Inkawm khawmnaa awmdan tur thiam hi ahar thin viau, tum erawhin a inzir ve theih viau thung awm e! Tum chhin tur chuan mi hawiher leh chezia thlithlai ruk peih angai viau thung. Thlithlai ruk han tih hian an chezia reng reng mita chhui zet zet lam ni lovin, mi pangai te awmdan atangin tum chuan a inzir theih hle tihlam ni sela.
Mizo te hi ramdang/hmun dangah kan teihawi nasa ve tawhin, awmnghet zui pawh kan awm ve ta nual mai. Mizoram chhung ani emaw, ram pawn ani emaw, mihring kan nih angin kan dam chhung inzir zel tur kan ni tlat. Midang kianga awmdan tur pawimawh nia ka hriat tlem kan tarlang ange.
Thian emaw thawhpui te nen emaw kan awmkhawmna/inkawmna hmunah kan tawng thiamlo an awmin, mahni tawng hman zat zat mai hi thil mawilo tak leh mawl thlak tak niin ka hria. Hnamdang, kan tawng hrethiamlo kan zingah (inkawm khawm naah emaw) an awm anih chuan kan hriat tlan theih tur tawng (language) hman hi mi hawihhawm leh awmdan mawi hria nihna niah ka ngai. Mizo leh Mizo pawh English emaw a inbiak zet zet mai hian mahni hnam chawimawi aiin a nilo lam (negative) a kawk daih thei bawk.
Midang kan kiangah an awm anih chuan phone kan hman atul anih pawhin, i hmelhriat te an awm anih chuan, “Phone kan hmang lawk ange aw,” tiin emaw hnamdang annih chuan, “excuse me” tiin kalsawn ila, an tan a ninawm phak lohna turah kan biak tur chu biak ni thin sela, a mawi hlein ka hria. Motor chuanna emaw kalsawn theih mai lohna hmunah kan awm anih pawhin atawi thei ang berin ring lo tein biak zuai emaw, a pawimawh em em lo anih chuan, “Nakinah kalo bia ang che,” emaw ti a, kan kianga awm te zahthiam hi mi hawihhawm nihna niin ka hre bawk. Mi thil chik mi te chuan, “Bluetooth kan hmang anih pawhin mi â ang maia mahni inbia niawm taka kan awmloh nan, kan ka (mouth) hi han hup deuh ila, a mawi bik e,” an la ti fo.
Thu kan sawiin fiamthu emaw titi phung pangai anih lem lova, thuthang mai kan sawi dawn anih chuan, thuthang mai anih thu sawi tel hi a finthlak. Chuti lova, thuhtang kan hriat ang ang kan sawichhawng mai thin anih a, alo diklo anih leh si chuan mi rintlak loh nihna a ni thei. Mi thusawi ngaichang hmasa lova tawng inchuh vak kan ching te hi midang ngaihsaklo/ngai pawimawh lo nihna pakhat a ni theiin ka hria. Miin thu an sawi laiin thildang lo rawlh chhen lova, ngaihthlak tluan sak hi chetdan mawi a ni fo awm e.
Similar Posts:
- Chawhlui kil naah!
- Airtel Mizo customer care
- Mizo Mizona Zahpui Lo Ila
- Mizotawng chungchâng bawk!
- Phunchiar teh ang!
April 21st, 2011 at 9:03 am
Dik khawp mai.Hnamdang te hi politeness-ah hi chuan kan pha lo deuh em aw,ka ti thin.Mahse thian a tan chuan kan thain kan rin awm hle thung.
Report this comment
April 21st, 2011 at 9:08 am
Aaaa…I sawi zawng zawng khi ka ti ve ngai lo
Report this comment
April 21st, 2011 at 9:13 am
Tha hlawm hle mai. Bengvar tlak e.
“Mizo leh Mizo pawh English emaw a inbiak zet zet mai hian mahni hnam chawimawi aiin a nilo lam (negative) a kawk daih thei bawk” i tih hi a hmaa sentence nen hian hmeh rem dan ka va bo ve! Hnam dang an awm chuan Mizo leh Mizo pawh Mizo tawng chauh hmang lovin Sap tawngte pawhin inbia ila, a la mawi zawk tho lo maw?
Report this comment
April 21st, 2011 at 9:32 am
Mizo leh Mizo awmkhawm na ah pawh in tihchangkan nan a Saptawng hman kher hi atul ber lo a, Kan kar ah hnam dang thiante an awm anih chuan thuhran,,,
Report this comment
April 21st, 2011 at 9:39 am
keimah, #3 ahma ami nen hmeh bel chi ani lovang. a kawk daih thei bawk kan tih zawm zat khian a sawi tum a kawk fuh emaw kalo ti mai asin, tih palh.
Mizo hlang awm se Mizo tawng hmang lova English hman a mawi loh laiin, Mizo 1 aia tam awm khawm naa Mizo nilo emaw, tawng thiamlo an awmin tawng hriat tlan theih hman a mawi, ka tihna ani e.
Inkawm khawm naa kan tawng thiam loh thumal pakhat lek emaw midang te an han inrilh zeuh ringawt pawh hian ngaih a ti thalo awl thei viau a ni. A hawihhawm loh thlak thei viau.
Report this comment
April 21st, 2011 at 9:42 am
Report this comment
April 21st, 2011 at 9:43 am
Kanchha chu’h
Report this comment
April 21st, 2011 at 9:54 am
Report this comment
April 21st, 2011 at 10:03 am
Ka like e… Awmdan mawi hian thian tha tak a siam theih..
