‘Vanglaini Mizo Award’ hmasa ber chu Brig. T sailo hnenah hlan a ni. Brig. T sailo hi MPC President hlui leh Mizoram Chief Minister hlui a ni.
Pu Thenphunga hi Mizo zinga Indian Army a Brigadier kan neih hmasak ber leh awmchhun a la ni a. Sipai lama a pension hnuin politics lamah nawrluihna avanga lutin Chief Minister atan tum hnih thlan a ni.
Brig. T sailo hian ram tan thil tam tak a lo thawk tawh a. Rambuai laia mizoram a tlawh kuala, an tawrhnate chu ziakin khatih hunlaia PM Indira Gandhi leh sipai lama thuneitute a thawn hial a nih kha. Tin, a CM laia ‘The six basic needs’ te kha tun thleng hian a la pawimawh reng niin keichuan ka hria.
Awle, he award hi a dawngtu hian a phu kan ti chiah em! I sawiho teh ang u..
pic: Vanglaini
Similar Posts:
- Brig. T Sailo-in Mizo Battalion din turin ngen
- MNF-in India a dona chhan, CM-in a sawifiah
- Mizoram Chief Minister turin tunge tha ber ang?
- UDA CM candidate atan T. Sailo
- Who dares wins
April 20th, 2011 at 7:07 pm
@Pc, buai lehzualnaah min hruailuh ka hre lo. Remna leh muanna a sign duhloh chhan kha chu ‘state’ nihna pek phawt a duh vang niin rual u ten an sawi thin. Mahni inenkawla, state nih phawt a duh a, UT atanga state a hlankai phawt a duh vang kha a ni lo’m ni remna leh muanna lam a sign duhloh. Ani tluka ram hmangaihtu hi an tam lovang. A chanchin i hriatchian duh chuan amahin a chanchin a ziah leh ‘mizoram hruaitute sulhnu’ tihah khan lo en ve mai teh a
Report this comment
April 20th, 2011 at 7:33 pm
Phu ka tih leh ka ngaihsan berin a dawng a, ka lawmpui khop mai…
Report this comment
April 20th, 2011 at 7:40 pm
Pu KT & Zorunpuia, sawi loh loh tur kan sawi palh ang e. Kan duhtawk teh ang. Mahse, Special Force kha tunge chhawra tunge titawpa, hlawh pe? Tutenge hming thlak zurzut.
Report this comment
April 20th, 2011 at 7:47 pm
@Pc-a, I thil hriat ang khi ka hre ve duh min lo mail teh a??? Enge thu dik ani lawm ni kan tan a kan rak kan rak le! Thudik a nih chuan sawi chhuah pawm pawm tur
Report this comment
April 20th, 2011 at 7:51 pm
@pc, sawi loh tur tur a awm hran lo. rawn sawi zel rawh.. Special Force te thil tih dik lo leh chet hleihluakna ziaka delhia theh luttu kha tunge? Lt.Governor-in ngaihdam a dil chiam kha tunge a nih? Special Force dintu khatih laia mizoram Lt.Governor an suspend-na lehkha order leh argument pawh dil chhuah thlap theih a ni a, a copy pawh Pu Thena hian a kawl thlap. I duh chuan Aizawl Kanan vengah i han dil chhuak dawn nia. Rambuaia min hnuk lut a, nunau pawi sawi lo te tawrhna nasa tak thlentu leh nunna hlu tak kan hlauhna tichhuaktu chu Laldenga a ni dawn lawm ni?
Report this comment
April 20th, 2011 at 7:52 pm
UT hnuaiah leh rambuaiah chuan special force ho kha an awm tlangpui niin ka hria. @pc, eng party mah ka tan chuanglo tih hre hmasa la. Pu Thena a CM lai khan theihtawpin a fimkhur ve a. A chhan pawh ‘thah tur’ tia thupek awm vang kha a nia. Nang ni la special force kha i hmang ve mai lo’ng maw? Bakah special force kha a din a ni loh zia a sawikha internetah chhiartur a awm ang..
Report this comment
April 20th, 2011 at 7:58 pm
Tunlaiah chuan documented ho kha dil chhuah theih vek tawh a ni a. Pu Thena’n Special Force ho a hekna leh Lt.Governor sual zia lehkha ziaka a theh luh pawh a copy a dil chhuak vek theih tawh Lawyer pakhat hruai la, an lo pe vek thei ang che u.
