Mizoram-a inthlanpui awm tawh te thlirkirin kan MLA te hi kan ning hma hle niin a lang a. MLA nilai inthlan leha in candidate zingah a pumpuia thlirin 51.21 % chauh thlan tlin an ni a. Mahni bial atanga bial danga tlanchhia (?) zingah phei chuan 25.39 % chiah thlan tlin an ni tih Mizoram State Election Watch Committee chuan an puang chhuak a.
Chumai ni lovin sorkarna siamtu te hi mipui tam zawk duh an ni lo tih chiang takin he zirchianna hian a tilang a. Sorkar siamtu party te vote hmuh hi hmun thuma thena hmun khat vel chauh a lo ni thin reng a ni!
April ni 11, 2011-a Aizawl Press Club-a Press Conference an neihah State Coordinator Pu Vanlalruata chuan he thu hi puangin MSEWC in an zirchian dan chu hetiang hi a ni.
UNION TERRITORY NIH LAI
1972 atngin Union Territory kan ni a. UT hunlai hian MLA bial 30 kan nei a. General Election tum li (4) neih hman a ni.
1972 inthlanah voters 1,56,898 an awm a, vote tla zat chu 1,14,385 (72.90%) a ni. Hneh taka sorkar-na siamtu (seat 24 an la) Mizo Union vote hmuh belhkhawm chu 39,645 (34.65%) a ni. Election-ah hian candidate 163 an awm a. Hemi tum hi MLA thlan hmasak ber anih avangin heath hi chuan MLA nilai ding an awm lo a.
1978 inthlanah chuan voters 2,22,226 an awm a, vote tla zat chu 1,42,308 (64.03%) a ni. Seat 22 latu PC chuan vote 52,649 (36.99%) an hmu a. Hemi tum hian candidate 154 an awm bawk a. MLA nilai ding 16 zinga thlantlin nawn chu 5 chauh (31.2%) an ni a, a bak 11 (68.7%) chu an tla vek a. MLA nilai ding 16 zinga 8 chu an dinna bial ngai ni lo, bial sawn an ni a, heng bial danga tlanchhia te hi an tla fai vek a ni.
1979 inthlanah voters 2,43,553 awmin vote 1,65,344 (67.88%) a tla a. Seat 18 lain PC bawkin sorkarna an siam a, an vote hmuh belhkhawm chu 53,515, (32.36%) a ni. Candidate 149 an awm a. MLA nilai ding 28 zinga thlantlin nawn chu 20 (71.4%) an ni a. MLA nilai ding 28 zinga 7-in bial an sawn a, bial sawn zingah 3 (42.86 %) chauh an tling nawn a ni.
1984 inthlanah voters 2,56,530 atangin 1,92,863 (75.18%) a tla. Seat 20 lain INC an sorkar a, an vote hmuh belhkhawm chu 76,974 (39.91 %) a ni a. Candidate 133 an awm a. MLA nilai ding 20 zingah 10 (50%) thlannawn an ni a. MLA nilai ding 20 zinga 9-in bial an sawn a, bial sawn zingah 4 (44.44 %) an tling a, 5 (55.55 %) an tla thung.
UT kan nih chhung hian candidate 599 an awm a. MLA ni lai ding nawn 64 zinga 35 (54.68 %) tlingin 29 (45.31 %) an tla a. Bial danga insawn 24 zingah 7 (29.16 %) tlingin 17 (70.83 %) dang chu an tla a ni.
STATE NIH HNU
1986-ah State kan nei a. Heta tang hian MLA bial 40 kan nei ta a. General Election tum ruak (6) kan nei tawh a ni.
1987 inthlanah voters 3,21,557 an awm a, vote tla chu 2,33,556 (72.63%) a tla a. Seat 24 lain MNF an sorkar-a, an vote hmuh belhkhawm chu 84,549 (36.20 %) a ni. Candidate 147 an awm a. MLA nilai ding 28 zinga 12 (42.86 %) thlan tlin an ni a. MLA nilai ding 28 zingah 9-in bial an sawn a, bial sawn zingah 2 (22.22 %) an tling a, 7 (77.77 %) an tla.
1989 inthlanah voters 3,33,894 an awm am vote tla zat chu 2,71,339 (81.26%) a ni. Seat 23 lain INC an sorkar-a, an vote hmuh belhkhawm chu 93,561 (34.48 %) a ni. Candidate 162 an awm a. MLA nilai ding 31 zingah 23 (74.19 %) an tling nawn a. Bial dinna sawn 2 an awm a, an tla ve ve a ni.
