by Thansailova, Chhakchhuak : Sesawng Filed Veng. [MUP TLANGAU JUNE 2001 atanga lak chhawn a ni e.
Chhâm hi Ramhuai chi khat hming sawina a ni. Sih huai lalpa hming a ni. Pi pute’n Pathian thu an la awi hma chuan ramhuai hi an be thin a, an nat hian Ramhuai man leh tihnatah an inngai tlat thin a. Chuvangin Ar-a inthawi a ngai. Vawkte te, Ui te, Puithiamin a chawh thin a. Tichuan ramhuai tihlungawi tumin an inthawi thin a.
Tin, lo vahsan an han la thar a, an lova Sih a lo awm chuan Chham hi tihlungawi loh an hlau a, SIH hman a tul an ti a, Ar-in an zu tlawn lungawi hmasa thin a ni. Ka la hriat reng pakhat chu – Ka pa u hi Puithiam a ni a, lo kan vah hmain Sih kan lo vahna turah a awm tlat mai a, kan zu tlawn lungawi ta a. Arpa kan keng a, heti hian a han chhampual vel ta a. ‘Chawm nu, chawm pa ka thu min lo ngaithlaksak ang che, kumin chu i ramah lo kan rawn nei ve dawn, i duh loh zawng kan lo ti palh anih pawhin i naupang te pawh lo hrilh la, engtinmah min tina suh se, an zain lo hrilh vek ang che.
Kan buh bal leh thlaite malsawm bawk ang che’ a ti a. Thildang pawh a chham teuh a, ka hre thei tawh lo – i duhzawng anih ringin hei ar kan rawn keng a, khawngaihin min lo chhan sak ang che, a han ti a. Ar chu a nghawngah kan zai a, a thi te chu an far kual tir a, tichuan a bulah kan chhum a, a hmin veleh a serh kimin a la a, chaw tlem nen hnah chungah a va chhiah a, tichuan kan ei ve thei ta chauh thin a ni.
Sih huai la Chham hi Sihah hian a mu reng hian an ring a. Sih-a patek eng deuh zel zul lo awm thin hichhamek an ti thin. Hla siamtu chuan ‘Chhâm ang zalna kan dawh tling leh kan run rial tui ang a lo dai e,’ an tih hi. Aw le, a tawi thei ang berin ka hriat ve dan hi ka rawn ziak ve a ni e.
N.B : Pu K.L.Berema sawi dan nen pawh a inzul khawp mai. A ni phei chuan “Palian pui mai thatchhe deuh a ti tel kher a….Sih-ah hian a zal reng thin a ni awm e” tiin!
“Hmanah chuan hlimte’n laichhuatan maw,
Siali hel vala CHHÂM ang zal e !
Tual vawk so ri, bawh-ar khuang nen,
Chiar nghin nghian run kha a chul zo ta.
Sawn ni awm thei lo, run-in khartung,
Senmei dawhtling pawh rial ang dai e….”
Similar Posts:
- Mingoho min puh chhiatna mai mai a ni
- Impact of Ten Commandments with Kan Pipute
- RAMHUAI CHIHRANG HRANG KAN PI LEH PU TE LO HRIAT THIN DAN
- Kan ram leh sakhua sap salah hruailuh a ni
- Heyden Rial Night
April 18th, 2011 at 1:32 pm
a ngaihnawm hle mai
Report this comment
April 18th, 2011 at 1:33 pm
nia
Report this comment
April 18th, 2011 at 1:43 pm
Tawi ngaihnom..
Chhâm hi ramhuai tihna a nih chuan The Chhamanator hi ramhuai terminator tihna a ni mo
Report this comment
April 18th, 2011 at 1:45 pm
“Pi pute’n Pathian thu an la awi hma chuan ramhuai hi an be thin a..”
Kan Pi leh Pu te khan Ramhuai chu an be lo deuh ang a, mahse tlawn lungawi erawh an tum thung. Khuanu/Pathian asin an biak..
Report this comment
April 18th, 2011 at 1:57 pm
2nd para a chawmnu,chawmpa tih leh chham hi ramhuai chi dang ve ve an ni emaw ka tia
Report this comment
April 18th, 2011 at 2:03 pm
enge maw ti tak in he post hian ka lung a ti leng tlat,kan naupan lai a kanu leipui a kan feh thin lai te min ti ngai e…
Report this comment
April 18th, 2011 at 2:05 pm
A bengvarthlak hle mai…good post
Report this comment
April 18th, 2011 at 2:22 pm
a bengvar thlak thin e…
Report this comment
April 18th, 2011 at 2:22 pm
#4, chhangte_ll : Kei pawh ka ngaihdan chuan Ramhuai bia kan nilo, an lakah kan inthawi mai chauh a ni.
Pu Buanga’n Bible a lehlin pawh khan a puitute pahnih M.Suaka leh Thangphunga te pahnih kha Pathian nge ropui Khuanu tihah khan an inhnial ta tlat mai si a, Pu Buanga khan Jehova a ropui ber tiin a thelh ta ringawt an ti.
Kan mawllai pawh a Pathian/Khuanu be thin kan ni tih ka ring e.
A eng pawh chu lo ni ta se a topic Chham zawk khi chu a ngai reng e.
Report this comment
April 18th, 2011 at 2:23 pm
Animism-ah khan RAMHUAI AN BE LO, an propitiate thin zawk lawm!
Report this comment
April 18th, 2011 at 2:26 pm
#5, Jacka pi : Chawm-nu hi hla thuah chuan phungpuinu tih nan te pawh an hmang a. Mahse heta chawm nu & chawm pa a hman hi an dawi-hla chhampual a an hman ni maiah ka ngai. Khaw hrang hrang tih dan a inang vek kher lovang.
