho thamna pe (vawm, to use your language) hmasa a ngai an ti tlat.
Thanx for sharing with us this story. My heart goes to your nephew. May his soul RIP with God. Hope your brother is fully recovered now.
Blessings!
April 1st, 2011 at 2:07 pm
Alo nih hi. Ka rilru a khoih kher mai.. 🙁 buaipuitu tur chhungte tha tak an la neih zok avangin i u te chu vanduaina karah poh nise an vannei ka ti tho mai..
Thamna poisa tih vel khi hriat a nuamlo kher mai…spycam emaw recorder velin han cover ru mai ula cuan.. Mahse, India ram a ni tlatlo a..
April 1st, 2011 at 2:09 pm
Doctor leh nurse te vawm kal chawp ngai chu a va han zia lo ve le aw. Harsatna tawh a kar a harsatna chhawng. Civil Hospital ah chuan nge senso tam zawk ang a Privateah le…? Private ah chuan aman chawi tur a nih avangin an tuan chu a rang zawk in ava rinawm ve le… :-S
April 1st, 2011 at 2:22 pm
I ziak ngaihnawm hle nain chhiar a va hahthlak em! Dam lo laka an rilru puthmang chu “a mak hle mai” tih bak sawi ngaihna ka hre vak lo.
April 1st, 2011 at 2:29 pm
Burma lam aichuan kan la zia viau chu a. 🙂
April 1st, 2011 at 2:29 pm
thlalak chu a va te em em ve..sihsen ek emaw ka ti dawn alawm le…
April 1st, 2011 at 2:29 pm
An van rapthlak ve a…, serious deuh a luh chi pawh ani lo ani chu,
April 1st, 2011 at 2:33 pm
Khawngaih thlak hlom ve……….tiang hi kan la nilovang tih asoi theih loh an sawrkar in poisa pe duh miau hek lo le……. :-S :-S
April 1st, 2011 at 2:39 pm
Khawngaihthlak hle mai. ;-(
April 1st, 2011 at 2:41 pm
An nurse leh doctor te chu kava han haw tehreng em vele… Ngalumata
April 1st, 2011 at 2:42 pm
Burma Doctor ho chu an va sual em em, vai sual ho ai paw’n an sual daih zawk a nih chu (N) (N) (N)
April 1st, 2011 at 2:45 pm
@Pu Hv, 😀 😀 😀 😀 , i va han thinrim awm em em ve a…, Ngalu..,,
April 1st, 2011 at 2:49 pm
El @12, a heading khi click nawn rawh.
Ale @3, nia mawle… Ka vil peih leh si lovang tih ka hlau deuh a…
ReMpY @4, Lo en mawlh teh, i reh ka ti reng a!…
Ngaihdan tha @5, chhunah a lum deuh, zan leh zing chu la vawt fû…
CFL @6, Ka va lawm tehlul em!
mara @7, x-ray room gate vengtuin pawisa min dil a tum a, kan hau hrep! 2nd para : Ka lawm e.
Pu shai, pvt. ah senso a tam zawk a, mahse khatiang reng2a buai ai chuan a thlanawm fe zawk. Lut ta ila, kan luh rual2 khan an lo khawih/zai nghal ang.
Hlatekhua @10, a mak mai pawh a ni lo, a rapthlak a ni tawp.
funny @11, zia tak kan ni 🙂
kilung @13, ni e, a rapthlak tiraw…
Malsta @14, lainatawm hlawm tak an ni. ;-(
April 1st, 2011 at 2:50 pm
kilung #18 Khitiang vang te khian Burma a Zohnahthlak te hian tan lak angai reng asin. Tahan lamah ngat phei chuan lehkhathiam tak, doctor nipha phei chu pakhat, Puite-i bak ka la hre miahlo nghe nghe. Chin Hills lam hi chu lehkhathiam an ngah a…. :-S
April 1st, 2011 at 2:50 pm
a lo lian leh tawh,,,sai sawm tiat tiatin..