Special Force thu hlaah hian thu puarpawleng vakvai dika la ngai tlat kan awm hi a pawi khawp mai. Central sawrkar policy tharah hmuh tlang theih tura en phal a nih tawh a hnu..
Report this comment
April 20th, 2011 at 8:09 pm
Vaiva, rambuai kum 1966 atanga, kan Chief Minister neih tawh zawng zawnga ralmuanglo ber chu, tuna Award dawngtu hi a ni tih bak engvangmah ka hrelo.
Report this comment
April 20th, 2011 at 8:10 pm
Boruak ava san hmel ve, Kan ram hruaitute hi kan mil loh zawng emaw kan ei loh zawng emaw pawh nise mimal deu zawng leh mawihnailo zawng chuancheksawlh lo hram ang u, mimal ni lovin an policy zawk hi nilawm ni kan en tur?
Report this comment
April 20th, 2011 at 8:23 pm
Ni e. Tuna Award semtute semchhan tak pawh “Mizo naupangten ngaihsan tur dik an hriat theih nan” tih a ni a. Naupan lai atanga pension tawh an nih thlenga an thil tih zirchiangin an chhui hle ni pawhin a lang a, a mizo pumpui huap a nih miau avangin kum la naupang tak tak te tan chuan dawn ngaihna a awm vak lo, kal lai mek an nih chauh avangin.
Rambuai lai chungchangah ngat phei chuan a dik ber hriat a harsa tawh a, engkim kha a chiai vek tawh a ni ber. Mahse dawta inpuhna ang chi leh chanchinbua chhuah tam tak te kha chu documented haichhuak leh te chuan pawi an tih thu an sawi chawk. Chuvangin hetia mi sawi rin bur ai chuan mahni ngeiin finfiah ila a tha ber. Ziaka awm thlip thlep a nih avangin haichhuah a har lo. An ti a lawm, an sawi ka hria, etc.. vela lo buai chiam hi a thra lem lo. Amah Pu Thena ngei pawhin lehkhabu a ziahah document pawimawh tam tak a thil tel a, heng te atang pawh hian ngaihruat theih tur tam tak a awm ruak.
Vanglaini ten an tihchhan ber leh tum ber chu “Mizo thalai leh naupangten ngaihsan tur dik an hriat theih nan”(Value system), tih a ni a. Naupang huaisen an ngaihsan a, lehkha zir peih leh taima an entawn a tul. Zoram puma pakhatna ni pha an ngaihsan a tul a, mahni hnathawhah a hruaitu lu leh thu nei china mizote pawh kan awm ve thei a ni tih an hriat tel a tul. Chutihrualin ram leh hnamin hreawm nasa tak a tuara ralkhat atanga kuangkuaha thlir mai lo va mahni ngeiin lutchilh a, theihtawp chhuah a pawimawhzia Pu Thenah hian zirtur a awm.
Hruaitu leh lal ber chu dik leh rinawm tlat tur an nihzia entir a lo ngai leh ngei ang, chumi piah lamah vision nena ram enkawl a tul zia hriat tel leh ngaihpawimawh a tulzia te thlengin an hriat a thra. Entirnan; vote zawn nana Chaka district pek ngawt ang te leh a hnua hnam leh ramin a la tawrh theihdan tur te ngaihtuah tel mi naupangten entawn tur hero an neih a tul tlat.
Report this comment
April 20th, 2011 at 9:55 pm
PU Thena hi a dik ropui sia, kan mil loh zawng anih chuan thil nuam lo tak ani ta ve ang, ani tluka dawng awm hi in hriat han thawh ula.
Report this comment
April 21st, 2011 at 12:18 am
E heu, he lai hi a ngaihnawm hmel lutuk, comment a tam lutuk, tun ah ka chhiar peih hrihlo. Kei pawh Pu Thena’n a dawng tih ka hriat khan ngaihdan a phir nulh dawn tih chu ka hre nghal. Lawm em em tur ka rin hriat, lawm reng reng lo tur ka hre nghal bawk. Pu K.Sapdanga’n propoganda a nei em tih te pawh ka inzawt mai mai bawk. Pu Thena erawh ka lawmpui reng, midik ah ka ngai, Mizo in a mitha kan tih erawh chu a ni lo.
Engmah chhiar lovin ka comment ve phawt.