Report this comment
April 18th, 2011 at 2:28 pm
#3, Hmeichhe thluak hi an chhulin a control vek an ti thin a, chuvangin nang pawh i chhul a chak tha viau in ka ring
Report this comment
April 18th, 2011 at 2:34 pm
Lushai leh ta maw, nizan kha in lo haw daih a, nizan wreath ka dah ve kha keima lei a dah ve hrim hrim emaw an tia..hahaha…min zawt nual mai, a nalh ber an ti..lolzz.
Report this comment
April 18th, 2011 at 2:36 pm
# 4..sangte II a dik….ramhuai/sihhuai/lunghuai/mauhuai etc an be ngailo an tlawn lungawi thin zawk…….
Chungber Pathian awm chu an ring ve tho a mahse mihring nuna involve ngailo ah an ngai thin chuvangin mihring tana pawi khawih thin huai ho hi an tlawn ….
Report this comment
April 18th, 2011 at 3:13 pm
A chham ka hriat vawikhatna
KL Berema pa Ztu Kamlova ka pu lo ah kan riak ho thin kum 40 liam ta khan .
Phung. Ramhuai Tau Lasi Thlahrang Huai
ka tan veks
Report this comment
April 18th, 2011 at 3:20 pm
Thlahrang hi ka hlau thin a,mahse Dr.Faustus ka chhiar atangin thlahrang kan tih tak hi chu ramhuai, mitthi tawh anga rawn inlar mai mai an ni tih ka pawm hmiah,ka hlauh a reh hmaks
Report this comment
April 18th, 2011 at 3:20 pm
A bengvar thlak thin mange.
Lusei ho superstitious zia hi chu aw.
Report this comment
April 18th, 2011 at 3:28 pm
#9Kan mawllai pawh a Pathian/Khuanu be thin kan ni tih ka ring e.
Pathian leh Khuanu pawh hi a concept dang deuh ni awm tak chuan ka hria. Pathian hi chu biak phak loh, mihring nena inhne reng reng lo, zahawm tak engkim bul ni si-Hindu hovin Brahman an sawi ang deuh hi niin ka hria a.
Khuanu erawh hi chu mihringteah a intervene nasa hle khawchin reltu pawh a ni a-Christian theology atang thlir ila(indigenization form chuan)Thlarau Thianghlim role ang hi a ni ang.
Report this comment
April 18th, 2011 at 3:41 pm
Hawrrawppui hman chuan thlûkna hman kher a ngailo an ti thin, ka zirtirtute chuan.Chutiang a nih si chuan I thupui khi siam that ka rawt e??
Report this comment
April 18th, 2011 at 4:18 pm
Hriatna a zau phah leh ta sawt e…Tunah tak hian Chham ang zal pui tur ka van duh ve aw
Report this comment
April 18th, 2011 at 4:29 pm
#19, kei pawn ka dah ngai lo asin mawle, ka kuthlei deuhin symbols ka click a, a lo awm teh teuh a. Kan hmang ve ta mai maw le. Inzitirtute chu ka tan ve tlat e.
Report this comment
April 18th, 2011 at 4:34 pm
#18 @ Vakul : Rev. Zairema [L] khan lehkhabu a ziak tawh nghe nghe asin. A thesis a ahman a ni bawkin ka hria…..Chutiang lam hawi chuan ka lo thluk lem lova, CHHAM zawk pawimawhna hi he post hian a tum ber zawk nise.
Report this comment
April 18th, 2011 at 4:42 pm
#22 ni zawk leh si rawh se.
Report this comment
April 18th, 2011 at 4:57 pm
Kan khua Forest Reserve Sunctuary ah pawh sawn Sial Sih nung tha tak a awm a. A bul hnaiah chakma hoin lo an neih dawn avangin an inthawi kual vel a,kava kal ve ngat a. Chham zalna ni awma langte pawh kum lama upa deuhte khan min kawhhmuh ve.Chakma ho khan an hlauh deuh viau avangin anlo dawi thi daih a. Ka lungawilo teh asin. Mahse tunah chuan a nung tha leh tawh a Sial leh ramsa dangte pawn an tlan leh tawh e. Superstitous vakna chi pawh a ni lemlo in ka hria. Sih hi a nelawm vak lo hrim hrim a,a hrisel ka ring miah lo bawk.
Mizotawng thumal thi mai thei ni awma lang ilo chhawpchhuak a tha ka ti hle mai…
Report this comment
April 18th, 2011 at 8:31 pm
A bengvar thalk khawp mai
Report this comment
April 18th, 2011 at 9:20 pm
Mizote hian HUAI chi hrang hrang kan neihte zingah CHHAM hi chu chunglam a leng ni lovin Lui chhung,leihnuai ah te awmin an ngai .Tin, thlarau chiah pawh ni lovin nung ve ah an ngai bawk. CHHAM KHUR te CHHAM EK te hi awmin an ngai a,Khur thuk tak mai a tawp chin pawh hriatlohte hi CHHAM KHUR an ti. Chuvangin CHHAM hi sihah chauh ni lovin hmundang/ramdangah pawh hian a awm thei niin an ngai .Chhimbalte pawh hi CHHAM thawkchhuah niah an ngai a,khur thuk tak atanga lo chhuakin an hria a ni.(An ngaihdan erawh a inang vek lem lo)
Report this comment
April 18th, 2011 at 9:27 pm
Ka pa chu puithiam a th khyn,lushai a pa maw kn tih trut chu…
Report this comment