April 1st, 2011 at 2:59 pm
@Pu Hv: Nia.. adik chiah, kan zohnahthlak unaute tan tan lak angai khop mai.
April 1st, 2011 at 3:11 pm
An van corrupt rapthlak ve a, Mizoram pawh corrupt tawh tih nak alai in. Hetiang zia pu hian burma lamchhuak daktawr te hi Mizoramah an rawn thawk ve reu reu ange. Nge Civil Hospital ah te pawh daktawr tham an lo ngai tawh zawk? Mirethei te an khawngaihthlak hle mai, ti ila khawvel ram hrang hrang ah vua leh vang an ngah hle si charitable hospital te pawh din sela aniang chu maw le. Malpuitliak zai lohva awm reng pawh chu a khawngaihthlak hle mai.
Burma daktawr ho khan Hippocratic Oath hi an hre ve lo em ni?
http://en.wikipedia.org/wiki/Hippocratic_Oath :-[
April 1st, 2011 at 3:14 pm
Pu Kawlhawk…in thil tawn chu a van zia lo ve maw le? Kawlpui Damdawiin hi ka Nu dam loh vin thlakhat vel kan awm thin tawh, chuan meiin a kan vanga damlo awmpuiin karkhat vel zan ka riak tawh thin…harsatna em em kan tawk hran lo!
_____________________________________________
A chhanchu Pu Do Thawnga(Zofate zinga Burma NLD PM awmchhun, nikum lama mual liam ta) fanu Pi Khawtinsiami’n min sawipui vang a ni berin ka hria.Pi Khawtinsiami U Dr.Zachhinnga hi Burma zofate zingah chuan Dr ropui tak a ni a , tunah FRCS zirin Royal Collegeah a awm mek.Tahan leh a chhehvela kan mite chuan an ni chhunghi kan chhawr khawp mai.An tlawmngai thin em em mai leh nghal a.
April 1st, 2011 at 3:17 pm
Chhiar Ila (D)
April 1st, 2011 at 3:21 pm
An va timak ve aw…Hmuingil takin an damchhung an hman ka ringlo khawp mai..I U chu ka lainat ngei mai, a fapa lah a hmeltha si..Kan chunga thleng-Pathian remruata pawm a, damthlap har chang hi a awm a ni..
Part 1&2 chhuahlaiin ka Network a thalo a, ka chhiar lo- kan zawng teh ang.
April 1st, 2011 at 3:23 pm
Tahan bawrvela Private hospitalah chuan Specialist an tam lem lo.Tunhma phei chuan Specialist an awm lo hrim hrim. M.B.B.S ho vin an enkawl thin.Tun hnuah chuan Kawlpui lama Specialist ho pawhin part timein an rawn thawk thin.Tin,Tahan private damdawiinah chuan thawktute kha zohnahthlak an tam a , tin Dr luber a fel bawka , a nuam khawp mai.Abiktakin Methodist Kohhran Damdawiin , Wesley Clinic phei chu…a changkangin thawktute an tha bawka a nuam lutuk. Kawlpui damdawiin nen chuan in thlau tak a ni…Ma’rawhchu kawlpui damdawiin angin Specialist an tam lo a ni ber mai.
April 1st, 2011 at 3:26 pm
lrlawma #20 khi ka sawi hmanlai lutuk lovin ka hria a, ala dik thei angem?
April 1st, 2011 at 3:47 pm
mak rapthlak ngei mai…
April 1st, 2011 at 3:55 pm
An va khawngaihthlak em!
April 1st, 2011 at 4:02 pm
Kawlhawk a u chu ka lainat hle mai.Tin burma damlo ho hrim hrim pawh chu an lainatawm hle mai.
Keini awm ve na lamah chuan damlote hi kan lal em em nia.
Hmani kartir lam khan kan nua pakhat zu inlo buai damdawiin ah dah chu hlau nei tlat a ni a a veng turin pa lian ve chak hmel tak an pe.Enkawl mai bakah.