Report this comment
April 21st, 2011 at 10:08 am
Dik hle mai a. Kan lehkha zir ve lai khan mizoten ka tlakchham em em chu hnamdang kan zinga an tel a saptawng kan hmang the duh tlat thin lo kha ani. Kan Northeast unau dangte hi hemi kawngah hian kan tluklo vekin ka hria.
Report this comment
April 21st, 2011 at 10:16 am
HV, iti dik khawp mai, keipawh ka thian Mara ten 2, 3 an awma an tawng min hmangsan daih chuan min rel emaw ka ti fo thin. Mahse mahni tawng hman hi chu alo awl sam thin bok si.
Report this comment
April 21st, 2011 at 10:25 am
Phone-a mi biak chuangchang khi han sawi ve ka duh. Office thenkhat kan han dawr a, kan inbiak reng laiin phone call a lo kal a, keini personal-a va kal te aia phone atanga rawn call mai maitu an han ngaipawimawh daih thin hi, ka huat zawng tak. Tha leh zung senga min dawrtute ngaihpawimawh nachang hriat a hun tawh khawp chuan ka hria.
Patling-in thuthang mai mai-ni awm taka mi dem nana ‘miin an sawi a lawm’ an tih hian an nupuite sawi a lo ni duh khawp.
Report this comment
April 21st, 2011 at 10:26 am
Chung zawk lo lang leh sia,
Report this comment
April 21st, 2011 at 10:32 am
Post dik lutuk, comment lam pawhin in ti dik vek e….100% mark in hmu theuh.
Post tha a zir tur awm hi chu zir zel tur a ni ngai…. a tha a tha ti ringawt a zawm chuan siloh chu…. Sunday a biakin a inkhawm a, a sawi tha hle mai ti a zawm chuan siloh nen a in ang reng… zawm lam ah tan lak a tul ngei ang le…..
Pu HV.. tha lutuk… kut zungpui pir ka pe che…
Report this comment
April 21st, 2011 at 11:23 am
Dik khawp mai,internet site vela OT hi chu kala hrethiam,a hring a hrana titi laia emergency pawh ni lem lova Topic dang daih rawn thawh ching hi an ti awmang lo ka ti thin
Report this comment
April 21st, 2011 at 11:25 am
Tha lutuk ti liam ringawt lova a zawm a zawm nghal chi a nih hi mawle,
Report this comment
April 21st, 2011 at 11:48 am
He thil hi Mizovin zir kan ngai zualin ka hria. Khasi ho hi an fel nekin ka hria (Ka kawm tam lem lo na a)
Report this comment
April 21st, 2011 at 11:54 am
Good post
Report this comment
April 21st, 2011 at 2:00 pm
Pu HV, ka lawm e. Ka hrethiam ta e. Mizo hlang awm khawmnaa Sap tawng emaw han hman vel kher hi chu kei pawh a tul lo ka tih bakah Choak arawn chang tawn te pawh kan ang deuh roh ang tih ka hlau!
Report this comment
April 21st, 2011 at 2:37 pm
a va’n tha ve aw, n’e awmdan mawi hrang hrnag kan hriat apiang hi zawm zel ang u, a tirah chuan theinghilh palh a awm mahse kan hre chhawm ve mai. tha lutuk. booosss nge nge
polite hi a tha, over polite pawh a tha polite lo ai chuan 
Report this comment
April 21st, 2011 at 3:42 pm
A tawpa i sawi, tawng inchuh chungchang khi a pawimawh khawpin ka hria. Vaiho hian an hrat ngang mai a, TV a an discussion te hi en a tihahthlak thin. A tawng ring ring, a tawng rang rang, a pawr pawr hi an thu a langsar ta thin a. Changkan lohna zia pakhat a ni. BBC, CNN tih velah hi chuan an ching ve mang hauh lo thung.
Hnam dang nena awmho-a Mizo tawnga inbiak zeuh zeuh bik hi a polite lo viau nain a nuam duh! Nizanah pawh vai chhungkua chaw eiah kan sawm a. An hriat thiam ve loha inbiakna tawng kan nei bik min awhzia an sawi.
Report this comment
April 21st, 2011 at 6:21 pm
Nia, vaiho zingah kher chuan zo leh zo te chu han in “Eng nga?” lawp lawp mah ila a pawi vak dawn em ni? Tin, a nuam ve hranpa riau sia.
Report this comment
April 21st, 2011 at 6:28 pm
#21 leh #22 Ngaihsam nihna leh in ngaih pawimawh lohna a niin ka hria.
“One of the greatest victories you can gain over someone is to beat him at politeness.”
Report this comment
April 21st, 2011 at 6:37 pm
Nuam kan tih ang ngawta khawsak kher loh hian mi hawihhawmah min siam thei. Good manners are made up of petty sacrifices.
Eric Hoffer pawhin, “Rudeness is the weak man’s imitation of strength,” alo tih kha. Midang kan ngaihsak loh hian hawihhawm lo, manner neilo (rude) kan ni thin.
Report this comment
April 21st, 2011 at 6:51 pm
Tin kan titi anih chuan mahni turn nghah thiam atha. Tin mi thusawi attention pe in ngaithla thin bawk ila.. (Zurui phun kual vel an nih loh chuan he he!!)
Thenkhat chu mahni interest zawng an sawi vak a, midang in an sawi ve ngaithla lo tih hriat deuh a Off Topic deuh a rawn tawng leh kan awm thin. Hei hi kei chuan ka ngaimawh khawp mai!! Pu HV i titha e
Report this comment
April 21st, 2011 at 7:07 pm
#23 Vaiho an ni sia ka’n ti deuh mawle
Post tha tak a ni 
Report this comment
April 21st, 2011 at 8:31 pm
A tha khawp mai. Heti lampang post a tam lo lutuk a, post zeuh zeuh a tha.
Report this comment