(Aibawk khuaah sâwn kum eng’emaw zat liam tâa Sikul ka luhpui thin, Mr.X.Sailo inti hi a awm a. Nikum mai khân a phû tâwk, nupui duhawm tak a nei ve hlauh mai a….. Sikul kan luhho laiin a nupui turah duh thu a sâm thin a; chu a duhthusâmna chu hla in ka dahsak ta a. Tûn hnû a he hla ka’n hmuhchhuah tâkah hian a duhthusâm tak chu a nei tâ in ka hria.)
Ka thâi tur chu a zûapa sum mük zawng ka teh lo va,
A chûn leh zûa vanga nei tur ka ni lo;
Zalêng hril danin ‘Mihnuaihnung’ pawh ni se la,
Thâi tur tehfung atân ka hmang dawn chuang lo.
Beng hriatna chauh chhãwrin thâi tur ka thlang ngai lovang,
Beng leh mit tangkawp, chhia leh tha hriatna fîmin;
Lûngrîl thuthlûkna ka siam hmasa ang,
Lûngchhîra phêngphe’ khûa ka tlâi lohna turin.
Sum leh pâi, chhûngkaw dinhmun, a teha tehchhuah theih hi,
Thâi tur thlannaa’n hmun pawimawh ka chantîr lo’ng e,
Khawvel sal tânna ata min chhanchhuak theitu hi,
Thâi tura duhâisam ngêi chu a ni e.
Thâi tur hnen atanga hmangaihna chauh ka phût vangin,
Rohlu ber ‘HMANGAIHNA’ min hlan ka duh;
Damchhûnga pumkhata lûngrûal tur kan nih vangin,
Kumtlûanga ‘Enchim loh thâi’ pawm ka duh.
Similar Posts:
- Duhthusâm
- Malsawmna, i chhiar fo ang u…
- Sawrkar sikul te an tlachhia em ni?
- Hmangaihna Dik
- Biahthu ‘D’ in hlan nawn leh ang aw
. hairehai
April 22nd, 2011 at 10:01 pm
Ril leh pek hle mai.
Lengzem editor Vanneihtluanga hi I ni em?
Report this comment
April 22nd, 2011 at 10:06 pm
Pu Vanneihtluanga te anga mi ril tan lo chuan tiang hla thu hi phuahchhuah theih a ni dawn em ni le..?!
Report this comment
April 22nd, 2011 at 10:54 pm
Ril thei hle mai a.
Report this comment
April 22nd, 2011 at 11:04 pm
a tha e. mahse ka duh aiin thlukna dah i uar hret,’lungril’ tih te hi thluk tawi a ni lawmni?
Report this comment
April 22nd, 2011 at 11:22 pm
A chham a chham chi anih hmel e….. a tha hle mai
Report this comment
April 22nd, 2011 at 11:31 pm
test (chhin) ka login ve ngei em?
Report this comment
April 22nd, 2011 at 11:33 pm
I thuhma khi han siamrem zauh chu a chakawm mang e. He hla i hmuh chhuah leh takah chuan a duhthusam a nei ta nge, a duhthusam a nei ta ngei a, he hla i’n hmuh hian i hre chhuak, dem zawng che erawh chuan ka sawi lo ve.
I hlate hi a Rhyme a awm tha thlap zel a, a mawi thei.
Ka’n OT lawk mizo tawng hi hla rhyme nan chuan kawng tam takah a rem lo hian ka hre ve thin a. Rhyme rau rauah last word ai mahin internal Rhyme hi a inhmeh zawk mahin ka hria
Entirnan:
“ka lenrual lungduhte u, phang loten i pen ang u,
Ram riangte a kan kurpui, hmatiang sawna kan tulpui.
Ram kalsiam thuang a zau e, pheikhai chheh reng a zang e,
Kan luah ngei dawn e pen ru, …..i rel ang u”.
I post tha, i tui bawk si.