Damlote hi min zir chiang te te a helam apiangte chu medical report kimchang anneih avangin a buaithlak loh keini puitling tawh hohi kan pian atanga kan dam loh tawh dan te min zawt.
April 1st, 2011 at 4:16 pm
a va zia lo ve, kawl ho tan an sual ve viau tho thin em?
April 1st, 2011 at 4:17 pm
a va han rapthlâk ve!
April 1st, 2011 at 4:19 pm
Zalen lohna zar i zo ve anih hi………. ram zalen chu nise hetiang chu an ni bik lo turah ngai ang…….. ;-(
April 1st, 2011 at 4:25 pm
Damdawiin tha tak an nei a, mahse a chhunga thawktu te erawh mi tihdam aiin pawisa an ngai pawimawh zawk. A pawi hle mai. Hlawh nei lovin an thawk emaw ni dawn le??? An sorkar chak tak khian hre ta se, engtin tak ngai ang maw? Kan rama kan doctor te hi chu an la tha hle mai, Kawlpui daktawr ai ngawt chuan…. Nakinah chuan kan doctor te zingah pawh hian mahni hna aia mahni private clinic ngaipawimawh zawk an la tam ka ring…
Pu Kawlhawka u chu a khawngaihthlak hle mai. Mahni thalbe chhuak fa te ngawih ngawih pawh vui liam ve thei lovin natna khumah a mu a ni si a.
April 1st, 2011 at 4:25 pm
va pawi thin ve awwww….chinese democracy awpbet tir chi
April 1st, 2011 at 5:25 pm
Lalhriatpuia chu a van khawngiahthlak reuh ve aw. A la naupang si..a hmelthra reuh em em mai lehnghal. Valpui, RIP (F)
April 1st, 2011 at 5:28 pm
1989 khan Tripura, Dosda khuaah naupang ka su hlauh mai a, a rawn inbarh si a. Doc nen kan indawr a. Tangka a ngiat tlat a. kan indawn hniam a. Rs 800 bakin a tawlh hniam duh lo.
April 1st, 2011 at 5:37 pm
Burmese ho chu hriat ve ran tawh tur anih chu.
April 1st, 2011 at 6:03 pm
Burma doctor ho chu an va timak ve mawle, nunna aiin sum an ngai pawimawh zawk a nih chu, an thil tih rah chu an la tuar ve ngei turah ngai teh ang.
Valpuia khi a va hmel tha ve, fam dairial han chang mai a tan chuan a uiawm hle mai RIP (F)
April 1st, 2011 at 6:13 pm
Sum hi chuan mihring hi min tibuai zawng anih hi.
April 1st, 2011 at 6:31 pm
Pi bmw & triple*, Valpuia tha intih thu hian ka hnuk a ti-ulh thelh alawm le… ;-(
Min tawrhpuitute zawng2 chungah thinlung takin lawmthu ka sawi mawlh2 e.
Irlawma, Burma ka rawn zin leh hunah chuan ka rawn zawng chhuak mawlh ang che.
Fonzte, Mizo kan nih vang pawh a ni lo, kawl/burmese origin nen min enhrang chuang lo. “Money, Pawisa, Tangka, Cheng, Sum” hi a pawimawh ber chu a ni e 🙁
April 1st, 2011 at 7:09 pm
kan khua chu nise Doctor khi kan um chhuak nghal ang. Ka thin ava rim teh lul em.!
Sawrkarin engzatnge hlawh a pek ve reng reng hlawm le.
April 1st, 2011 at 7:26 pm
Kawlhawk I U chu a damthat zel ka beisei e. I nephew hi a va uihawm tak em, naupang hmeltha tak a nih hi le. Pathian in awmpui zel che u rawh se.
Doctor leh nurse vel i sawi hi a va rapthlak em!. Pawisa nei ve lo tan chuan thih tawp a nih mai chu maw. Burma sawrkar tak hi chu aw 🙁
April 1st, 2011 at 7:44 pm
uicho… an rawn chhuk a min la rawk zui bawk… kan ramri a tanga piah lam zawng khi chu “kan unau’ te i ti tawh lul lovang u..