1993 inthlanah voters 4,01,669 atangin 3,24,323 (80.74%) a tla. INC leh MJD (seat 16+10=26) inkawpin sorkarna an siam a. INC leh MJD vote hmuh belhkhawm chu 1,06,320 (32.78 %) a ni. Candidate 121 an awm a. MLA nilai ding 26 zinga 16 (61.54 %) an tling nawn a. Bial sawn 2 an awm a, an tling ve ve a ni.
1998 inthlanah voters 4,45,356 atangin 3,39,902 (76.32%) a tla a. MNF (Seat 21) ten sorkar-na an siam a. MNF vote hmuh belhkhawm chu 1,53,515 (45.16 %) a ni. Candidate 221 an awm a. MLA ni lai ding 28 zingah 10 (35.71 %) chu thlan tlin nawn an ni a. Bial sawn 8 niin 2 chauh an tling a ni.
2003 inthlanah voters 5,32,462 an awm a, vote 4,18,482 (78.59%) a tla a. Seat 21 lain MNF bawk an sorkar a. MNF vote hmuh belhkhawm chu 1,32,507 (31.66 %) a ni a. Candidate 173 an awm a. MLA nilai ding 35 zingah 18 (51.42 %) an tling nawn a. Bial sawn 8 zingah 2 chauh an tling a ni.
2008 inthlanah voters 6,11,124 an awm a, vote tla zat chu 5,00,897 (81.96%) a ni a. Seat 32 lain INC-in hneh takin sorkar an siam a. An vote hmuh belhkhawm chu 1,94,170 (38.76 %) a ni. Candidate 206 an awm a. MLA nilai ding 34 zingah 12 (35.29 %) an tling nawn a. Bial sawn 10 zingah 1 chiah a tling a ni.
State kan nih hnu hian candidate 1,025 an awm tawh a. Standing MLA ding nawn 182 zinga 91 (50 %) an tlin laiin 91 (50 %) dang chu an tling zo lo a. Standing MLA ding zingah bial danga insawn 39 an awm a, heng zinga 9 (23.07 %) te an tling a, a bak 30 (76.92 %) te chu an tla a ni.
A pumpuiah Mizorama MLA Election kan neih tawh zawng zawngah candidate 1,624 kan nei tawh a. MLA nilai ding 246 an awm a. Heng zinga 126 (51.21 %) te thlantlin nawn an ni a, 120 (48.78 %) an tla thung a. MLA nilai (246) zingah 63 chu bial dangah an ding a, heng zingah hian 16 (25.39 %) chu thlan tlin niin a dang zawng 47 (74.60 %) te chu an tla a ni.
Similar Posts:
- Tlakpui kum – 1998 & 2008
- VC leh LC Inthlan result
- ELECTION REFORM
- LADC inthlanah Congress sawrkar!
- Chalfilh Bial Bye Election vote chhiar a ni dawn ta!
April 15th, 2011 at 11:08 am
Party ni lovin, mimal anga thlan (vote) nachang kan hriat hunah ram hruaitu tha kan nei chauh ang.
US hi lo ti ve sek ila, mahni awmna alo ni bawk nen. Helamah chuan voters te an in register hian eng party mi nge annih an ziak lut tel nghal. Mahse, an party mi leh sa an duh zawng anih loh chuan an party nilo pawh an vote hrehlo. Hetiang te hi entawn tlakah ka ngai.
Report this comment
April 15th, 2011 at 11:09 am
act 1st
Report this comment
April 15th, 2011 at 11:20 am
Pu HV…sawi dik khawp mai..ram hruaitu tha chu Party ah ni lovin, mi tha ah a innghat thui zawk
Report this comment
April 15th, 2011 at 11:21 am
@1 adik alom, Thenkhat te hi chuan party hi kan/an pathian a…..
Report this comment
April 15th, 2011 at 11:30 am
kan ti ve mai2 ani… Kan kan ram hruaitute hi, ram hmasawnna tur leh in tung dingna tur hi an hre lo nge an ti paih lo..zo khua nun harsat zia te hi….
Report this comment
April 15th, 2011 at 11:34 am
Thingtlang lam retheih zia hi ka hmuchiang thin khawp mai.
Report this comment
April 15th, 2011 at 11:44 am
Document tha tak a ni. MLA hian nin an hlawh elo? A ningtu mipuite hi MLA-ten an ning rang zawk miau alawm!
Report this comment
April 15th, 2011 at 11:54 am
kaw ruak chuan thil ngaihtuah a har an tih kha…
Report this comment
April 15th, 2011 at 12:16 pm
#2, i rawn ti duplicate lutuk… ACT FAST tih ngei tur..a hawrawp a kim loh chuan economic blockade ni mai..