Report this comment
April 21st, 2011 at 12:53 am
A dawng tur diktakin a dawngah ka ngai
@Pc-a! Nia Zorunpuia @110 comment ang hian mi thusawi, a bikin hmelmate thusawi phei hi chu awih loh phawt hi a dik zawk fo. Zorunpuia comment ang ho hi keipawh ka hre nual tawh a, min hrilhtu khan a dik zia leh a fiah dan zawng zawng a sawi thlap. Pu Thena nihna diktak a lo hriat loh zia leh a hmelma ten an itsik a amah tih chhiat nan a dawt a mipui an bum hneh zia pawh a sawi. Kei phei chuan fiah kher lo mah i la a sawi tu hi mi rinawm leh a hriat chian hma a Pu Thena haw tu zing a tel a nih avangin a thusawi hi ka ring thlap. Tin, PC party khan ro an rel lai khan party dang ang tho vin thil dik lo tamtak an tih ve ngei ka ring tho. Mahse CM tan a hnuai a awm zawng zawng te control theih a nih loh bakah Pu Thena hriat pui ngat hi chuan hlemhletna ang chi hi an tih ka ring lo bur.
Pu Thena hian thu dik a duh lutuk avang leh tawngkam a thiam loh avangin huat a hlawh fo bawk. Politician diktak
rilru a pu pha lo a ni mai thei. Vawikhat chu a hnuai a pa langsar ve deuh thin bulah hian Pu Thenan dikna a lo ngaisan zia an sawi ka hriat thu leh ram hruaitu a tan a a tluk an awm theih ka rin loh thu ka sawi a. ” Ram hruaitu nih thiam hek lo. A mah a dik lutuk a, thudik ni a a hriat chu mi rilru tina tur pawh a sawi zel a, ram hruaitu ni tur chuan tawngkam nem a tawng thiam te a ngai a, a mah dik in eng ang a vision tha nei pawh nise, mipui hruaituah a tling lo a ni” a ti daih thung 
Report this comment
April 21st, 2011 at 2:18 am
I love this post and all the comments. Tha ka va han ti em. Nia, Brig. T Sailo hi ka ngaisang in ka hero chu a ni khawp mai. Ka dream leader chu – mi huaisen, hlawhchhamna leh beidawnna na in a chher hriam, rinawmna leh dikna, rangkachak ai a mawi a chei, ram hmangaih tlat tu, kan hun tawp ah kan thil tih zawng2 pho lanin Pathian hmaah a la awm dawn tih hre reng a Pathian tih tu, tumruhna leh tawrh chhelna thil tih theih zia hre reng tu, chak loh lai ber poh a Pathian a awm tih hre reng thin tu. Pu Thena hi ka hre chiang miah lo a mahse ka dream leader reality pakhat chu a ni chiang mai
Report this comment
April 21st, 2011 at 2:53 am
A phu in ka hria.
Mahse, ka lo in beisei deuh asin mawle.
Kan naupan laiin ka mumangah Pu Thenphunga hi ka lo hmua; tuikhur rala a’n lo then phung mai chu(h. Ka va’n hlau tak em!!! Ka mumanga a hmel chu hetiang deuh hi a nia
Report this comment
April 21st, 2011 at 3:02 am
Eng pawh ni se in sawi tam ta hle mai.kan Cm neih zawng zawng ah hian tu hi nge dikna ngaisang ti a mihriat hlawh awm ve le,Pu thena chu dikna a ngai sang a,Mitaima leh tumruh a ni bawk.mahse Zoram in midik leh tumruh kan ma mawh hrih lo a niang e.He award an nominate ho zawng zawng hian dawng tlak vek an ni ka ti,thlan thiam pawh a har hle ang,ka mi ngaihsan hlir te an ni bawk.A maherawh chu kan politician te ah chuan Brig T sailo tih lo chu dawng tlak a hnathawk,ramhmangaih,mitum ruh leh Mi dik chu an awm rih lo a ni e…
Report this comment
April 21st, 2011 at 3:38 am
Pu Thena kha chuan Special force kha chu a chhiatpui niin ka hre deuh, MNF mi tenawm hovin mipui hnenah thu diklo an thehdarh vak emawni dawn ni…
(MNF zawng zawng an tenawm tihna nilovin)
Pu Thena hian a phu ti an tam berin ka hria, a politician nihna lam nilovin ram a hmangaihna leh ram tana theihtawp alo chhuah tawh na ah. Thangtharte tan pawh entawn tlak tak ani in ka hria.