Report this comment
April 22nd, 2011 at 11:51 pm
#6, i log in ve ngei e…
Report this comment
April 22nd, 2011 at 11:54 pm
Tluanga hi VNT ani lo.LTT ani zawk e..Ka hriat dan chuan phengphehlepa(khumtung balhla zuar) thianpa ani.Tha thei khwp mai
Report this comment
April 22nd, 2011 at 11:54 pm
A thlûk hi hetia dah tùr zâwk hi a ni lo maw?:
Ka thái tùr chu a zúapa sum muk záwng ka teh lo va,
A chún leh zúa vànga nei tùr ka ni lo;
Zaléng hril dànin ‘Mihnüaihnung’ pawh ni se la,
Thái tùr tehfung atán ka hmang dáwn chüang lo.
Beng hrîatna chauh chhawrin thái tùr ka thlang ngäi lo vang,
Beng leh mit ṭang kawp, chhîa leh ṭha hrîatna fímin;
Lungril thutlûkna ka síam hmasà ang,
Lungchhïra phéngphe’ khúa ka tlài lohna tùrin.
Sum leh pái, chhúngkaw dinhmun, a teha tehchhuah theih hi,
Thái tùr thlannaa’n hmun pawimawh ka chantír lo’ng e,
Khawvêl sal tànna atä min chhanchhuak theitû hi,
Thái tùra duháisäm ngèi chu a ni e.
Thái tùr hnên aṭanga hmangaihna chauh ka phût vàngin,
Rohlu ber ‘HMANGAIHNA’ min hlan ka duh;
Damchhúnga pumkhata lungrúal tùr kan nih vàngin,
Kumtlúanga ‘Enchim loh thái’ pawm ka duh.
K rawn ti vêl mai mai a ni e! ‘i’ chunga ` dah hi a harsá ka ti deuhva ka duh ang thlapin ka rawn dah ta lo mai!
Report this comment
April 23rd, 2011 at 12:29 am
Hla thu mawi leh tha tak tak in chhawp chhuak fo mai a, ka thiam ve silo, ka hladuh ka rawn chhawp chhuak ve tawp mai e aw:
https://youtu.be/jnd1HCqy760
https://youtu.be/HSGnNXpRk9o
Report this comment
April 23rd, 2011 at 12:32 am
#10
A thlukna i rawn siamrem hi a dik tho mai. A tlangpuiin thlukna kan hman dan, Entirnan, ‘e’ lo hmang ila:
è=thluk hniam
é=thluk sang
ê=thluk fân
Amaherawhchu, a zawng a zaa zawm famkim hi a har thin riau.
ZOPPEN CLUB te’n Mizo tawng thumal thar an tihchhuahah khan, thlukna dah dan tur an rawn duang a. Kha pawh kha han hmang chiah ila, kan buai map map reng tho chuan ka ring. Thlukna rual khai zawk, kan zavaia kan pawm tlan theih tur hi Sorkar hian MAL te rawnin han duang se la, a tha mai awm e a.
Report this comment
April 23rd, 2011 at 12:37 am
He hla mawi tilo chu an daw duai
https://youtu.be/l05yTeOxqhE
Heipawh hi a MAN khawp mai
https://youtu.be/ZRMT-ybKjuw
Report this comment
April 23rd, 2011 at 12:39 am
#7
Han siam rem vel teh, a lo fuh phian zawk mahna.
Nia, Mizo tawnga kan hla phuah/siamah te hian ‘rhyme’ hi kan hmang thei khawp mai tih chu a hriat ve a. I rawn sawi ang hian ‘internal rhyme’ ngat phei hi chu a mawiin a nalh dangdai duh bik khawp mai.
Report this comment
April 23rd, 2011 at 12:53 am
#7 & #14 te rn comment k pawm thlap e….internal rhyme
ka lyk e
Report this comment
April 23rd, 2011 at 1:00 am
Tluanga chu #12 i tih dan hi ka ngaihtuah fo asin. Hetiang hi Chinese ho hian an tawng hetianga Roman alphabet an ziah chuan khitiang khian thlukna an hmang. Mizo tawng nen pawh ka hmehbel lui thin a, a dik thei viau.