Bial mipui ngaihsak deuh chu an dinna ngaiah an tling ngat ngat a. Bial tlanchhiatsan ching erawh chu an rawih telh telh thin. Mipui te rawngbawltu, mipuite avanga tling an ni tih inhria apiang an dingchang mai a ni.
Report this comment
April 15th, 2011 at 12:27 pm
A softcopy download-na tur link siam theih ni se, duh an tam ang.
Report this comment
April 15th, 2011 at 12:33 pm
An tih tur dik tak rinawm takin ti thin se chuan kan MLA te hi zah pawh an hlawh mahna. Mahni in chhek len ringawt an buaipui chuan tunge zah ang? Tin, MLA hi Aizawl khawmi anih tlat chuan thingtlang lam an bial aiin Aizawla an veng a rilru ah a lian ber ang a. Chuvang chuan ania thingtlang lam tute mahin a ngaihvan thin loh. Zirtirtu leh official dang thingtlanga an ai thawn an tam dan leh MLA Hostel a KS an koh luh te kha kan la hre fur tave ang.
Report this comment
April 15th, 2011 at 12:43 pm
An zar zo pha ve lo te tan chuan an ninawm ve em alawm. Chak tak takin an tlan vu vu reng mai a!
Report this comment
April 15th, 2011 at 12:57 pm
Eng soft copy mo? Shabibo [ö.Ö]
Report this comment
April 15th, 2011 at 1:08 pm
Party ah kan buai lutuk tawh lo in ka hria mizo tam zawk hi chu. Mahse,candidate te a zirin vote thlak thiam ila pawh ti thin mah i la,a candidate zingah kan duh zawng mi tha thlan tur an awm miau si loh chuan party rilru a awm leh thin niin ka lo hre ve mai2 thin. Mi tam zawk hi chuan duhthlanna kan hmang thiam tawh khawp mai.
Report this comment
April 15th, 2011 at 1:21 pm
Eng vak maha kan ngaih bik loh te kha, MLA / Minister an loh nih hnua an dinhmun leh khawsak inanglo ta lutuk thin hi Mizote hian kan ngai thei lo zualin ka hria. Buhfai no khat ei theuh theuh inti mai thin kha kan nia.
Lal rei lutuk hi tuman kan zo lo. A tira tha deuh pawh hi a rei chuan an khawlo leh mai thin.
Report this comment
April 15th, 2011 at 1:23 pm
Ngaihnawm hle mai…………Anna movement a an tih ang deuh vin perception hi thlak a ngai tawh a nih hmel………..
Report this comment
April 15th, 2011 at 2:04 pm
kan nin loh nakah!!
ninawm hlawm miau hek 
Report this comment
April 15th, 2011 at 2:47 pm
an ninawm hma thei eee lom
Report this comment
April 15th, 2011 at 3:55 pm
Chawnghilh ngaihdan khi ka ngaih dan pakhat ani ve mauh mai.
Kei pawh MLA nih ka duh lohna chhan pawh mipui nin nih ka hlau hahahahahahahhhahha
Report this comment
April 15th, 2011 at 5:01 pm
Copy soft deuh chi kha, Rempyyyy
Report this comment
April 15th, 2011 at 5:04 pm
#1 : “US hi lo ti ve sek ila, mahni awmna alo ni bawk nen. Helamah chuan voters te an in register hian…. ”
Ning lo ve, ramchang kang a an tih dan hi kan zir zel a ngai. Kan ram hruaitute hi chu kei aia fing an ni chungin ka nuihti za deuh deuh an tam mai.
Polititician inti ho hian potlitic awmzia an hria em aw? Politic ka khel inti ho hian Party emaw an ti mai lo maw?
Report this comment
April 15th, 2011 at 5:12 pm
He post chu a bengvar thlak viau laiin hriat rei har chi tak tur anih hi.
A soft copy chu kan lo siam ve thruai mai dawn mi.
Report this comment
April 15th, 2011 at 5:15 pm
Good post ! I taima hle mai
Report this comment
April 15th, 2011 at 5:28 pm
thank you @Akhang-er leh a dangte, soft copy chu copy-paste khan ni mai e..
Report this comment
April 16th, 2011 at 10:34 am
Inthlan dawn hian hmuihmer a la tla rual deuh va, chutih lai chuan MLA pawh an la awm bik lo va. Thlan tlin chiah hian MLA rilru-ah vote-tu mipui an hla tan telh telh a, mipui pawhin tenure tawp lamah tawh hi chuan MLA ni leh tur dang an melh khu ruai leh tawh thin mai maw le! Sem sem dam dam tih lai chuan kan innel, ei bil thi thi a nih tawh meuh hi chuan a chhang eitu doral-ah an chang ta maw tih a ni zel.
Report this comment