Mi dik leh tha leh ram in a mamawh tak tak hi chu politics ah hian an survive hleitheilo chu anih hi, mipuiin kan zir miau loh chuan…
Report this comment
April 21st, 2011 at 3:42 am
Pu Thena hi a tlangpui thuah Mizo politician awm tawh zawng2 a laktlak ber ani maithei. Zohnahthlak zawng2 tan pawh chhuanawm a ni. Burma lam tan lek phei chuan Zoro atang ngawt pawh khan
Insuihkhawm leh erawh theih dawn tawhlo mahse, unau hmelhai tal hi chu kan sim chu angai a ni e.
Report this comment
April 21st, 2011 at 3:43 am
Ti daih ila inthlan leh hunah hian PC leh mipui tangrual pawl hi an thawk dun angem aw…
Report this comment
April 21st, 2011 at 3:48 am
Party member nihna nei ve fir fer mah ila, mihring/mimal atangin vote tur thlan nachang kan hriat hunah Mizoram chuan hma kan sawn ve deuh ang.
A hmasa berin, party mipui ten term khat party president tur thlang ve thin sela chuan a ziaawm sawt bawkin ka ring. Member te aiawh anga OB ang ten emaw party president an thlang mai thin hian engemaw chenah thil a ti sukuk thei thin.
Report this comment
April 21st, 2011 at 3:57 am
Ka lawmpui khop mai Pu Thena chu, aphu ani. Mizo te tan Model atling ka ti.
Report this comment
April 21st, 2011 at 8:56 am
ka chhiar ve chiah.. comments pawh ka chhiar zo vek.. a ngaihnawm eeee.
.mahse congress i ni emaw, pc emaw, mnf emaw, neutral politik ngaisang lo lubuk i ni emaw, tunlai thangthar ten an tlakchham emem aia upa zahna tawngkam neih hram hram a tha. Hria maw @funny.. (kan ei loh zawng tak pawh nise Lalvision-a, hawl phoro-a, zo bamboo-a tih vel a kan ram hruaitu te kan address hian kan thlen chin a hriat tlat)
tin Vision leh dream hre hrang lo kan awm nual bawk.
comments ei loh deuh deuh ka va ngah ve
Tar Award….. ummmm he award dawng tur hian thalai te zingah phu tih innei em? Upa te hi an hlu a, sulhnu an lo ngah tawh a, an hnung kan zui pha lo chu a ni… Nominees te hian an phu e.. an ne han ek pha thalai zingah an awm tlat lo
Special Force a lo la inpuh kikual vel hi a hawi zau loh thlak deuh ka tia
Pu Sangthankima & Pu Rokhuma hian dawng se ka ti ve khawp mai.
Brig T Sailo an motinagar shillonga a in hralh tak kha Nuai 70 man vel niin ka hria. He in hi ka college kal laiin 2003 vel khan ka lo luah tawh a, Panaar chhungkua in an lei a an fanu chu Nuai 70 chhawm-i kan ti thin.
Brig-a hi ka ngaisang asin kei chuan ..NEUTRAL ni mah ila.
Hruaitu tha, Hruaitu dik, Eirukna duhlo mi kan duh tiin iak iak thin mah ila, mipuite hian kan zo lo.. ka paihthla leh thuai ang. Tuna kan ram hruaitu te min hruai dan hi kan inhmeh tawk chiah!!!!!
Congrats ..Pu Thenphunga Sailo
Report this comment
April 21st, 2011 at 10:26 am
Ka lawmpui e
” Sorkar hna party mi leh sa leh chhungkhat lainate pek vak vak hi Pu Thena tihchhuah ” Auhmuna’n a ti lo!
Report this comment
April 21st, 2011 at 10:27 am
ka ni hian congress party a supporta,contract te poh a thawk ve fo mai, mahse Pu Thena a duh lutuk amah anih chuan ka vote tho ang ati thin.
Report this comment
April 21st, 2011 at 10:30 am
@ninja, iti tak tak amaw ava mak ve, Pu Thena te sorkar lai ka hre chaing ve chaih lova.
Report this comment
April 21st, 2011 at 11:09 am
Sipaiin Pu Thena fapa kaphlum anga an inngaiha, an hotu pakhatin Pu Thena bula ngaihdam a dil a, a fapa a ni tih hria se an tih loh tur thu a hrilh a Pu Thena chhanletna kha a pui khawp mai- ‘sipai i ni a, hel i bei a. I tihtur i ti a ni mai e, i hna i thawka, i tihsual a awmlo’ a ti kha ropui ka ti!
Report this comment
April 21st, 2011 at 3:36 pm
Helai chu ka hming ilo lam ani maw Lal_he_pa. He hu mai.
Ka hming a naranin lam suh. muahahaha
Report this comment