April 1st, 2011 at 7:48 pm
mamboih, Ka va lawm em! Ka u pawh tun sunday khan, in lama inenkawl turin damdawi in a chhuahsan, tih thu ka dawng e.
Pc, sorkar-in hlawh a pek zat ka hre lo a, mahse hlawh a pek tlem luat vanga hetianga thamna leh eng ilo it a, kalsual ta anni awm e.
April 1st, 2011 at 8:20 pm
Pu HV…Tahan engatawng hmang zingah chuan Dr.Zachhinga hi Puitei ai a hmasa zawkin ka hria…Ni e…Tunhma kha chuan Dr kan chhuak tlem khawp mai.Tunah chuan an awm ve nual a sin.Zir mek pawh kan nei nual bawk…
_____________________________________
PU Kawlhawk… Nia … min rawn zawng chhuak rawh. Mahse Russiaah ka la awm chuan min zawng chhuak har khawp ang. 😀
April 1st, 2011 at 8:31 pm
Irlawma, kan dam ang a, kan la intawng/ hmaichhan em ang chu maw…? Tahan atanga rawn (sual) turah ka lo ngai che a. 😀
April 1st, 2011 at 8:39 pm
kawlhawk leh lrlawma te chu in intawng pawhin ka ringlo; pakhat Moscow ah, pakhat Aizawl-ah. A inhlat via veu em mai. Bakah, lrl-a chu an ram ah biak a har thei em mai,Tualvungi’n a ti.
April 1st, 2011 at 8:40 pm
Mizoramah pawh kan inzaidawn chuan Rs chu zat chu in insen a ngai angte (damdawi man etc) an ti a, engmah sawi chuang silova, pawisa phut tho si a inenkawl that duh loh ringawt khi a ni ka hriatthiam theih loh.
Kawlhawk i u chu lo dam zel rawh se.
April 1st, 2011 at 8:47 pm
log-in miah lovin comment hi a edit theih tih ka hre ve chauh male, misuaksual ho.
April 1st, 2011 at 8:52 pm
Thinrim trun chunga ka chhiar zawh tak vek chu le! tham kher an ngaihna chhan hi an pamham duham vang hrim hrim nge ni anga an retheih leh khawsak harsat luat vang zawk.. tih zawhna ka insiam nghal bawk.
April 1st, 2011 at 8:56 pm
Shabi @49, haha… Irlawma chu an ramah biak a har thei em mai, an tia maw? Chu, kan va intawn hmel loh tak ve a…
Pc-a, ka lawm e.
April 1st, 2011 at 9:02 pm
Saitawk, an pamham duham vang luat mawle… Kan tham tak Dr. te hi a hausa turu rapthlak! Tin, sipai sorkar-ah hetiang super specialist chin ngat phei chu sipai Arsi 3 ai pawh lal – nihna pek vek an ni.
April 1st, 2011 at 9:05 pm
@kawlhawk..ni e mawle.. lrlawm-a hi a chhuanawm teh a sin; mahse, a lo haw hunah zohnahthlakte tana thahnem a ngaihloh vaih chuan ‘a chaklo viau ang’, a hnathawh danin inpumkhatna chungchang a hril thui thei khawpin ka ring, chutiang khawpa miropui chu a ni thung.
April 1st, 2011 at 9:35 pm
Ka tim ur ur. Mizoramah chuan thleng ve suh se.
Nge, a lo ni ve reng tawh zawk ??
April 1st, 2011 at 9:35 pm
A va rapthlak em!
April 1st, 2011 at 9:55 pm
Shabi… vawiin tlai I kerh kerh leh pek em ni? . Ka nihna pel hluai hluaiin … min faka ka lawm e.