Report this comment
April 23rd, 2011 at 1:12 am
Sailova’n sa se a lar leh mai thei!
Report this comment
April 23rd, 2011 at 4:10 am
mizo rap thiam ten an rap zuah2 mai ang a….
Report this comment
April 23rd, 2011 at 8:03 am
Hla tha tak a nih hi. Tluanga hi phuah tha thei khawp mai. Kei chu kan chhiar dik loh phah thei a nih si loh chuan chhinchhiahna dah chuai hi ka ngaina lo khawp mai. Ri sang, ri sang phei, ri sang kuai, ri hniam, ri hniam sei, ldt. dah teuh hian kan thuziak a ti changel hmun zawk mah thinin ka hria.
Report this comment
April 23rd, 2011 at 8:15 am
In va ril hlawm ve post & comment tu te. Kei chu music tui velo literature ni thei tho boksia tuilo veve. Mahsela chang tirlam pang khi athu atha
Report this comment
April 23rd, 2011 at 8:30 am
Hla tha tak a nih hi . .19 muantea . Kei pawh ka ngaihdan chiah a ni ,Chhinchhiah na chi hrang hrang hrethiam chin hi chuan a thluk chhinchhiah na dah lo mahse an chhiar sual chuang lo .
Report this comment
April 23rd, 2011 at 9:23 am
Hla tha tak, zirtir awmze nei a ni e……
chuan thlukna dah chungchang hi a buaithlak khawp mai…. thlukna dah ka thiam ve miah lo nia… chuvangin dah miah lo hian a thu a zirin a chhiar dik theih vek tho zu nia….
Report this comment
April 23rd, 2011 at 9:54 am
tluanga chu i “ngan” hle mai a
Report this comment
April 23rd, 2011 at 10:05 am
@rose: a ‘Ngan’ azawng in maw
Report this comment
April 23rd, 2011 at 10:07 am
badboy tluanga te chu ngan leh *rothap* deuh mai asin
Report this comment
April 23rd, 2011 at 10:14 am
rose, chu ‘rulngan’ a ni iti elaw
Report this comment
April 23rd, 2011 at 10:21 am
Thluk fan rau rau-ah thluk hniam fan leh thluk sang fan a awm leh bawk si…
Hmangaihna ringawt hi a ni bik lo….
Report this comment
April 23rd, 2011 at 10:32 am
beihbawi thin hi aw
ila thaibawih ang (OT)
Report this comment
April 23rd, 2011 at 10:37 am
@rose: thaibawiha.. teuh hian a hnailo,ka thai atan chuan ka thuawih chauh ka duh.. nih loh chuan out a nimai
Report this comment
April 23rd, 2011 at 10:42 am
badbawih ralte nick thlawka’n a sawi vek
Report this comment
April 23rd, 2011 at 10:53 am
haha awihawm loh emai a rose-te ahrelo bawk auh
Report this comment
April 23rd, 2011 at 10:56 am
behbawih i thai-bawihna tur pawh an zawng fel tawh anih awm chu
Report this comment
April 23rd, 2011 at 11:04 am
rose..thaibawih anti tawh ngailo chhungkaw tangrual anti thin tawh zawk a lawm
Report this comment
April 23rd, 2011 at 11:09 am
behbawi chepa rawkhalhah ..
lame excuse 
Report this comment
April 23rd, 2011 at 11:16 am
muantea #19 ka sawi tum tak i rawn sawichhuak e. Mit a hah ka ti chei par chhei chhuai lutuk hian. Chuan double vowel a awm hian thlukna hi dah kher a ngai em mi? Eg “zûapa”
Report this comment
April 23rd, 2011 at 11:17 am
Report this comment
April 23rd, 2011 at 11:49 am
Keini thluk dan tur hre lemlo chhiar deuh pawp2 tan phei chuan chhinchhiahna hman/dah hi tha ka tih zawng tak. #16 HV sawi ang khian hnamdangho hian an hmang nasa khawp, tawng zir ati awlsam
Report this comment