Ni e… Pu Kawlhawk I rawn zin leh huna ka lo awm chuan… Tahanah kan MI daih dawn nia…
April 1st, 2011 at 10:03 pm
Ava han tenawm tak ve. Mizoram doctorte pawh MR hovin an lei nasa lutuk, market a kan damdawi hmuh te hi an hming leh an content ang hi anni lo lutuk…sawi tur a tam…kan hnam hi tur in kan inhrai ruih ruih ani ber e. Its all a game of money and power and money and power and________rat race.
April 1st, 2011 at 10:18 pm
Part III atang hian Burma dinhmun tur chu a hriat ruak mai.
April 1st, 2011 at 10:42 pm
Kawltea u chu ka va khawngaih e, in inang viau lehnghal a, fapa pawh a nei hmelthra,(RIP) ka khawngaih ltk, in doctor sawi khi Dr Lian.. khi Zo hnahthlak a ni nange?
April 1st, 2011 at 10:55 pm
J lo, Dr. lian tih khi, Dr. pangai ni lo, super specialist an sawi dan a nia, amah chu burmese origin dik tak mawle.
I mi tawrhpuinaah ka lawm e. Ka U hi ka nau emaw an ti fo thin. Tin, tuntuma kan chan tak, a fapa – valpuia ngat phei hi chu a pa ai maha a patea (keimah) a chhun an tih luai2 khawpa mite mita inang kan ni lehnghal a, ka hrin/ ka fa thi tluk zeta ka han sun a ni ve.
April 1st, 2011 at 11:10 pm
kawl ho tak hi chu ka va ten tak ti dawn ila an vai chuan an ni vek kher lo anga… pawi ka tih pui khawp mai che… Private hospital tha tak2 a tam ve tawh an tia sia chung te chu lo va pan pui zawk ula awwww ( hmeichhe thudawn )
April 1st, 2011 at 11:20 pm
chemte,
ka lawm e. Ni e, sorkarin kawlpui damdawi ina phurh luh vek tur a tih lai khan, mahni thuin pvt. Hospital lamah lo inphur lut thek ila tha tur…
April 2nd, 2011 at 8:02 am
bomb darh vek an va chakawm ve saala
April 2nd, 2011 at 10:31 am
Tunah part-3 ka chhiar ve hman chauh! Doctor chu a va tenawm ve mawle! Pathian an hre mawlh lo ani! I nephew chu a hmeltha si, ka va ui reuh e awww! i brother pawh lo dam thuai thuai rawh se! ka lo tawngtaipui ang!
April 2nd, 2011 at 7:02 pm
Lo dam vat2 teh se i U chu…Vuakhlum vek tlak annih khi damdoiina thok ho khi….
April 3rd, 2011 at 12:40 am
KKK, pawisa khi india sing nge, khilam sing. I U ban xray thlalak i nei em?
…khrum
April 3rd, 2011 at 4:49 pm
khrum, ka u ban an zai hma leh zai hnu x-ray thlalak ka rawn hawn lo hi pawi ka tih berte zinga mi a ni. Thir an phum a, a kiu ruh keh pawh ama sawi dan chuan – an verh tlanga an kilh bet ni berin ka hria, a ti. Dr kan vawmna hi burma pawisa a ni e. India chuan 2100 vel a ning.
April 3rd, 2011 at 5:01 pm
kawlhawk-a Burma zin Part I-III hi ka chhiar chhuak dap, a ngaihnawm ka ti. Harsatna an tawh te khi ram changkanglo zia dik tak niin ka hria.
Lo dam thuai2 turin ka duhsakna ka hlan e.
April 3rd, 2011 at 5:09 pm
shabi, Ka va lawm tehlul em! Nang meuhin ngaihnawm i tih chuan ngaih a tha huai2 e. Part – I atang khan ka inthlahrung takzet a, ka inthlahrung lo lui tlat a, zin report pek hi tihnamai a lo ni lo… tih hi ka thil hmuhchhuah a ni. Mi tan niawm mai a ni ang… tih hlau reng2in ka ip a! Thanks again, pu shabi!